宜家家居餐廳及咖啡室

營業中

休息中

搭電梯見到ikea 餐廳好開揚又多人幫襯，一於今晚食呢度，第一次經歷。望左想食就排隊喇，首先攞餐車，唔好忘記攞餐盤呀，如果唔係就要排排下又行返轉頭，經過見到有野食就隨便攞隨便點，去到收銀位置就攞埋紙巾，餐具醬料指示都好清楚，就算帶住小朋友都無難度，仲係一個好好學習機會。

Megabox 個餐廳位算係咁多間來講都比較大，你特別嘅地方係餐廳買嘅嘢食其實喺隔離嗰間小商店都買得到。薯蓉三文魚正正常常，我反而幾鍾意佢個汁。行完一大輪，食返少少預約同澱粉都係必須嘅。旁邊啲配菜就唔使諗㗎啦，唔好食。就係嗰啲急凍蔬菜包，然後佢一煲嘢到落去啲水道煮好耐，完全唔使調味嗰啲。呢個珍寶雖然那埋一舊🤣🤣但係同朋友一齊嗌一個，一路食一路講嘢其實都唔係好差，最緊要係佢好平。果凍蝦麻麻哋，唔好食，又難處理。

宜家傢私的餐廳簡簡單單，大部分食物都是很抵食的，通常會要一個主菜。有時候是燒牛柳，有時候是烤豬手，六七十元，食到一個西式主菜，不算貴，味道當然不能要求那麼高，但國際大企業衛生方面還是很放心的。托盤每一個乾乾淨淨，每道熱菜的盤子上來都是熱盤子，很細心。太太每次都要三文魚，簡單衛生，不會有驚喜也不會失望。經常選擇餐湯，十幾元，很抵。加上每一次都會用yuu積分換現金劵，感覺在這裡吃飯不花什麼錢，最後幾塊錢可以續杯的飲品，是很不錯的選擇。

早兩日咁岩放假，諗住去食豬手，點知去到先知無，最後就揀左煙三文魚同埋小食拼盤。之後返到去就屙足兩日，到依家都未好返🤮當日我除左食呢兩樣野就無食過其他野。我諗都唔會有下次！

好開心呀🥳！今日終於比我呢個「開心果迷」食到佢！#三重開心果新地 坦白講，IKEA啲雪糕🍦不嬲都唔差，初時都擔心佢會唔會同坊間嘅開心果食品一樣，得隻顏色💚，但開心果味就欠奉～出到嚟，賣相又唔差啵，係幾多人嘅排隊情況下，個職員起勢唧，如果要佢杯杯都廣告咁就未免太難為佢🙈雪糕顏色比想像中深，雪糕唔會太甜，但開心果味嘅濃郁程度唔夠佢嘅開心果醬，開心果醬係帶有少少鹹香味，令你食唔停口，好彩佢開心果醬份量都多，足夠令你用嚟食曬成杯雪糕！至於開心果碎份量，一樣一啲都唔吝嗇，脆卜卜，增加口感！一啖軟綿綿嘅雪糕配一口crunchy 嘅開心果碎，簡直係絕配！係會令人想翻食多幾次嘅雪糕！

三重開心果新地 $19 IKEA美食站又推出新的限定食品身為開心果迷的我不會錯過啦🤗軟雪糕本身質地很幼滑每口都有開心果味但不算太濃最吸引的反而是鋪在軟雪糕上的開心果醬及開心果碎不但令口感更有層次而且開心果味也更濃建議大家直接買三重開心果新地就好了只試軟雪糕應該會失望🥲

行開九龍灣Mega Box嘅宜家傢俬，順便去埋佢餐廳食野。Mega Box呢間ikea cafe都算大。每次黎都必點佢嘅瑞典肉丸，$23蚊有10粒，仲有埋薯蓉伴食，低食又好味。香草三文魚沙律，點埋醬汁一齊食感覺好fresh。今日仲有聖誕期間限定香草燒雞配蕃薯，蕃薯炸成一條條，薯條食法，好鐘意。朱古力蛋糕就略為太甜。8蚊柸汽水，咖啡或茶可以無限添飲，低食👍👍

概覽：IKEA Cafe 有齊頭盤、主食/正餐、小食、甜品和飲品，任君選擇，且冇最低消費，方便客人靈活咁安排餐膳。價錢相宜，自助形式。無限制用餐時間。疫情下餐廳按情況實施人潮管制，客人可能要喺餐廳外輪候等入餐廳搵位點餐。酥炸咸豬手拌酸菜（$66）（另有薯仔拌碟，大概5舊/粒）賣相新鮮吸引。肉唔硬，容易切。皮脆。脆皮（連住豬手）VS 唔脆皮（刀子上）筋腱位香，好食！薯仔有大舊同細舊，全部原粒上菜。薯仔軟硬度適中，唔會太乾。有一兩舊薯仔特別重薯仔味。當刀叉幫唔到我食晒啲肉時，出手拎住成支骨食肉，好爽！嘩！係骨膠原呀！收據：價錢相宜！食飽人！P.S. 咬筋腱位肉或容易攝入牙縫，需要牙線/牙縫刷解救。

蔬菜薯餅❤️每次去ikea必食既😍入面有粒粒薯仔及蔬菜，好味😋瑞典肉丸❤️又係必食之選，佢係由牛肉碎及豬肉碎混合而成，每一粒都滿滿既肉汁，再加埋佢個醬，好正！🤤🤤

因為要去ikea買嘢，順便就去埋佢間餐廳食晚飯。食完才慢慢行慢慢睇，幫助消化今期精選有酥炸醎豬手，仲配埋酸菜同薯仔，肉質嫩滑，外皮係有少少韌，但以價錢＄66來説真的冇投訴小龍蝦磨菇茴香芝士意粉，買相不錯，但味道一般，小龍蝦冇味，意粉不彈牙香草三文魚沙律，菜都好fresh瑞典🇸🇪肉丸，必食之選，＄13有5粒肉丸配香滑薯蓉蔬菜薯餅，＄16 2件，外脆內軟，咬落薯仔係一粒粒的，口感不錯。這裡全部加埋都不過＄200，真係好抵食最後經過宜家的美食廊，仲買了急凍的蔬菜薯餅及香草三文魚回家。

本身我都預咗食ikea唔會特別好食🥹但今次真係接受唔到，要專登打個食評呢個大蝦白汁焗螺絲粉係難食到咁🤢啲螺絲粉好冧，好乾，好凍🤮咬落去係完全一pat野，如果唔望住食唔會知係螺絲粉🤣上面啲白汁杰到一個點，最癲係今日得呢個飽肚選擇，好難食但人人都要食個白汁魚又係好乾，面頭一堆麵包糠就算，食落就係short short聲😂無汁俾你點，配啲好乾嘅豆+好乾嘅薯仔仲要啲小朋友餐具勁dirty🤢唔知想點一個字：嘔！

🔹九龍灣//宜家家居餐廳及咖啡室 IKEA 🔹人均約$16🔹▫️抹茶紅豆鯛魚燒 $16鯛魚燒有驚喜，入面係吉士，食落去好好味😝😝抹茶雪糕正😋▪️萬聖節雪糕 $16(好似)乳酪雪糕係灰色，我以為係芝麻味，但係原來係原味🤣🤣好食！抵食😝😝但手指唔好食勁乾🥲🥲▫️抹茶雪糕 $6抵食😋幾重抹茶味喔！不過有啲太甜🤣🔹好飽評語平靚正😋經過試下😝🧠回頭指數：9️⃣🧏🏻‍♀️打卡港女：6️⃣🌬冷氣溫度：7️⃣🚽廁所評價：6️⃣🧾性價比呢：9️⃣

.今日無聊行下IKEA 見到佢出左一個特濃柯華田雪糕As一個柯華田忠粉咁我就梗係要試下啦而且價錢唔價又有啲柯華田脆脆🤤唉☹️ 不過都係有嘅失望佢唔算係「伏」嘅😂 但真心唔會再食佢.點知….一啖食落去….柯華田嘅味道係有嘅不過覺得我真係feel唔到佢「特濃」柯華田味真心 整體感覺就麻麻地啦呢個雪糕甜到傻了真係一啖下去心諗： 糖尿病啦🙈🙈佢個特濃係去左個甜味嗰到？？？☹懷疑係因為啲朱古力醬有影響🙈.成杯野嘅敗筆就係佢pat朱古力🍫真心有少少畫蛇添足嘅感覺😂唔知要黎咩用 又唔係會好食啲太甜了太甜了 我食得幾甜嘅野都覺得佢好甜呀….啲脆脆係成杯野唯一好食嘅部分 脆脆係我真心會推薦嘅但可唔可以唔要啲朱古力醬…

黎ikea，最重要當然係去ikea餐廳，傢俬容後再議。大部分menu有既都想嗌，但得兩丁友，只能夠擇肥而食兒童餐有素魚柳粟米伴紅汁，包一個汽水杯。素魚柳比較硬身，實的的燒豬手，表皮炸過，脆而偏硬，但70蚊有找，有酸菜，有炸春薯同gravy，好抵食必點既肉丸跟薯蓉，果子醬自己落，減少浪費，味道一如既往，只係凍左少少。小食拼盤，有炸雞翼，脆皮波波腸，炸薯角同粟米。雞翼仍然係又乾又硬，但點都係會叫一份。蝦串拼意粉，蝦比較腥，非常需要胡椒粉，忌廉汁偏稠身，下次會叫返三文魚柳自助暖爐既菠菜薯餅仍然咁正，外脆內軟，牛油定芝士既奶香好夾薯仔！仲有黑松露炸餃子，松露味道以$13/4隻黎講好足夠，如果撞正新鮮炸起應該好好味overall係好抵食既

成日同同事講我要食，終於比我買到佢啦😆本身今日諗住去食xo 老樹榴連雪糕only. 但！比我見到佢之後心心念念想將佢帶比媽咪試吓，因為佢都好中意呢啲得意野，所以就將佢地一家三口帶左返屋企啦😍happy 呢個鯊鯊包係蕃薯餡，諗住聽朝早餐既時候整返熱佢黎食😁係美食站見到個小朋友食到😋咁既樣，應該都好食既😆等我聽朝試下先，期待期待😉🥂特別多謝男朋友陪我排隊，宜家既售賣機好易hand, 人又多，辛苦晒😘