影片
以上資料只供參考, 請與餐廳確認詳情
啲員工態度差到一個點，尤其是著黑色套裝戴眼鏡嘅男經理，好似食咗炸藥咁樣。好聲好氣問佢我哋有人冇嚟到，茶位嗰到寫多咗，可唔可以按返實際在場人數計茶錢，結果嗰經理態度超差、勁火爆話唔得，話因為我哋坐得太耐同埋唔肯同人夾枱🤷🏻♀️佢講到明唔服嘅話咪告佢啦💁♀️真係完全唔make sense ，飲咗咁多年茶都係第一次聽到飲茶會有超時，同埋迫客人一定要夾枱本身點心啲水平已經下降，服務態度仲要咁差小心遲啲連街坊生意都冇得做
繼續閱讀
今天2月5號上午打電話想訂位：我：麻煩幫我訂今日中午一圍枱，共12人。接線生：你自己過嚟Walk-in啦！我：12人呀？點walk-in 呀？接線生：我哋而家好忙，你Walk-in啦！我：我真係未聽過咁樣嘅回覆！！！喂，富軒，如果我兩、三位，當然會Walk-in啦，但12人一圍大枱，我點Walk-in啊？唔怪得香港人而家走晒去北上消費，終於明白，香港咁樣嘅服務態度，除咗令人O嘴，新年流流，真係火都嚟🔥😡最後當然去咗第二度食啦⋯⋯
繼續閱讀
今日全家人去咗小西灣藍灣半島富軒酒樓食生日飯食物賣相一流味道十分之好員工服務態度都好熱誠值得一讚就係個紅米乳豬 紅米味道好食芋頭蝦米香口 值得一讚 大部分餸菜都好好食有驚喜
繼續閱讀
新一年一定要去酒樓飲茶🫖傳統嘛🤣點心：🦐富軒蝦餃皇蝦餃皮煙靭，色澤均勻🐷蟹子燒賣王香菇味道好出，但肉味一般🐽蜜汁叉燒包叉燒有點少🐔當紅一品燒雞燒雞皮脆，肉質唔會話乾，有肉汁🐠清蒸金花龍躉魚好滑😃唔會有腥味，都無話蒸老左，岩岩好🌳富貴鳳片蝦仁西蘭花同蝦仁都爽脆，雞肉片滑😌上菜都快手，岩岩食完一樣就會黎第二個菜。菜式味道都中規中矩。。。不過食完隔日就開始有胃痛🤢有唔舒服。店舖既衛生有待改進。
繼續閱讀
一間沒有服務的酒樓, 沒有人落單(要自己拎單出柜枱落單), 沒有人加水(要叫好多次先有人加一次水）, 去到柜枱付款右邊員工收錢, 左邊員工一句話都冇講將錢放係柜枱,問佢係咪找錢, 就好晦氣咁話係, 柜枱咁多人鬼知你找錢比我咩, 做得咁吾開心就吾好做啦！
繼續閱讀