容記小菜王

營業中

休息中

家人慶祝生日, 諗住呢米芝蓮香港最有特色中菜。仍然保留住最大眾化嘅價錢, 米芝蓮水準。不得不提示燒鵝嘅水準真係太高! 而家價錢亦都非常優惠! 半隻208!最好味都係佢嘅墨魚咀, 脆而不油。再嚟就係西澳龍蝦, 賣相雖然一般。 但比起只能打卡的食物, 好味一千倍! 鮮甜好味!如果大家都不能夠支持香港足本土文化, 好快全條街都係變咗食拉麵壽司。

今日諗住試吓菜，試吓好食唔好食，好食的話同家人來食飯。但是他們的夥計真的不知所謂。我眼見都有六七張枱，我只係一個人坐張細枱都叫我同其他人搭一張枱，都唔知道疫情幾嚴重，都唔係做生意，只係想趕客做少啲。呢啲咁嘅服務奉勸大家都唔使去。還有眼看其他地方都很污糟。

作為foodie一直好搵啲性價比高既餐廳推薦比大家，而係中菜方面，呢間曾獲2018年米芝蓮車胎人推介既餐廳一直係我個bucket list上面，最近終於去左試啦🤣🤣🤣◦ 揚名國際燒肉 ($98)作為招牌菜之一嘅燒肉，表皮燒得都幾金黃，而且幾夠肉味，肥瘦適中，唔會太鹹，份量都幾多；唔知係唔係影得太耐相，導致燒肉皮食落略硬，扣左D分😣◦ 金蒜蒸北海道元貝皇 ($168/4隻)上菜已經見到大大隻元貝😍，賣相都幾吸引，食落肉質都幾新鮮，配埋好香嘅金蒜一齊食，都幾滋味，加埋好多粉絲放係面，總體都唔錯🤣◦ 海鮮濃湯雜菜煲($108)除左賣相吸引之外，食材都相當豐富，有蝦仁、扇貝、螺肉、冬菇、茶樹菇，雜菜包括西蘭花，菜心，白菜，娃娃菜，生菜；另外粉絲做底，成個雜菜煲都幾夠火候，濃湯飲落都幾鮮甜😋◦ 容記第一嘴($88)另一款招牌菜鮮炸墨魚嘴，炸得都幾香脆，墨魚嘴幾大粒，而且食落好彈牙，份量都幾多，總體食落都幾特別😎◦ 鮮蝦揚州炒飯($88)賣相都唔錯，炒飯幾夠鍋氣，炒到粒粒分明，配料有蝦仁，叉燒，味道都唔錯☺️，唔會好油而且份量都幾大餐廳服務都幾好，上菜都幾快，同埋原來餐廳係少鹽少糖，相當有心，最後其

呢份米芝蓮車胎人燒肉早已揚名國際，抱著極大期望過黎食；佢係提供左青色芥末醬比我地點黎食，燒肉食落唔油膩，而且份量都幾大；可惜既係可能因為影相影耐左，感覺燒肉皮比較硬同凍左，扣左D分金蒜蒸北海道元貝皇真係幾大隻，而且新鮮出爐連個殼都係熱辣辣，上面鋪滿粉絲同埋蒜蓉，來自北海道既元貝肉質食落唔錯～容記第一嘴其實係墨魚嘴黎，食落都幾彈牙幾有咬口，份量十足，炸粉唔會好厚身🤪鮮濃湯雜菜煲好豐富，除左勁爆多粉絲之外，菜既種類都有好多款，包括生菜、西蘭花、白菜、娃娃菜同菜心，海鮮方面仲有蝦、螺肉等，我同朋友連埋湯一齊飲，表示好滿足😙

咁啱去開太子，突然食小菜，見到呢間容記，有幾多人入去喎，本身以為喺茶餐廳，點知上到去原來係酒樓嚟嘅一入到去已經勁熱鬧，勁有氣氛，坐低咗，侍應都好熱情咁招待我哋，仲同我哋推介紹左拔絲咕嚕肉一定要食添。我哋兩個人，叫得唔算多，除咗咕嚕肉仲叫咗個魚腐浸勝瓜，再加碟例牌叉燒😆😆燒味一睇就睇得出嗰師傅夠唔夠料到，碟叉燒一嚟到，都話咗一聲，好入味，都幾淋，好食過我樓下嗰間燒味舖🤪個拔絲咕嚕肉超級多，唔似出邊得啲配菜，每舊都炸到外脆內軟，要趁熱食😁最後啲魚腐浸勝瓜先係重點，啲魚腐一啲都唔腥，浸埋勝瓜好入味，好juicy🤤聽到隔離枱嗌海鮮，下次都要嗌多幾個人，過嚟食多次

今次約咗朋友一行四人去太子飯聚!😂 大家太耐無食中菜突然好想食下，就嚟到呢間酒樓，酒樓有圓枱又有卡位，我哋四人就安排去卡位坐，幾中意坐卡位，大家唔使隔咁遠，又可以靜靜地傾下偈~ 食物都幾大碟👍1. 海蜇燻蹄 ($58)海蜇好爽口，食落甜甜地又有啲麻油香，燻蹄有滿滿的骨膠原，肉質爽彈!2. 黃沙脆蝦球 ($128)即叫即整熱辣辣，入口鬆化，咸蛋黃好均勻咁遍佈每一粒蝦，蝦都幾大隻又爽口，好邪惡呀!😈3. 上湯焗波士頓龍蝦 配伊麵底 ($188)龍蝦都幾大隻，肉質新鮮彈牙，伊麵吸收了龍蝦上湯嘅精華，好入味，而且幾大份 大份!😙4. 海鮮濃湯雜菜煲 ($108)一上枱已經覺得好大煲!😮 每人都起碼吃了兩碗，呢個煲有珊瑚蚌、帶子、大蝦、西蘭花、生菜、冬菇、菜心及粉絲，非常豐富!😝👍

呢間容記小菜王，係太子道西近大角咀，平時行經見到大大間，見到係米芝蓮推薦餐廳，一早已經bookmark 左。今日就同男友來吃。門面超大，遠距離已經望到～屋企平時少煲湯，見一盅湯都係$48～日淮山杞子燉螺頭湯：清甜，熱辣辣，非常足料～瘦肉都比幾多下😍龍躉花甲煲$238：好嘢味，夠香，有鮮甜既花甲～價錢有呢個水準同味道，真係要比多個Good!鐘意食魚頭既我，食到停唔到口😋海鮮濃湯雜菜煲$108 ： 有小元貝、珊瑚蚌、蝦。擺左好耐都仲熱。蔬菜都好新鮮。成餐飯由叫人落單到上菜，都好順暢～ 唔需要等太耐。

今日（3/1/2022）同朋友來太子，朋友推介一間唔錯的食店食下午茶，店名好似好熟，再睇番食評，原來上月幫襯過新蒲崗分店，有過好回憶，再幫襯，好有親切感。食店在二樓，二點二下午茶時間到，有好多空枱，心感不妙。再睇下張點心紙，午餐同下午茶既點心價錢相差好少，有D還同價，哈。點了蜜汁叉燒瀨及極品燒鵝瀨，叉燒及燒鵝都好食，碗瀨粉超大碗。干蒸牛肉賣，無比喼汁，叫咗2次都拎唔到嚟。娥姐粉果叉燒腸，有好多生菜，爽口蟹籽燒賣皇，料好足鮮蝦炸雲吞，脆口，饀料既蝦好大隻埋單$185，抵食，好飽，食唔晒，燒賣及干蒸牛肉唯有拎走。最唔方便係要比現金，埋單要夠$200才可以以電子支付。

太子容記真係有返咁上下名氣，貴為米芝蓮推介餐廳，難得價錢又幾親民，今次係朋友推介去食，話呢度食物分量足又有鑊氣同埋少鹽少糖夠晒家常，當日2個人食，order左幾款食物：叉燒（例）因為晚市優惠69蚊而叫😂叉燒肉質鬆軟，醬汁清香入晒味，不錯！海皇撈粉絲呢個好大分量，個人覺得夠四個人食！粉絲炒到好有鑊氣，仲有蝦同魷魚配搭，味道層次豐富濃湯手打魚腐浸勝瓜個人最鐘意呢個，個湯應該冇咩味精，清清甜甜，食完唔口渴，估唔到出街食到住家味道❤️魚腐入味索晒湯汁好好食，仲有蝦米乾同勝瓜，perfect match!容記第一咀我地因為個菜名而叫😂咀係墨魚咀，好爽口彈牙，由於我地都好鐘意食香口野，所以好快KO晒總括呢度性價比高，食物健康但味道又交到功課，唔怪之得閒日晚市黎到全場爆滿啦

多年前食過，今次回訪，水準依然👍🏻**********容記第一嘴🦑（$88）🌟推介🌟第一嘴即係墨魚嘴，之前食嘅墨魚嘴都係細細粒，容記呢度就大大粒，都幾巨型😂食落幾爽，送啤酒一流🍻**********蜜汁叉燒皇🐷（$68例）🌟推介🌟叉燒啖啖肉，去食小菜必叫當晚叉燒唔會太瘦又有小小肥，啱啱好蜜汁唔會太甜，又燒到小小濃邊**********燒肉（細）🐷（$98）🌟推介🌟細嘅有3排燒腩仔，塊皮燒到脆卜卜而且鬆化鹹味均勻，因為試過其他地方食，底部嘅肉係會超鹹，但係容記燒肉味道平均，不愧為米芝蓮得獎燒肉**********濃湯手打魚腐浸勝瓜🐟🥒（$88）勝瓜爽脆配魚腐腍腍地，口感相當唔同湯底清甜魚腐最少有5-6舊，仲有雲耳做配菜，大大碟非常抵食**********蠔皇原隻南非孔雀鮮鮑魚鵝掌（$68）🌟推介🌟抵食之選👍🏻鮑魚同鵝掌都炆到好入味，唔會過鹹蓋過鮮味鮑魚食落小小煙韌，鮮甜

天氣寒冷想食返啲暖胃野見到地鐵站出口附近有間米芝蓮推介餐廳順路就試試佢啦😆太子站A2出口 大約3/4分鐘左右樓面光潔亮麗我哋六點幾去到唔使一陣就已經爆場穩陣啲都係book定位先啦。唔使諗一定要試試佢個燒肉話哂米芝蓮推介有大有細可以㨂兩個人 就叫份細啦肥瘦比例啱啱好仲要燒到脆卜卜香脆可口 唔膩口😋紅燒乳鴿嫩滑可口， 皮薄脆脆地平時只㨂選部分位置食既我竟然都食左半隻，可想而知，係有幾好食！😋唔想食咁飽最後都係㨂選左個濃湯海鮮雜菜煲足料香濃😋整體來講 價錢適中人均消費大約$150左右係旺角 呢個價錢 抵食喎😋😋😋

細細個嗰陣已經聽過容記小菜王 仲成日同屋企人一齊去食 今次嚟到太子嘅分店 喺遠處已經見到好大嘅招牌 寫住容記小菜王 而且係米芝蓮推介餐廳 決定入去食晚飯入到去安排咗坐卡位 座位好舒服 感覺就好似喺酒樓食飯😁因為呢排生飛滋 所以唔敢叫咁多熱氣嘢食 睇一睇個餐牌 主要係煎炸野 但都搵到少量唔熱氣嘅餸菜😆1️⃣前菜雲耳 $15酸酸地有少少辣味非常之開胃2️⃣豉汁蒸白鱔 $128豉汁調配味道啱啱好 惹味又爽口3️⃣濃湯什菜海鮮煲 $108 份量非常之多 兩個人食到超級飽 濃湯味道夠鮮甜 海鮮有蝦帶子魷魚 又有大量唔同種類嘅菇菜 好健康😌

最近同朋友黎左e間上過米芝蓮嘅小菜館，餐廳有大圓枱同普通2-4人枱，適合聚會。餐牌有唔少特色小菜，當中燒味同小炒最為吸引🤤容記小炒皇，口感好爽口，入面有魷魚同蝦干仲有腰果，同韮菜一齊食，味道唔錯。海鮮濃湯雜菜煲，煲仔熱辣辣，海鮮鮮味，入面有大蝦同珊瑚蚌，口感爽口，仲有唔同嘅菜同粉絲。濃湯真係吸收左海鮮嘅鮮味，好鮮甜🥰叉燒（例牌）味道有炭火味，香香甜甜。又唔太肥😆👍🏻清蒸沙巴龍躉，魚嘅肉質結實，味道鮮味🤓👍🏻

琴晚同屋企人黎左e間米芝蓮嘅小菜館，地方都幾闊落😍有唔少特色小菜☺️睇下餐牌，有燒味，同鑊氣小炒，煲仔菜都幾吸引🤤我地叫左以下：叉燒（例牌）叉燒係米芝蓮推介，肥瘦適中😍味道都有少少炭火味☺️海鮮濃湯雜菜煲☺️海鮮好新鮮，珊瑚蚌好大隻，爽口，濃湯煮嘅菜同粉絲吸收哂海鮮味🤤容記小炒皇😋味道勁野味🥰韮菜同魷魚，蝦干炒得勁香，仲配埋脆脆腰果，令口感更上一層☺️清蒸沙巴龍躉🤩清蒸可以保持到魚嘅原汁原味😍配埋靚豉油，引到魚嘅鮮味😋

🔥🔥《容記小菜王》 同朋友仔提起，已經很久沒有食鑊氣小炒🔥了！突然記掛那股攻鼻的熱騰騰氣味😆！朋友知道後第一個提議就係太子容記😆。好！今日就去會一會佢先😋！🌱🌿🌱🌿☘️🍀🍃🍃🍀🍀☘️🌱🌿 🍄 揚名國際燒肉 /小 HK$98🔻🔻🔻🔻🔻🔻🔻🔻🔻🔻🔻🔻🔻見到個頭銜唔order都唔得啦😂🤣！燒肉脆皮到一個點😍！嗦嗦聲💥！鹽味🧂也醃得剛剛好😙，不會死鹹或淡pet pet🥳。肉的肥、花、腩、瘦，每層都分明！仲要份量比坊間一般小菜館大碟得多🥳！果然係揚名國際呀吓🤩！🍄 容記第一嘴 HK$88🔻🔻🔻🔻🔻🔻🔻🔻🔻🔻🔻朋友知道我哋將會去容記時，就提我哋要必食墨魚咀💋！咁勁😂？咁要試啦！墨魚🦑咀用脆漿包住，炸到圓咕碌🔘！份量不少的！炸漿本身已帶鹹味😙，令墨魚咀不用調味，也可以食到墨魚鮮味和炸物香😆！🍄 濃湯海鮮雜菜煲 HK$108🔻🔻🔻🔻🔻🔻🔻🔻🔻🔻🔻🔻呢煲嘢不得之了咁大煲🤣！粉絲、冬菇、蝦🦐、珊瑚蚌、西蘭花🥦、帶子仔、小白菜🥬、黃芽白、蘑菇🍄！一口氣數唔完😆！全部都係索湯之選！湯底又夠曬濃香！能帶動海鮮和雜菜粉絲清中帶甜！🍄 酸菜 HK$15🍄 晚茶 HK$20🔻🔻🔻🔻🔻🔻🔻🔻🔻🔻🔻🌱🌿🌱🌿☘️🍀🍃🍃🍀🍀☘️🌱🌿