客滿庭

營業中

休息中

中秋節正日，約咗親戚共 12 人，喺黃大仙現崇山商場「客滿庭」預先訂咗「貴賓廳全包宴 ~ 月下花前宴 $6988」。仲包左一支紅酒，啤酒、汽水各 6 罐。有間獨立嘅貴賓廳，可以提早來打麻雀，仲有得唱卡拉 OK乳豬皮非常脆，味道非常香。芝士味夠濃郁，澳洲龍蝦非常新鮮，份量非常充足。珊瑚蚌同墨魚片都非常爽口，西蘭花好新鮮。鳳尾蝦非常新鮮，而且炸得非常香脆。份量十足，而且淡淡都有花膠同埋蟹肉，Very Good！條魚非常新鮮，完全無腥味。獻汁調教得好適中，鮑魚同玉掌口感雞皮香脆，雞味濃。成碟飯冇咩味道，連咸味都冇份量不算太多，而且 D 麵好碎紅豆沙煲到起晒沙湯圓好滑，入面係芝麻餡。壽包入邊係蓮蓉餡，味道好香

見人多就諗住嚟試下，入到嚟枱又冇鋪，難以置信既係自己鋪枱，茶水又冇跟，筆又冇枱號又冇點餐紙又冇，乜都係要問佢先攞嚟，唔知係本人要求太高定點，個人覺得連最基本既野都做唔到屬實有少少過分。講食既野，啲嘢食唔係特別好食，好多都唔夠熱，啲豉油喼汁全部都冇跟，又係要問到先有，仲要係好多嘢都要追佢先攞到嚟。有啲甚至你嗌佢佢係充耳不聞，直接掉頭就走左去。講服務態度，加單嘅時候就勁冇禮貌咁話做乜咁遲先落單，但係入嚟到坐低佢都冇講LastOrder幾時，真係過咗LastOrder咪同人講聲，又唔會夾硬要嗌。好好地氣咁講，人哋都會體諒架，勁冇禮貌咁樣講咁遲先落單係唔知想點，由頭到尾態度同服務都勁差，個樣又勁西，有種佢根本唔想serve人嘅感覺，唔會再嚟第二次。

其實我好想食佢食評，但係我跟本食唔到。佢地既服務真係好嬲。我8月23日打電話去訂枱， 19人，訂中秋節正日夜晚食飯，打電話時候，對方淨係留咗姓名電話，我已經問佢中秋正日使唔使要落訂，係咪就咁落電話姓名就得，對方答我係，仲同我講，19人係一圍半， 我話你方便就得啦。我以為我自己已經成功左。點知我今日9月6號，打電話上去再confirm餸菜嘅問題，對方竟然話冇我資料，我19人比唔返兩張枱我，對方仲問返我當時訂枱有冇問對方貴姓？🤔平時大家訂位食飯係咪都會問對方貴姓？🤬🤬🤬🤬離中秋仲有10日，我19人去邊搵到咁大張枱？ 本來開心團圓日子，而家我地係冇地方團聚一齊食飯，都唔知點算好😢😢😢

野食上的好慢，等到天荒地老，結果唔好食，d點心整得差，杯茶仲苦過我條命，waiter態度又差到不得了。終於知道點解唔洗等位，唔推薦黎哩度飲茶，真係想讚都讚唔落。。

前幾日（15/4/2024），一班好友又嚟開飯，比起附近酒樓，這間都算多人幫襯。幾位服務員態度都好好。點了一個“我話事自選套餐”選了三選一，B化皮燒腩仔，唔肥，皮脆五選一，選了果皮蒸大連鮑魚，無咩果皮味，蒸得時間剛好再加咗3個餸黑醋金薯咕嚕肉，已食過多次，仍覺得好味鮮竹肉丸浸菜苗啫啫通菜煲，好多大蝦米，好夠味再點咗冬瓜盅，夠火喉，冬瓜又淋又入味，好足料金花大龍躉二食~碧綠炒斑球，塊塊都好大片，好滑干迫野菌頭腩，夠惹味食埋甜品，好滿足啦

呢間酒樓係有啲問題唔係其他人都唔會畀負皮原本11點40分落單等咗20分鐘問原來冇人落單12點10分再落個單經理話唔好意思飲茶咁耐第一次遇見呢件事情如果趕時間千祈要揀其他酒樓

我今日行程有些緊湊，早茶就去在位於現崇山商場的客滿庭，環境舒適 ，早到就茶客不多。我點左3個孖寶：鹹魚肉餅飯配香茜牛肉腸，鳳爪排骨飯配蟹籽燒賣皇，薑汁鷄包仔配濃湯鮮竹卷。茗茶每位$9。點心好味又好食。

聖誕假期約朋友飲茶，最方便有地鐵（黃大仙站D出口），新裝修完的客滿庭最就腳。我們點左午市點心孖寶$48，另加廚點特價孖寶$108。午市點心孖寶是蟹籽燒賣皇和濃湯鮮竹卷。廚點特價孖寶是燒汁雞柳炒烏冬和香茜牛肉腸。所有點心和烏冬都好好味，價錢合理，唔怪之坐無虛席。

晚餐所有野都得個咸字,梅菜扣肉個汁好似漿糊咁.隻雞啲皮淋晒又唔熱,個鮑魚咸到“嗱”脷,燒肉全部肥膏,隻鴨得啲骨...完全冇肉,乳豬又係咸到食唔到.完全中伏,唔會再去.再加上服務態度超差,完全俾錢買難受

晚餐生日飯，到黄大仙客满庭酒楼食，點了六人套餐，其他餸菜没有特色，不作詳细介绍，就是這碟咕噜肉比較不同，本以为是酸酸甜甜橙色的咕噜肉，誰知道來了啡色的糖醋味道的，吃起来有新意，很好味

8月1日政府工前上司，請揾食肥華和其他兩位同事，到此店飲茶兼食中午飯，本來肥華等人都同意叫一個，此店一位部長級男員工，推薦的$298元，沙巴龍兩味套餐，但到扑鎚向另一位女侍應，落呢個餐柯打時，竟獲此位姐姐提示，$298元係呢個餐晚飯時段價錢，若日間時段點呢個沙巴龍兩味餐，就要加多$5O元附加費，係酒楼食同一款食物，日間收費仲貴過晚飯時段，真係令我哋呢枱四位耆英，大開眼界，結果就放棄食個餐，求其柯打其他點心及麵飯，唻食就算，雖然食物有啲掃興，但老同事敍頭，吹水飲酒，氣氛愉快，呢一餐都食得好開心👍👍

好似乞求佢俾我免費飲茶咁？？？？？？？「唔搭檯唔開位俾你」晨早諗住去黃大仙現崇山客滿庭試下，一入到去係自己搵位，搵到位之後，個部長就話「唔搭檯唔開位俾你」，好似我都係要俾錢買單架喎，俾錢仲要收到咁嘅服務。其實你可以唔洗咁問掛，好似個客唔洗錢免費黎乞食咁。好聲好氣啲咁提一提「多人嘅時候可能會搭檯」咁樣大家都會唔會舒服啲，咁其實你服務好品質好先會有回頭客嘅…………….服務態度真係「一流」第一次試就咁樣好失望：）

豆苗同蒸魚不過不失。朋友評價雞肉有點霉。燉湯最好，足料，味道清甜，並且份量足（大約六，七碗）。壽包的蓮蓉饀比較少而且偏甜。無蛋黃。肉似是肉排（無骨），但體積偏小及份量偏少，大塊的是甘薯。但甘薯味道不錯

來到第四年的「SEAFOOD LOVES SAKE」活動，今年有約40間粵菜餐廳合作，提供日本清酒與廣東海鮮菜式的配搭菜單。粵菜以外亦邀請了10間不同種類的餐廳展開宣傳活動，提供日本清酒與各式菜餚的配搭。每款清酒x海鮮美酒佳餚都配上最合適的清酒以充分發揮不同海鮮食材的特色，將整體味道昇華至另一層次，為大家帶來耳目一新的清酒體驗😋今晚提早同屋企人食冬至飯，揀左呢間位於黃大仙現崇山既客滿庭，岩哂鐘意食中菜既屋企人啦，呢個Seafood Loves Sake. 限定套餐有有燒雞、蝦球、鮑魚同斑腩，款款海鮮都好吸引，配埋日本清酒黒松白鹿 中取り 純米 透き SUKI，呢款清酒只用「中取」部分，酒質特別清透無雜質，味道香醇富旨味，特別適合配搭風味突出的料理，同海鮮就最夾啦💯💯🌟鹽焗燒雞雞皮燒到好香脆，雞肉嫩滑多汁，正😉🌟新鮮活鮑魚平時屋企人間中都會去街市買新鮮鮑魚，不過處理上比較費時，都係出去食就最爽，鮑魚蒸到剛剛好，口感爽彈有嚼勁，配搭香醇既日本清酒超夾👍🏻👍🏻👍🏻🌟脆米黃金蝦球香口小食就最岩我，蝦球爽口彈牙，作為佐酒小食一流😚😚🌟干煸野菌鮮斑腩呢道菜用上熱鍋盛上，上到枱聽到滋滋聲聞到好香，斑

朋友剛剛搬左去黃大仙, 咁就要賀一賀佢新居入伙, 於是去左現祟山商場客滿庭食個入伙餐.望望餐牌, 有個第四年的「SEAFOOD LOVES SAKE」活動, 限定套餐. 話明入伙酒, 於是就叫呢個+清酒啦. 「SEAFOOD LOVES SAKE」呢個活動, 係有約40間粵菜餐廳合作，提供日本清酒與廣東海鮮菜式的配搭菜單，提供日本清酒與各式菜餚的配搭。每款清酒 x 海鮮美酒佳餚都配上最合適的清酒以充分發揮不同海鮮食材的特色，將整體味道昇華至另一層次. 鹽焗燒雞脆米黃金蝦球新鮮活鮑魚干煸野菌鮮斑腩黒松白鹿 中取り 純米 透き SUKI鹽焗燒雞 – 燒雞燒得皮脆肉嫩, 雞肉好滑, 燒雞重有肉汁流出.脆米黃金蝦球 – 炸到趣卜卜, 又係外脆內軟, 蝦肉彈牙爽口.新鮮活鮑魚 - 鮑魚新鮮, 蒸得剛剛好, 彈牙入味.干煸野菌鮮斑腩 - 斑腩大大件, 魚肉嫩滑, 配上大量蔥段, 野味非常.黒松白鹿 中取り 純米 透き SUKI - 呢款酒只用「中取」部分，酒質清透無雜質，味道香醇，特別適合配搭風味突出的料理.