富臨皇宮

營業中

休息中

好耐都無去過富臨食飯 因為好耐之前有一次去富臨非常火滾事源係我自己一個大約3點去飲下午茶 門口個帶位俾左張卡我自己去搵台 坐低之後就開始唔對路 坐低左5分鐘都未有人理我開茶 而且我要搭一張牙叔食野食到周圍都有垃圾又不停咳既台 甘我出去同帶位講要轉台 轉左一張垃圾車旁邊既台俾我 我又坐左5分鐘 一直都未有人幫我開茶 之後叫個姐姐幫我開茶 個姐姐勁大聲話我做咩坐呢度 呢張台係無人招呼我 而且叫我如果要投訢就投訢個帶位 又係度炮吼大叫話佢果場未set好 我心諗佢嬲都唔應該發洩去人客到 而且仲不停好大力甘扔旁邊台既餐具去我旁邊既垃圾車度 我聽到佢係度沖住我發脾氣 茶黎到果時到就搞左好耐 因為我太肚餓我叫左野食所以無理佢繼續等野食 點知黎到d點心係凍左既 最黎追左好耐既紅豆沙仲好似嘔吐物 好嬲 ！我最後忍唔住去左帶位度講左岩岩既事 點知個帶位好似一早就知甘 好冷漠望都無望甘哦完就算 我自問我每次去都有俾貼士同有耐心等佢地手腳既慢 但真係太嬲 自從果次之後無再去過富臨 直到我媽媽拎到半價既優惠卷話唔想煮飯 所以我先去一次得到既服務都係好壞參半 口味比較重手 如果正貨一d都唔值 所以一分錢一分貨 經

最近有朋友給了5張100元的現金劵給我，每200元可用一張，最多可用5張，而且加一服務費和茶芥費也可以用來付款，這才是真的半價！所以就給了一個很好的藉口給自己去吃一頓好的！當天我們7點左右就到達酒樓，酒樓也差不多坐滿了，要開放原本封鎖了的地方給我們坐。這以肺炎期間的客量來說，應該能說是挺多人，不過也有可能是臨近活動完結的時候，大家都趕緊來用現金劵吧~哈哈首先，我們叫了組合b，有芝士焗美國龍蝦配伊麵底，我們再加了28元再加了沙薑豬手。龍蝦是波士頓龍蝦，挺大隻的，而且加上了大量邪惡的芝士，每一口都吃到濃濃的芝士味，熱量爆表！而沙薑豬手算是餐前開胃小吃，份量挺多，味道不錯，豬手爽脆！然後是花膠響螺老雞湯，挺足料的，有大大片的花膠，雞的份量也挺多，味道可以比想像中好，但聽媽媽說應該加了味精，這個就不知道了~還有叫了脆皮燒腩仔，豬皮還是非常脆，但就涼了，如果是熱的會更好！我們再叫了蔥油走地雞半隻，這個水準有點低，雞肉不嫩滑，偏老，可能是煮過頭了！然後是半隻燒鵝，上桌的賣相很好，吃下去口裡充滿了鵝油，肉很嫩，不老，有肉汁，鵝皮還保持了香脆，果然現場吃的才最爽！最後，我們叫了菠蘿生炒骨，這個是在好食

母親節，訂左枱7pm食個1288套餐，6點50分到，話無我名，O晒嘴。求其比張細枱，7點49分先幫我落單，催左3 4次都無人理。黎到又話無龍躉，求其蒸條死魚比我。 45分鐘上一個餸，催先有。真係好想起身走人。送幾張100蚊優惠券，有效期7日，多謝晒。望多2眼，早市唔用得、午市唔用得、晚市300先可用100。做到咁垃圾仲想有人黎比錢食? 係咪傻左，經理又話唔到事，咩都話公司決定，垃圾。原來openrice唔可以講粗口。

今日到天盛分店飲下茶，個肥店長服務極差😠😠落左單25分鐘仲未上任何食物，店長剛好經過就問佢落左單未？佢check都冇check就話：落左架喇！剛過左25分鐘啫，等下啦！ 又等多10分鐘，見仲未有食物到，再問另一個職員，佢check完後話冇落單！叫我地再落過😠😠 其間聽到個店長仲不段駡職員同顧客。 講晒粗口話D職員亂咁做嘢！又話D客人又想好服務又唔想比錢！如果想有好服務就1：00黎啦！！！ 雖然佢唔係直接駡我地，但我作為一個顧客聽到佢咁大聲係度講呢D說話會好受咩？ 我黎飲下午茶難度我冇比錢？ 就要受你氣？咩道理😠😠😠 我真係未見過咁差嘅人！今日只係多返人飲茶服務態度就變得咁差！ 唔想做就唔好做啦！想投訴佢，職員話佢係店長，投訴都係投訴比佢到！

我同老公dup低頭研究緊張點心紙食乜好，無啦啦有個啊伯唔出聲就坐低左😤，仲要侍應已經開埋卡俾佢！ 撘枱都算，侍應可以開聲講句先下嘛，問都唔問就坐個啊伯落嚟，我老公又話算啦😤😤😤隔離張枱都係2人，不過係大媽，佢又唔帶個人搭隔離枱！

作為一個九龍人，去天水圍的次數真的是十隻手指數得曬，因為路程實在是比去深圳還遙遠🙈和兩個老同學約了許久要去找她們一聚，今天終於成行。富臨是經常去的酒家之一，最愛她的黃金煎堆，大大粒，一咬下去，滿口的芝麻香，每次必點。鮑汁鳳爪也是每次必點之一，份量大方，煲得夠Lum又入味。虎皮青椒是老同學的選擇，煎得香口惹味，就是略嫌稍油。蘿蔔絲酥是我們的共同所好，外皮酥脆細緻，吃得到條條分明的蘿蔔絲。突然想吃豬手雞蛋薑醋，豬手入味軟Lum，但是薑過老有絲兼煲得太爛了。流沙包足餡但略嫌皮厚。最後是籠仔蒜香斑件飯，斑魚片頗有嚼勁，火候剛好，但是墊底的炒飯過於濕爛。好豐富滿足的一頓午餐，謝謝老同學們作東😘😘😘相聚的時光總是美好。飯後一起登山看日落，快樂就是這麼簡單。

作為街坊，一向都有幫襯，大部分員工都親切，食物未致優秀，但平民價錢也不能要求太多，但作為周末一家聚腳地也還可以。唯美中不足是當中有一位肥經理，其實已經留意他很長時間，每每其他員工做到暈既時候，佢依然行黎行去，大聲發表自己言論騷擾食客，今午仲係我地張枱後面大聲咳嗽，同行有小朋友，佢大聲講粗口，希望酒樓管理層多加留意，或可增設意見箱如稻香集團讓食客發表意見。亦同時想讚賞其他勤力的員工👍🏻👍🏻👍🏻

天水圍好食既茶樓選擇真係唔算多，富臨都算還好，約齊屋企十人一齊黎飲個靚茶，叫左點心、粥、炒麵等等....點心不過不失，最鍾意食個南瓜煎堆，銀芽肉絲炒麵都唔錯，麵炸得夠脆。天水圍黎講都算唔錯

平時嚟富臨飲茶就飲得多，今晚同屋企人，有老有嫩嚟天水圍晚飯，慶祝父親節。炎炎夏日，叫個海皇冬瓜盅，好多料，無味精...飲咗幾碗都唔口渴，走地雞配蒜蓉蟶子皇，隻雞超正，勁入味👍🏻蟶子加埋蒜蓉粉絲，好新鮮。蔥爆牛仔骨，甜甜辣辣咁，個味好夾，唔同平時出面食開嘅味道，泰皇蝦球炒通菜，辣辣地好好味😋 最特別係薑蔥焗桶蠔，望落仲以為係魚雲煲，大大隻食落口又juice, 無諗過薑蔥配蠔係咁好食😍😍😍好鍾意呢個場好大坐得好舒服，完全無壓迫感，婚宴擺酒好正呀！

今日一家人嚟天水圍食飯，揀咗嚟富臨皇宮晚飯食中菜，點少得肉同海鮮，間間酒樓都有大魚缸養魚，但就真係唔係間間都有 "阿拉斯加蟹" 食，見佢價錢好抵食，仲要游水新鮮即煮 👍🏻👍🏻👍🏻試咗個薑蔥焗桶蠔，超大隻，無諗過蠔可以同薑蔥咁match, 頭抽走地雞原隻上，好滑好夠味，蔥爆牛仔骨甜甜辣辣，好開胃，今餐晚飯好有驚喜，多咗唔同款式，煮法配搭好新鮮，蒜蓉蒸蟶子好正，新鮮又唔會韌，生煎菜肉包好多料仲有汁。我地有小朋友，侍應們好貼心，叫咗個海皇冬瓜盅，不停幫我地添飲，有heart有服務嘅酒樓👍🏻

最近各忙各的， 一家人難得共聚晚餐， 當然選擇去我們一家的飯堂富臨啦， 最喜歡富臨坐得舒適又可以安安靜靜聚一聚！四人加小孩， 點套餐吃不下， 還是點小菜最划算~ 優惠小菜選擇不少呢！點了姬松茸炖響螺湯補一補， 茶色湯汁清澈， 油分不多入口甘香微咸， 湯料多多沒有偷功減料。薑蔥焗桶蠔一煲5件， 珍寶尺寸的桶蠔剛剛熟透， 蠔身飽滿滑嫩， 一隻都夠吃半碗飯了XD蔥爆頂級牛仔骨香口惹味， 加入彩椒、洋蔥一起剛好中和一下。熱騰騰的海參花菇玉掌煲， 海參非常滑溜， 花菇吸滿湯汁， 還有蔬菜墊底， 非常豐富。妹妹最愛的龍蝦伊麵上桌啦， 龍蝦肉較少和結實略嫌可惜， 不過上湯伊麵清新不膩也不錯。每次來都會點的生煎菜肉包， 家中小屁孩喜歡煎得香香軟軟的包子， 裡面的菜肉內餡趁熱吃最好， 吃飽了也要吃一個~~一家人只要齊聚一堂， 吃什麼都是次要的， 能坐得舒舒服服聊一晚才是重點XD

今晚媽媽冇煮飯所以去咗富臨食晚飯，估唔到呢間酒樓嘅晚飯都幾高質，唔會好味精，而且性價比好高姬松茸燉響螺 $128好足料既湯， 除咗瘦肉雞腳等等材料，原來有半隻雞係入面味道夠曬濃郁，仲有八碗湯份量頭抽豉油雞 & 蒜蓉蒸帶子 $138一個餐兩味餸都唔使$140豉油雞好入味，又唔會太咸雞肉嫩滑，有一隻雞咁多，送飯一流本身個餐係跟蟶子，不過賣曬，但係轉咗依款帶子都唔錯落生熟蒜蓉去蒸既帶子好香，加上落埋粉絲，吸咗帶子嘅鮮味+ 蒜蓉嘅香味，必叫~兩個人食加埋打包都唔使$300 下次要約多啲人再黎，因為份量真係又多又抵食 ~

今日同朋友去咗天水圍富臨皇宮食晚飯，富臨嘅晚飯真係平靚正有好多特別嘅套餐優惠之餘，散叫小菜亦都唔會好貴，每人百零蚊食到頂住個肚走 呢度嘅侍應招呼亦非常好滿滿嘅一大煲海參花菇玉掌煲，有四粒手掌咁大嘅花菇，幾片爽口海參，西蘭花及鴨掌，個汁都幾濃味但唔會太咸魚肚肉碎浸勝瓜 $78魚肚嘅份量都幾多，勝瓜唔會浸到林曬，仲有少少咬口，仲落咗少少肉碎，所以味道清淡得黎亦都會有肉嘅香味酸酸甜甜嘅菠蘿生炒骨 $68 好開胃 賣相都唔錯生煎菜肉包 $38大大個包，裏面好鬆軟，餡料份量正常唔會太少都唔算多，整體味道唔錯

一家人慶祝父親節，小菜晚飯是爸爸首選。富臨皇宮裝潢華麗，坐位間隔寬敞，空間感夠，讓人輕鬆吃飯，沒有了香港地少人多的壓迫感。晩市的優品推介好抵食，上湯焗加拿大龍蝦才$128，滲滿龍蝦鮮味的伊麵底一向是個人至愛。慰勞爸爸點少得極品靚湯-姫松茸燉響螺，濃郁的湯品，湯料超足，滿滿的一盆瘦肉雞腳！一家四口點了三個小菜，海參花菇肉掌煲，花菇炆得很到位，腍軟入味，材料新鮮夠份量！驚喜的薑蔥焗桶蠔，蠔肉有半個掌心的大小，肉質鮮嫩，以薑蔥去腥，每一口都是舌上滋味！蔥爆頂級牛仔骨，黑椒汁的牛仔骨很惹味，配上香烤焗薯，沒理由錯過。男士一向不愛甜，父親節就以非一般的菜式- 即叫即煎的生煎包作為晚餐的總結吧

早前在富臨酒樓飲下午茶時見到餐牌推出六月份晚飯優惠，頗為吸引，今晚約了朋友試試先-上湯焗加拿大龍蝦伊面上湯焗加拿大龍蝦伊面128元，就是衝著這價錢上富臨的，果然這個沒有失望，吃著爽囗--彈牙的龍蝦配上伊麵，雖然吃開的芝士焗龍蝦比較濃味，但這個吃到是龍蝦的真鮮味。-爆炒海參花生苗真是大鄉里，第一次聽到有花生苗菜式，即時叫左碟試試，花生苗個樣真的是一粒花生樣加一条尾巴，有手指尾咁長，比大荳芽粗一倍度，相當脆囗，用上迷你海參仔，九菜花，有少少辣味配搭，很是惹味，令人停不住口 。--荷香鼓味蒸白鱔在街市買白鱔的價錢也不便宜，這裡百元多些便有半条白膳的份量，用荷葉墊底蒸，火喉剛剛好，鱔片爽口好味，如果遇著腍身的白膳，那就掃興了，好彩不是那回事。--鐵板黑椒豬手因座上有個食肉怪獸，所以点了原隻豬手給他，淋上黑椒汁，也很惹味非常，豬手頗大隻，可以滿足怪獸的食慾了。--姬松茸炖響螺湯是晚還点了一個湯是在姬松茸炖響螺湯或冬瓜盅作出選擇，結果少數服從多數点姬松茸炖響螺湯，內有響螺，姬松茸，雞及瘦肉等豐富材料，炖湯濃郁清澈，雖是夏天，也不覺油膩，而姬松茸味道也是我挺喜愛的