富臨皇宮

營業中

休息中

和幾位長輩在黃大仙富臨酒家晚膳，由於長輩行動不便。所以選擇這個地區。（住附近）看到食評都是強調這間服務態度非常差，但係黃大仙中菜選擇不是太多，諗住富臨都有返咁多年應該過得去？！可惜真如所有食評所說，服務態度差得很，長輩們不知道「特價」食品只可以四選一，挑選兩款即刻給部長責罵！！她說：大佬話四選一睇唔睇到啊？其實有需要這個服務態度嗎？整晚都是10台8台客人，服務員們檢討吓一下自己的態度啦！！！之後我們想加餸，見端餸出來的姐姐順道問她一聲我們想加餸，她即刻很惡死地說：我送菜㗎咋你叫第二個啦，明唔明呀？其實未妳都係代表富臨嘅職員，調返轉頭說一句等一等我叫同事幫手不是更好嗎？香港好難再起飛，服務人員持續這種態度政府做任何嘢。真的、真的幫助不大！本來好心情地吃一餐，給一眾服務員弄得勁不愉快！食物的相片也沒有心情拍了。其實我都堅持支持香港，支持本地飲食。但這些服務員卻改變了我的思想是時候到內地探測吓是否真如人說服務態度好，價錢平，😅P.S 富臨食過幾間、全部也是一致服務態度超劣、不知是老闆要求，定公司製造規定？為什麼可以咁一致「差」！？！？一定不會再有下次，不過可能佢哋自身覺得一D都不是問題、妳食

唔好叫皇宮喇 ！叫垃圾啦 ！我都未食過蝦餃係濕濕立立 ！！乳鴿鹹到識飛 ！！油立立！！！ 腐皮春卷啲油仲多過我啲面油 ！？！ 真係唔好怪香港人北上消費 ！！又漏單， 我叫咗個鮑汁鳳爪都冇嚟到 ，服務態度差， 一個樓面負責十幾張枱， 樓面又唔夠人， 環境又嘈到拆天， 有國內旅行團唔係唔好， 都唔好影響啲食物品質嘛 ！！！大大個南瓜炸煎堆 值得一讚 新鮮熱辣 味道可以

我食開(石門)富臨,趁住放假帶媽去黃大仙廟,見網上多人讚(黃大仙分店)多like咪去試下囉,點知出奇地。。。。。。差,無下次。6月10日14:00去到全場得一半滿,檯布多處黑跡明顯無換,劃單不夠1分鐘就有點心到,仲要係一定不是我點的,明顯入錯單拒收。。。。幾分鐘後又錯送,依次仲離譜,我叫一碟4個的煎堆,竟然屈我叫2碟,我即走去收銀叫佢攞番我的劃單睇,佢無搵過亦唔肯睇,明顯心知係佢自己入錯,跟住問我劃咗咩,我叫佢print比我睇,原來入多2樣不知明點心,估計好多客都係不知情比多咗錢,後來聽到隔離檯又係咁。講番已去剩一半客,當時只是14:30送嚟點心凍。漏單。入錯晒單。車仔明顯有3樣點心係我檯號,傳菜只攞其中一樣煎腐竹卷放低,但車仔就泊在我傍,跟住攞埋其他點心去其他檯。。。。連喼汁。回來我提傳菜仲有2個點心在車未比我,佢竟然答我:我知,我睇到呀。聽到真係火都嚟。跟住問佢攞車上喼汁仲唔理我推走。。。。我火都嚟,指住傳菜同部長講,傳菜竟然答:係呀,我點解要比喼汁佢,連客和部長都鬧,部長都嬲,唔比面,車仔明明有都唔比客,部長話我記低佢扣薪。無下次。完。

星期六中午去到酒樓，見到現場淨係坐咗三份一客,門口嗰個接待態度麻麻，黑口黑面。去到枱嗰度嗰個叫侍應（佢d同事叫佢做阿清）開茶，個侍應都已經唔耐煩，直接將啲餐具同埋餐牌飛過嚟。之後叫佢落單，佢詐睇唔到，我哋反而問我哋後面嗰枱客飲咩茶，我哋嗰張點心紙完全冇人收，嗰個阿清全程掂行掂過。我要行到去大半個場搵另外一個侍應收張點心紙，先叫落到單。而右手邊另一枱客人都話個侍應唔理佢。俾錢買難受，佢生意唔好都唔係冇原因。如果真係執笠，都唔怪得人。

其實我已經有一年時間冇嚟幫襯，知道所有食物由中央廚房供應，沒關係，我要求好簡單，最重要食物一定要熱，今次叫咗4欵點心，一碟炒麵，炒麵正常，山竹牛肉球，蒸得時間過長，梳打粉落得太重手，薑蔥牛柏葉，牛柏葉少得可憐，豬皮蘿蔔，溫度微暖，鮮蝦炸春卷，百份百凍冰冰，咁嘅出品，唔上深圳都唔得啦，我到場時間係15:10分，睇到全場只得3份1食客，心知不妙

早幾日前預留乳豬澳龍餐，電話中已經覺得個呀姐啲語氣好似唔憂做咁，跟住同佢講想預留乳豬又話唔洗，到用餐時要求要乳豬又好愕然，我估計廚房無準備，點知上到枱真係得幾件，仲要又凍又淋。成晚無人招呼過，連湯都自己裝埋，睇到個場只係得三份一食客，都搞到咁，如果真係無心做就無謂再浪費人力物力，快啲執粒，支持本地消費但最後都係一肚氣

和爸媽來到黃大仙富臨皇宮酒樓飲茶。酒樓裝潢呈歐洲宮殿風，很有氣派，環境寬敞舒適，並配上華麗的水晶燈，提供多款的滋味點心以及不同的小菜餐點，選擇豐富，價錢合理，質素高有驚喜。叫來多款即叫即蒸點心，雞紮皮脆香嫩，雞香十足，油脂豐腴，齒頰留香。腸粉清新爽口，燒賣色澤鮮明，爽口彈牙。山竹牛肉肉質鬆化，鮮味十足，加上豉油，令味道提升。奶皇包皮面白如雪，入口軟熟，餡料奶香濃郁，還有沙沙的口感，味道甜鹹交融，讓人百吃不厭。可能適逢復活節，有鹹水角與布甸，布甸裝在兩隻蛋殼裡，鹹水角是趣緻可愛小雞的造型，夠晒應節，別具心思。價錢實惠選擇算多，而且食物質素平均，算是區內不錯的選擇。

新年前訂咗隻乳豬初一同屋企人一齊食，攞到返屋企唔剪都唔發覺隻豬肥到應該跑唔郁，佢皮下只有脂肪肥膏，肉可能係有1mm咁厚，塊皮仲要係唔脆，完全將大家初一嘅氣氛帶到最高點⋯⋯⋯可一不可再，極度後悔，諗住喺屋企附近方便取，點不知賴嘢😔😔😔 仲有，酒樓嘅侍應服務態度真係有待改善，完全明白不想同北上消費嘅原因，明眼人都清楚，完全感受到。香港嘅飲食業越嚟越差完全係有原因。Never be back 🤬🤬🤬

因為太遲訂枱，就試吓依間，一試難忘！依世人都未見過呢個格局，啲枱set到密密麻麻，枱凳污糟邋遢，仿如置身喺平民大笪地一樣！周圍充滿陣陳煙味，聽說有人喺廁所食煙，導致空調煙味四散，坐低5分鐘就想走，仲要逼人食套餐，（前一晚打電話問佢有冇散叫佢話有）$3888 垃圾食物！每一碟餸菜食完都要催促，完全冇人執枱，見到啲侍應人手安排完全混亂，冇服務可言，埋單時聽到好多客人不滿，甚至連甜品都唔食就走，有啲計錯晒數，快啲執咗佢算啦！

未試過食餐飯嬲到特登開acc鬧爆！富臨5宗罪1. book位坐food court本身係團年飯，所以早1個月book位，7點，2圍，訂位顯示為當日食飯第一個訂位聽從指示6點45已經到場攞位但係竟然唔係坐3樓，而係要坐係2樓，本身food court嘅地方去坐！！老人家係度費事要佢行來行去就無辦法店長解釋: 唔知book位先就要安排先2. 叫餸先知只有套餐可以叫，但係隔離枱3人就可以叫小菜訂座同確認訂座都未有提及一定要訂套餐而現場嗌套餐要另加300長腳蟹餐更加無啦啦要再加300，而餐牌係無寫要加300，純粹酒樓職員自己話要加店長解釋: 溝通不足3, 翻叮再翻叮嘅冰凍乳豬皮已經韌到食唔到，豬頭背面焦黑，無肉只有肥膏未食過咁垃圾嘅乳豬店長解釋: 唔信會係凍，唔知點解會咁4 無一樣小菜係熱，連微暖都唔係每一樣送上嚟係凍味精重多油出去食預咗，但係中菜最基本要夠熱，清蒸長腳蟹係凍嘅，蒸魚係凍到有腥味，燒雞都凍琼油，所有小菜毫無鑊氣可言，就算叮返熱都無係大家都要著羽絨嘅日子，食一餐全凍嘅中餐，非常特別嘅體驗店長解釋: 唔信會係凍，唔知點解會咁5. 服務極差上菜亂上，唔止一樣小菜我哋要係另一枱自己拎返

酒樓設於黃大仙的商場內，是街坊食市，十分親民。早上看完日出便到此飲茶，点菜上菜十分快，旁邊全為街坊街里。但食物超級實惠，很多孖寶都30多元，食物味道一般，而且食物長時間蒸著，很多都過度蒸熱，食品又爛又無味。菜肉雲吞，我就少有地嘗到如此的厚皮，腦海中，那厚雲吞皮真連香港街市都找不到，令雲吞又硬又實，不可能評為好吃。棉花雞是比較神奇的一個点心，重蒸的次數太多了，連芋頭條也夾不起來，全都蒸爛了！還好粉果、腸粉、牛肉沒有被蒸到這程度，否則不用吃了。。

最近冬天，富臨推出羊腩煲，作為羊肉控當然立即來食😝😝💠古法羊腩煲 $268份量很多很大份，有濃郁的醇香，羊腩肉質酥爛，入口即溶，羊肉味也足.羊腩軟嫩，配料還有腐竹、馬蹄等等，食完全身暖笠笠☺️☺️💠野山參燉水鴨（盅） $118 有濃郁的香氣和苦甜味，有甘香，水鴨肉質鮮嫩,燉煮後肉質鮮美多汁😍湯汁濃稠，口感豐富😋湯和渣也是份量很多，雞肉和豬肉也是夠稔又多汁.💠明爐乳豬 $188豬皮酥脆，肉質鮮嫩，口感非常有嚼勁，肥瘦適中，再加甜醬和糖一齊食味道更佳☺️

熱門中式酒樓🥰 餐廳裝潢呈雅致，環境寬敞舒適，人流多 好熱鬧，好適合家庭、朋友聚會👍🏻 食物方面提供豐富粵式菜餚，仲有生猛海鮮，食物質素高 有驚喜！💖💖💖食評💖💖💖古法羊腩煲（大） ($268)✨必點！幾乎每台都有羊腩煲😍 湯汁味道好濃郁，以慢火燉煮的方式製作，令羊肉變得極為軟嫩。湯汁加入了各種香料和中藥材，味道出色，好入味😋 羊肉大大件，還有馬蹄及支竹，份量好多，十分飽肚，配飯食一流👍🏻 炭爐燒乳豬（例） ($168)✨炭火燒烤而成，表皮好酥脆，肉質嫩滑。乳豬外皮有燒烤香氣，充滿風味😋 配搭醬料好好味👍🏻野山參青欖燉水鴨（盅） ($118)✨好大煲燉湯😍！營養價值高且材料豐富的湯品，湯料有水鴨、雞肉、豬肉、雞腳、野山參和青欖，肉質鮮嫩，燉煮後更加滋潤。為湯品帶來了特殊的風味和口感，美味又健康👍🏻🥜花生 ($13/碟)✨

最近天氣轉凍啦，係時候要食羊腩煲補補身，食完真係會暖粒粒～古法羊腩煲，好大煲呀😍有羊腩、炸枝竹、馬蹄、冬菇等等！滾起後，已經聞到好香，冇羊臊味，羊肉好淋好入味，連皮帶肉，點少少腐乳醬，就最夾啦，其他食材都入曬味！明爐乳猪，皮脆肉嫩，啖啖肉，冇咩肥膏，點少少乳猪醬，好食！野山參燉水鴨湯，好足料嘅燉湯！一打蓋已經聞到好香，睇得出好足火候，有野山參、水鴨、雞腳及排骨等食材，燉到好淋，飲落鮮甜回甘，滋補養生，好飲而且好大煲，足夠3-4個人飲～

天氣涼涼就好掛住羊腩煲❤️，富臨皇宮平時都會間中同屋企人黎食下飯，做冬都好岩黎～個場好大，坐得闊落又舒服古法羊腩煲(大份)羊腩煲真係一食就暖入心頭，羊腩炆得好入味，但又唔會過份軟腍，份量都好多下，好足料，入面仲有冬菇，馬蹄同枝竹等野山參燉水鴨湯湯頭好清甜帶甘，一飲就有好滋補既感覺，入面仲有勁多料，鴨肉都好腍身嫩滑，成隻鴨都係齊到，飲得又食得😍明爐乳豬(例牌)外皮好香脆，食落超滿足，啖啖既豬香，非常好食😋