密密燒

營業中

休息中

平時好少入觀塘，不過朋友講起呢間man man 燒好吸引，講到圍住個爐等食就得，岩晒我地呢啲懶人，於是就一齊去食喇。朋友都早左成半個月預約先有位。一入去見唔大，但係啲位都算闊，幾溫馨舒適既。一坐低店員就開始介紹點樣用個爐，飲品可以自己出去拎，都有好幾款既，而如果飲佢地自家制豆漿就要叫佢地幫手斟。食物上枱都係咁樣用個架放住，好得意！燒蔬菜快熟好多，我地人多好快就清晒啲野，如果下次黎可以兩個人去好啲，兩個人一個爐唔會咁快食晒啲野店內冇提供叉同匙，要夾食物就用呢種夾，都容易用既，不過用多左隻手會有啲累。枱面有幾樽調味料可以自由加上啲食物度，有鹽、辣粉，好似仲有兩種醬。上面呢種唔記得叫咩丸，但超好食，中間仲有麻糬咁既東西，我地個個都好鐘意

密密燒在我想去的清單裡好久了，(以前沒試過這樣型式)所以就好奇是怎樣的室來BBQ？從它開張以來，由沒太多人直到現在很難BOOK位的狀況，是時候要試一試了.....終於等到友人有時間就一起去飽餐一頓，到達時間為晚上八時多，跟預約時間早了十分鐘，在門外看裡面真是座無虛席，就是因為這個情況使我更加期待。店員有禮地出來跟我們打招呼，時間還沒到的關係，有枱客人快埋單，要我們多等一會，就這樣等了20分鐘，沒差，等是應該的 ^^入座了，入座了，座下來後另一位店員詳細地講解一次如何落ORDER及操作。我們仔細看ORDER紙，單是牛類已有5款，雖然說了是嘗試新菜式，但還是先ORDER最想食的種類吧.....牛類：推介西冷及牛舌。羊類：後腿肉比較膻(可能是一批批貨源關係吧)。鴨：鴨舌意想不到嫩口。魚類：多春魚燒起來很香啊，果然還是燒的好味。腸：都是一般BBQ口味。丸類：推介豆腐、墨魚丸、年糕。蔬果：三色甜椒、菠蘿燒起來的甜真是沒話說。

原先book左星期五晚上，咁職員其實有通知我哋要waiting list, 星期四晚或星期五早上先知有無位，咁佢哋講到明係waiting，本來都無問題。去到星期四我哋咪主動打去問下有無位，點知個職員話：「有位啦！留左五個位畀你！」咁個職員咁講我哋當然好放心星期五晚去啦！點知去到個職員話我哋係waiting list無位！我哋同佢講係有職員話同我哋講有位架喎，點知佢哋唔認數！真係好過份......d職員可以講完野唔負責任😡😡😡

Friday night係觀塘收工去左食呢間密密燒，之前經已試book過但都full左，今次好好彩終於book到。餐廳唔算好方便，我地由apm行過去都行左成15分鐘。餐廳係屬於半自助既形式，店員首先會介紹一下燒烤爐點運作，basically只係需要放岩位，然後等5至10分鐘就食得。食物既種類都唔算少，自己係紙寫完比店員就得，佢地每次上菜都會介紹一下，等你知道自己叫左啲咩。食物都算新鮮，但味道有啲單調，雖然有啲粉比你配黎食，但始終燒烤食得太多都會有啲乾 建議可以加啲sauce或者係蜜糖咁比人配黎食會更好食。Overall味道都唔算，加上唔洗自己燒，岩晒懶人，值得一試。

兩位好友補祝我生日🎂飯局，大家對串燒都好有興趣加上最近聽到觀塘開左間任食串燒，仲要有自助調味同有部機幫我地燒埋超級方便所以決定來食了店係6點先開，我地未夠6點就到了，店員超好俾我地坐住環境吾算大但都坐得舒服😌坐低之後店員好用心講解同埋有瓜子俾我地食住等燒款式有30款左右我地3個人全部款都點左黎試。豬、牛、羊、雞有不同部位丸都係得幾種，不過勝在有蔬菜無咁單一食肉如果多點款會更佳而我最鐘意食佢既多春魚、紫薯同菠蘿🍍每上一款食物店員都用心講解係咩類別同埋好整齊排列，材料亦好新鮮。一個架放晒所以生既串燒尼個爐只要放想食既串燒就會幫我地慢烤，想食熟點生點自己話事熟左既食物可放上上面既架到等涼點再吃不過調味類得3款不多，燒烤醬亦只有一款味道好單一成個擺放位置都好整齊好方便食自家豆漿有凍有熱亦都係任飲，除左啤酒外三個人可吃兩個半鐘，加埋食左百幾串都真係超抵同超飽了尼間串燒唯一缺點就係款式不算多，感覺食來食去都係果d款食到有點膩同埋飲品款式不多同無其他甜品等供應。整體食物是很好👍🏻同埋價錢抵食

懶人燒烤新體驗,一個字: 正~牛肩胛墨魚丸真心正,雞翼烹調需時但最有驚喜,菇類食材不宜燒太耐否則會太乾~從打電話訂位到 inbox到當日入座店方都無態度差,甚至談得上服務好, 友人未到我本來希望推遲入座時間因為限時2.5小時, 店方翻查紀錄後主動話我知我張枱之後無booking, 所以我可以先入座食住等已經讓我覺得好窩心了<3＿ 店員亦有詳細講解自助燒烤爐的操作方法, 唔係擺低一個MANUAL就算~ 店方沒有質疑顧客食量- 我們一行三人都食左百幾串, 店方見我地食物架空空如也都問我地要唔要加單>P< 值得一讚係清潔衛生方面, 傳統燒烤店都有一種揮之不去的油膩感,不論地板桌面食具等等地方。這店可是零油膩感=O= 後來發現每枱結帳後店方都用清潔劑抹桌面和器具!!不是普通一布走天涯!!!!值得加許

食物一般，好少選擇，最差個爐好細，燒好耐未有得食，由8:30 燒到11:00 ，但都食唔飽幾乎瞓着室內冷氣又唔夠一好熱，就嚟焗死，埋單要成$230，又唔平，永遠都唔會再去

見到facebook不停賣廣告, 加上之前未試過這類自助式BBQ, 於是在一個月前便電話預約。店舖雖然細小, 但感覺潔淨, 沒有油煙, 每張枱都有足夠空間, 不太擠迫, 地下有個籃可擺放手袋, 枱上竟然有自拍神棍提供給顧客, 服務尚算貼心。至於燒烤爐是自動轉, 不需自己燒的確很方便, 但有一缺點是此類燒烤爐始終不夠火喉, 以燒雞翼為例, 沒有平時BBQ或韓燒般黃金色的效果。至於食物方面, 選擇少, 肉類(尤其牛肉)質素很一般, 最好吃是菇類、秋葵及菠蘿, 以二百幾蚊來說好像有點不值 。總括來說, 幾有新鮮感, 一試無妨, 但不要祈望太大。

訂枱電話長期都無人接聽，如果要book就要早一個月Facebook訂枱，我地一行六個人用一個爐😥，燒都需要時間，燒得黎都食吾夠飽，因為地方吾大，坐都幾迫，如果坐埋邊，出入都要幾個人讓條路出黎，都幾吾方便。至於食物方面款式好少選擇，串燒一串幾粒，至於雞肉同豬頸肉驚吾熟，燒耐d都縮到好細粒同好乾，牛肉好d，吾熟都無所謂，因為所有食材都無醃製，要另外搽一個秘製醬汁，但搽完都好似無咩味😑，冷氣吾多夠涼，其實吾知有無開到冷氣🤔，地方坐得迫又近個爐，坐左一陣個人都feel到熱，不過飲品任飲，飲多幾罐降溫解渴，都有自家制豆漿提供，呢個價錢食串燒吾值啦！最失望連我最愛食既茄子🍆都無☹️

聽見觀塘有間唔使動手燒既串燒，好奇心之下，半個月前訂好桌，出發！一入店，眼見只有約8張桌，怪唔之日日爆滿，要提前好多訂位。入店感覺冇太濃油煙味，只有濃濃既肉香。呢間餐廳主打任食，同埋機器烤肉，俾一張點餐紙，點好要幾多分量串燒，過一陣就會送過黎，用木架裝住，一個木架可裝10幾串島，唔驚點得太多冇位放，佢有專門放木架既位置。串燒到左，急不及待放串燒落個機島，一次可放15串島，放入個機島，串燒會自動旋轉，令肉質均勻受熱。一串串燒唔太多，2-3淡就食完一串，食完的鐵支可放係旁邊，旁邊有個大鐵筒可裝食完的鐵枝。一開頭食個陣，食得唔暢快，因為要慢慢等肉熟先食得，等左好耐先第一輪肉熟，但醬汁搭夠，佢有秘制醬汁，涂落去肉，食落唔太油膩，仲想食多幾串添。美中不足既係蔬菜類款式唔多，希望下次重臨，會多幾款蔬菜選擇。

我地一個月前Facebook 訂位, staff已經話最快要8:30先有位，我地準時到餐廳但係最般都要成9:00先有位。食物其實好一般加上好少款揀，d食物細細件但係都要燒around 成5-10分鐘先熟。所以好多時等多過食。冷氣唔係好夠,加上d位好迫，其實都好辛苦下。最大問題係我地食完果晚個個都有肚痾肚瀉，雖然我地每round都燒好耐，但係可能係我地燒唔熟掛。

一個月前卜佐呢間密密燒，寫明任飲任食，我地係叫得多，但保證無浪費食物，店員話今日ng full booking，就無限我地2.5小時，過程中我地個bb嘔，我地唔想整污糟人地地方，就問店員拎佐個膠袋抹返d嘔吐物，裝住d紙巾，我朋友話不如拎去掉佐先，因為都唔想影響人，之後個四眼男人勁無禮貌走埋泥喂我地”喂，你地食唔食得晒呀”之後我地話得，佢仲企入廚房望住我地，之後仲大大聲同後面d客傾計話平均d客都係食廿令三十支，個台客係咁望我地！之後我地仲望到個女員工食人地食淨嘅食物！到最後我地全部食晒！賣完單個四眼男人有骨問我地飽唔飽，之後又問我地有無數過食佐幾多串，又有意話我地頭先掉個袋嘔吐物係食物！我真心可以執返比佢睇我地清白！又話我地食得多，我地問咁有無食窮你，佢話咁又無，真心一句，你做得任飲任食咁計，不如你寫明每人只可以食三十串！你咁抽後算賬，因住消委會泥塭你！食物又唔係特別！只係個爐識自轉，推環保係好，但以家感覺其實只係慳成本借口囉！

今晚約左朋友食串燒 昵間岩哂我們呢D懶人一坐低 即刻落order 好肚餓 即刻叫左轉肉食 ，有牛豬 雞 魚串 蔬菜有車厘茄 菇 秋葵😀2個半hr食 够食的 ，都燒得快 👍🏻👍🏻最好食都係雞軟骨同雞翼😍☺️

明明打左去Book 位，本想食7：30，但話要Waiting list, 9:30就有位，咁咪照Book 9:30, 再睇下7：30會唔會有機會囉。點知到嗰日再打去話9：30都係Waiting list, 如此的服務態度，幾好食都唔會食。

第一次訂枱話「冇位要入Waitlist」，仲要逐個月訂枱，冇得訂遠少少，好似啲客好得閒咁係日曆Mark住幾時記得打電話去訂枱。接電話果個女人態度唔憂做咁，問一句答一句，囂囂哋又有少少寸。可能想做另一間澳牛掛。