家上海 (奧海城三期)

營業中

休息中

和家人來到家上海食晚飯 因為下午茶食太飽所以沒有點太多食物🤣 點了百頁結紅燒肉、油炆筍和大排湯麵🍜-首先試試廚師推介的大排湯麵🍜 大排份量超多 大大件 肉質還很鬆軟多汁 清湯麵的面質也很高質湯底也夠味 推薦大家試試-百葉結紅燒肉🍖的盤子底下有蠟燭保持溫度 紅燒肉非常入味 肉質也很鮮嫩 份量適中-油炆竹筍很正宗 也不會太鹹或太油 不錯不錯

近日個個都叫外賣，奧海城家上海就推出個「外賣套餐」，明明寫明 4-6pm 六折，我未到六點落單都無六折，話 5:40pm 就已經截單，優惠條款又無寫，搬龍門，唔老實！每個餐仲要收成 $$$$4 外賣盒錢，明搶！我 Order 咗三盒飯，每盒飯份量都好少，成盒貓飯咁，蘇式燻魚得三小粒，其他樣餸都係細細舊得一兩件，或者一堆蔥加幾小片肉，飯唔夠一碗，正常成年男士唔好諗住食得飽，可能只係得辦公室 OL 先夠食，真係半價都唔值，無下次！！

向來喜歡吃上海菜，不過一貫對於大型商場內的餐廳不抱任何期望，卻因此覺得這間餐廳頗為驚喜！我們一行8人來到餐廳，幸好可以訂座，不用等位，全程service也不錯，環境非常舒適。在大角咀lunchtime要找到有大檯、可以訂位、價錢可接受、食物又不錯的地方，真的不是那麼容易。叫了幾個前菜，包括小籠包、四喜烤麩，蒜泥白肉和清滋小排骨。蒜泥白肉以辣味為主，蒜蓉味缺乏，不過送飯都算OK；小籠包勝在新鮮，打開蒸籠時熱呼呼的，肉汁鮮甜；小排骨味道有點像醋排骨，口感不錯；烤麩則不過不失。要數最驚喜的是揚州炒飯。平時很多餐廳的推介菜式也不算特別好味，但這個揚州炒飯真的是很驚喜，很久沒有吃過這麼高質素的炒飯，一試難忘。原因在於它的飯粒粒分明，蛋絲細密且香味濃郁，也沒有麻木地靠鹹味去增加味道（很多其他餐廳炒飯都是這樣做，所以我近年已經很少叫炒飯），連飯內的小蝦仁居然也沒有雪味，吃得出師傅的心思，所以很抱歉，吃了一大碗才記得拍照。最後值得一提的是鍋塌豆腐，豆腐香滑，不知道為何覺得又脆又腍的質感很吸引，再加少許蔥絲，配搭得宜。餐廳價格不算十分便宜，一堆人吃好像比較划算。期待下一次到訪。

聖誕節前連續食太多重口味西餐，味蕾休息一下所以選擇咗新開張不久的上海菜。這個商場的食店流量唔算快，不過選擇也不多，所以趁佢仲喺度嘅時候都想試試。家上海係集團式嘅品牌，裝修果然有返咁上下，座位不覺得特別窄，服務員也友善和很幫忙。小籠包餡靚多汁，不過個人口味覺得個皮可以再薄啲，叉燒妹第一次試算係感覺良好。煎鍋貼其實係幾好食，不過弱點係個底煎得唔夠脆皮。 賽螃蟹非常好食，蛋白非常滑，不過好似加個蛋黃撈一下件事會開心啲。炒菜基本上冇乜特別要講，只係油多左少少。我哋嗌左一鍋菜飯，加上呢個炸豬大牌，真係一絕，拍得住上海出品。最後當然唔少得點一個阿辣妹湯麵啦，由於佢哋冇上海大佬面，所以點左個酸辣湯麵，唔夠辣唔夠多湯，可能係個人口味而已。不過個面嘅質地非常特別，唔係普通香港食到嘅上海麵，一個驚喜。商場餐廳來說已經達到標準，有集團背景來說，絕對沒有投訴。一家大細屋苑附近開餐嘅好選擇之一，會再encore。

今晚諗住近近地去呢度食團年飯，點知完全中伏！！！原本應該有酸有辣嘅酸辣湯竟然都係咸嘅！小籠包係皮薄，有湯汁，但又係勁咸！清抄菜心，上湯豆苗都可以咸到喊！其他個啲抄年糕、醉xx又係咸到勁飲水！個豬大腸直頭咸到要取消！

龍井蝦仁: 勁細碟。小食分量攝牙啦都唔夠。仲要賣$188！冇龍井味. 伏👎🏻👎🏻其他嘢食一般。服務態度麻麻⋯⋯可能週末冇訂枱，未坐低已經叫你幾點交枱。都係嗰啲啦。商場餐廳冇乜特別。真係咪叫龍井蝦仁呀！

最近知道奧海城開咗間新嘅上海菜就落去試下。以食上海菜價錢，依間唔算貴，但如果俾我再揀就寧願比多少少錢食好啲。我地嗌咗人參烏龍茶，啲茶係用茶包，非常淡味。由於無影餐牌，具體菜名唔太記得。脆鱔味道不錯，好似糖醋肉咁，炸得夠脆，係唔錯嘅小食。擔擔麵完全無花生味🌚 好甜因為有小朋友，所以嗌咗辣另上但自己倒完辣油之後，就只係得辣味，仍然無花生味。小籠包味道不錯，好多湯。但擺放就...有幾隻癡埋一齊，搞到夾嘅時候好易整爆隔離嗰隻。紅燒肉啲「腐竹」唔入味紅燒肉亦一般。唔記得名，但係豬大腸包住少量肉。個人覺得依碟最有驚喜，豬腸清得好乾淨，味道唔錯，唔會過甜或過鹹。啲菜都唔會好油，好好食。以上海菜黎講，其實算不錯。但因為食開另一間，不免有比較。希望下次黎食會有進步啦。

在奧海城三期開業多年的 Simplylife不知何故突然結業之後，最近換成了這一間「家上海」。一個午後，我就在那裡吃了一頓上海下午茶。兩夫妻點的兩個包上海前菜和主食的「下午茶套餐」，分別有「四款烤麩」、「油燜小竹筍」、「上海粗炒」與「上海嫩雞煨麵」。全都做得有板有眼，廚房師傅看來功夫扎實，而且兩款主食的份量都甚為足夠，絕對可以飽肚。原來惠顧這下午茶，只要另加 $22，便可以把普通的飲品換成改了一個特別名字的特飲「上海百合」。愛嚐新的我便點來一試。這杯以荔枝為主要成份的特飲，味道確是不錯，清新好味，一股水果的甘甜味道令我一喝愛上，這「上海百合」的確值得一試。其實，這兒的「上海下午茶套餐」每位只是 $68，有多款不同的小食、包點和主食組合，加$12有汽水或豆漿，加$22更可享用「上海百合」特飲  ，除星期六、日和公眾假期外，每天下午二時半至四時半都有得吃，有興趣的話，大可一試呢！

餐廳裝修幾靚， 坐得幾舒服， 啲嘢都幾抵食， 但係員工服務態度非常差， 我已經同佢講咗要喺旁邊張枱加多一位， 因為我個friend後join， 但係個部長就成日張張枱介紹畀其他客人， 完全無視我嘅要求， 而且不停想收我個餐牌， 我已經同佢講咗好多次我哋會加嘢， 最嬲嘅係無啦啦要我哋埋單， 因為淨係可以食個半鐘， 但係我入坐嘅時候佢冇同我講過， 我咁同佢講嘅時，佢竟然反我白眼， 佢咁樣對我都非常唔公平， 我明白星期五人多 ， 但今時今日咁嘅服務態度 。非常無言，唔會再去。

這家元朗店之前品嚐過已經覺得不錯👍🏻這次一班朋友來個午聚在奧海城有分店，朋友們想一試所以決定來個午時套餐！這個套餐份量非常豐富，有燻魚、烤麩、蒜泥白肉、烤雞、湯、炒飯、炒四季豆、炒辣椒蚌、小籠包、高力豆沙、豆沙鍋餅、糖水！真係好多最重要係好味，服務又好👍🏻分店也做得好好👍🏻

食到一肚氣，千祈唔好去。大閘蟹套餐騙人，當初侍應買一送一，HK$498 另加一服務， 應該是$547.8 每人$274 每人兩隻大閘蟹，但到套餐只得一人一隻大閘蟹，而且超細，蟹粉羹凍和腥味，份量少品質一般，另送個位另加$50, 和茶錢$12/位，與職員理論無效，而又找不到經理，最後只減$100 4位，絕不推介。

奧海城有金滿庭、霸王山莊同家上海3間上海野，似乎有點多，看來其中一間要被KO，信和唔幫租客諗下競爭力，會累了其中一間的，有點可惜。第3/4次到家上海，可能是店舖設計問題，環境真係好嘈。叫了上湯津白、小食拼盤、蟹粉小籠及湯雲吞。湯雲吞個湯好油同有味精湯feel，我唔太喜歡。蟹粉小籠沒有蟹粉味，小食拼盤中規中矩但要HKD238好像太貴了，每樣4件。上湯津白其實只是火腿津白挑走左火腿，我本身唔鍾意火腿太鹹先叫上湯，但都一樣，實在好鹹，返到屋企仲勁飲水。埋單時要求拎手寫單，黑衫經理黑面兼話會比電腦單 (鬼唔知咩)，朋友再禮貌講聲要手寫單黑衫經理就黑面仲背住我朋友話佢「咁惡！」比我聽到，同佢反映仲唔講過，咁樣就唔係幾有禮貌，寫張單咪寫左佢就算囉，駛咩係客面前發惡呢？真要不得⋯

家上海有兩間分店，元朗個間上星期試左都唔錯，就諗住試埋奧海城個間，睇下水準係咪一致預先一日打電話book左位，所以一去到已經可以入座。座位尚算舒適，食物款式就同一般上海餐廳差唔多。每檯都有一碟前菜，之前係元朗分店食既係花生魚仔，今次就係醃蘿蔔，同事都話酸酸甜甜，幾好食。我地叫左燻魚、水晶肴肉、臭豆腐、雲吞雞、炒飯、津白、小籠包同豆沙鍋餅。傾左一陣計，d美食已經好快送上。燻魚同水晶肴肉都不錯，臭豆腐都算熱辣辣，”香”噴噴！雲吞雞都好大份，雞湯清甜濃郁。炒飯材料豐富，甚有鑊氣。津白清甜美味。小籠包有得揀蒸同煎，我地揀左傳統既蒸，皮有點簿，好易流曬d湯出黎。豆沙鍋餅最後上檯，都算多豆沙，唔會太甜。總捨黎講都唔錯，可以再食，但就記得要book位，因為真係有好多人排隊呢～

同朋友第一次lunch嚟食飯，見到會員有買一送一優惠所以叫咗一個特價大閘蟹套餐套餐前菜揀咗小排骨同埋蒜泥白肉排骨甜甜的很入味，可惜肉質很硬，食咗一半便想放棄了蒜泥白肉唔知道係咪廚師唔記得咗放蒜泥？因為根本無蒜頭味。值得欣賞的是白肉不算太肥，吃起來挺爽口。大閘蟹（四両）大閘蟹都幾多羔唔錯。餐廳提供膠手套，濕紙巾，鉸剪同埋捧仔方便食蟹很貼心蟹粉小籠包正呀呢度嘅小籠包皮薄餡靚，蟹粉都幾多唔錯唔錯花膠羹係黃色嘅，點解？因為裏面充滿着蟹粉，真係好正！建議可以放多少少大閘蟹嘅肉放落去一齊食咁樣食落去蟹肉更鮮甜，個羹就口感會豐富左蟹粉炒河蝦仁蝦仁好細粒，感覺上唔叫太新鮮，不過味道都可以嘅，食物亦都夠熱！雞油竹筍豆苗呢款唔錯！不過個人認為稍為鹹咗少少黑芝麻湯圓薑糖水湯圓得一粒好大粒。個芝麻餡亦都好好味呀想提一提呢度嘅服務真係幾好。尤其是戴眼鏡嗰位經理，非常好人！

本來想去食越南粉， 經過見到師傅喺度整小籠包，畀小籠包吸引咗， 所以入去試下， 都要等位，可能新開張，我等咗十分鐘到就有位， 佢啲碟頭都好大碟， 肉絲兩面黃88蚊， 四個人食都夠， 仲叫咗小籠包、牛肉餅 、黃橋燒餅同埋一個菜， 埋單411蚊， 佢哋啲茶壺好重囉不過， 茶葉方面有龍井、香片同普 洱，啲茶味都唔錯， 我見隔離枱叫個揚州炒飯都好大碟， 下次可以再去， 佢個松子魚係兩條魚囉， 如果呢個價錢， 呢間個碟頭都算做成正比， 因為有老人家一齊，出門口就可以搭到車，都算方便。