富臨酒家

營業中

休息中

父親節前一天才記得要訂位吃飯，就在附近找了一間酒家看看還有沒有位，在父親節前夕都比我訂到位真利害，不過要吃套餐，那就期待明天晚上六點的聚餐，當天我們差不多是最早去的，進去時已全部預訂滿，我們開始看餐牌，因為之前叫酒樓發餐牌給我們，都說當天才有餐牌，我們點了一個百惠人用的套餐但裏面沒有龍蝦，反而平的套餐有龍蝦，不過東第一味餸來的時候我反而覺得大蝦配伊面都挺好吃的，大蝦好彈牙，還有一味值得讚的是炸子雞炸得非常脆，肉質剛剛好，招呼我們的全菜員態度亦非常好👍🏻還有一味壽包，甜到剛剛好值得一讚

星期日同家人飲早茶，間野d員工唔執野掛住吹水都算，上點心時個呀姐倒曬落呀媽身上，對唔住都無聲，其他高級d既員工肥見到木口木面無反應。好啦倒完，又無叫廚房蒸番出黎。味道又差！員工連基本服務都無，睇下幾時執啦垃圾！非常差！唔明點解仲會有人食，貼錢買難受！

香港夜晚放工時間想搵餐好食又唔貴嘅酒樓小菜，真係唔鍾意架！好在富臨推出好多優惠，值得我一試！出去食好野當然食到盡！鮑魚只係$9.8，怎能夠不叫呢？溏心鮑魚滋味而且又嚼口！味道濃郁！夏天食個冬瓜盅，消暑又解渴！而且好多海鮮，個湯都真係解渴又好飲！海參花菇肉掌煲，味道好出色！冬菇燜到好淋，啖啖肉而且juicy，配埋小棠菜就更清爽！最有驚喜一定係呢個大澳香烤骨，一上台就已經香氣四溢，係蝦醬味道阿！媽媽味道阿！氣味同味道有事定唔辛苦，但呢一個香烤骨骨就非常入味，一咬落去就噴汁，蝦醬味圍繞口腔！真係非常好食！食咗咁多肉，來個泰王蝦球通菜，蝦球彈牙，而且好香！最後當然要食大大個生煎包啦！有大大舊肉，又有肉汁，上面嘅芝麻有好香，飽足感十足！

Came to this restaurant with some friends for some nice catching up. Arrived at the restaurant at around 7:30pm, and we got a table very quickly. 海皇燉冬瓜盅- nice soup with lots of ingredients (shrimp, meat, mushrooms, etc.). Came in a big pot, soup was nice and hot. Always good to have some winter melon soup in the hot summer months 😋海參花菇玉掌煲- the duck feet and mushroom were very tender, very easy to eat. Sea cucumber has a pretty decent texture and flavor. 泰皇蝦球炒通菜- Water spinach is one of my favor

是日媽媽罷工 一家人要出街食晚飯 見到富臨係報紙賣廣告好似幾抵食所以就去試試！先嚟二選一有$18一隻頭抽走地雞 或者$9.8一份蠔皇八頭鮑魚扣金錢～因為屋企人唔太鍾意食鮑魚，所以我哋要咗頭抽走地雞，碟雞超級大碟，抵食！因為屋企人鍾意飲湯，叫咗個金銀菜燉白肺，$128一份，大概都有10碗，屋企人讚個湯好濃味好好飲，仲有湯渣食，真材實料！另外我哋仲叫咗另外兩個小菜隻隻菇都好厚好大隻！都幾惹味！總括而言，呢餐晚飯都幾抵食！下次媽媽再罷工可以再黎食🤤

放工後家中沒有準備晚飯，就去了附近富臨酒家開餐。這陣子有好多優惠、$99雞煲翅、鮑魚冬菇等、幾抵食、難怪吸引了不少街坊食客。生煎菜肉包 有六隻、表面煎得微脆、裡面都幾多肉汁。蠔皇八頭鮑魚扣金錢 鮑魚爽口彈牙、鮑汁好濃、炆得幾入味、冬菇都大隻好爽口。鐵板雙蔥爆手切牛肉洋蔥炒得有鑊氣、好香帶甜、手切牛肉較有咬口但唔韌、有點像牛𦟌、不錯。金銀蛋莧菜份量很多呢、仲有我喜歡吃的蒜子金銀菜燉白肺湯清清地、湯料亦很足。

朋友新居入伙黎探下佢地參觀完一輪就落去晚飯原來呢排好抵!因為有好多超抵食既小菜揀!頭抽走地雞先係 $18 一隻, 超抵食!仲有優惠3寶,有魚有帶子有燒鵝皇先係 $298! 可惜有朋友敏感無得叫叫了原隻走地雞, 牛仔骨, 蝦球通菜, 海參花菇玉掌煲加個金銀菜燉白肺湯~一定夠食~原隻走地雞幾入味,唔算太鞋牛仔骨唔會老, 最喜歡佢既薯仔料, 夠黑椒味!呢個既賣樣就有D 搞笑, 蝦還蝦, 菜還菜不過都有泰式咸香味, 合格! 海參花菇玉掌煲D 花菇超厚肉,又炆得夠淋! 正!豬肺平時屋企處理唔到, 所以出到黎有我就一定會叫足料! 又夠濃味~ 飲完都冇口乾! 好味 !呢餐同朋友食得好開心!希望佢下次會再邀請我地黎玩加有食晚飯就好喇!

今日返工已經好攰，放工返到屋企已經唔想煮飯，唯有同屋企人一齊出街食啦，朋友話富臨嘅晚餐唔錯而且又抵食，咁就一於去試吓啦。阿媽話我最近工作辛苦，所以叫咗個豬肺湯比我飲，湯好夠味，而且又冇味精飲完唔會覺得好口渴，而且覺得好真材實料，因為淨係湯渣都已經一大碟，豬肺洗得乾淨不特止而且好淋身，充滿陣陣嘅菜乾味，簡直一流海參花菇玉掌煲，你未菜色香味俱全，海參厚實又爽口而且好大件，鵝掌入味得來又淋身，而且個底有差唔多五隻大花菇，爽口彈牙又厚肉，至於果汁鮮味得來又唔會太濃，用黎送飯一流黑椒頂級牛仔骨煲非常惹味，食落充滿牛香，有咬口唔會鞋拾拾！配菜有炸至金黃色嘅薯仔，令人十分滿足！

今日返咗去媽咪度食飯，但係媽咪話唔想煮，咁就一於做下孝順女，帶媽咪出去食個中菜啦。附近中菜都有幾間，但係要價廉物美，就梗係要篩選下啦。比我見到呢度有一間都有好多特價菜喎，仲要$18一隻雞，咁抵食就梗係即刻衝入去開位啦。呢隻特價雞，單叫都係$18咋，而且雞嘅size都好大隻，豉油味夠晒入味，色澤均勻，賣相真係一流，而且雞皮爽口彈牙，肉質厚實又滑，雞味濃厚，認真抵食。呢碟蒸鱔，份量好大，蒸鱔軟滑無比，加上啲豆豉汁，好滋味，而且蒸鱔嘅皮爽滑彈牙，我媽咪不停讚不絕口。生煎包，唔會覺得太多油，而且上枱嘅時候熱辣辣香噴噴，真係好邪惡，包皮嘅口感10分豐盛，外層煎得金黃，內裏夾着鮮甜嘅鮮肉，一咬落去肉汁充滿口腔每一個細胞。呢度嘅中菜真係價廉物美又實惠，啱晒一眾嘅街坊過嚟一家大細品嚐，而且味道唔會好濃，亦都唔覺得好多味精，簡直係平民價既享受。

到葵涌探望長輩，老人家偏好中菜，就到附近的富臨吃晚飯。晚市餐牌有兩款震撼推介，必點！由於只可以二選一，我們點了蠔皇八頭鮑魚扣金錢。四人份量的鮑魚以一個砂窩上，鮑魚炆得夠腍，冬菇好厚肉，食物質素無將貨就價。金銀菜燉白肺好大窩，侍應替我們把湯料放在一大碟上，有菜干、雞肉、白肺、南北杏等。湯很算清，一窩湯夠4-5人用。生煎菜肉包軟熟金銀蛋莧菜佐飯一流，莧菜頗嫩鐵板雙蔥爆手切鮮牛肉牛肉用上牛𦟌，好有牛味；洋蔥好有鑊氣豉汁蒸鱔，鱔肉偏腍，未夠彈牙

現場樓面態度極差，過程好艱辛，要發火才有人回應你一兩下2018/07/02 大約9:50AM 去到酒樓坐低左，叫佢開茶，我等左15-20分鐘，都冇人黎, 我特登行出去搵人開茶，佢粗聲粗氣應你一聲等下啦,，之後又10-15分鐘吾理你，我再出去發晒火先拎茶比我，我叫佢拎點心紙，又等10-15分鍾，仲爙你面，bear番你，最後樓面仲失左縱，走左去吾番，我已經等左N個15分鐘，仲等? 最後梗系走啦

六姨生日，約佢來這裡食飯，因為這裡近阿媽屋企，方便阿媽來。六點半來到，客人唔多，我哋一行六人任坐。餐牌上的選擇都多，還有超值晚飯套餐供選擇。喺呢個時候，六姨拎咗張 coupon 出來，原來係 $28 可以食一隻果皮蒸南非鮑魚，好似好抵食喎。於是向女侍應落單，點一個$888套餐和每人一隻蒸鮑魚。女侍應好似未瞓醒咁，望著張 coupon 發傻，回應我哋唔知張 coupon 可唔可以用，我向她說明了一番，她都係唔多明，還走去問她的經理查詢，等了成個字，她才回來說可以使用 coupon。套餐碟碟都很大份，唔怪之得菜單上註明 “供 6-8位用”。金裝拼盤:好大碟。有素鵝、鴨胸、炸豆腐、燒腩仔。芝士焗美國龍蝦 (伊麵底):呢個份量根本係平時一圍12嗰種，龍蝦又多，食唔晒，要打包。龍躉兩味之碧綠炒斑球:呢個份量就正常啲，不過，明明係龍躉，點解個餸名會是炒斑球咁怪呢? 龍躉炒球都煎得香，肉又厚，OK 好食。綠色的似乎是萵筍，炒得太油膩。清蒸頭腩:又係好大碟，頭腩新鮮，蒸得時間恰當。要讚的是加咗木耳來蒸，健康得多。侍應一次過上晒四個餸之後，基本上無理過我哋。想加水、加茶、換碟，都無人理。當再有侍應來時，

今日相约同事去飲茶, 這家酒家就係公司附近, 酒家裡燈火通明,地方企理, 上菜很快, 餐具亁淨。脆皮叉燒包 - 麵包皮好似麥西哥包/菠蘿包香脆, 甜甜地的包皮與內𥚃咸咸地的叉燒一起吃, 味道提升不少。香麻流沙包 - 麻蓉餡夠熱和流出來, 但不會太甜。特色煎腸粉 - 腸粉皮煎得香脆, 內裡亦有叉燒餡料, 不油膩。鮮竹卷 - 不會很多芡汁, 味道鲜甜, 餡料爽口。鮮竹牛肉球 - 喼汁和牛肉一直都係好夾, 牛肉球內有馬蹄粒, 令囗感清爽, 亦不是很油膩。蟹籽燒賣皇 - 雖然燒賣皇賣相尚算大粒, 但咬落去口感比較𣺉, 肉質欠缺彈牙。一邊食一邊飲茶, 總覺茶味比較淡, 於是叫侍應加點茶葉。這午餐消費只是$141.50, 居然都可以簽賬, 這點是我最估計不到的。

今日去石梨富臨一肚氣，成間酒樓風氣不好，由管理層到下層全部只想同客人拿利是，沒一個認真工作，我第一次去，當然沒派利是，沒派後果就是服務員態度非常不好，愛理不理的樣子，我算，一心開開心心吃完走人，我們總共叫了六個點心，但最後發現只來了5個點心，但蓋了6個印，在30分鐘內叫了幾個部長跟進，沒一個跟進到，沒跟進也算，態度極不友善，最後決定不來就取消那個點心，到了收銀跟她說又是態度不好，希望富臨集團好好正視這間分店，過年過節讓顧客感受這樣服務態度，真是新年很快樂，謝謝

部長和樓面告訴你，春節限定午餐祇有套餐😨假如我一個人嚟，要訂四人套餐至得?年初八想食點心都咁難?幸好經理給力，給了兩張點心紙。噉就當然有點心食啦。 這種有投訴才有的服務，管理層請反省吧。