富記粥品

富記結業在即，做到3月24號搵埋老友記黎食。我有十年無黎過，我老友就無黎食過。黎度，要排隊，有熟客直行直入，有啲嬲見佢係老人家 人龍唔系好長，算數. 環境就真係麻麻， 又逼又細，清潔好一般，又唔係太好囉。食物材料無以前禁好。但都有水準。是日芫茜皮蛋魚腩湯＋白飯白灼腰膶及第粥湯的材料真係新鮮，做出黎先有鮮味，無味精碗飯夠哂大。腰膶洗得乾淨， 爽口及第粥粥底好綿，材料都洗得乾淨。＃富記粥品＃童年回憶＃後回無期…查看更多

諗貨不對，差不多50元一碗粥品，食食下變水狀，所謂招牌燒鵝，要求肥叉燒，居然話冇，叫我地唔洗揀，食物不是想像好吃，吹噓之作，晚市排隊，最主要品嚐食物，不這樣好吃，不過如事，不配光榮結業，環境不衛生，樓面夥計，簡直垃圾不如，晦氣不想招呼，壽終正寢，永遠消失這個世界，臭名遠播😡😠🤬，不值得花錢及時間光顧，這間垃圾食肆，結帳差不多500元，其餘食物也不值得，請不要樣本人一家老少愚蠢，這樣還有一星期繼續排隊這間垃圾店舖…查看更多

人總是那麼犯賤，總是要失去了，或者快將失去了，才會特別珍惜即將失去的，人也是，食店也如是。我說的是「富記粥品」，這間在旺角花園街經營多年的老店，屹立九龍鬧市數十載，是童年時在這附近居住的我，家人偶爾會和我去吃東西的地方。長大後，雖然仍然經常在旺角區內出沒，但早已成家立室的我，就鮮少再來這裡幫襯了。近日偶爾知道這間有名老店將會在三月底結束營業，不禁讓我大感驚訝。雖然自從肺炎疫情肆虐香港，香港飲食業度過了一個長達三年的寒冬，不少有名食店都先後宣佈結業，但「富記」這間在區內屹立多年不倒的老店，竟然也會有這麼一天，實在令我大感可惜。畢竟，這是我的童年回憶之一，昔日的「煊記」沒有了；「五月花」沒有了；「神燈」雖仍在，，現在就連「富記」......也沒有了。這一夜，晚上七時多才來到「富記」的我，赫然見到佔據左右兩個舖位的「富記」門外分別排了兩條一長一短的人龍，長的大約有十數人，短的也有六七個人，比未有結業消息傳出來之前生意明顯好了，我想，好像我一樣聞風而至的客人相信不在少數。也不是等得太久，大概等了十分鐘左右吧，我已被安排入座，看著全場滿座的店舖，老女老幼在簡樸但懷舊的環境下用膳，我心想，為甚麼好端端的一間老字號，曾與香港人一起度過了不少風風雨雨，高高低低，怎麼竟會在這個艱難時刻被打倒了呢！也罷，縱使這一刻被風雨打倒，只要有心，總有一天，一定可以東山再起的。本想叫個燒鵝例牌，配一碟「乾炒牛河」（$58）做晚餐，原來這夜我來得不夠早，燒鵝已經沽清，見對面搭檯的男人叫了一碟「時菜炒及第」，忽然想到也好，就來一碟「時菜炒及第」（$85）伴牛河，做我的晚餐好了。「乾炒牛河」是這裡的招牌菜之一，當然要回味一番，要另加兩元另上的橙黃色太極圖芥辣也是吃乾牛河必備之物，要是沒有了它，就如畫龍沒有點睛，砌圖缺了一塊一樣，肯定是一個遺憾。「乾炒牛河」比「時菜炒及第」先行送上，這牛河滿有鑊氣，牛肉份量甚多，河粉也幾乎全部都均勻地沾上了醬油，加上少許的芽菜仔，味道的確不錯，也許這河粉稍為油了一點，炒得不算非常乾身，間中有一兩片牛肉有丁點兒梳打粉的味道，但瑕不掩瑜，這碟「乾炒牛河」仍能讓我感到滿意。特別是蘸上少許芥辣在河粉上之後，味道更好。「時菜炒及第」的時菜其實是正氣的菜心，份量極多，把這菜式的罪惡感減輕不少。這道菜的罪惡感當然是從及第而來，切得細碎的豬膶、豬腰、豬肚與豬粉腸，混雜在泛著油光的嫩綠菜心中，是我久沒嚐過的風味。及第粥吃得多，炒及第卻絕無僅有地不知多少年才吃一遭，當然特別讓我覺得珍貴，即使豬膶只是薄切，經爆炒後會較乾，最矜貴的豬腰也較少，我仍然覺得這道邪惡得來又不算十分邪惡的小炒沒有叫錯，值得回味。這夜幫襯，只得我一個人，吃得當然不多，好些我想吃的東西，好像「燒鵝粥」、「薑蔥魚腩」、「白灼腰膶」以至簡單的湯飯，我都沒吃。現在才三月初，這裡還會經營到三月底，希望到時候這裡不會人潮不斷，一位難求吧！那麼我還可以多來一兩趟，還可以回憶一下昔日的美味吧！…查看更多

懷舊老舖「富記粥品」這裡地方夠哂懷舊係七、八十年代香港最旺食肆。馳名燒味我們就叫了燒鵝飯同叉燒飯，份量十足燒味尚且可以，叉燒半肥瘦軟熟甜甜地，燒鵝某一個位有少少鞋，但都好有鵝味，飯略為欠飯香不夠熱。👏最最最出色係即滾靚湯，魚雲聖瓜芫茜湯，有鮮味啖啖芫茜香下火一流。🤤服務態度還好，係收銀位女士有啲..🤣都明嘅！…查看更多

今日和老公去旺角行街，買完嘢，行到累了，又到食午飯的時候，附近有一間富記粥品。見到有位，就入去試下，地方尚算乾淨，不過裝修比較舊的。我地叫了义燒切雞飯，蘿蔔牛腩飯，油菜和一罐可樂，總共123元。义燒切雞飯：半肥瘦义燒，烤得剛剛好，相當惹味。切雞都算好味，肉質嫩滑，唔會鞋。蘿蔔牛腩飯：蘿蔔煮得非常入味，牛腩炆得軟軟淋淋，這裏煮的白米飯係十分軟滑，充滿飯香…油菜青綠爽口。這裏確實不錯的選擇，下次會再光顧。富記粥品旺角花園街104至106號…查看更多

今日夜晚行過想食粥迷迷糊糊走左入黎好有懷舊感覺既食店仔都幾多人 睇落都平民飯堂見餐單要乜有乜 粥粉麵飯樣樣有啲人又隨心落單選擇困難症既我打開open rice諗住睇下啲人食乜見到啲食評都有驚一驚 又話冇下次 又話劣食咁心諗會唔會中伏最後見到火鵝牛肉粥好特別咁就嗌左 一見到 想話勁正冇啲人所講咁細碗啲料好多 鵝又唔會話柴 仲有啲瑤柱係入面好好味 會再黎食～ 仲有 服務態度好好我覺得對得住50蚊！btw啲蔥係碗底 記得撈起佢🤣…查看更多

三四十年前此店在上海街設舖，人氣澎湃程度講都冇人信，除咗要在店外排隊等位外，肥華亦試過與七位顧客共用一張四人枱進食，因此店在當時當地嘅生滾食品，出名平，靚，正所以日日都高朋滿座，客似雲來，而此店搬到現址開業後，在疫前人氣依然旺盛，人氣食店招牌仍然保到，可惜人氣仍在但味道已如前，11月17日揾食肥華為嚐一碟有水準嘅乾炒牛河和一碗什會湯，肥華和靚媽專誠在早上11點半前避開午飯旺場時段到此店食呢兩款食品，而今日此兩款食物嘅味道仍算OK，但同當年相比可說遜色得多，而個义鷄飯嘅义燒靚媽話又硬又嚡，切鷄就肉少骨多，肯定唔係肥華杯茶，而保持到舊店水準嘅食品就係嗰碟芥辣拼辣椒醬，和碟點鷄肉嘅薑蔥，呢兩碟調味料充滿此店當年色彩及味道🤠🤹‍♂️…查看更多

無論旺角變成如何, 無論因為疫情而令大量店舖倒閉, 富記依然在旺角屹立第四十個年頭, 兩間店就是沒任何變化, 典型的掛燒味檔位, 長枱圓櫈, 充滿歷史風味的瓷磚, 以及橙色的筷子, 內裡時光停頓了但外面的世界已經變了八千遍. 吃的東西沒有任何高深的做法, 就是我們這種麻甩佬喜歡的美食.當其他人說它的粥品和燒味飯最為吸引, 我則覺得乾炒牛河和滾湯才是這裏最吸引的. 乾炒牛河五十多元一碟, 沒有任何高貴的食材, 就是最基本的夠鑊氣, 夠猛火快炒, 河粉炒得層次分明, 牛肉夠爽口, 碟底不會油浸反光, 一切都相當不錯, 最大問題也許是, 辣醬溝芥辣醬要額外收兩蚊吧! 滾湯是芫莤皮蛋及第湯, 芫荽皮蛋就是滾湯的最好食材, 有鹹香也有芫荽獨特的香味, 而且芫荽能夠去除豬雜本身的腥味, 這裏的豬雜份量豐富, 口感夠爽, 也沒有苦澀味, 湯底清澈而且味道直接, 沒有味精的涸喉, 反而皮蛋能夠下火, 一湯一粉, 可以一次過滿足午餐和晚餐了.Fuk Kee is not only famous for her barbecued meat and congee. The fried beef rice noodles are one of the most traditional and best one in the town. No luxurious ingredient but the frying is fast and powerful. Not oily or greasy but the noodles are prefect in texture and layering. The soup with coriander, preserved egg and pig organs are very good and full. Not bitter organ taste but the coriander can remove the strange taste of organs. It is prefect lunch for working class heroes.…查看更多

卅幾年前，旺角上海街有間富記粥舖，佢啲雞鴨粥好好食，拍得住佐敦道間金菊園；今日途經花園街，見到有間富記，個格局有啲似上海街，唔知係咪搬咗過嚟呢！原先想食翻雞鴨粥，睇睇下都係試佢個火鵝及第粥首先，隻碗大過我屋企只飯碗少少，同一般粥碗爭好遠，𢳂多半勺粥成本唔會爭好遠吧！粥底是夠綿及好味的，似乎放了皮蛋同煲，煲到爛哂嗰隻，好香！試舊豬潤，失敗！未試過粥鋪嘅豬潤咁死實，都已經唔係厚切，好失望！其他及弟配料也乏善可陳，就算下次再嚟，千祈、千祈、千祈唔好再叫及弟！至於燒鵝，味道尚算ok，但又係切得太細粒，嘥哂！我估，算啦！忘記佢吧！睇下隻碗，清哂架，皆因～分量太少是也！＃行到邊食到邊＃經常獨食但又肥嘅阿伯…查看更多

排隊又冇位 唔排隊又冇位以後唔會再黎架啦！已經係第二次遇上呢件事又係6點冇堂食既時候第一次係我係門口排隊入座 呢間鋪唔會派飛仔 要你好自覺咁排隊我5點10左右去到… 排左15分鐘以為到我啦…… 個門口阿姐話有人排緊隊 但果個人係冇排緊隊既 係突然行出黎既人時間已經去到5點25分….. 最終我果日要食外賣😒第二次係今日我入到去 想坐卡位…..當時未有 咁我就話 「我等到有卡位先坐」有人離座… 無啦啦又有個阿叔直接行入去坐低左D人每次都係唔洗排隊就入去待應又唔會理你我問佢…「我排緊隊喎」之後又係門口阿姐出聲「都冇人走 冇位呀」…查看更多

又貴又唔好食，午餐時段去左富記買外賣，叫咗碗$43嘅及第粥，稀到完全見唔到啲米，啲料又只係得嗰幾舊，咁樣嘅粥要四十蚊，我完全接受唔到，超差！今次第一次去亦係最後一次，賣到咁貴但咁嘅質素真係唔得囉！…查看更多

慕名來試及第粥，粥料極少，每樣豬什都只有一小片，粥底還好，但不會再光顧。30多年前爸爸帶我去上海街老鋪富記，還記得當時的及第粥，用料很充足和新鮮，味道很好。事隔多年，再來一試，結果很失望。因为内容少於200字，不能評分，只希望在此分享經驗。…查看更多

富記～外表簡陋不起眼、但係內有乾坤...嘅一間老店🥰🥰好幾個朋友仔推介過，食過幾次都覺得唔錯唔好睇佢地方細細粥粉麵飯、小菜小食，都應有盡有每次必叫嘅～✨✨乾炒牛河🐮味道唔死咸丶乾爽有鑊氣及第粥～ 材料豐富、粥感綿滑炸鯪魚球～又係每次都會叫，係好食嘅…查看更多

無咩胃口就最啱食粥🥰喺旺角，除咗花園街熟食中心嘅妹記之外，隱藏喺同一條街嘅富記都好值得大家去試下，佢已經屹立喺度七十幾年架啦👍🏻👍🏻唔洗擔心搵唔到，因為黎遠已經望到👇🏻佢嘅招牌～就喺先達附近～👇🏻富記有兩個鋪位👆🏻都係無柱騎樓嘅地鋪～不過講真，如果無嗰個招牌，真係未必留意到架😹因為鋪頭前面落咗布遮住，就算你喺對面街，只會望到小巴同布😹👆🏻燒味掛晒喺門口，從透明玻璃一望就望到🥰夠晒吸引～👆🏻餐廳入面貼滿晒手寫嘅餐牌👇🏻👇🏻呢個最得意😹貼到好似揮春咁😆👆🏻除咗🥣粥品，呢度都有小菜🍲、飯🍛、炒粉麵🥘等等～想食咩都有～👇🏻👇🏻而富記嘅招牌就係🦃燒鵝同埋🥣粥，所以叫咗碗🦃火鵝魚片粥😆一次滿足兩個願望👍🏻粥底係好滑好綿👍🏻比起其他鋪頭係棉啲，因為佢地嘅粥，加咗同樣開咗咁耐嘅樹記腐竹🥰同埋有魚香味😋係幾好～雖然啲燒鵝放咗入粥裡面，但依然係幾香脆～肉一啲都唔柴👍🏻而且啲粥又可以中和到燒鵝皮嘅油膩～出奇地夾😹😹兩樣放埋一齊依然都有水準～…查看更多

聽講富記最出名嘅係魚湯同埋滑雞粥。是晚我地去咗旺角行街，咁就去咗富記食晚飯喇。我地去到約莫八點左右，剛好有卡位，我地唔駛等就入去坐低咗。店員叔叔即刻就俾咗兩杯熱茶同埋兩份用滾水浸住嘅餐具俾我地，非常貼心！我地點咗時菜魚雲湯、椒鹽豆腐同埋西芹炒鮮魷。個魚湯好快就送到，我急不及待飲咗頭啖湯先，嘩，真係好好飲，魚湯有少少奶白色，好清而且一啲都唔腥，好味有營養。另外，個豆腐第一啖咬落去先係熱辣辣兼且皮脆內嫰，仲配埋椒鹽同醋俾我地點嚟食。西芹炒鮮魷嘅份量唔算好多，但係就配咗蝦醬俾我地用嚟點魷魚嚟提鮮，實在好講究喎！總括嚟講，雖然價錢係貴咗少少，但係間中都去支持下老店啦！有機會再去試下個滑雞粥嘅！時菜魚雲湯椒鹽豆腐西芹炒鮮魷…查看更多