家後

營業中

休息中

之前上網見到呢間小店係食餃子 星期5手工lum住黎試下先知原來佢地甘有人氣!係超多人排隊！應該好多都係回頭客 自動自覺寫人數係塊版排隊星期5真係超多人 吾知平時係咪都係甘我地2個人叫左芫荽豬肉湯餃，雲耳椰菜煎餃，跟左1個餐要飯糰，麻辣豬肚，麻辣鷄腎，鹵水雞翼同埋豬手。勁想試個甜品但師傅放左2個星期假無得食大腸羹都賣曬 今次黎完全食吾到好想食既野 要再黎過！！芫荽豬肉湯餃個湯係紅紅地色 唔知加左咩 餃子大隻皮薄餡都算多 塞滿芫荽 好香雲耳椰菜煎餃 煎餃煎得岩岩好 煎到金黃色 咬落去仲保留到餃子入面既汁 老闆提我地要趁熱食 真係吾錯飯糰 一開始以爲係日式個種 結果有d 似瓷飯個種飯糰 d米小小黏黏地 有d肉夾雜住 味道正正常常啦麻辣豬肚&麻辣鷄腎 好入味 麻辣味好出 豬肚同鷄腎都幾爽口鹵水雞翼 鹵得唔夠耐 唔係好入味 有d 似食緊普通煮雞翼豬手 必食！煮到好lum  個皮好滑 真係好好食 竟然餐牌上面無手指公 個人覺得好出色自家辣菜圃加落醋度令成件事昇華左 黎食餃子記得要加啦真係好傷心試吾到佢地出名既大腸羹同芝士蛋糕 下次可能要早d黎 overall 係值得回頭既餃子小店 不過飯糰雞翼真係

深水埗人氣餃子店！因為店內得幾張大枱，我哋下午一點前去到都要排隊到十五分鐘左右先入座，中途都有幾多人叫外賣。我哋排緊隊嘅時候叫定嘢食，入座大概五分鐘就食得！本身想特登嚟試呢度出名嘅芝士蛋糕，但係因為廚師身體抱恙所以有幾個星期冇整蛋糕，希望佢早日康復，期待下次再嚟試！首先要講講個湯底，老火湯飲落去完全冇味精，係平時喺屋企會煲嘅粉葛赤小豆湯，好飲得嚟唔會搶左餃子嘅風頭。今次試左3款湯餃，以下係我喜愛餃子口味嘅順序: 洋蔥豬肉湯餃$36- 高度推介！紫洋蔥香味會喺口入邊爆發，維持到清爽嘅口感，鮮味非常突出，好少喺其他餃子店食到呢個口味。粟米香菇雞肉湯餃$36- 粟米香菇相對地比較淡味，令我喜出望外嘅係本身以為雞肉肉質會鞋一啲，點知咬落去都係好滑，唔錯。雲耳椰菜豬肉湯餃$36- 雲耳椰菜呢個配搭冇得輸，不過口味上就比較普通，蔬菜都維持到清爽嘅口感，重麻油味道。餃子皮唔會太厚，唔錯！店內仲有其他小食炸雞都好似好吸引，期待下次再嚟試多啲！

最近愈開愈多間餃子舖，我梗係要試下傳統嘅幾隻味啦～有3個style揀：湯餃 ($36 8隻) 煎餃 ($40 8隻) 或者係湯麵餃($40 6隻)亦可以叫套餐 配日飯糰/麻辣雞翼/湯麵 (呢個湯麵係獨立另外一碗，個麵啲味唔會mix落餃到。湯麵餃就全部放埋一碗) 今次個湯係蓮藕葛湯。夠哂真材實料，真係冇味精，可以all clear~~ 餃皮又唔厚～推薦芫茜豬肉餃!!好香芫荽味~雲耳椰菜豬肉餃料好足～煎餃都好有水準!金黃脆皮~甜品都好推薦～～芝士蛋糕($25)好濃芝士

👧🏻😋👅🍽✨家後 (深水埗基隆街)家的感覺餃子店🏠🥟 -❤️bookmark左好耐, 過開SSP就順道去食, 去到門口貼住店主健康問題, 甜品類暫停兩星期🥲 好彩D餃都冇令我失望❤️每款湯餃八隻$36煎餃八隻40, 食得唔多又想試多啲所以雙拼加$2-☁️👂🥬🐖🥟🍲雲耳椰菜豬肉餃（湯）$36✨有湯跟埋, 係屋企味道既濃湯, 仲加多兩條菜✨餃子好飽滿, 餡料有少少香菜冇咁單調-🧅🐖 洋蔥豬肉餃（煎）$40✨平時我鐘意食煮腍晒既洋蔥因為陣洋蔥味冇咁重✨呢度果啲較爽口又ok喎, 用左紫洋葱更香甜-🪧🍲 家後鮮大腸羹 $35✨落單時有提我地: 要𡁻嫁喎😂 因為佢唔係平時滷水果種煮到腍晒果隻, 的確好有嚼勁, 係咬耐D但幾好𡁻😂 ✨個湯羹仲有豆腐, 瘦肉, 木耳, 豬紅(豬紅超滑好正)✨用每天新鮮大腸洗得好乾淨完全冇臭味✨湯落左少少胡椒粉好醒神同暖胃-🔥🍢酥脆炸肉丸 (10-12粒) $25✨驚喜！真酥脆！炸漿薄餡靚✨入面既肉好soft但又有少少肥膏粒仔肉汁仲會爆出黎勁正-

女朋友好鍾意食水餃 成日去好多地方都話要食水餃🥟 上網見到呢間舖頭賣手工水餃 就話要嚟試😮 本身我就麻麻地餃子 覺得比較清淡 唔明有咩好食 直至遇到呢間舖頭嘅煎洋蔥豬肉餃🤭 煎洋蔥豬肉餃 店員同我哋介紹話煎洋蔥餃係好好食嘅 所以我地就嗌咗 完全冇諗過餃子可以咁惹味 洋蔥味好fresh 加上煎餃好香口 咬落口並冇因為煎餃而穿咗流失晒啲肉汁 絕對係外脆肉juicy 呢碟應該嗌單叫會開心啲🥰 因為真係好推介大家叫👍🏻煎香菇粟米雞肉餃 粟米味好香 雞肉餃就冇豬肉餃咁Juicy 但係肉質都唔會太硬 味道都算幾清新 食落口好似健康啲🙊雲耳椰菜豬肉湯餃 女朋友每次去食餃子都要嗌呢一個經典款 佢話呢間嘅椰菜豬肉餃配埋粉葛豆湯都幾夾 而且為隻餃子再加咗啲味道🥟 韭菜豬肉湯餃 可能平日會覺得太過草青味 但我覺得呢間豬肉同韭菜比例啱啱好 所以都會推介呢一碟😆嗌餃子可以加錢配埋套餐 日本飯團 係用日本米製造 咬落口更加煙靭 入面仲有啲菜脯同豬肉調味 唔會食落好寡🍙滷水雞翼兩隻 雞翼好大隻而且滷得好入味☺️淨豬手五件 呢個都好好食 紅燒豬手炆得好腍 好容易可以分開啲肉同骨😆 好方便進食 熱辣辣食係最好食😋套餐配凍

-<<🥟🏠>>本人係不折不扣嘅餃子控介紹下位於深水埗小店👅湯底係自家熬製 有家的感覺除咗餃子之外仲有芝士蛋糕姐姐好友善 幫我地添菜譜怪唔得知咁多街坊幫襯🥰.1️⃣雲耳椰菜豬肉煎餃 | $40 | 8.2/10 外皮煎得好香脆 唔會太燶完全皮薄餡靚🤩每隻都好工整豬肉肥瘦適中 咬開好多肉汁超～推～介～❤️.2️⃣香菇粟米雞肉湯餃 | $36 | 8/10食餃子鍾意試多啲唔同肉類😜雞肉分量多 口感同豬肉差唔多粟米香甜 加埋香菇超好食👍🏼湯底係花生雞腳 好似屋企煲咁~.冧酒提子芝士蛋糕 | $30 | 8.8/10酒味超濃 估佢唔到🙈雪左一晚 室溫解凍 仍然有軟心效果~好食🥰.📍家後 深水埗基隆街211號地舖.#jacstomach_深水埗#jacstomach_中式

近排見到好多人去食家後餃子，作為餃子控緊係要試下😎老闆話佢地主攻傳統餃子，無加花巧嘅材料，係希望後生仔同埋老一輩嘅朋友都鍾意食👍🏻除左餃子之外，佢地嘅巴斯克芝士蛋糕都好出名，但咁啱甜品師傅病左所以今次就無得食啦😭**********<韭菜豬肉餃&菠菜豬肉餃> 煎$40+雙拼$2<香菇粟米雞肉餃&雲耳椰菜豬肉餃> 湯$36+ 雙拼$2全部口味嘅餃子都係劃一價錢，雙拼只需加$2，係小店先會feel到嘅人情味🏡試左四款味道，菜同肉嘅比例適中，個人鍾意依間嘅煎餃多過湯餃，經過半煎炸嘅煎餃，個餃子邊係脆卜卜嫁✨**********<淨豬手(5件)> $39<鹵水豬大腸> $20<麻辣雞腎> $20小食嘅選擇都有好多，老闆推薦飄香豬手，鹵得好入味而且夠軟淋，每件都好大舊幾抵食🐷另外有幾款鹵水同埋麻辣小食，麻辣雞腎嘅辣度真係唔惹少，食得辣可以挑戰下🌶

太子深水埗的餃子店多不勝數，呢間已黎過幾次！因為每次都仲有新野想試！首先餃子必試洋蔥豬肉餃！喜歡洋蔥重口味既人一定喜歡！其他餃子質素平穩，湯底好飲！真係老火湯！必試的仲有大腸羹，用新鮮大腸，食落好爽帶d韌，拼豆腐豬紅等幾特別，出面未試過。好多人都推薦佢地既蛋糕，都係出色既，不過知道左整蛋糕既師傅身體唔舒服，要休息一段時間，希望佢快d好返再整好野食比香港人啦！下次想試飯糰，當日賣哂。提提大家平日lunch hour 要排隊，當日平日夜晚去就無乜人

秋風起，又好想食翻啲暖胃嘅嘢~ 食下餃子就最啱啦!😋 呢間餃子店我一直都好好奇點解大家食完呢到嘅餃子，仲會食埋佢嘅芝士蛋糕😯，餃子店竟然賣芝士蛋糕，實在有趣!😎 佢地嘅食物大份又抵食，性價比幾高，想食好耐，機會終於嚟啦!😆煎餃 ($40/8隻; 雙拼+$2)1. 雪耳椰菜豬肉餃🥟 2. 韭菜豬肉餃🥟 即叫即煎，熱辣辣，餃子皮煎至金黃色，外皮香脆不油膩，餃子餡料菜肉均勻、肉汁保留在餃子內，爽脆的雲耳及椰菜絲口感十足，韭菜豬肉亦都好惹味!😍 如果唔係要留肚，真係想叫多幾隻嚟食!😝3. 湯餃麵 ($40/6隻; 雙拼+$2)香菇粟米雞肉湯餃🥟 白菜豬肉湯餃🥟 我選了是日例湯-眉豆粉葛湯和上海幼麵，湯底無落味精好清甜，好有家的味道!😋 如果可以我仲想添飲😜推介大家食香菇粟米雞肉湯餃嘅粟米🌽超級清甜!😍 原粒粟米、香菇和雞肉粒加埋，令口感更豐富!😎👍4. 家後鮮大腸羹 ($35)鮮大腸湯羹好似魚羹湯咁，落咗啲胡椒粉、薑、木耳絲，因為用咗新鮮大腸嘅關係，口感好爽，比較煙韌，好有咬口😂😂5. 麻辣雞腎 ($20)6. 麻辣豬肚 ($25)麻辣都幾香辣，帶少少甜味，會愈食愈辣😂😂 雞腎和豬肚都很爽口，

好食!好食!好食!重要野要講三次!呢間係深水埗嘅家後無論係餃子定cheesecake都好鬼正! 真係估佢唔到一間小小嘅街坊餃子店竟然有咁出色嘅出品，唔怪得咁多人排隊，仲keep住有人買外賣，好彩人龍都去得好快。我同男友兩個叫咗- 雲耳椰菜豬肉煎餃$40- 芫荽豬肉餃拼洋蔥豬肉餃波菜麵$40，兩個都加咗$15轉套餐，有滷水雞翼同麻辣雞翼各兩隻仲有兩杯嘢飲- 上湯浸津白$20特別推介芫茜餃同洋蔥餃，芫茜同洋蔥味都好出，洋蔥餃食落帶啲洋蔥嘅香甜又有洋蔥爽脆嘅口感，係我至愛👍🏻我地叫左湯餃麵，老闆話煎餃仲好味，下次一定再黎試過!講起老闆，老闆真係一個好親切嘅人，不停問我地意見，又見我哋影相影得耐，叫我哋快啲食煎餃，唔係凍咗就會少左肉汁，眼見佢亦同其他客人好好傾，上至食物下至工作，乜都可以傾一餐，相信唔少都係熟客。我地22號晚去食，成功搶到尾二果件cheesecake, 真係好開心，因為估唔到餃子店有咁好味嘅cake, 中間仲係有少少流心 🤤 23號開始甜品師傅因為身體不適要休息要停賣甜品兩星期，希望佢快啲好番啦，身體健康真係好緊要！我亦都好期待兩星期後再去食cheesecake 😋😋

看到食評一面倒的讚. 當然要來試試, 但真的如此?1: 一間專賣餃子的舖頭, 有飯餐, 有巴斯克蛋糕賣, 還有咖啡奶茶等等...明白經營艱難, 但給我的感覺就是不專業.2: 惠顧期間去了趟洗手間, 回來時看到是在走廊包餃子, 而且跟洗手間距離不遠, 雖然門是關著, 但我會扣分.3: 去餃子店我通常只會叫韮菜餃, 個人覺得能試出這間店的水準. 點了個韮菜餃麵, 竟然給了一半是芫茜餃...(之後還聽到韮菜餃賣光, 要再包, 難道我就是最後的幸運兒?)4: 韮菜餃跟芫茜餃味道是可以, 皮亦算薄, 湯底普通, 但吃完前後覺得非常口渴. 個人覺得還是有添加味精.5: 有些餃子舖做辣椒菜脯比餃子還要出色, 但這裡還是普普通通. 用的醋反而味道太濃太酸, 用來沾餃子吃就蓋過餃子本身的味道.6. $40 八粒餃子. 對男士來說可能就有點"到喉唔到肺"的感覺...這個價錢雖然可以接受, 但如果 $45 有 十粒會比較合理吧?所以整體而言就是普普通通, 不過不失.

值得再戰高質餃子店 平價巴斯克蛋糕🍰呢間舖頭喺深水埗非常出名，今次終於都到我試吓😆雙拼煎餃（八隻）$42✅韭菜豬肉餃丶洋蔥豬肉餃煎餃即叫即整，所以熱辣辣！餃子皮煎到金黃色，燶燶咁，非常香脆😆皮薄多餡料，餃子裏面亦十分juicy😍好正！韭菜豬肉餃兩者比例平均，食落去口感非常好☺️洋蔥豬肉餃非常欣賞😆洋蔥粒唔會太多搶晒啲味，但佢嘅存在亦都令到餃子口感爽脆，同豬肉非常夾💕湯餃 （八隻）$38✅雲耳椰菜豬肉餃丶芫荽豬肉餃湯餃子非常出色，一樣皮薄多餡😋餃子亦都包得好靚，每一隻都好飽滿👍🏻雲耳椰菜豬肉餃比上面嗰兩種口味比較清淡，好有屋企嘅味道🤣食多幾隻都唔會覺得油膩，加上雲耳椰菜令到餃子好爽口☺️芫荽豬肉餃令到我非常驚喜🤯芫荽味非常濃郁好出！！如果係芫荽粉絲一定好鍾意🤣雖然係咁，但係亦都冇搶曬豬肉嘅存在，兩者都配合得好好，食落去好新鮮🥰日式炸雞（四件）$25唔好睇佢相裏面細細粒，其實都幾有份量感～亦都係即叫即炸，脆卜卜！老闆仲會特登比甜酸醬，非常貼心☺️手作芝士蛋糕 $25全場最愛！真係非常好食呀！💕😋芝士味好濃郁，雖然係餃子舖出品嘅芝士蛋糕，但係絕對唔馬虎！香滑軟綿❤️不過分享食會比較好，因為食咗咁多嘢

天氣開始涼涼地，想食碗熱湯既餃子，之前朋友介紹呢間抵食又好味道既餃子店，今晚有時間就過左黎食。呢度既餃子真係有驚喜地好食，而且價錢超值，大約$38 就有8 隻湯餃，絕對成為左深水埗必去小店之一❤️🥟芫荽豬肉湯餃$38/8 隻超好食！好香芫荽味，足料新鮮，個湯係粉葛湯，冇乜味精，芫荽控必點！🥟洋蔥豬肉煎餃$40/8 隻呢款叫左煎餃，好好味，煎得好脆，好有肉汁，洋蔥味好香，其實唔洗點醬料都得。🥟麻辣雞翼$25/4 隻好辣呀，但好好味，唔食得辣果D記得叫野飲！🥟家後鮮大腸羹$3535 蚊就有大大碗又足料既湯羹，材料有新鮮豬大腸，豬紅、豆腐、肉碎等，好味超值！🥟麻辣豬肚$25都係好辣，豬肚好煙銀，比較需要牙力，唔食得辣記得叫定野飲。美中不足係今日食唔到個日式芝士蛋糕呢間餃子店已經成為左我去深水埗其中一個原因！

呢間去到都排隊排咗20分鐘，好彩今日天氣涼，但食完就覺得都值得，因為真係好好味，最驚喜係豬肉洋蔥餃子🥟，冇諗過洋蔥咁夾，咬落去脆脆的，個皮好薄，煎得脆脆好好食，好食到男朋友話要帶阿媽黎食💗。而湯餃嘅湯底係蓮藕湯，真係可以飲的，又係一個驚喜，不過唔太識分有冇味精，但我唔覺得特別口乾。最後一個驚喜係巴斯克蛋糕，好creamy，不過黎緊兩個星期甜品師傅放假，我地好好彩😆。同埋真係一入餐廳就要留蛋糕，見到有人食完先叫蛋糕就冇晒了🙈。

早前食過家後，知道依度一向多人排隊，今日平日都特登六點多就食晚飯。洋蔥豬肉拼荽茜豬肉煎餃：個人認為家後的煎餃比湯餃好吃。煎餃較一般的大隻，而且只煎一邊，入面肉汁豐富，餃皮脆口但不太乾身。洋蔥餃的洋蔥用上紫洋蔥，仍維持洋蔥本身脆爽帶本身少許嗆味道；荽茜豬肉餃的荽茜亦新鮮，總括兩者餃子帶來清新不膩口味道，難怪是店內推介。自家製飯團：飯團亦是店內推介，個人很喜歡這種飯團，用上豬肉粒及牛蒡，整個米飯已調味，而且用料不少，比出面連鎖店的飯團更有日式風味。大腸羹：落order叫大腸羹時，落單阿姐已提醒豬腸較為咬口 。碗內除左豬腸外，另有豬紅及木耳絲，有頗多胡椒粉和薑絲，很適合冬天來吃。豬腸的確有咬口，要至少在口內咬一陣才可咬斷，但味道還好，沒有怪味。芝士蛋糕：（無影相）蛋糕整體極棉滑及較甜，芝士味濃，很適合本人口味。個人認為雖然區內有很多出色的餃子店，但能做到由餃子到飯團到甜品同樣出色的店舖的確數一數二罕有。簡直可以一次過滿足哂三個願望。