家樂餐廳

由於今天在火炭參加活動，全日都會在火炭搵食，到午飯時間，有位一同參加活動嘅朋友提議到火炭村午餐，我人生路不熟，難得有人帶路當然樂意跟隨，火炭村就在火炭鐵路站對面岸，行過去好近。家樂餐廳，午飯時間好多人，我倆入去要搭枱，快快點了兩個午餐。白汁雞扒火腿燴意粉，個白汁係咸咸地忌廉汁有香草味，雞扒煎得好香但個底味唔多啱我，意粉大大碟份量十足。咸蛋蒸肉餅跟白飯，肉餅調味幾好肥瘦均勻，豉油汁唔太咸，同白飯配合。不過真係好逼，無辦法食完快啲走。…查看更多

老朋友最近轉去火炭工業區工作，經常說火炭工業區無啖好食，唔似以前在觀塘工業區工作，大把好嘢食，今日星期六，朋友原本放下午，相約去佢公司等佢收工，但下午突然有業務要處理，就在佢公司附近食個快飯吧。朋友帶我去火炭鐵路站河對面，位於火炭村村屋內的 嘉樂餐廳。中午十二點半餐廳已經八成滿座，同朋友坐低點了兩個小菜套餐一齊食。栗子炆雞雞好入味，醬汁濃度適中，栗子就唔係好夠透，份量足，味道好，伴飯一流。西蘭花炒蝦球西蘭花炒到啱啱熟透，仲保留爽脆度，蝦球彈牙， 雖然係急凍蝦 ，但都食到有蝦味，廚師功夫係唔錯，而且分量好充足，對得起價錢。唯食到中途，午飯人潮殺到，餐廳變好迫，左搭枱，右搭枱，迫到透不過氣，很不習慣，盡快食完走人。…查看更多

火炭番工 合格午市飯堂喺火炭呢個充滿食唔知咩嘅地方閒閒地都五六十 仲要唔知食緊咩家樂餐廳已經成為頭幾間相當合格嘅飯堂佢唔做晚市 得午市五十幾蚊 有湯有杯飲品都算係咁大大碟福建炒飯 合格 環境乾淨過大排檔好多 …查看更多

比起火炭大排檔更加近，走來這邊看看這幾間店舖，午餐時段都有不少食客。沒有店員招徠，度一下體溫便找個位置坐下。現時看到臘味、蒸魚、炒蛋這些簡單的居家小菜，因為妻子在家中也可簡單煮到，通常都會輕易將這些選項散去🤷🏾，而炸雞脾又賣光了，因此只剩下豆豉鯪魚油麥菜以及這個照燒汁豬扒火腿。$42一碟飯，以茶餐廳吃飯的價錢，已經算便宜，如果以街上一杯黑糖珍珠奶茶都要30多元，它也不能說是貴，😨但是對比起上次在火炭大排檔的大碟京都骨，都只是貴它幾元，那些豬扒有多，起碼有三四件，有熱湯，而且充滿京都骨醬，和這兒的差天共地。😒這個所謂照燒汁，其實是百搭的，因為它就像中學時候吃的「西汁」，似乎另一個選項，即是燴汁，感覺也可以用這個就去充撐。豬扒都算大大塊， 但一塊都不知有沒有剪過的放在碟子上邊，也想不到，這裏排檔竟然不是份量大大碟，反而極細，比起茶餐廳的份量更加少。雖然價錢便宜，但是吃不吃得飽也成疑，而且質素求其，後邊又不時會聞到二手煙，似乎再來這邊，都應該是是另一間為上策。鴛鴦走，煉奶分量充足，不過咖啡味好像比較少，不太喝到咖啡香，奶茶味道完全蓋過咖啡味。…查看更多

好多香港人都可能同我一樣曾經係 許志安&鄭秀文 的fans， 發生 (安心事件) 好多人都會心痛，我都唔例外。因為太唔開心嘅關係，真係會搞到個人都唔想食嘢， 所以我就同老闆攞咗一日day off 去悼念呢件安心事件。我同老闆講請假嘅時候，老闆叫我安心咁去放一日假，於是我就即刻變得好安心。我終於可以一個人安心心咁樣去四周圍行下， 然後去買咗一盒飯帶返屋企食。鹹魚肉餅飯，打開盒飯覺得好安心，因為真係好多鹹魚，好耐都未見過一盒鹹魚肉餅飯係有咁多鹹魚嘅，鹹魚多自然味道會覺得鹹一啲不過都可以食得好安心，因為我係唔怕sodium嘅，個肉餅都好好味，唔會話太硬或者太淋，冇諗過咁好味。我想問一聲，呢個世界有冇貓唔食魚？呢個世界有冇老鼠唔食芝士？呢個世界有冇男人冇食過野味？ 呢個香港有冇人唔抽水？呢個世界人人都會犯錯，當中包括你同我，我哋又有乜嘢資格去批評人？ 我哋又有乜嘢道德資格去定人嘅罪？奇怪！呢盒鹹魚肉餅飯真係特別好食！…查看更多

幾乎每日都去食飯, 野食味道係幾好, 價錢OK, 日日唔同菜色.但一開左學就太多人,太多學生, 侍應見你唔係一班人,得一兩條友既話就態度惡劣, 叫整唔落單, 次次受氣, 上星期食飯叫佢抹台, D野掃晒落我條褲.幾乎每個侍應都差, 得一兩個正常唔會呼呼喝喝. 睇黎都係要少D黎,等暑假黎會好D.…查看更多

今天午餐去公司附近的一家大排擋吃飯，火炭週圍其實頗多餐廳，但更多的是打工仔，每每中午時份處處都是人山人海，想找一個世外桃源基本上是不可能的；當然我們也不是陶公，非要找個世外桃源不可，所以我們才走到這家大排擋，做個普通的凡人。我跟幾位同事擠在一個小圓枱中，我點了梅菜扣肉飯，盛謂40大元，飲料加4元，没有很便宜，但份量還是頗大的；扣肉入口嫩滑，當進入口中像是溶化了般，肥瘦比例適中，味道超出預期。但由於實在太多人了，没有細意品嚐就衝衝吃完走了。…查看更多

這間餐廳一到中午時段必定座滿人，今日叫外賣，叫了一個時菜肉片飯，還有例湯，時菜爽口而肉片一般，味道是中上的不得不提這家餐廳的例湯，是每日新鮮㷛的每次叫這間外賣，必定叫例湯飲，他的例湯夠火喉，也夠味道，飲完沒有口渴嘅感覺，他家的烝飯也不錯很新鮮，你們經過可以試一下…查看更多

今日又為左工作返左去火炭。話說火炭村有好幾間村屋下面都做左餐廳, 係好多居民, 工廠區同單車人經過去食, 所以今日就行去買個一人外賣茶餐廳最緊要快, 靚, 正!! 我唔期待會有咩好 service, 不過有個哥仔見我排隊等落單, 就主動過黎同我落單先, 唔錯啊!!落單, 比錢, 送餐只係 5分鐘, 很好叫左個蕃茄薯仔肉碎湯腸仔通粉, 加多一杯熱野飲都只係 HKD32 以係香港黎講, 而經好平, 係旺區真係唔止呢個價湯底好濃, 而且好足料, 每一啖都會有肉碎。而腸仔都有煎過下, 所以夠香口 (腸仔香口好重要)。…查看更多

去開火炭工廈既活動，午餐到火炭村既排檔揾野食，一行3人去到家樂餐廳，其實價錢到食物質素都是可以的，不過拼檯到坐低催落單，每個程序都好似催你快d食完快d走，老人家落單慢d都西口西面，食完又趕住清左您d食物，方死您賴死唔走霸住張檯咁，盡管我叫個咸蛋蒸肉餅整得d肉幾嫩滑。個飯既份量幾足，價錢幾經濟實惠都好，我決定唔會有再幫襯既空間，我都明白飯市係比較重要既一環，但為了賺錢真係可以做到咁？ 我都想襯午餐既時間抖抖，結果係仲忙過返工！餐廳縱然改個名有個樂字，呢餐飯我又真係一d都感受唔到！…查看更多

到茶餐廳涼瓜班腩是我首選,今日到這裡有10個是日精選,決擇症的一定有點痛苦,送餐湯,凍/熱飲加$5(涼瓜豆卜炆排骨)個汁唔咸但唔太好味,涼瓜較薄,排骨6小舊,豆卜還可以,食完有d唔夠的感覺。(梅菜扣肉)梅菜唔知有無1湯匙,勁少,扣肉醃得個味唔好,所以都食唔哂。我唔會再來。…查看更多

火炭呢到真係冇乜餐廳，呢間茶記算係幾抵食！每日都會有$35既客飯套餐，款式日日唔同，包一個餸、白飯同例湯，飯同湯仲任添，最啱就係一班人黎每樣叫一款share食喇！今日就叫左菜心炒鮮魷肉片、Xo醬翠肉瓜炒肥牛、咸魚仔蒸肉餅、豉椒鳳爪蒸排骨、粟子炆雞、梅菜扣肉。味道係正常水準啦，放飯食係唔錯既選擇。菜心炒鮮魷肉片:菜心炒得幾爽脆唔會老，都幾多肉片Xo醬翠肉瓜炒肥牛:有少少辣既，翠肉瓜夠甜咸魚仔蒸肉餅:好啱撈飯食，咸魚仔幾咸香豉椒鳳爪蒸排骨:排骨都算滑，鳳爪我冇食都唔知粟子炆雞:比較濃味，好多粟子梅菜扣肉:扣肉肥左d，不過又係好好送飯…查看更多

家樂食物的質素都不錯分量及肉類都一定足夠而且很大碗點芝士忌廉雞肉飯汁是剛好的可以每口飯都食到汁而且芝味十分沒有想到芝士味會如此濃可以超越忌廉的味而且飯都是粒粒的沒有太硬及淋但飯香未必好好因為有一點淋…查看更多

火炭工作兩年多,一向知道呢區無乜好野食,唯獨是家樂中規中矩!點知今日叫個外賣,令我地極失望! 叫左兩客魚柳薯條跟凍檸茶少甜.事先講明左一盒走沙律醬多茄汁.另一盒正常50分鐘都未到已經燥燥地......點知一黎到...一盒得沙律醬就無茄汁另外一盒直情乜都無! 乾啃?!?!切開塊魚薄到呢....似食炸粉多過食魚,D薯條又已經放到林晒仲要特登去買支茄汁黎調味唯有飲番啖凍檸茶下下火...好彩杯茶都仲有番平時嘅水準 …查看更多

下午需要外出開會，自己早點去吃飯，之後才出發。隨便找間茶記便是，來到了家樂，我還是第一次吃。瞄一瞄餐牌，在是日午餐之中，揀了五香肉丁火腿炒烏冬。先有碗例湯，是冬瓜湯，有一件清甜的冬瓜在內，湯尚可，起碼不會淡如水。好快趣，炒烏冬亦送上。 看上去，未算很有鑊氣，但味道尚可，沒有過咸，火腿絲亦不少，若然五香肉丁可以多番幾粒，會好一些。為免開會時釣魚，還是來一杯凍咖啡提提神。這裡的，可以接受。…查看更多