富臨漁港囍臨門皇宴 (已結業)

當我寫緊呢篇食評果陣，富臨信德中心店經已結業!佢係門外貼出告示，指因租約期滿，營業至10月3日結業，並感謝各位貴客多年支持，又提意客人去集團最近嘅分店幫襯，包括富臨聯發商業中心店、富臨灣仔店及金皇廷灣仔店!我之前都有成日幫襯富臨信德中心店，因為富臨集團旗下分店嘅食物、環境、服務、衛生各方面質素都唔錯，而且價錢化算，令我對佢有信心!好可惜富臨信德中心店結業，不過我都可以去同區嘅富臨聯發商業中心店!今次係我最後一次幫襯富臨信德中心店，同樣冇令我失望，質素保持水準同樣唔錯呀!:)味道方面，今次2個人叫咗幾款點心、1碗極品燒鵝瀨粉及1碗豉油雞瀨粉，味道皆唔錯!食物包括:(1)極品燒鵝瀨粉:燒鵝夠入味夠滑!瀨粉分量多，幾爽口!湯味討好，鹹淡適中!:)(2)豉油雞瀨粉:豉油雞味道似普通切雞!瀨粉同樣分量多，幾爽口!湯味討好，鹹淡適中!:)(3)富臨蝦餃皇:蝦餃嘅蝦夠新鮮同入味，蝦餃皮都做得幾夠薄!(4)煎釀茄子:煎得幾香口，魚肉新鮮!(5)花姿炸雲吞:花姿餡好好味!炸得夠脆，油分多咗!(6)濃湯上海餃子:餃子餡落咗雪菜鹹咗!湯味淡咗，味道討好!環境方面，呢間富臨都營業咗好多年，地方都較為殘舊，佢嘅裝修設計唔算豪華或者高雅!佢又冇引入電腦座位分配系統(電腦票、電視屏幕顯示叫號及電腦聲音叫號)、自動感應梘液機等先進設備!電視機又冇開比人睇，仲好殘舊添!但係勝在呢個舖好大，又夠直，又唔係身處於舊樓中，冇柱多、橫樑多及樓底矮嘅問題，整體都坐得舒適嘅!:)服務方面，不過不失啦，大部分服務員做野勤快醒目!如果各個服務員有多D適當嘅笑容就好啦!:)衛生方面，碗碟算乾淨，地方企理，洗手間地下好濕!:)抵食方面，下午茶茶位$6、各款點心嘅價錢都大眾化，算抵食架啦!:)整體來講，各款點心價錢化算又多選擇!至於食物、環境、服務、衛生各方面質素都唔錯，直得回味啦!:)…查看更多

有一晚我們一家三囗去食睌飯,我問門囗個位侍應我的小朋友兩歲半需唔需要收茶錢,她說不需要,於是就入去食,叫埋單時我的咭--茶介上依然係寫住兩個人,到佢拎張單來時,我老公查單發覺茶介要收三個人錢,於是問佢點解會這樣,佢就叫經理來,經理來到時就只係講打錯單,信用咭要照收呢個價,然後俾返九蚊我地,當時都覺得無所謂,但後來我老公同我講佢地向後面講--------[佢個女唔坐BB凳就要收茶錢喇!]-----咁係咪十歲坐BB凳就唔收錢呀!!!!!!!!!!…查看更多

8月8日，一行6人，為家人慶祝生日，帶著蛋糕來到這裡。侍應一見，不斷推銷名貴海鮮，甚麽靑衣、東星、老虎斑等，最後選了豆腐炆龍躉尾，近四百元，不算太貴。連其他蝦蟹菜共約八道菜。其他先上的菜也不算差，洒樓服務和食物水準本來ok。到了豆腐炆龍躉尾，一開蓋熱氣騰騰，各人都分了一口，衹是魚肉較細碎，味道較淡，鮮味尚可，心中有疑，撥開配料，一看那"龍躉尾"，水落石出，吩咐侍應召見經理。經理到來，我正在拍照，跟他說了些話，他也無話可說，最後這菜是取消了。喜慶心情頓減半，叫侍應上生日蛋糕，他就是把蛋糕連綁着的盒，原封不動的拿出來，不要說無插爉燭，义和碟也是再叫才來。:(…查看更多

２個人去飯茶..一入到去無理我地最後都有個呀姐肯理我地我地叫左：棉花雞（無乜味）：咖哩魷魚（幾爽）：咖哩牛柏葉（幾好味）：鳳爪排骨飯好彩Ｄ食物唔太差整體ＯＫ!…查看更多

個南瓜煎堆仔不知為何變咗大煎堆,本來見到個名我會以為,係煎堆仔裡面有南瓜饀,但除了個體積大了之外連南瓜饀都唔係,我諗個名要揾人改一改(我見到個名會以為係煎堆仔裡面有南瓜饀)不過由於新鮮出油鍋,所以外脆內軟也不失"煙靭"味道都唔差,不過我就食唔到有南瓜味,南瓜本來就味道唔多濃,所以佢放入麵粉一齊磋,就根本出唔到南瓜味,特色煎腸粉,蝦米腸一面煎到有少少焦,另一面唔煎,於是放入口裡面就有兩種口感,唔係乜嘢特別,不過我就真係未係第二到見過咁整小籠包,有兩個有汁,有兩個爆咗汁,味道就真係唔差,因為裡面d肉唔肥,而且有肉香…查看更多