富軒 (寶達商場)

【富軒酒樓食評｜街坊酒樓的驚喜 鑊氣小炒與龍蝦伊麵的極致誘惑】作為一個長期覓食的foodie，今次終於嚟到街坊力薦的富軒酒樓，試完之後真心要同大家分享呢間隱世寶藏！無論係食物質素、環境定服務，都有值得細講嘅亮點。🍽️ 食物質素：4.5/5分首先必須大讚呢度嘅小炒王——真係一試難忘！師傅火候掌控得恰到好處，食材炒得乾身又保留原汁原味，食落啖啖香氣撲鼻，絕對係送酒首選。帶子炒西蘭花係另一道驚喜之作！帶子大大粒，煎得表面微焦而內裡保持嫩滑，西蘭花翠綠爽脆，最重要係用蒜蓉同埋少少蠔油吊味，簡單卻盡顯功架。帶子嘅鮮甜同西蘭花嘅清新形成完美平衡，健康又好食。至於上湯龍蝦伊麵底，簡直係鎮店之寶！龍蝦肉質飽滿彈牙，上湯汁濃郁得嚟唔會過鹹，完全滲入伊麵裡面。伊麵吸盡龍蝦精華，每一啖都係滿足。雖然價錢稍高，但絕對物有所值！🌿 環境：3.8/5分富軒走傳統酒樓路線，裝修唔算豪華但乾淨企理。枱與枱之間有足夠空間，坐得舒服。晚市時段比較熱鬧，如果想靜靜地傾計，建議早少少嚟。💁 服務質素：4/5分服務員態度親切，上菜速度合理。特別欣賞部長會主動推介時令菜式，同埋換碟頻密，值得一讚。總結：富軒可能唔係最華麗嘅酒樓，但食物水準絕對拍得住星級酒店！尤其係佢哋嘅海鮮同小炒，真係食得出師傅嘅功力。如果想同家人朋友食餐安心滿足嘅晚飯，呢度係個唔錯嘅選擇～Foodie小貼士：周末最好預早訂位，另外記得試埋佢哋嘅燉湯，同樣出色！#富軒酒樓 #街坊美食 #鑊氣小炒 #龍蝦伊麵 #帶子西蘭花 #香港美食 #foodie日記…查看更多

花旗蔘蝦餃每碗只有兩粒，啲湯好香蔘味，蝦肉都好彈牙，食完粒蝦餃最好飲埋啲湯佢。豬肉釀豆腐既豆腐好滑好香豆味，粒豬肉都好彈牙。排骨陳村粉非常之新鮮熱辣，陳村粉好有咬口啊，排骨都啖啖肉，整體幾好味。馬拉糕非常之鬆化，有蛋味及有彈性。燒賣非常之彈牙。皮蛋瘦肉粥內有豐富既皮蛋及瘦肉，味道方面都唔錯。水餃生菜爽脆，湯底清甜，啲水餃多汁餡料又飽滿。斑斕煎堆仔外脆內軟，別有一番風味。涼瓜魚餅除了有彈性外，還有涼瓜的清爽。豬腸粉煎得好香，點咗啲混醬非常之唔錯。蘿蔔絲酥卷雖然個樣唔靚，但係食落充滿牛油香，蘿蔔都粗粗甜甜的。…查看更多

本人於9月22日下午約12:00，偕同家人前往貴酒樓寶達分店飲茶。是次用餐體驗因貴酒樓收銀處的處理手法，令本人感到極度不滿，特此致函投訴。事發經過如下：當日用餐完畢後，本人先行離開座位前往收銀處結賬，並已繳清所有費用。由於當時情況匆忙，本人在付款後並未取回單據。隨後，我的家人在不知情的情況下離開座位，前往同一收銀處。令人費解且無法接受的是，貴酒樓的收銀員在明知賬單已結清的情況下，卻沒有告知我的家人，反而再次向他們收取了相同的費用。貴酒樓收銀員這種在未告知顧客賬單已支付的情況下，重複收取費用的行為，不僅嚴重損害了顧客的權益，更顯得其專業操守及服務態度極為惡劣。此舉不僅造成了本人及家人的時間浪費和不便，更對貴酒樓的聲譽造成了負面影響。本人強烈要求貴酒樓就此事進行徹底調查，並給予合理解釋。同時，請立即安排退還重複收取的款項，並採取有效措施，加強對員工的培訓，以確保類似的惡劣事件不再發生。特此留言希望其他街坊可以留意…查看更多

同兩位長者複診完途經呢一間屋村茶樓咁啱就係下午茶時段下午茶時段嘅價錢非常之吸引食物質素都OK嘅可惜茶樓始終比較嘈吵所以唔係好方便傾偈見到兩位長者食得咁開心我都覺得好開心有機會再嚟食吓下午茶先欣賞佢個環境比較光猛所以唔怕長者跌倒…查看更多

今日第一次同屋企人黎食，菜品真係一般，整體太過咸了。上菜太慢，問下男職員幫我看看張單的食物，黑口黑面，大大聲呼喝，服務態度極差，真係俾錢買難受，成肚氣，唔會再光顧。…查看更多