富華冰室 (已結業)

尖沙咀金馬倫道上的餐廳五花百門，從廉價快餐店到高級日式餐廳也有，從網上看見這家餐廳的早餐會配有自家製出爐麵包，所以滿有期待的決定試試。早上十一點，餐廳內都幾乎爆滿，心想食物質素會有一定保證，直至上食物後......所謂的自家制出爐麵包原來就是這樣的一個小餐包，略甜，完全不熱，和一般餐廳的普通來貨麵包分別不大。有時餐廳若跟多士的話，更定必勝過這"自家制出爐麵包"。蛋方面，有蛋香味，但不滑，只能說是普通貨色。招牌沙嗲牛肉麵，外相頗有心思，但一吃下去，是完全不用咀嚼已爛的，就像給老人家吃的糊仔。應該是鬆肉粉下得太多，完全沒有牛肉的口感，是我吃過有史以來最淋的牛肉。雖然現在不斟酌字眼已成為風土病，但是在香港做生意，還是實是求是較好。如此質素的食物，動輒就冠以"招牌，"自家製"等名目，實在叫食客難以回頭。

單看照片，你或許以為我在高级餐廳吃牛扒，但事實並不然，我只是在普通茶餐廳吃平民化的下午茶，連一杯飲品，四十元有找。今次去了這間新開不久的茶餐廳，下午四點多，新鮮麵包陸續出爐，由師傅逐盤捧出來，漲卜卜, 熱騰騰的金黃色麵包十分吸引。不過，我今次不打算買麵包，而是走進餐廳內試一試茶餐的質素如何。選擇很多，我選了最喜歡的板燒西冷牛扒配薯角。牛扒火候控制得很好，厚度尚算適中，牛肉味濃，質感軟腍，配菜酸酸的十分醒胃，擺盤也精緻整齊；熱咖啡也香濃，水準中上。

早排見到尖沙咀呢間新開嘅冰室日日都好多人排隊，咁樣咁今日就到時間就諗住去試吓啦。咁我去嘅時間都唔係正正一點最繁忙的lunch時間，我去到嘅時候到1:45 ，食lunch個班都應該食完而下午茶嗰班又未夠時間因為下午茶係2:30開始，但係都等左一陣入座。嘢食嚟咗一陣我應該當時食咗15分鐘左右啦，侍應就開始埋嚟逐樣問你呢個收唔收得個樣又收唔收得， 根本都未食完未開始飲杯嘢，總之都好想快啲收晒啲嘢趕你就咁樣，跟住再過5分鐘直頭開口話叫我地快啲食完俾返張枱佢。正因為咁，所以今次食完我下次都未必會再嚟呢度食飯，因為一個lunch食到咁趕頭趕命咁， 就連傾計嘅時間都冇。不過都講返佢嘅燒鵝係幾好食嘅， 我就叫咗碟燒鵝飯，如果員工嘅態度可以改下， 其實都可以成日去食嘅。門口菠蘿包係好吸引的

富華的食物幾唔差午餐叫一個燒鵝飯59元加杯熱奶茶他們竟然給我燒鵝脾不是不意外但跟住的遭遇令人不斷減分燒鵝雖然係脾但鵝肉畢竟雪藏肉差唔多無味皮好些燒烤香脆所以雖然有脾食但肉質只係合格加上午飯時間忙碌到希望大家快速走一個4人 枱搭三伙人有對遊客想問下食什麼女侍應急到竟然叫他們叫兩個燒鵝飯餐好了：因為她唔想等其實可以建議他們叫一個乳豬拼义燒飯那就多元口味點 總之食物特別是飽和西餅是新鮮出爐也多種類不過真係太忙了我唔想唔被人當做人一個肥淋淋例湯如果鵝肉稍為入味的白飯熱些：可以較招積可惜飯也唔熱硬和凍凍地今次午飯只是極為普通貴是不貴

係尖沙咀返工，每日都諗食D咩早餐同去邊間食，行行下金馬倫道，見到對面有間新開冰室，即刻去試下。大概10am ，起初唔算太多人，我仲有卡位坐，環境比人覺得乾淨舒適無幾耐全店已經滿座。聽侍應講大概開左1個月，侍應們都好nice ，好有禮貌睇睇餐牌，一眼望落去已經覺得好多選擇，最後我揀E餐～雪菜肉絲米配火腿北海道牛乳炒蛋，再配自家製出爐餐包，凍鴛鴦少甜（$36）凍飲+（$3）D野食好快送黎，雪菜肉絲米有埋生菜，其他餐廳少見，炒蛋好滑，最特別係個餐包，迷你雪山餐包，好味，凍鴛鴦茶味濃，岩我口味