富記麵家

無意中發現嘅小店，被佢嘅黑白墨魚丸完全驚艷。一入口，真材實料嘅大墨魚味道即刻爆開，鮮味同彈牙度係坊間少有，每一粒都感受到師傅嘅用心。🐙✨ 腩汁蘿白亦係另一亮點，蘿白吸滿咗腩汁，入口即化，鹹香入味得滯，食咗一舊又想再嚟一舊，差啲就真係想直接外賣返屋企慢慢歎。鮮蝦雲吞麵就更不得了，每粒雲吞都用足料，蝦爽彈鮮甜，配埋幼細滑溜嘅麵，口感層次好突出，令人食完仲想Encore。環境簡潔，服務貼心，係一間食完會想再返嘅老字號，無論黑白墨魚丸、腩汁蘿白定鮮蝦雲吞麵都係必試推介！🔸 富記麵家 黑白墨魚丸 = 勁彈＋勁鮮！！🔸 腩汁蘿白好入味得滯🔸 鮮蝦雲吞麵每粒都係真蝦！每日新鮮手打、用真材實料大墨魚整嘅 黑白墨魚丸 超爆汁！鮮味到不得了 🐙✨腩汁蘿白入味到想直接叫外賣一盤返屋企；鮮蝦雲吞麵嘅蝦仲係爽彈嗰種 😍…查看更多

買完野，就喺附近隨便搵間餐廳食牛筋牛肚粗 加菜，係本人嘅例牌，我去到邊間粉麵店都係咁食好難得有一間令我要寫個食評讚～.首先，牛筋牛肚都好足料，係令人滿意嘅份量然後，牛筋完全係本人鍾意嘅口味，舊舊都夠淋同漿口，正～😋仲搭一件蘿蔔，呢個平時好少見，送嘅野無乜期待，但舊蘿蔔又係好出色！甜！淋！無根！覺得好幸福🥹炸蒜又夠香 ～仲有本人喜歡的節奏感音樂🤣整個就係令人心情好好！感恩～.覺得呢間舖頭係真係有心做絕對會再嚟～…查看更多

魚片頭墨丸貢丸魚皮餃紫菜湯河，魚片頭好彈牙，墨魚丸好實淨密度好高。貢丸有種豬肉味，咬落去有啲汁。魚皮餃都做得唔錯，魚皮造得好有咬口，啲肉都打得唔錯。河粉都係又滑又唔斷既，浸落啲清湯幾好食。紫菜真材實料，都係香既。蔥花夠多都係一種唔錯既點綴，因為成碗份都俾蔥花增加了不少風味。…查看更多

牛盛薈河$62有: 牛腩、 牛筋、 牛肚、 牛丸、 蘿蔔， 滿滿一大碗，足料好味。牛腩鬆化入味，牛筋火候到好處，煙韌但又唔會爛曬。略嫌湯不夠熱，燙不熟蔥花，下次食要叫店家整熱啲湯。…查看更多

去開灣仔，天陰又落雨濕濕就想食返磅熱辣辣的麵，揾下附近有咩好食，就見到呢間啲墨魚丸好似幾出名，就同老公黎食下。💛💛墨魚丸拼要鮮蝦雲吞米$51👍👍👍👍墨魚丸好食，好有口感，但又唔會好似出面啲機咁整出嚟好假的口感，雲吞正常，米粉反而入口幾爽口。牛坑腩河粉$68正常，似係普通牛腩的味道，反而入面嗰舊蘿蔔幾入味，幾甜。油菜（因為惠顧粉面，可以優惠價$15 加）要左腩汁，煮得好淋，我中意。💗💗💗💗…查看更多