富景清香麵家

營業中

休息中

今日遲左出門所以去左北角站隔離呢間麵家食lunch🤣點知呢間麵家啲野都幾高質喎！價錢又好抵食 即刻成為我嘅新飯堂😎-🐮崩沙腩河粉 $43 (加紫菜+$8)$43真係好抵 但佢比啲崩沙腩份量又好多！🤩性價比超級高呀😌😌崩沙腩嘅牛肉味係比較濃 靚過普通牛腩好多架😎河粉都唔錯 夠滑 而且係分開一條條 🍜唔會痴埋一堆咁🤣👍🏻-🐮牛坑腩米線 $43 牛坑腩嘅牛肉味冇崩沙腩咁濃 但係就唸身啲😙入口比較嫩滑 都一樣好正架😍真係鹹魚青菜 各有所愛呀😌😌加埋餐廳自己炒嘅辣椒油 都真係有啲辣架🌶鍾意食辣嘅話要挑戰下呀😎-🥗郊外油菜(生菜🥬) 跟餐$12菜可以揀菜心/ 芥蘭/ 通菜/ 生菜🥬我地揀左生菜～ 佢係配蠔油嘅😋啲蠔油都好鮮味 生菜都新鮮綠色嘅唔會變黃😌-🐟🍢蜆介鯪角球(炸) $33好新鮮又冇腥味😋炸到外脆內軟好好咬口😝點埋鹹鹹地嘅蜆介食 又唔同感覺～-同場加映 🐠🍲鮮鯇魚腩粥 $40覺得幾好食所以第二日又返黎買多個外賣粥食🤣鯇魚都新鮮、有少少骨😌不過愛食魚嘅我唔介意～加左啲薑蔥去腥 正😋

富景清香麵家😋😋清香牛腩麵專北角美食琳瑯滿目⋯尤其是喺北角匯附近吃東西一點都不便宜⋯⋯居然有一間簡約裝修以紅色的卡位配藍白色為底啲清湯腩麵舖🍜！卡位寬闊坐得很舒服、環境光亮整潔！員工熱誠招待👏🏻👏🏻👍🏻店舖的食品種類很多、早餐以粥、炒粉麵、腸粉、粢飯、油條、豆漿為主、特別袐製牛肉儍！午歺和晚餐都有很多選擇👍🏻👍🏻🍜🍜牛腩肚筋麵、大大碗都係$48、香濃清湯配上幼滑嘅河粉、牛腩超腍好入味、牛肚爽口彈牙、牛筋軟滑⋯⋯三種材料融滙一起食、口感豐富真係好滿足！再配上🐟魚皮）$15（細）+ 🥬油菜$12（跟餐）晚餐好豐富！😋😋店舖仲有好多小食提供超好味😋爽脆海蜇（爽）$33、炸雲吞（香脆）$30、鮮蝦腸粉$25（皮滑🦐爽）⋯yummy yummy 粉麵飯餐點仲可以優惠價加配熱飲$7凍飲$9⋯⋯或者半價配特飲🥤☕️🧋、豆漿都好好飲😁粢飯唔一定係早餐食、店舖午餐晚餐都有提供非常迎合街坊！👍🏻軟綿腍香嘅糯米包裹着榨菜肉鬆油炸鬼捲摺已成的粢飯$29、好香腍⋯⋯好難怪咁多人鍾意食😘😘街坊價錢#美食多元化#正宗牛腩#富景清香麵家北角渣華道132渣華商業中心地下地鐵北角站A1出口，向右行一分鐘

適趁北角上堂，早少少係附近搵野食，見到呢間富景清香麵家，頗為多人，入黎試試！有別一般麵食店，呢度做埋腸粉，幾特別！天氣熱，點左青瓜同鳳爪做前菜。青瓜冰涼爽口、鳳爪酸酸辣辣，兩款都夠開胃！鮮蝦腸粉即叫即蒸都好快，蝦肉食得出唔係雪蝦，頗有甜味。腸粉皮夠薄夠滑，十足潮式腸粉做法魚片河魚片油香十足，咬落夠彈牙，河粉幼滑，好食！蠔豉滑雞粥生滾粥，要等十至十五分鐘。新鮮熱辣又足料！有冬菇、蠔豉同雞，粥底超甜，而且夠綿夠滑，正！

富景清香麵家 北角渣華道132號渣華商業中心地下前一晚同朋友去了飲酒, 喝得半醉回來, 早上起來個人都提不起精神, 肚子又作響餓了,索性買早餐 吃清淡此, 回家慢慢食邊爭取時間休息再睡多一回兒。11:30前有 粉麵，粥，腸粉, 易消化夠清淡, 醉宿時食佢舒服又正氣, 多買點回家當埋午餐好了。$25 皮蛋雞絲粥,粥底很綿, 外賣拿回家溫度剛剛好, 唔會熱到邊食邊出汗。$21 蔥花雞蛋腸粉蛋+蔥花的香，只需簡單淋上甜豉油, 滑嫩有米香, 伴粥一起吃。女朋友要了 $25 鮮蝦腸粉, 佢食海鮮平時都要人幫手去殼,呢個岩佢食呀! 甜豉油是精華同提升風味的要點, 腸粉整得好滑。魚皮當油炸鬼食，送粥$32淨雲吞雲吞夠皮薄又滑，鮮蝦豬肉餡實在,撈了大地魚乾碎調味, 入味芳香渴也好喝, 多了份鮮味哦。$37涼拌黃瓜拼海蜇, 黃瓜清爽少許辣, 海蜇也是爽口, 鹹香彈牙,而且黃瓜海蜇都是低卡,這一餐是米製品, 多澱粉質, 用來平衡一下。

今日係北角匯睇完戲，又唔想食商場啲千篇一律嘅餐廳，行出商場見到對面呢間粉麵檔就入左黎食，原來價錢咁抵食，地踎得黎又幾唔錯。.粉麵類由$32起，我地叫左「招牌魚蛋片米粉 $32」、「雲吞伊面 $38」、「淨水餃 $32」，雲吞水餃🥟好值得推介👍🏼又大粒又薄皮，蝦🦐夠爽口彈牙。尤其淨食都係同價🙈真心抵。伊麵底爽爽地，配埋秘製辣椒油夠晒辣。.呢度除左粉麵仲有粥同腸粉食，叫多左個「炸兩 $12」😅😅平到呢，唔知幾耐無食過$12既炸兩，仲要油炸鬼係脆既👍🏼大魚皮都正，$23大大份。.跟麵+凍飲$9。選擇種類算多，又大大份，價錢真係算合理，可以再食🤭🤭

早兩日同朋友去完北角新光戲院睇戲，睇完戲餓餓地就入左間新開既麵店食個宵夜，裝修新淨座位闊落，牛類净食 雙拼 $110牛腩同牛筋炆行好淋身易咬口，仲好入味，一d 牛嘅臊味都無。鮑魚滑雞粥 $45大大碗份量足夠兩人食用，雞肉鮮嫩滑溜，帶有少少酒香，同鮑魚絲一食，味道好夾，粥底綿滑。蜆介鯪角球(炸) $33用新鮮鯪魚造成嘅鯪魚球，炸得外脆內軟，配埋俾自家製蜆介汁食，簡直絕配。雞肉腸粉 $25第一次食雞肉腸粉，呢個配搭幾新鮮 ，手拉腸粉裏面夾住用雞肉做的肉餅，味道幾特別。

蔥花蛋腸粉⭐⭐⭐⭐腸粉 新鮮整軟滑 蔥花同雞蛋喺入面 不錯 but.. 唔記得影相炸醬麵 😭冇影相 甜酸爭少少 辣味都爭啲 係肉碎 碎濕濕 麵底ok嘅炸兩 ⭐⭐⭐⭐⭐ 必叫！建議即刻食咗先 因腸粉皮及豉油包住會比較快淋， 即刻食脆卜卜👍因腸粉同埋炸兩都即刻做 一般外面 舖頭仲點會咁有心同你整個炸兩即炸（外賣 就唔會 脆卜卜了） 豉油鹹咗啲雞粥 ok雞口味就嘛嘛比較overcook，但佢個粥底非常滑加分！唔係出面非常好食嗰啲雞粥 但也不差的 始終他粥底滑取勝 仲有佢啲冬菇正係有醃的, 似用蠔油炆過 加分 ！ ，$3x 都大碗 性價比高! so far食得過 價錢好抵 ！但注意成間茶餐廳入面都充滿強烈牛腩味 如果唔鍾意牛腩味嘅人應該頂唔順。

參加完婚禮，唔敢在太多人的場面進食，故提早離開去覓食，諗諗下一於買外賣去男朋友家撐枱腳。見到呢間粥粉麵飯樣樣齊的傳統麵家幾多選擇，環境整齊企理，地方仲幾闊落，不錯！選擇多多，有粉麵、飯類、小吃、粥品、腸粉、特色小食和飲品。男朋友係牛魔王，幫佢揀咗一份筋腩肚淨食（$110），當然我也鐘意。撈起睇下，有腍嫩的牛腩、滑嘟嘟的牛筋和爽滑的牛肚，每件都幾大件，仲有生菜墊底，份量好足，大大碗，好抵食！全部都非常入味，牛味濃，嗰腩汁好香濃，用來撈麵或飯就一流！下午茶時段奉送飲品，要了碗一鳴水餃拼鮮鯪魚球粗麵（$32+$10/雙拼）配凍低糖豆漿（+$2），健康有益。竟有三大隻水餃和三大粒鮮鯪魚球，抵呀！湯跟麵分開放，所以粗麵保持爽滑彈牙，加啲辣油更正。水餃皮薄滑，內饀包滿，有木耳、蝦、鮮豬等，好鮮爽，皮薄饀靚。鮮鯪魚球大到好似乒乓波咁大，仲好彈牙，好有魚鮮味，喜歡！腐乳通菜（+$12/跟餐）兩者一向是最佳拍檔。通菜翠綠爽嫩，蘸上少許腐乳，鹹香惹味，又不失通菜的味道，岩晒！爽脆海蜇（$33）切成寬身，口感更佳，的確好爽脆。食前撈一撈，好香麻油味，仲有甘香的芝麻，味道調較好好，越吃越滋味。今次所點嗰幾款都

一出地鐵站就落好大雨🌨🌧⛈💦，無理由傻更更咁企係到等雨停，反正又係食晏時間，完全唔使揼雨就係隔離有間麵檔，咁就腳，一於入去填飽個肚，唔理佢落幾大雨，出地鐵旁邊咁方便，落雨都無有怕，完全唔會揼到你😂😂😂😂😂——————————-每日忙碌➕忙碌➕忙碌=又到咗食飯時間😅😅🥹🥹🤣🤣😋😋——————————墨魚頭麵🦑：好小地方有墨魚🦑頭食，咁有特色，當然就要試試，墨魚頭彈牙爽口有口感，鮮甜好好味😋———————————牛什麵🐂：足料牛什，炆得入味又夠腍，大大碗麵，抵食！—————————芥蘭🥬：套餐配碟菜，健康有益😇————————蜆介鯪魚球🐟：多款小食種類選擇————————-炸韭菜餃🥟：新鮮即炸脆卜卜，熱辣辣又香口—————————涼拌黃瓜拼海蜇⚗️：滋味小食————————凍檸茶🧋：凍檸賓🥤：套餐配上多款飲品任你配搭👏👏————————-就腳方便食碗麵..多款食物任你選😁其實開心🥳簡…單就在你身邊....食….拍…寫.. 已經成為我生活中的一部份鍾意食..鍾意拍…鍾意寫..留下美食回憶—————————

北角 柴灣都有分店架😆☝🏻炸鯪魚球$33魚肉外層薄脆，入面肉質juicy，點蜆蚧醬一齊食，味道獨特鹹香又味濃，就算唔加蜆蚧醬一齊食，味道依然好味，魚肉同醬都有啖啖既陳皮味同芫荽👍🏻鮮蝦腸 $25大大碟腸粉，每舊切咗嘅腸粉入面都有蝦肉，真材實料，蝦肉唔腥，腸粉口感Q彈，就算凍咗都keep到個口感爽脆海蜇 $33好多芝麻 、濃郁既麻油，海蜇口感較清爽、完全冇油脂，係一款較健康嘅食物🤣，同佢個名一樣口感真係爽脆#港島美食 #北角美食 #北角港式 #北角匯 #港島區美食 #港式麵店 #港式麵食

位於北角的粥粉麵街坊食店，晚飯時分，堂食都蠻多人，所以有些客人直接外賣回去。餐牌多頁，選擇多元化，不只有牛類湯粉麵，還有飯、粥品、小食、腸粉等。自家製爽滑腸粉：蔥花雞蛋腸粉 配料就是簡單的雞蛋加蔥花，薄薄的腸粉皮捲成腸粉，很嫩滑，最後淋上豉油，添上鹹味。餃丸類粉麵：潮式韭菜餃米線韭菜餃有五粒，每一粒的水餃皮都很薄滑，餡料飽滿，蝦仁有幾兩粒，菜肉份量均勻。米線浸在湯裡變得有點腍，建議下次應該分湯放，以免影響食物質素。 明火生滾粥：鮮鯇魚片粥 鯇魚薄片，白粥綿綿，本身已經加了鹽調味，加上鮮味滲進粥裡，頓時加添魚香。特色小食：豉油皇炒麵炒麵配粥，最佳配搭，而且味道不算鹹。簡單的配料，麵條及蔬菜絲，不過入面很多長條蔥。

富景清香麵家老牌街坊食店，我成日大幫襯，因為好味又抵食！粥好綿，腸粉又好味！叫左個鮑魚雞粥，嫩牛腸！果然無失望！雞肉好嫩又入味！呢度d雞感覺有滾粥之前用調味料調味過，配合埋鮑魚生滾粥，好好食，粥好軟綿，呢個好讚！嫩牛腸又係好多牛肉好多料！同粥絕配！腸粉皮簿又彈牙。另外叫多個炸兩，溝埋花生醬一流呢！拒地油炸鬼都幾好吾錯。粥品有好多種，下次再試埋其他款式。呢度真係好多街坊幫襯，一陣間就坐滿人了。阿叔阿姐又有禮。

放假一行三人喺朋友屋企打機睇波，原來時間都唔早🌘，就喺附近買啲嘢食，剛好有間粥麵店「富景清香麵家」開到好夜。雖然差唔多成十點，但都仲有好多人食緊。小店環境OK嘅，唔算太窄，但都係買返去嘆冷氣慢慢食舒服啲🥡。店員姐姐仲建議我哋加一蚊分湯，唔好整淋啲麵。牛腩牛筋河($45)，餸同粉嘅份量，可以話係一比一。🥩牛腩肉味濃郁，肉質唔嚡，但部位就偏肥少少；而牛筋就彈性滿滿。河粉幼身，並無碎濕濕。一鳴雲吞麵($32)，🥟雲吞大大粒，入面包裹原隻鮮蝦，真材實料，如果冇記錯應該係有五粒。另外，幼麵分開上，保持口感，鹼水味亦可接受。茘灣艇仔粥($25)，🍚粥底綿密，唔稀唔糊，好夠味兼且足料，包括魚片、瘦肉、魷魚、花生同蔥等，每啖都有餸配。凉拌黄瓜拼海蜇($38)，小食份量好多，海蜇脆卜卜，而墊底嘅青瓜亦同樣香口🥒。調味帶麻油香，辣辣哋，幾醒神。雞蛋肉碎蒸米粉($25)，蒸米粉有驚喜，口感煙靭，而且簡單加啲蔥同芹菜，味道清清哋唔錯。上面仲有一塊窩蛋肉餅，相當惹味🍳。鮮蝦腸粉($25)，腸粉喺餐廳手拉，口感幾滑，不過就略嫌啲蝦唔夠大隻🦐。油條($10)，呢個正正常常，今時今日一條油炸鬼賣十蚊都唔算貴🙈。總括嚟

天氣太熱，所以一早約左髮型師，同阿仔一齊去剪頭髮，剪完已經一點多，肚仔餓即刻去搵食。不過天氣真係太熱，胃口差啲所以要食的濕口嘢。行過兩條街，被一陣牛腩香吸引咗，同阿仔不約而同，唔使諗就決定食佢。店內冷氣及光線充足，兩邊均有卡座。近兩點時間不是太多人，店員安排我們入坐卡位。翻看餐牌，原來仲有飯、粥、自家製腸粉及多款小食。選擇頗多，任君選擇。牛腩麵係必食嘅，阿仔想食雲吞，我就好想食菜。吾想食晤曬浪費食物，最後要了一碗牛腩麵、雲吞淨食，跟麵或淨食加$9加凍飲及$12加油菜。點了一碟腐乳通菜、一碟蠔油芥蘭，兩杯凍檸茶。然後加多碗紫菜湯。《馳名切腩麵》（$35）多蔥多腩汁，牛腩好靚，最鍾意呢隻半筋半肉，夠淋夠味，入口吾鞋吾黐牙。幼麵爽彈牙，吾會太淋，牛腩麵來說十分高質，價錢不貴，加埋辣椒油更正。《雲吞淨食》（$32），雖然睇落細細粒，但目測有七八粒之多，雲吞夠皮薄又滑，而且餡料味道不錯。《養顏紫菜湯》（$23），超大碗又多紫菜。據說紫菜十分有益，多吃無妨。《蠔油芥蘭》（跟餐+$12），芥蘭吾老夠青嫩，烚得剛好，淋中保存爽脆口感。《腐乳通菜》（跟餐+$12），同樣烚得剛剛好，保持青嫩。整體價格合理

一向都知道北角多各種各樣美食，今次去開附近當然要揾好野食啦。見到富景清香麵家，menu上有粥品、油器、腸粉、粉麵、前菜、小食等等應有盡有，就入去試下。今次叫左牛筋米粉、魚蛋麵加紫菜、極品蠔豉粥、炸両、鮮蝦腸粉、蜆介鯪魚球、凍龍鳳可樂及凍利賓納。牛筋米粉d牛筋又多又腍，湯底有腩汁連米粉好入味。魚蛋麵值得一提，魚蛋彈牙魚片夠鮮味，麵同樣彈牙可口，加埋紫菜帶出多層鮮味。極品蠔豉粥有十幾隻蠔豉又有東菇，認真抵食，粥吸左蠔嘅鮮味十分好味。炸両點豉油、蔴醬、甜醬食真係冇得輸。鮮蝦腸粉皮薄餡足，加埋甜豉油食一流。蜆介鯪魚球有傳統風味，而且熱炙炙即叫即炸。