家家芋芋

營業中

休息中

今次嚟到食咗個仙草凍冰底配九份芋圓、紅豆、珍珠，真心覺得出色。最出色嘅係個九份芋圓，軟韌度適中就不在話下，粒芋圓由外到內嘅口感係一致，冇咬到内層口感變硬嘅情況發生，而且芋圓嘅芋頭味、番薯味、紫薯味仲好出，合埋眼都分辨到食緊嘅係邊粒，唔會好似其他舖咁，粒芋圓似係粒無味嘅橡膠。其餘嘅仙草凍、紅豆、珍珠就冇咩特別驚豔嘅地方，都喺水準之上，唯一美中不足嘅位就係個冰底並唔係咁鬆散，入面有一兩舊結塊咗嘅碎冰，令到碗嘢扣咗少少分，不過無傷大雅，單係個芋圓就足以令我覆桌。

喺筲箕灣食完晚飯，想搵個地方食甜品，喺馬會斜對面見到有間糖水舖，主打近年大熱芋圓~ 餐牌分門別類，有仙草傳說、豆花年華、麻糬 Go Go 糕、養生系列 同 超人氣鮮奶系列，選擇非常豐富，一於坐低試下。揀左呢 3 款~ 豆花底配九份芋圓、紅豆同椰果 ($36)  豆花柔順細滑，入口充滿豆香。芋圓煙韌度啱啱好，唔會過硬，彈性十足。紅豆香甜綿密，而椰果亦爽滑有嚼勁，食落好有口感。黑糖薑母、桃膠配湯丸 ($46)  湯丸選用外形小巧嘅寧波湯丸，皮薄煙韌，一咬香濃嘅芝麻餡便即時湧出，用料十足。桃膠好似布甸一樣咁順滑，好易入口，加上黑糖薑母，食完成身暖笠笠。麻糬、鮮芋頭、紫米、九份芋圓配芒果雪糕 ($48)  呢個甜品可以揀黑糖底或蔗糖底，我哋仲額外加左椰汁 (+$3) 同 朱古力雪糕 (+$10)。麻糬順滑煙韌，食落奶味好香濃。芋頭粉糯綿甜，配埋兩球冰凍嘅雪糕一齊食，真係甜到入心。

有時晏晝都會經過呢間但係佢好得意喎，晏晝就叫歡樂今宵，夜晚六點後就係食糖水就叫家家芋芋～晏晝同夜晚食嘅嘢就唔同又幾好👍🏻呢度咁岩附近都冇乜可以食芋圓嘅地方，有時想同朋友傾吓偈食吓糖水真係要行到西灣河先有，而家筲箕灣都有就太好了，我哋就早咗少少到所以一開始就冇咁多人，之後陸陸續續都有好多人過嚟食，我哋走嗰陣時就見到多咗啲一家人應該係啱啱食完飯落嚟食🥰-G3麻薯。九份芋圓。紫米。布丁🍮 $46佢哋嘅賣相已經好吸引🤩真係好少地方有麻糬所以我見到一定要叫😍佢哋嘅麻糬布丁都係自己整😋唔怪得麻糬可以咁糯咁新鮮咁佢仲話材料係台灣直送㗎食得出所有嘢都好有口感👍🏻雪糕可以自己揀味道我簡左最愛既抹茶雪糕🍧你可以揀黑糖或者蔗糖可以健康啲但我揀咗黑糖再加埋椰汁好香好正😊-H3 桂花蜜。桃膠。雲耳 $46我媽咪就揀咗熱食桂花蜜超香，第一啖就已經係好濃郁嘅桂花蜜味😍桃膠雲耳都好滋潤～揀咗食小丸子煙煙韌韌咁大家可以試吓佢哋係寧波湯圓嚟㗎仲可以自己揀花生定芝麻👍🏻👍🏻-M3 草莓4.3特濃鮮奶 $36我屋企人因為出唔到嚟我就愛買咗杯草莓鮮奶俾佢飲叫左微糖微冰草莓好香仲有啲草莓肉同椰果🍓配上鮮奶我屋企人都話好好飲🫶🏻-

筲箕灣都有仙草豆花芋圓甜品店了😗🍡甜品主要有仙草，豆花，麻糬同養生系列，配搭超多配料選擇，價錢$36起好便宜😆仙草會有沙冰底，除咗黑糖仲可以加椰汁，叫咗一個芋頭 紅豆 布丁set，芋頭同紅豆都又腍又甜。另外一個係自選3款配料，揀咗綠茶雪糕，芝麻寧波湯圓同寒天，再加上椰汁超豐富🍮🫘🍨❣️豆花都係自選配料，揀咗雲呢拿雪糕，蘆薈同桃膠，豆花都幾有豆味💓同埋甜品可以揀叫少糖的，健康啲🫡仲有戶外位可以帶埋狗仔嚟食🐶

西灣河筲箕灣出名夜晚系美食掃街天堂,食飽飽散步期間,發現到一間新開既台式甜品店🍧餐牌上面嘅甜品好吸引,抱住個肚皮都要決定入去試下🤤⭐️椰汁桃膠芋圓鮮奶,另外加配左紫米同埋豆腐雪糕🍨成碗糖水都非常吸引,芋圓咬口煙煙韌韌,豆腐雪糕味道真係好重豆腐味,桃膠非常養顏,甜度適中,重點系成碗糖水非常足料😋⭐️自選豆腐底(椰果,小丸子,芝麻雪糕)味道揀咗椰汁🥥小丸子細細粒,口感煙韌,食落去唔會有好粉嘅感覺,芝麻雪糕好重濃濃既芝麻味,豆腐花質感好滑,加埋椰果一齊食,味道另有一番風味,令人好想食完一啖又一啖🤤

好耐冇寫食評，想支持吓小店🫶🏻呢間甜品舖同一間茶餐廳合租，夜晚六點後變做甜品鋪😉心血來潮好想食仙草，竟然搵到屋企附近有一間即管試試，一入去靚靚老闆娘熱情招呼，另外有好多仙草、豆花同麻糬嘅配搭，又可以比我走冰，又可以少甜或者黑糖另上，好貼心❤️因為真係好怕其他舖頭落好多堂糖同好多冰🥶所有材料都做得好好，例如佢哋既綠茶凍好清香，仙草好好食😍連老公唔好甜野都大讚，話好過連鎖幾間，臨走老闆娘仲送我哋出去話無乜做宣傳叫我哋介紹多啲朋友嚟，希望食評幫到手！

筲箕灣唯一新開台式甜品店， 喺香港呢個艱難嘅日子，拼湊新生嘅生意模式。🥂呢間糖水店日頭 有各式各樣嘅Meal Set, 晚上六點鐘 變身為甜品店「家家芋芋」起名用心到位又warm, 靜静地已駐落筲箕灣電車路旁小店，好合適gathering 。街坊朋友食過推介。我带埋家人一起去試， 吃上了第一口😋，確係一試難忘。😋😋😋唯一，假如可以多少少份量就更出色了。何解要人哋寫咁多啫。 太冗長就不好了，好味就已經表達到啦。點解要寫夠200字呀。感謝! 🤣

🍡小丸子的口感非常有嚼勁，麻糬上充滿了黑糖的香氣，由於我選擇了低糖，所以甜度非常適中。加上花奶🥛的味道與口感，更讓鮮草的風味更加突出。💯💯💯然而，最後仍回味無窮的是九份芋丸。這些芋丸不像其他店裡的只有麵粉味，每個芋丸的顏色都不同且味道獨特，有些帶有淡淡的番薯味，🍠有些則帶有淡淡的芋頭味，還有些帶有淡淡的紫薯味，🧊🧊🧊✨而且口感煙韌剛好，令人難以忘懷。期盼更多人能嘗試到這種美食！🫸🏽🍠🥰