宮崎肉本舖

同事farewell, lunch去咗天后嘅宮崎肉本舖, 午市推出多款LUNCH SET, 款款吸引, 對於請客黎講絕對唔失禮, 而且質素仲超水準。餐廳座位以卡位為主, 坐得舒服。SET LUNCH $198起, 包括有前菜、湯、菜同甜品, 更可額外追加小食。蕃茄沙律: 蕃茄已被去皮, 蕃茄清甜兼配上酸汁, 酸尾尾好開胃。准山沙律: 質感好似薯蓉, 有蟹肉做點駁。和牛法包: 法包非常香脆, 牛肉碎粒很有肉香, 整件入口既香脆又帶有油香。味噌鮮魚湯: 魚鮮味十足, 超正!鐵板牛舌芯配白飯:鐵板熱辣辣滋滋聲上檯, 牛舌芯份量足, 而且厚切。中心位keep到少少嫩紅, 牛舌芯爽彈軟嫩又帶有脂香味, 唔洗點汁食已經好正!A5牛西冷海膽蓋飯:A5牛西冷平佈盡顯份量, 將整個飯完全覆蓋, A5牛西冷牛脂分佈平均, 口感軟嫩冇筋, 配有甘甜入口即溶海膽同埋三文魚籽, 令整體味道更提鮮、更有層次。另外仲追加兩款小食:烤鰻魚: 絕對可以用皮脆肉嫩形容, 表面烤得金黃, 沒有加太多鰻魚汁, 但能食到鰻魚獨有香氣。粟米天婦羅: 炸得鬆脆不油, 粟米之間分內緊密, 香甜多汁。最後送上甜品---雪糕糯米糍, 非常滿足!…查看更多

今日第 1 次試天后嘅宮崎肉本舖 !! 食店提供多款午市套餐 , 我哋今日食豪 d , 試咗每位 $198 嘅午市套餐 !! 套餐好豐富 , 有2 款前菜 , 湯 , 主菜同甜品 ~蕃茄沙律蕃茄多汁又甜 , 配埋下面嘅酸汁 , 酸酸甜甜好開胃 !淮山沙律食落有啲似薯仔沙律 , 同蟹肉一齊食好夾 ~和牛法包脆脆嘅法包上有煮到非常入味嘅和牛肉粒 , 滿滿牛油味 ~燒 A5 宮崎牛西冷海膽三文魚籽蓋飯一打開真係 嘩 ! 一聲 , 擺盤好靚好吸引 , 滿滿嘅海膽加三文魚籽 , 仲有燒到啱啱好嘅 A5和牛 ! 成件事望落好高級 , 每一啖口感都好豐富 , 好好食 !! 鐵板牛舌心配白飯牛舌心係成條牛舌最精華嘅部份 , 油花適中 , 口感又軟又嫩 , 但同時帶 d 爽口 , 牛味濃郁 !! 份量都好多 !! 好抵食 !!味噌鮮魚湯好鮮嘅魚味 , 唔鹹 ~烤鰻魚魚皮香脆 , 魚肉嫩滑 , 充滿魚油 !粟米天婦羅脆脆嘅口感 , 配埋香甜又多汁嘅粟米 , 好食 !甜品雪糕糯米糍 ~整體黎講 , 食店提供嘅 lunch set 抵食 , 而且好夠飽 !! 重點嘅牛肉絕對唔會令人失望 ~ 鍾意食牛嘅朋友仔記住黎試下 !!…查看更多

好耐無食燒肉喇，食燒肉我比較喜歡日式，今次同識咗多年好友飯聚再幫佢慶祝入四生日飯，知道呢間餐廳除咗有寫黑板生日甜品併盤外，原來門口位仲有大電視播放生日快樂及名字幕㗎，朋友好驚喜又喺到傻笑，大家都好開心$980/位「櫻」套餐，，呢個餐會有有18道菜，當中燒肉部分全程由店員代勞，而且非常熟手，每款肉都燒到恰到好處先上前菜及沙律：酸咪咪和風沙律，另三併蕃茄仔、淮山及紅酒橋頭，仲有和牛他他磯煮鮑魚相當入味，上面仲有金箔㗎，食落好濃鮮又爽口到主角陸續出場了，先來A5宮崎櫻花牛三品，入面有前腿肉、三角腩、內後腿肉，中間會有店員講解牛每個部位每款油花紋理都好出色，最愛三角腩牛脂滿滿相當濃郁唔好比佢停，之後到A5宮崎櫻花牛三品肩口肉，另有2款係廚師發辦稀有部位品肩里肌及和尚頭肉質越食越粉嫩，真係入口即溶，我跟朋友都大讚好味牛柳三文治同樣用上A5宮崎櫻花牛，店員即場燒完再放上脆多士到，加點蛋黃醬一齊食，呢款真好食估唔到呢個餐除咗燒肉，仲有我都好鍾意嘅天婦羅，係用咗軟殼龍蝦去炸，脆又鮮味，配清酒一流，另即跟上鮮甜大蜆清湯到最癲嘅A5西冷出場了，店員邊燒見到啲牛脂燒出嚟已經流口水，再加埋海膽及魚子醬升級哂當跟朋友都飽時原來仲有白飯魚天婦羅冷蕎麥麵，所以男士們食呢個餐都夠飽最後食埋打卡寫字甜品相當滿足，朋友今日都好滿意又開心，我就放心哂…查看更多

坐落於天后清風街的【宮崎肉本舖】，以來自日本宮崎縣、屢獲殊榮的 A5 桜花牛為主打，晚餐餐廳設有專人代燒，火候掌握嫻熟，食客只需專注於味蕾之旅。環境以卡位為主，舒適而不失雅緻，與三五知己共享一頓細膩的和牛盛宴，別有氛圍今次點選了套餐「宮」，由頭盤至甜品一應俱全，次序遞進，彷彿鋪排出一場完整的味覺演奏今晚套餐主角登場之一，A5 宮崎牛三品率先送上。稀有部位三角腩油花綿密，入口如脂油化開；前腿肉結實富彈性，帶來濃烈牛香；同樣是稀有部位牛柳則是柔嫩代表，肉汁豐盈配上精選時令野菜，為肉香添上自然甘甜，層次更顯分明 前奏登場的是清雅三品小食：酸甜的蕃茄仔帶來鮮明果香；淮山質感粉糯，細膩之中散發清甜與淡雅；蕎頭則酸甜醒胃，帶爽脆清新口感。三者各具特色，為胃口緩緩打開序幕緊接的明太子雞肉沙律，將明太子的鹹香與雞肉的嫩滑交織，配搭新鮮生菜，入口既有鮮活爽脆，也有柔和滑順的快感另一邊廂，和牛他他的登場生牛肉幼嫩柔滑，天然甘香被低調調味巧妙引出，濃郁卻不霸道接住梅子帆立貝刺身，一口咬下，貝肉的鮮甜與梅子的酸香瞬間交融，清爽亮麗隨後的網形牛舌芯則以紋理見真章，口感彈韌，脂香細膩，咀嚼間愈發甘美和牛法包則是趣味一筆：香脆麵包與和牛的油潤濃香碰撞，迸發強烈對比松葉蟹味噌甲羅燒香氣四溢，蟹肉的鮮甜與味噌的厚重鹹香彼此相依，營造出暖心而飽滿的滋味日本黑七味雞頸肉則以辛香佐鶴頸肉的緊實，口感層層推進大蜆清湯輕輕一啜，海潮氣息在喉間散開，潔淨而提神一輸美食再度回到牛肉舞台肩口肉細嫩卻不失嚼感，肉香沉穩；內後腿肉則較為清爽，口感結實，為油脂層次劃開清新一筆壽喜燒以濃郁鹹甜的日式醬汁映襯牛肉，嫩滑之感伴隨甘美湯汁，盛載下層次豐富的日式風情主食為日式冷麵，冰涼彈滑，清爽收口，剛好為牛肉盛宴按下柔和句號甜品三重奏更是饒富趣味：柚子雪葩酸甜清爽，如清風拂面；雪印波提乳香盈口，輕盈不膩；最後以車厘子自然的酸甜點綴，清雅脫俗，為整晚留下雅緻餘韻整體而言，【宮崎肉本舖】的「宮」套餐，展演出宮崎牛的不同姿態，搭配精心設計的前菜與不同食材，將整體用餐體驗如樂章般鋪陳，既奢華又有節奏感，讓人細味之後仍回味無窮…查看更多

最近有Restaurant week活動，周圍去食唔同餐廳。由於係即日即時book Restaurant week餐廳，好多餐廳已經滿咗，難得呢度有位即去！嚟到宮崎肉本舖，原來呢度係新開嘅餐廳。點咗Restaurant week 的午市套餐，餐牌上的追加都全部要了。-第一道菜：鐵板牛舌心（連飯&漬物）-牛舌心外面煎得香脆，內裏很有肉汁，咬起來嚼勁十足，爽口彈牙，好耐沒有吃過這麼令人滿意的牛舌了！另外有三款醬汁（自家製豉油、芥辣、酸汁），可以薰一點醬汁吃。-第一道菜：燒A5 宮崎牛鵝肝蓋飯（+HK$68）-A5 宮崎牛沒有預計中般的油膩，肉片偏瘦。大大片的鵝肝豐香嫩滑，兩款混合配白飯剛好。-第二道菜：和牛餃子（每人2件）-餃子餡料滿滿的和牛肉餡料，十分滿足！愛肉肉人士推薦！-優惠追加：牛舌米紙卷（2件）（+HK$28）-呢個估唔到有少少辣，有啲越南fusion風，清清淡淡中帶啲辣，都幾好食嘅-優惠追加：粟米天婦羅（4件）（+HK$38）-粟米天婦羅已調味，帶少少鹹味，鬆脆不油膩。-第三道菜：是日甜品-最後甜品係柚子雪葩，正正常常啦。食完宮崎肉本舖的牛舌，真係好有驚喜好impressive ！以後想食牛舌時，都會記得來這裏吃了！Restaurant week 活動暫時食咗6間餐廳，呢間同Vista 係我唯一唯二會再去光顧嘅餐廳。…查看更多