家後2.0

營業中

休息中

暫停咗一段時間嘅餃子約會又嚟啦，今次揀咗深水埗餃子名店「家後」嘅分店Cafe「家後2.0」，原本係去「家後」嘅點知7點半去到都仲大排長龍，老闆建議我哋去佢分店可以快啲有位，而且座位都舒適好多。「家後2.0」同本店style完全唔同，行cafe文青路線，餐牌同價錢基本上都係同本店一樣，但開心嘅係唔使大排長龍，我哋等咗5分鐘就有得入座。上菜都好快，好快就放到一枱都係食物，我哋點咗湯餃（麻辣白菜/韮菜）、煎餃（芫茜/洋蔥）、麻辣雞翼、生菜同豆漿。煎到金黃色嘅餃子睇到都流口水餃子皮煎完都唔會硬掘掘，顏色均勻，係屋企完全做唔到嘅效果。有滿滿芫茜嘅餃子，皮薄餡靚，皮脆肉餡多汁，芫茜味好香濃，芫茜控一定要試。而洋蔥就好香甜，又爽又多汁，一樣都好好食。湯餃一樣好出色，一樣係皮薄餡靚，韮菜餃肉餡多汁有濃厚韮菜味，好食。粉紅色嘅係麻辣香菜，白菜好爽脆，麻與辣比例適中，係開胃之選。麻辣雞翼好大隻，食落啖啖肉，相比麻辣白菜餃，麻辣雞翼嘅麻辣相比淡一啲。開心果巴斯克芝士蛋糕煎餃湯餃好食不在話下，芝士蛋糕更加係出色，開心果味好濃，每一啖蛋糕都似食緊開心果，開心果味濃得嚟又食到厚厚嘅芝士味，除咗開心果味仲有原味藍莓

呢間餐廳除咗有多款皮薄足料嘅湯餃同煎餃外🥟竟然憑著一塊巴斯克蛋糕成為招牌推薦🍰💗手工餃子套餐($46)菠菜豬肉餃同小籠包豬肉餃煎得金黃香脆，每隻都皮薄餡靚，食起嘅嚟充滿肉汁🥟💗蝦醬蒸腩片飯($48)蝦醬蒸豬腩片鹹香入味，送飯食一流🐷套餐仲附送例湯同熱茶🍲💗豬骨湯上海麵($16)豬骨湯素麵味道清淡樸素，搭配辣菜脯就更滿足🍜💗原味巴斯克芝士蛋糕（$30）日式手作巴斯克芝士蛋糕表面烤至微焦，中間保持軟心香滑，整體芝士味濃郁🧀

誤打誤撞去咗一間 - 深水埗人氣餃子店，估唔到過咗lunch time都不斷有客人👍🏻舖頭細細，都坐得幾舒服☺️👍🏻而且佢哋仲有芝士蛋糕，每款都限量發售，賣晒就冇，我見隔籬枱有開心果味，不過我order 嗰陣時只係剩返原味同埋咖啡，原味芝士蛋糕原來都好好食，勁重芝士味，唔會好甜又唔膩😋👧🏻仲搶住嚟食🤣手工餃子套餐(灼) $62芫荽豬肉餃是日新款餃子住家鹹飯冷盤小食烏龍茶手工餃子套餐(煎) $76小籠包豬肉餃洋蔥豬肉餃日式住家麵冷盤小食烏龍茶紅燒豬手 $38原味芝士蛋糕 $30所有餃子真係好出色，餃子皮厚度適中👍🏻芫荽超香🤤小籠包豬肉餃入邊真係有湯汁👍🏻洋蔥豬肉餃係紫色洋蔥，👧🏻超鍾意食是日新款餃子真係好有驚喜，係麻辣白菜餃，雖然係麻辣，但一啲都唔辣，勁重麻辣香味，我從來都未食過唔辣嘅麻辣，真係超得🤤🤤👍🏻除咗套餐，佢哋都有散叫餃子👍🏻搵日再去食過先😋

以前都有食過家後，今日黎試下佢既新店答到家後緊係要食水餃，叫左個雙拼水餃，分別叫左雲耳椰菜灼餃同埋菠菜豬肉灼餃，另外跟左套餐，有前菜，上海面同埋烏龍茶跟雲耳椰菜灼餃，餃皮好薄，包住嘅餡料新鮮，咬下去可以感受到椰菜的清香，雲耳嘅口感又脆，整體味道非常好，感覺好健康！菠菜豬肉灼餃，都算係水餃入面既經典組合，餃子裡面嘅豬肉餡料鮮嫩多汁，菠菜嘅香味恰到好處，味道好夠，食落去一啖啖都有滿足感另外仲叫左個雙拼煎餃，首先就係小籠包豬肉煎餃，煎餃底部金黃香脆，上面包住嘅小籠包餡料鮮汁四溢，咬一啖就有肉汁流出，味道濃郁，真加埋醋一齊食好正另一個我地叫左是日精選既煎餃，今日就係麻辣白菜煎餃，呢個好特別！餃子裡面嘅白菜同麻辣醬嘅結合，味道香辣又開胃，對於喜歡辣味的人來講，真係一個好選擇，唔會太過火，辣得啱啱好。最後，我地仲試咗出曬名既巴斯克芝士蛋糕！表面焦香，內裡滑順，芝士味濃郁但唔會太膩，裡面係淋既，個邊位就係硬既，兩種口感都有，好滿足我地仲買左盒生餃返屋企食，正宗又食又拎呀總括來講，呢到同舊店既水準都好好，值得一試

相信大家對家後一啲都唔陌生，而佢既signature 除咗係餃子，當然唔少得有佢既芝士蛋糕！菠菜餃子配五指毛桃湯今次我叫咗佢地既菠菜餃子配五指毛桃湯，餃子今次好似有啲煮得耐咗少少，個皮好易爛，不過佢既內涵係好食既。至於佢個湯都不錯，無味精同飲落去都清甜既。原味芝士蛋糕到咗今日既重頭戲，就係佢既芝士蛋糕，第一次黎緊係要試咗佢最原本既味道，原味芝士蛋糕先。食落去，真係出乎我想像，好好味，有入口即融既感覺。雖然佢只係賣$35，但出黎個水準超越咗佢依個價錢既質素。

巴斯克出名嘅餃子店大概3pm去到 好好彩唔洗排隊巴斯克本身個日有原味 開心果味同咖啡味但咖啡味已經賣晒!叫咗雙拼水餃 ($4X)同開心果cheescake水餃感覺唔算好食到要大排長龍🤔但個湯係真老火湯嘅感覺冇味精唔會油 不過唔算大碗 飲幾啖就冇晒餡都算飽滿的重頭戲就係件cheesecake差唔多枱枱都起碼叫一件一件只係$3XSize會比出面細但性價比其實都好高 食完8隻餃食呢個size嘅cake啱啱好開心果味好濃亦都做到軟心嘅texture 好好食!環境方面 裝修係幾靚 但都唔太闊落 同埋都唔算多位 遲我少少嚟已經要等位

在深水埗工作多年，一直都未試過家後的餃子。到了今日家後開了分店才到訪。這家家後2.0是家後的第二分店，選擇喺返深水埗發跡地重開，應該區內都儲落不少相熟客人！煎餃雙拼(韮菜、芫茜)煎餃皮薄餡靚，特登揀咗兩款比較濃味的口味，煎香咗之後味道更突出！湯餃雙拼(芹菜、菠菜)跟一般蕃茄薯仔湯不同，今時今日的餃子店愈來愈講究。今天用了五指毛桃做湯底，餃子飽滿飽滿的好開心!沙薑雞翼一碗有四隻，炆到好入味！好難忍口！日式飯團加了海帶、牛蒡的飯團食落就是媽媽的味道。餐廳翻熱咗之後更加暖胃！咖哩牛筋腩飯牛筋腩炆得好淋，有大餐廳的感覺，份量又足，咖哩味不搶喉不會太辣。還附有一個當天的湯和茶。開心果巴斯克芝士蛋糕來到家後點可以唔食名物的芝士蛋糕？！天啊$35就是太溫柔的價錢了！！當日有原味、開心果和原味，聽店員說原味都只係$30😳食落真的有感是在餃子店的卧虎藏龍！中間好綿滑，好似忌廉咁，開心果味又突出。襯返杯咖啡就一百分！很喜歡新店的環境，比舊店更加有空間和特色，下次可以再嚟一試！

想試家後嘅巴斯克芝士蛋糕好耐，發現原來佢已經係同區開咗間分店，叫家後2.0，裝修偏向文青café風，坐得舒服，但係價錢同本店一樣，非常抵食。大堆小籠包豬肉煎餃! 小籠包就食得多，整成煎餃真係第一次見。煎餃做到爆汁，一口咬落去非常多湯汁，餃子皮即叫即煎，好夠脆，超好食。另外嗌咗雙拼灼餃，雲椰菜豬肉同菠菜豬肉餃都好足料，大大隻勁飽滿，皮厚度適中，湯底係西洋菜湯，真係好有家嘅感覺，好味又健康。當日見到店員坐係一邊即場包餃子，真係新鮮即整，睇到安全又放心。加咗四隻沙薑雞翼，好入味，煮得夠䭃，皮香肉嫩。重頭戲係我最期待嘅巴斯克芝士蛋糕，開心果味好驚喜，開心果味濃郁，兩款都做到半熟個種creamy嘅口感，唔會過甜，一人一個都唔膩，而且性價比真係超高，係某啲cafe嘅一半價錢… 嘢飲都有好多選擇，居然有咖啡飲， 超級推介大家過嚟試下。

呢度嘅芝士蛋糕同埋餃子都好出名叫咗兩個手工餃子套餐 兩個都係雙拼餃子 一個係烚嘅一個係煎就可以飲到湯又食到呢度脆卜卜煎得好靚嘅餃子烚嘅餃子係是日新款餃子 即係麻辣餃味道都好特別 而且唔算太辣 一般都食到㗎啦最好味就係碗湯 今日係菇菌湯 好順滑，食得出係冇味精嘅另一個係菠菜豬肉餃 餃子超大粒脹卜卜煎嘅就食咗 洋蔥豬肉餃, 洋蔥味好突出另外嘅小籠包豬肉餃 就有好多肉汁真係好似食緊個脆卜卜嘅小籠包咁除咗餃子都可以有客飯咖喱牛根腩飯係日式嘅味道 少少辣套餐仲包埋一碗湯同埋飲品熱豆漿& 凍豆漿最後梗係要食埋呢度嘅芝士蛋糕焙茶味同埋開心果味，中間都係有流心口感半生熟嘅感覺 味道好濃郁

之前睇YouTube留意到這家餃子店憑住餃子+巴斯克蛋糕成功俘虜唔少街坊芳心🤍甚至有人話家後係一家被餃子耽誤嘅蛋糕店，既然好評如潮，緊係要嚟潮聖啦～😹♡︎煎餃雙拼小籠包豬肉餃：餃子皮厚度適中，煎餃煎到金黃色，咬落幾薄脆 餡料飽滿咬落有肉汁。😛雲耳椰菜豬肉餃：雲耳同椰菜口感爽脆，加上份量適中嘅豬肉餡，清甜又好味。☺️整體來說，餃子大大粒又足料，好味!🥟♡︎日式住家飯團：腌菜味道清甜，加上味道淡淡的自家製醬油，米飯入口鬆軟 🥰接近完美還完日本便利店嘅飯團🍙-原味巴斯克芝士蛋糕：💯💯💯據說芝士蛋糕由日籍店長一手包辦，曾經日賣成400幾件咁，好誇張呢!當然要order黎食下啦!🤭蛋糕的size不大 對我黎講少食多滋味~🤫中間做到半流心效果，口感creamy，淡淡芝士味岩岩好，又唔會話好甜 👍🏻。$30件 與價錢相若的蛋糕比較，性價比好高呢！😼回頭指數：🌕🌕🌕🌕🌗

我嘅餃子愛店🙂‍↕️不過次次黎都係去舊店，第一次黎隔離街嘅新店，新店環境比舊店闊落，舊店就坐得多人d,呢間就有少少文青cafe feel🤭每次黎都必叫巴斯克蛋糕，自家製真係好好味好smooth，今次叫咗小食就冇叫，但極度推薦要食埋巴斯克蛋糕🙂‍↕️🙂‍↕️🙂‍↕️—————————————————————📍 家後2.0地址: 深水埗汝州街131號地舖✍🏻/食評/◍灼餃 $40·韭菜豬肉餃·菠菜豬肉餃·是日特色餃子韭菜同菠菜都係個人喜好，餡料好足料，豬肉比例都好多，皮薄餡鮮，而是日特色餃係麻辣白菜豬肉，好新奇，麻辣係偏椒麻但唔係真係十分辣，好惹味！湯底係西洋菜湯，唔重味精，飲曬成碗都唔怕！◍上海麵 $16豬骨湯都幾入味，上海麵麵質好滑好細仲好煙韌👍🏻◍油菜 $20$20大大碟🤣好新鮮,加埋少少甜豉油好好味～◍沙薑雞翼 $30沙薑汁唔算杰但係都重沙薑味，雞翼都大隻，幾入味！

好幸福，一次收到2件開心果巴斯克芝士蛋糕！一齊影相，一齊食，比較下，再分高下。家後的巴斯克芝士蛋糕咁出名，就算未開2.0時已經久聞其名，但因為舖頭賣餃子，早期見餐牌冇素餃供應，覺得特登去只係食件蛋糕好奇怪咁，同埋格調都唔係好夾。家後的蛋糕係屋企人買番嚟，買齊所有口味：原味、開心果同新登場的蘋果，但因為蘋果外觀似原味，所以我調亂咗，最後只試咗開心果同蘋果味。開心果巴斯克芝士蛋糕：如果冇加價，應該係$35/件，佢size細，係外面其他巴斯克芝士蛋糕的1/2-2/3左右，雖然價錢低啲，但計落應該差唔多。磅過，一件約80克。第一啖覺得佢軟滑同質感輕怡，而蛋糕整體係同一個質感，即係已成形，唔似有啲舖頭的出品係裡面會軟心少少。如果以層次嚟講，佢爭少少。蛋糕有開心果味，但只屬輕怡版，佢冇額外加開心果碎或開心果醬去令味道更衝擊同直接，講到底，真係有種家的味道，即係媽媽煮嘢食唔會整色整水，亦唔會太重口味。如果係開心果狂迷，我覺得有比較有傷害，應該會覺得佢好味，但又未去到「好好味！」。尤其當將佢同Liberty直接PK，佢顯得好plain，冇乜亮點，但與此同時，我又諗，佢係一件我每日飯後都會有胃口去食的巴

同朋友喺深水埗行完街，想找個地方吃頓晚飯。朋友想食餃子，醒起汝州街這間人氣餃子店「家後 2.0」。餐廳主打手工水餃和家常飯餐，店面明亮，裝潢簡潔，座位闊落，驟眼看還以為是間文青咖啡室。點咗灼餃同煎餃各一份，芫茜豬肉餃 ($40)  好新鮮，入口沒有雪味，菜同肉嘅比例啱啱好。湯底以西洋菜自家熬製，真材實料，入口極之鮮甜，飲得出完全無落味精。至於煎餃就揀咗小籠包豬肉 ($44)，廚師以生煎方式將餃皮煎至金黃香脆，肉餡內藏雞湯及洋蔥蓉，一咬爆汁，香味四溢。+$20 可以配中式套餐，包是日鹹飯、冷盤小食及烏龍茶。菠菜爽口嫩綠，鹹飯配料有薯仔同香菇，非常足料，充滿住家風味。+$30 可以配日式套餐，包是日麵類、冷盤小食及烏龍茶。烏冬彈牙滑溜，無論係淨食或拌餃子吃都咁好味。另外仲點咗客沙薑雞中翼 ($30)，雞翼大大隻，好有肉地，入口鹹鹹香香，充滿濃郁沙薑味，送飯一流！一場嚟到梗係要食埋餐廳嘅招牌甜品，點咗客開心果巴斯克芝士蛋糕 ($35)，糕身輕盈濕潤，表面帶微焦，開心果同芝士味相互平衡，香醇不膩。

回頭度🍪9/10｜人均消費💰~$40-70-終於試到呢間被餃子耽誤嘅蛋糕店😍雖然試唔到佢嘅招牌小籠包豬肉餃都試唔到開心果芝士蛋糕🥲但都覺得好滿足 覺得一定要bookmark🥳-👍🏻冧酒提子芝士蛋糕 $35公認係成餐飯嘅MVP🏆聞落已經有好明顯嘅酒香蛋糕食落好軟滑 芝士味重🧀表面嘅燶度都啱啱好底層嘅冧酒提子乾🍇簡直係錦上添花 加$5絕對值得😋味道🌕🌕🌕🌕🌗-👍🏻原味芝士蛋糕 $30本身未食冧洒提子以為呢個已經係MVP🍰評價同上 都係食落好軟滑且芝士味好夠出🤤但真係有比較就有傷害但都絕對值得叫嚟食🥰味道🌕🌕🌕🌕🌑-👍🏻雲耳椰菜豬肉灼餃 $40本身對湯餃冇咩期望但佢嘅五指毛桃湯🍲絕對加分不少一飲就知無味精 所以飲咗好多啖餃子餡都好飽滿 又大大隻🥟豬肉比例高 充滿肉汁🐽加埋椰菜同雲耳冇咁膩餃子皮都厚度適中 唔會好粉味道🌕🌕🌕🌕🌗-👍🏻洋蔥豬肉煎餃 $44煎餃唔會好油 而且夠脆身金黃嘅賣相都非常吸引🤩洋蔥豬肉都煎餃好夾🧅味道🌕🌕🌕🌕🌑-👍🏻麻辣白菜灼餃 $40係嗰日嘅是日特色餃帶少少辣所以幾惹味🌶️餡料同樣都係飽滿多肉汁味道🌕🌕🌕🌕🌑-整體味道🌕🌕🌕🌕🌗抵食🌕🌕🌕🌕🌑

舊鋪餃子好味就係人都知，今次一於試試新鋪。新鋪裝修靚靚，無舊鋪果種逼夾感✨餃子8隻一個餐～ 必食menu如下：💖手工水餃 （灼） 8隻+雙拼 + 是日西洋菜燉湯HKD42👉🏻是日燉湯係西洋菜湯因本人喜歡水餃原汁原味，故選取灼水餃2款，雙拼多加2蚊/ 豬骨湯無味精，清甜👉🏻雲耳椰菜豬肉餃餡多皮薄，豬肉咬下去在口中化開，雲耳爽口「索索」聲👉🏻芹菜豬肉餃芹菜分布平均，同豬肉超夾，鍾意食芹菜嘅朋友請勿錯過💖原味芝士蛋糕HKD30佢啲芝士蛋糕係有師傅專門製，每天限量發售。鍾意佢啲蛋糕甜度適中，芝士打得夠幼滑，唯一缺點係太細件，食唔夠喉！💖 Cappuccino HKD25 食蛋糕點都要配返杯咖啡嘅，雖然係冇拉花，咖啡同奶嘅比例都唔錯💡灼餃食法建議食得辣：加菜脯辣椒👍🏻不受辣：落喼汁加少少辣椒油👍🏻