家後

營業中

休息中

本人都是看社交平台雜誌介紹才試，門口已有人排隊，唔想等，便試吓🍰先，回家后再打開來看，🈚️諗住咁細件……似被人呃的感覺。。。35蚊真的值嗎❓最衰見不到實物，如見到，應該唔會買，唔值這个价‼️貴唔緊要，但實在太細件了……店員話整個蛋糕6吋，要切開8件，你話size 有幾大呢❓

是日突然想食餃子，醒起深水埗有間人氣餃子店，除了餃子，佢地嘅芝士蛋糕亦人氣高企，一𣊬間就決定了是日嘅午餐午餐～～韮菜併芫荽湯餃 $42原味巴斯克芝士蛋糕 $240餃子餡料豐富，湯係赤小豆蓮藕湯，住家嘅味道；巴斯克芝士蛋糕，深棕色的焦糖外表，蛋糕內部濕潤柔軟，芝士味香濃

講起傳統既家庭餃子舖 ，呢間都算係數一數二出名既舖頭之一。一直想黎呢間餃子舖試下佢個原味芝士蛋糕同埋餃子但每次都多人排隊。 直到有日星期六經過 下午茶時段 唔洗洗等好耐就入到，開心！ 一坐低就即刻叫左佢個招牌餃子 同埋芝士蛋糕（太快食左冇影相📸） 佢個日式芝士蛋糕好香 唔太甜 好岩同朋友過下口癮 佢個湯底係粉葛湯好好飲，有屋企feel冇味精，餃子皮夠薄 入面既料都足 食落去唔會好鹹 皮脆入面熱辣辣好味 😋下次要再黎食！ 支持支持

深水埗家後聽得多，今日經過終於試到。星期六嘅12:30嚟到，已經人山人海，有人等外賣有人等入座。😳如此墟冚，我都係外賣上車食就算。⭕️韭菜豬肉餃、椰菜雲耳豬肉餃 $42 🟡🟡⚪️⚪️⚪️$40有八隻餃子🥟，加兩蚊可以雙拼。話晒都係人龍店，滿有期待咬落去，點知好普通。餡料唔結實、調味一般，似急凍嗰啲日式餃子。湯底有兩嚿粉葛，比較淡味。雖然甜記餃子而家成日被負評，但我喜歡甜記多啲。😳⭕️開心果巴斯克芝士蛋糕 $35🟡🟡🟡🟡⚪️睇報道講係由店主嘅日本太太親手製作🍰。蛋糕柔軟，十分濕潤，唔太甜。開心果味唔算好突出，但都可以接受。雖然細細個，但用料充足，食一半已經飽咗😛😋。果然係被餃子耽誤嘅巴斯克😂😂。排隊時見每枱都係會點巴斯克，呢間真係正宗妹仔大過主人婆嘅店子，妹仔帶動咗好多生意🤪😂。下次我會淨買巴斯克，試埋原味同咖啡味。🤭🤭

📍深水埗人氣餃子+必食巴斯克蛋糕 — 家後😻🔥𝙒𝙝𝙖𝙩 𝙙𝙞𝙙 𝙄 𝙚𝙖𝙩 ??? (´ε｀ )🌟🥟洋蔥豬肉煎餃 $44/8隻洋蔥豬肉餃係老闆推介嘅！😆🧅食落真係皮薄香脆，煎到金黃色，而且食落爽口多汁，就算平時唔食洋蔥嘅人都會鍾意食🥹❤️推薦！💯🥟韭菜豬肉煎餃 $44/8隻私心鍾意韭菜所以叫咗韭菜豬肉餃🙈都係每一隻都煎得金黃色，十分香脆，而且唔油膩🤤不過呢度韭菜餃嘅韭菜味唔算特別濃，所以韭菜愛好者可能未滿足到🤣🤣🍰日式手作芝士蛋糕 $30/件呢度嘅巴斯克蛋糕比起餃子更受歡迎🤤幾乎每一台客人都會叫一件芝士蛋糕～因為呢度嘅巴斯克蛋糕係由日籍老闆娘自家製嘅🥰食落真係非常creamy，而且芝士味好濃郁！呢個價錢真係冇得輸👍🏼👅✰⋆�｡:ﾟ･*☽:ﾟ･⋆�｡✰⋆�｡:ﾟ･*☽:ﾟ･⋆�｡✰⋆�｡:ﾟ･*☽已經bookmark咗呢間餐廳好耐，因為見到好多人都話呢間餐廳嘅餃子同巴斯克芝士蛋糕都係全港Top 1🤩💯而且好多人都話佢係被餃子耽誤的芝士蛋糕店🤣而事實上我覺得呢間餃子店又真係好好食！價錢都相宜😆不過晚飯時間比較多人，預咗要等位，同埋環境比較細，多人食嘅話可能會較擠迫～🙈賣相：🌟🌟🌟味道：🌟🌟🌟

一直都聽講佢嘅巴斯克芝士蛋糕非常之好食 今日終於經過可以試到佢嘅巴斯克蛋糕 雖然今日剩係得原味同埋咖啡味 冇我想食嘅開心果味，不過唔緊要啦我最後買咗兩份原味嚟食 一入口非常之香濃嘅焦糖味 而且中間夾心亦都非常之軟熟好食 個價錢嚟講真係唔講得笑 係會再回購嘅蛋糕 比起坊間好多嘅巴斯克都好食好多 希望佢會有更加多味道選擇啦

開心果芝士蛋糕$353.5 分蛋糕比較細件，先從尖端部份吃，有濃郁的開心果味，一路往外邊圓周吃，開心果味會慢慢淡下來。即是一個未切的圓形蛋糕，中心部份濃郁，而去到圓周附近沒有了開心果味。另外，芝士味較淡，可能濃芝士味會搶了開心果的味道罷。韮菜豬肉湯餃$403.5 分湯不似加了味精，清淡而帶粉葛味，有幾小塊粉葛，餃子大顆，飽滿，比一般的餃子店的好。

叫左個香菇粟米雞肉餃拼菠菜湯餃🥟🥟個餃子其實都用心製作，好味既特別係個香菇粟米，好香，好juicy 💦💦💦食湯餃點少得個湯🫕🫕係粉葛煲赤小豆，相對無咩味，唔算好出色個菜圃都一般般😗😗😗咁岩等到開心果芝士蛋糕送到🍰🍰🍰立即試一試😋😋😋Creamy 到呢～～～～ 有啲巴斯克芝士蛋糕整到好乾身第一次食到濕潤，重開心果味，又唔係好甜～～～🥰🥰🥰絕對值得買返屋企慢慢嘆😌😌😌😌Ps. 次次都係食食下先記得影相🤣🤣🤣

軟綿，濃濃嘅芝士味蛋糕呀聽聞呢間嘢好多人排隊，好彩今日去到唔多人，買到每日售完即止嘅芝士蛋糕。另外都有買韮菜餃同埋芫荽餃，都好出色呀。咬開仲有汁㗎！下次想試洋蔥餃🥰

家後 (深水埗)今次去到位於深水埗基隆街的家後本店還有一間家後2.0在汝洲街留意兩間店鋪休息日子不同本店逢星期三休息2.0逢星期二休息建議出發前再確認一下星期五夜晚近8點仍見不少人排隊去到後先到門邊的掛板寫上資料排隊在等候期間見到老闆一直熱心解答客人疑問也看到老闆店員跟街坊有講有笑連搭枱的街坊對我們也非精親切從他們身上感受到店鋪與客人之間久違的人情味等了約25分鐘可以入內店鋪不大，座位有點擠會安排搭枱因為在排隊期間已選好要點的款式所以就快速下單！煎餃 $44 +$2雙拼-韭菜豬肉餃 + 洋蔥豬肉餃 每款各四隻 煎餃一到，香氣撲鼻 皮薄餡多 餃子隻隻煎到金黃色 香脆又不會太油膩 韭菜豬肉餃非常香口 洋蔥豬肉餃紫洋蔥煮得熟透兼帶甜湯餃 $40 +$2 雙拼-雲耳椰菜豬肉餃 + 香菇粟米雞肉餃 同樣每款各四隻 雲耳椰菜豬肉餃清爽偏淡味 香菇粟米雞肉餃正常發揮 特別要提湯餃用的湯底是粉葛赤小豆湯 飲落似無落味精 有家的味道日式手作芝士蛋糕 $30-日藉老闆娘親自製作的原味斯巴克芝士蛋糕 蛋糕份量細小剛好 做到巴斯克蛋糕的內軟外硬 忌廉芝士味相當濃厚 作為飯後甜

約了友人食飯，想平平地食，友人推介深水埗有間手工餃子店幾正，仲要有芝士蛋糕食!咁特別去一試。平日晚上7點幾多去到已經好多人等位，果然受歡迎!等左差不多半個鐘有位。小小的店子，裝潢簡約。餐牌，有8款口味的餃子，係等位時已揀左4款開心Share。檸賓，跟餐+$6，大熱天時整杯檸賓，爽呀!湯餃(8隻)，40。要了雲耳椰菜豬肉餃及香菇粟米雞肉餃，餃子大粒飽滿，皮薄內餡足料，香菇粟米雞肉，味道鮮甜肉柔嫩，雲耳椰菜豬肉餃，口感清爽肉質鮮味，餃子好味，仲要配靚湯，個湯底係赤小豆粉葛湯，有湯水飲實在太正，健康又好飲。煎餃(8隻)，44，韭菜豬肉餃及洋葱豬肉餃，外皮薄口感香脆，韭菜豬肉餃，餡料豐富又香口，洋葱豬肉餃，洋葱爽口又惹味，好味。日式手作芝士蛋糕，$30，人氣之一必試下，據聞係日籍老闆娘製作的甜品，巴斯克芝士蛋糕，入口軟滑，有濃厚的芝士味，好味!餃子好味，煎餃及湯餃都十分出色，個人比較上鐘意煎餃，芝士蛋糕都好食，服務幾好，老闆都好nice(見幾多街坊客幫襯)，下次有機要再戰。

星期五晚同朋友食晚餐，因為唔太肚餓。 因為選擇左食餃子當晚餐。家後一直都係人氣餃子店。 所以七點到都等左30分鐘先有位。叫左雲耳椰菜豬肉湯餃、香菇粟米雞肉湯餃、日本飯團🍙及開心果芝士蛋糕。❇️雲耳椰菜豬肉湯餃❇️香菇粟米雞肉湯餃餃子每一隻都好足料、脹卜卜，內餡豐富，餃子皮厚薄適中。湯底是粉葛赤小豆湯，好有家的味道，冇味精。另外有任食菜脯，少少辣，都幾好食。❇️日本飯團🍙好日本既味道，我同朋友都覺得好好食。如果大舊啲會更好。 ❇️開心果芝士蛋糕芝士味足夠，開心果味濃，十分好食！係好好食既芝士蛋糕。下次想試佢既其他味。🐻‍❄️總結：職員態度有禮，芝士蛋糕係必食！🐻‍❄️

一間細細得鋪頭，但係遲或者飯點要排隊，仲有好多人等緊外賣，真係好誇張，食左就知點解了，芫茜豬肉餃（煎），芫茜嘅香味好濃郁，同豬肉嘅香濃味道結合得好啱，食落就有種清新嘅感覺，好惹味！無論煎定灼餃，個芫茜味都好重，芫茜愛好者必食；日式原味手作芝士蛋糕，蛋糕質地好軟綿，芝士味道又香又濃郁，真係超級好味！同一舊芝士蛋糕都可以試到唔同嘅熟度，由軟身到硬身，一次滿足。

一間在深水埗人氣很高的餃子店，看到有雞肉餃子特意前來一試，可惜並不符合期望。撇除食物質素，餐廳衛生環境惡劣。用餐後前往餐廳廁所，是比大陸更污糟更不堪入目的踎廁。隨後目睹員工就在這條通往廁所的狹窄通道，沒有戴手套和口罩的情況下包餃子。雖然餐廳賣點是手工餃子和家的感覺，不過基本的衛生還是要有吧。.🥗 香菇粟米雞肉餃套餐 $58套餐包括八隻湯餃、一碗湯麵及飲品。✿ 湯麵 — 菠菜麵與菠菜扯不上關係，只是綠色的鹼水麵，麵條薄身，沒有口感。湯底用上清豬骨湯，配有一條生菜。✿ 香菇粟米雞肉餃子餃子瘦削不飽滿，有頗多椰菜和粟米、少量香菇、極少雞肉成份。加入了椰菜和粟米，吃起來有口感，不過餡料調味極為普通，偏鹹，也沒有肉汁。餃子皮中規中矩，不算厚也不算薄。湯底用上蓮藕粉葛豬骨湯，配有一條生菜。.由於餃子只含有極少量雞肉成份，蛋白質不足夠。餃子皮加上麵食，碳水量太多。纖維方面，餃子中包含椰菜、香菇等蔬菜，還有兩條生菜。.健康評分：2/5性價比：3/5.家後 (深水埗)深水埗基隆街211號地舖

落雨天☔️決定去試一下《家後》這家自家製餃子店，本以為這家店成名已久，應該可以不用排隊，但我還是太天真了😂，買外賣都等了20分鐘左右，到店覓食的人絡繹不斷，疫情中能這麼熱鬧的店應該不多了1. 韭菜豬肉煎餃自家製的餃子非常美味，入口吃不到一般餃子店賣的味精味，調味對我來說剛剛好，還可以選煎或湯餃。今天只嚐了韭菜豬肉味，下次一定要試試洋蔥豬肉和芫荽豬肉味😋❤️❤️❤️❤️❤️2. 五香牛腩米線牛腩份量足，挺香，米線有口感，沒有煮過頭，不能說非常的驚艷❤️❤️❤️3. 開心果巴洛克芝士蛋糕非常creamy，看圖就知道了，都黏著包裝紙了😋😋芝士味足夠，開心果味濃，我真的好愛開心果味的甜品，這個蛋糕完全滿足我對開心果芝士蛋糕的想像❤️❤️❤️❤️❤️這家平民美食完全做到價廉物美，難怪能成為長期排隊店😋，有空路過一定再encore！