富豪坊

營業中

休息中

之前見到網上介紹呢間點心放題. 相約幾個工友一齊黎試下. 相信酒店旗下. 應該都唔會太差吧!地理位置就真係唔算太市中心. 如果由沙田站過來. 都要行20分鐘左右. 如果由港鐵站沙田圍過來. 就10分鐘多少少. 如果遇上有巴士. 其實都好方便. 幾乎直達! 準時1430 來到. 食2.5小時. 其實時間好充裕(通常都係一開始1小時食食食.之後都停晒手) . 6個人.  安排坐圓檯. 可惜沒靠窗. 如果有會更好. 因為 可以望住城門河. 都唔錯丫!    但內裡其實人煙稀少. 唔過10檯人. 似乎生意真係好難做!  6丁友. 幾乎樣樣都想叫. 但明知眼闊肚窄. 哈哈哈.  點心紙得一張. 大概有30款食物左右! 不過都已經足夠. 基本的點心都會有! 等左大概20分鐘就陸續上菜., 用震撼黎形容! 因為太多了LOL . 仲要加埋送既鮑魚燒賣 & 灌湯餃. 簡直未食都飽一半!鮑魚燒賣-- 每人一件, 正常燒賣口味. 上面加隻鮑魚. 算係誠意之算花膠灌湯餃-- 超大隻. 平時出去食一盅都要HKD40-50 .  呢度仲要配上一塊花膠. 好有HEART蝦餃/粉果/素粉果-- 皮唔算太厚. 適中.

今天新年1月1日到沙田麗豪酒店的富豪坊食點心放題。曾看過網上提到這間餐廳，很是好奇，尤其係以前約朋友也到此試過佢哋係出品。價錢偏貴，但食完也想再約去食過。可惜，今非昔比了。可能係生意唔好，搞吓點心放題，吸引人流。但佢哋知唔知，食完這次，我永遠再也不回頭幫襯富豪坊。茶一到，還未入口，服務員已經端上免費附送的灌湯餃及鮑魚燒賣。鮑魚和燒賣放在同一個籠，分體的。燒賣釀得好實，很多瘦肉，好似蒸咗好耐，放咗一段時間。嗌咗兩碟腸粉，嚟嗰陣係凍嘅，不是暖。皮很厚。蝦肉還爽口，帶子就不值一提。碗瑤柱花膠粥，也是涼的。上湯浸牛肉球，很有牛肉「蘇」味，我接受不了。蝦餃、魚肚雞扎、潮州粉果還好，上枱時熱呼呼，但味道一般正常。炸蝦多士，一口油。旦散有油益味，一啲都唔鬆化。旦撻及炸魚皮合格，有正常的味道。雖然百零蚊唔係好多錢，但希望酒店出品可以對得住客人，用料應該可以新鮮啲，點心可以即叫即蒸，上枱時可以出煙，客人感覺會好啲。服務員好多，服務都殷勤，但廚房一定要改善。

話說朝早突然間我丈夫話要搵個正整地嘅地方飲茶，我就去OpenRice尋找一下。結果找到呢一間。因為得兩個人所以只叫咗四樣點心，但係都做得相當好味。點心列表上邊仲有一啲懷舊點心，而家應該冇乜人識整所以我諗應該有老點心師傅注場。其實去飲茶除咗啲點心之外，查都好講究。這間餐廳的茶真係夠晒熱，但係就冇乜茶味。不過睇到晚餐餐牌D小菜，都好想嚟試吓。

沙田區假期是很難訂位的，這間充滿懷舊氣息的酒店卻很容易訂位，這地方比想像中多人，一早坐滿城門河窗邊的位置。叫三個小菜，分別是茶皇燻雞半隻、香莤蒜子蟹肉粉絲煲、南乳齋煲，還有富貴櫻花蝦蛋白炒飯。雞的烹調方法是好吃的，有獨特的茶香味，但不太新鮮，有點隔夜的味道，另外兩個煲也有粉絲，味道和外觀不太突出，這樣的價錢可以接受的。炒飯是最佳的菜式，有點XO醬口感良好。一個月內吃滿$2000可以做會員，可以考慮一下。

今日食評有✍🏻 富豪坊@麗豪酒店試食指數⭐️⭐️⭐️⭐店舖衛生⭐️⭐️⭐️⭐侍應態度⭐️⭐⭐️⭐((每項5⭐️為滿分)) · Openrice中的素食2.0吸引到可惜到訪時被告知已經冇咗呢個menu🥺不過menu都有部分素食點心和主食午市點了1️⃣煎堆仔⭐️⭐️⭐️⭐/5型態靚，圓碌碌唔油冇涵才試到真正味考驗真功夫2️⃣蒸腸粉⭐️⭐️⭐️⭐/5排列得整整齊齊乾乾淨淨夠熱也ok滑醬汁正常3️⃣奶黃包⭐️⭐️/5太乾身了冇包點的鬆軟不太甜啱我應該唔啱喜歡甜食嘅朋友4️⃣羅漢齋麵⭐️/5整體味道好好可惜面嘅鹼水味太重鹼水對身體唔好所以我哋冇食晒5️⃣素炒飯⭐️⭐️⭐/5粒粒切得細緻炒得香口但唔油膩味道淡左少少但可接受·三人盛惠503·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

早上在附近參加講座，散會後見到此店在馬路另一邊，正好在此午飯。不作多想便决定試二人套餐。小食是手柏青瓜，瓜脆唯醬味不足。頭盤帶子西湖牛肉羹，值得一讚，帶子切粒後亦爽口，湯底味鲜。四個點心春卷亦鬆脆，牛肉球，燒賣，义燒包大路貨色。上湯浸白菜味道不錯，大良牛鬆炒飯份量未足夠及煑工一般，甜品红豆沙亦平凡。

冬至限聚午餐二人一檯家庭聚會，餐廳安排位置妥妥當當兼舒服靚景。有點心有小菜可供選擇，款式價錢都應有盡有，五個人點左一個燒味、一魚一飯再加八個點心。燒肉有層次但偏凍，龍躉魚球有彈牙爽口但偏少，福建炒飯鮑魚汁香濃但炒飯偏軟，點心中規中舉，罐湯餃有驚喜、湯底清甜可口。環境寧靜舒適，適合不同敍會，有貴賓房作私人空間。而且泊車方便，部長友善簽多咗一個鐘免費泊車。窗口位可望得到城門河，係沙田區中菜餐廳中我其中最愛嘅選擇！

今晚冬至，訂了這間沙田麗豪酒店富豪坊晚飯，雖然預了做節，間間食肆的員工都好忙碌。諗住話晒酒店級，應該會好些吧。但結果食得好飽……（激到成肚氣嘅飽）非常失望。之前落訂金時，已講明要套餐，7:15pm 入座。到當晚入座後，告訴侍應可以起菜了。但等到8點還未見第一碟餸出現。再追問侍應，答覆是“乳豬現在整緊”。哇…冇嘢呀，一早預定套餐，我訂7:15pm枱，竟然告訴我第一碟餸嘅乳豬現在還整緊。好算數，問佢有什麼餸可以上菜先。起碼等了1個鐘都有d 嘢食吓。結果來了大蝦， 但唔熱囉，好明顯是放涼了,煮好冇人拎出嚟😑 跟住冇耐出嘅乳豬，肥到有些難食，也有些酥味。冇諗過酒店級都咁差。其他食物都係，等等等，跟本其實d 食物是煮好了，但酒店沒有人手。所以每樣食物都係等了又等，好多都不太熱(大排檔仲熱過佢）。完全冇諗過酒店會係咁。到上甜品，又係三催四請，才出現。雖然出現，但都冇侍應理會，2個侍應只僱同一時間去執拾已結了賬冇人的同一張枱。冇嘢呀，已接近尾聲，都不會翻枱，既然張枱d 客已結賬走晒。是不是應該去招呼還未上甜品的枱。竟然可以由得甜品及糖水原地不動，只掛住執冇人嘅枱。真係火都嚟，唯有自己起身問嗰兩位執枱

新一年開始無耐，已開始有不同的飲宴，也滲透農曆新年氣氛，係幾歡樂！「發財好市大利」(髮菜蠔豉炆豬脷)： 今年第一餐開年飯，在沙田「麗豪酒店」拉開序幕，印象中我是第一次來： 搶閘出籠，「乳豬半舟山海蜇」，沾海蜇的是新鮮青檸汁啊： 「如意百合炒珊瑚蚌」 有BB仔拳頭咁大的「黃金炸蟹鉗」 環保意識下，大家現在飲宴已很少食魚翅。「瑤柱海皇燴燕窩」 金華火腿和雞湯做基底，配花膠條同燕窩，幾足料： 「鮑汁扣原隻六頭鮑魚」，金銀滿屋啊： 滑滑「清蒸海斑」 「富豪脆皮雞」 十分受歡迎的「生炒臘味糯米飯」，天寒地凍，大家都喜歡食呢啲： 「鮮蝦水餃麵」 「陳皮紅豆沙湯圓」 最後的生果盤： 食個好意頭開年飯，大家今年行運一條龍！

訂座七位飲茶, 被安排坐窗邊41號枱, 兩點前入單, 三點都仲未嚟齊所有食物, 暑假中午太陽真的夠毒, 玻璃天窗完全冇摭陽設施, 又曬又熱, 冷氣又唔凉, 揾咗樓面交映座位好曬, 之後一位男部長過嚟冷漠回應咗呢句：「呢邊喺西斜, 冇預計三點鐘仲有客, 冇裝窗簾」, 佢完全冇打算幫客人安排換枱, 咁嘅待客態度實在難頂,  加上食物味道普通, e.g. 豬腳薑九成喺薑, 上菜又慢, 好難有下次

今年的家人團年飯由我提出到麗豪酒店富豪坊為吃晚飯的地點。因為富豪酒店與Green Monday合作推出了新派Food 2.0素食菜單。我和媽媽有不少素食選擇。 這酒店很大。位於酒店二樓的富豪坊也很大。看到門口的佈置，應該是婚宴的熱門地點。 沒有太多柱子，是適合舉辦宴會的地方。而且，一邊的窗戶面對城門河。可以欣賞沙田著名的景色。 我們十二位成人，一位小童。點了一份八人套餐。素鵝是其中一款前菜。我和媽媽也可以吃。這素鵝不是外層炸得香脆，中間有蔬菜粒的那一種。而是整個腐皮卷，中間有少許木耳和香菇粒。口感是軟滑的。這一種素鵝不會讓人感到燥熱。 黑松露金瓜蘭度炒鮮百合，$148。是在主餐單上點選的。下單時，我請店員替我走掉葱和蒜（如有的話），也請她確認是否純素。可惜，葱和蒜還是有的。而且味道非常濃烈……反而我嚐不到黑松露的味道。材料有南瓜、蘭度、鮮百合、雲耳和甜紅椒。鮮百合不多。蘭度，家人說是芥蘭，口感十分爽嫩。南瓜煮得軟腍。如果沒有葱和蒜，這道菜對我來說應該很合味。 本想來品嚐新派Food 2.0素食菜單上的素菜。但店員竟然說今年即將暫停！現在只有兩款菜式可以選擇。其中一款是這道原個菠蘿植物

飲茶🥢前菜附送的脆花生🥜 ： 雖然香脆 但有點放得有點久的味道 🥢黑松露蝦餃：無黑松露味 但如果佢係普通蝦餃 佢就會係好好味🥢Bb 乳鴿：好味道 外皮酥脆 肉質正常🥢海鮮錦滷雲吞：第一次食🤔 麻麻地 個炸雲吞皮太硬 個汁唔夠濃度 可以加多點生粉開濃稠點 🥢竽香金錢肚：正常水平 食材新鮮🥢超級推薦：海皇蜜蜂🐝巢荔芋角 外層超鬆脆 製造技巧算是高難度之作 好味過港島區某間酒店🏨服務方面，若服務員可更勤於收盤子會比較好#有8折優惠 #抵食 #2人前

晚上預留一間房跟長輩慶祝生日 提前跟酒店員工商量菜單 上菜時間拿捏得很好 今晚真的非常滿足 食物美味 而且份量大滿足 夠12/13人分享 比起往年真的進步了 老人家慶生必須要有麵及壽包的 有富豪五小碟 兩道魚 海味 雞 等 推薦好味

部門秘書為部門老闆TL,o係28-9-2017 (Thur)攪生日午宴,今次四圍,book o左VIP房,而且都訂好晒菜色,唔使再諗,有:1. 巧手點心拼盤晶瑩鮮蝦餃大大粒,內裡o既蝦仁又多又爽,不過食唔到蝦餃o既惹味.味道: 4分蟹子燒賣同樣大大粒,呢個豬肉多,味道正常冇乜特別.味道:3 分脆皮春卷炸得o岩o岩好,顏色好靚亦唔油膩,食落,春卷皮好脆,內裡又係全蝦仁,鹹度亦適中.味道: 5分7. 明爐燒鵝大大隻,皮脆肉唔o鞋,意想不到地出色.味道: 5分3. 翠芹百合花姿片味道清淡,正常.不過唔係翠芹而係翠玉瓜.味道: 3分5. 招牌杏汁燉白肺侍應舀起o左湯渣,豬肺唔多,我都食到花膠,不過唔算好腍;湯o既味道都幾濃,唔錯. 味道: 5分2.  椒鹽魷魚大大件,炸粉脆o既,味道清淡,只有好少好少o既辣.味道: 2.5分4. 雞蹤茸珍菌帶子味道清淡,冇乜特別.味道: 3分6. 清蒸沙巴龍躉都幾大條,蒸得o岩o岩好,肉滑. 味道: 5分9. 肉絲炒雙面麵個麵好脆,炒肉絲連汁係用另一個碗裝,味道亦唔鹹.味道: 4分8. 鮑汁荷葉飯我食少少,個飯濕潤,OK.味道: 3分12. 紅豆沙呢個我冇食到

媽咪生日，我地幾個做女既梗係想搵間坐得舒服又食得開心既同佢好好慶祝家姐發板最後訂左富貴酒店既中菜廳富豪坊同媽咪慶祝先睇下我地一齊決定既餐單全部都係媽咪鐘意食既野黎嫁 乳豬脆瘦適中，燒得好脆唔會過硬，好好吃蝦大大隻，好新鮮上湯味有入到隻蝦度，好香好食帶子鮮甜，荷蘭豆同脆肉瓜都好新鮮美國桶蠔，炸完都超大隻一咬落去爆哂蠔汁花膠松茸繪燕窩好香松茸味海參同鮑魚炆到超淋超入味但我最愛既係下面索哂汁既生菜茶皇雞，食落同炸子雞差唔多但伴碟既茶葉炸到好脆，可以就咁食，好攪笑煙三文魚炒飯奶王馬拉糕，奶王味超重，馬拉糕專登整到無咁甜所以配埋一齊食無過甜最後食埋個湯圓，就團團圓圓開開心心啦