宜家家居餐廳及咖啡室

營業中

休息中

都有一段時間冇食ikea又有啲掛住佢嘅肉丸啦😍今日同屋企人出嚟行街就去食埋😋⭕️瑞典🇸🇪肉丸classic嘅味道！最好味嘅combination一定係點埋紅果醬😋不過依間嘅自助醬料區有啲難吱試過幾次都係咁🫢薯蓉份量都比得好慷慨⭕️小食拼盤 (薯條/腸仔/雞翼/甜粟米)小朋友大食會menu及質素😂但佢個雞翼同粟米係幾好味🤤大朋友都讚👏🏻⭕️蝦串🍤伴闊條麵及牛油果🥑配忌廉汁雖然個名怪怪地咁..但味道正常😆 每個食材獨立黎睇係正常！但欠缺整體性似係buffet每樣夾啲擺埋一齊咁*闊條麵點番肉丸個汁ok, 就咁食就有啲乾⭕️蔬菜薯餅依款item係近幾次先開始食好好味👍🏻 唔會好油 感覺係健康野又飽肚仲會見到有啲好細嘅西蘭花🥦碎🫶🏻⭕️ 香烤三文魚柳依個都係幾好味 少juicy 有好大舊魚 同少少蔬菜伴碟作為一個main相當稱職👍🏻

1️⃣ 肉丸 15粒 $39配薯蓉 忌廉汁 紅果子sauce自己覺得同之前相比今次調味冇咁重口味質感就差唔多 但食佢都係食個回憶 你話佢係咪好juicy/肉感重佢就未必係個種我諗香港人點都會食過所以唔多介紹🤣🤣🤣但紅果子汁的確加好多分咸甜組合冇得輸😌😌😌2️⃣ 小食拼盤 $46雞翼 蜜糖腸 薯條 粟米我覺得價錢有啲進取 但如果係share 食我又覺得fair 😂😂出色係雞翼同粟米 雞翼係bb辣 小朋友都食到調味幾香口但唔過咸 粟米真係清甜 冇咩雪味唔加牛油都好食腸仔就唔係我鐘意個隻味如果同脆皮蜜糖腸比較佢地個味係好唔同自己鐘意食🧀腸多啲薯條凍咗 薯身係鞋嘅 所以薯蓉仲好食🫠🫠🫠3️⃣ 香烤三文魚柳 $53拼雜菜 薯蓉 檸檬叼草汁自己唔多食三文魚但覺得佢魚油感都幾重算係幾清新個種 個汁就冇咩檸檬味 但都可以一食4️⃣ 蝦串牛油果忌廉汁闊條麵$53 清淡派應該好愛 但我覺得冇咩味🫠🫠🫠5️⃣ 蔬菜餅 $8 for each 呢款都不錯 6️⃣ Apple Juice $13 我❣️ 呢個成份就係🍎同vitamin c 夠哂天然❣️❣️❣️❣️❣️7️⃣ +$8 汽水任飲原本想食埋佢嘅米奶雪糕但太飽 下次再食🫠🫠🫠

咁啱經過，試下新出嘅芒椰奶雪糕 $16 🥭 芒椰奶係椰子米奶新地配芒果及大西米。新地雪糕偏甜，西米中間有啲硬，芒果就正正常常。個人覺得可以唔洗試🙈最近仲有出pancake，不過要等45分鐘，就放棄左🥹

忙裏偷閑好地方 宜家傢俬餐廳平時出街食飯嗰陣時都突然間好想去宜家傢俬行吓，新年嘅時候見到佢出咗特別食品就衝咗去食，雖然而家應該冇咗㗎啦，但係都想同大家介紹吓全部味道都好好，份量都好大份尤其是個鴨髀大份到真係俾佢嚇親如果大家去街嘅時候諗唔到食咩都好建議可以去下宜家傢俬睇吓我哋另外仲有加錢斟嘢飲不過唔知係咪晏晝時間比較多人放飯，變相就要用多啲時間排隊，整體來講都幾舒服，幾好食嘅！Megabox啲餐廳都算貴所以呢一餐係算平

唔想食凍嘢😌，咁就order 經典嘅……普通熱狗🌭～自己落醬，簡單方便，個包暖暖地，整體味道冇變瑞典肉丸🐽～好多蘑菇醬包住肉丸，幾好味😊，肉丸細細粒，整體味道冇變

見到最近MegaBox 泊車優惠做得幾好，消費滿週末及假日消費滿$400以上就可以泊車4個鐘（會員），真係吸引左我去呢！次次黎到，最方 便同抵食緊係去MegaBox嘅Ikea咖啡廳啦！😍📍瑞典肉丸-15粒$39份量十分夠，每一粒都香口嫩滑，同埋配上佢地嘅特製醬汁，真係好好味！食埋個薯蓉！起正啊！📍松葉蟹肉意粉配明太子忌廉汁$53意粉選用了唔少松葉蟹肉，配上鮮美的意大利麵條，再加上特製的明太子忌廉汁，意粉口感非常彈牙，入口有嚼勁，味道也很濃郁。而松葉蟹肉的鮮美程度，當然，如果蟹肉再多就更好！📍蜜糖燒半雞配蘑菇汁薯蓉（$56）雞好juicy，加以香濃既蘑菇汁，薯蓉都好match不過汁略嫌不足夠撈薯蓉食😂再多會再好食📍沙律菜（$36），清爽又健康，配上佢地嘅沙律醬，真係好開胃！如果可以配黑醋醬應該會更健康同好食其實ikea算唔錯，食物好味，而且價錢亦都唔貴，今餐2個人食左$192💁🏻‍♀️

IKEA food係九龍灣返工既朋友既好選擇👍🏻我同同事今日order 咗香烤三文魚柳薯蓉、雜菜配荷蘭汁($53) 🤗 and 小食拼盤煙燻蜜糖腸4件、脆炸黃金雞翼4隻、香辣薯角及甜粟米（$46）🥳，大家share 食，食到唔同味道仲可以慳到錢😍今時今日仲食到$50以下既lunch，真係好唔容易🥹

行街找到了好地方，有平鞋買，開心入了心頭好，下次購物可以再嚟呢度，血併完當然係去食吓嘢，入到瑞典餐廳開心食。主打輕食當然要多選擇，hea遊就要小食。小食併盤，有瑞典腸，雞翼，同埋薯條。超大份都係45蚊。乳酪：超好味，牛奶味濃，仲要私心加了雜梅醬，多一層口感。配上無限添飲熱茶，令人可以好好享受優閒的一日。

成日都覺得ikea 美食站係好多好嘢食嘅！又平、味道又唔錯👻簡直係糧尾恩物！食個熱狗餐、加杯雪糕同埋蔬菜餅， 咁又一餐㗎啦🤤今次見到佢新推出嘅甜品咁抵食又咁啱係我鍾意食嘅，緊係狗衝過去食吓啦！😝🍀香芋新地窩夫杯伴芋泥、芋圓地瓜圓及仙草咁嘅價錢，真係超級超級超級抵食！🤓抵就係抵，但係味道又真係唔太好🥹又或者可能係我對佢嘅期望太高？🥹覺得成杯嘢最正常嘅就係得嗰個芋泥🥲其他都真係麻麻，特別係個仙草個味道真係怪怪地🥹雪糕又冇乜芋頭味，得好假好假嘅香精味😅其他芋圓同埋地瓜圓嘅口感好奇怪🤔只可以話係值得一試，但係不可再試😅🤣🤣但係但係！我都係仍然好支持其他美食站嘅嘢食㗎🤪

見佢呢個月又出咗新主題，仲要係我最愛嘅 #香芋 ！上次食完開心果新地已經成日同朋友再去食，所以今次都好期待！初時見到有啲post話雪糕冇咩味，所以由淺入深😂，先試 #香芋新地筒 $6估唔到都好有香芋味，雖然賣相嚟講，唧得唔算太靚，但淡紫色係靚嘅！#香芋新地窩夫杯 $23其實賣相唔差，重點係呢個價錢，佢樣樣都幾好味，芋圓、地瓜圓煮得夠「稔」，唔太甜；芋泥冇落糖水，夠綿，一啖佢，一啖甜甜嘅雪糕，甜味恰到好處；仙草有啲似涼粉，佢比較水，所以好快整到窩夫杯「稔身」，但我又唔係好介意，一邊脆啲，一邊軟啲都幾得意～雖然比起開心果，我鍾意開心果多啲，但#香芋新地窩夫杯 都好有特色，比起坊間甜品店，咁樣有齊芋泥、芋圓、仙草⋯算係抵食!

ikea經常都會推出創新口味嘅甜品，今次出左芋圓仙草雪糕，令我依個芋圓愛好者即刻雙眼發光。但真係食到卻發現食物本身同宣傳都有頗大出入，味道賣相都令人失望。芋圓仙草最期待嘅當然係芋圓，但係質地唔夠彈牙之餘，仲要係暖暖地嘅，配上凍嘅雪糕感覺非常奇怪。仙草出品麻麻，仙草味好淡，都係暖嘅。雪糕普通芋頭味雪糕，口感順滑，奶味都濃郁，算係成個甜品最好食嘅部份。窩夫雪糕芋圓係用一個窩夫碗裝著，食完啲料可以食埋個窩夫，但係因為啲料都好多汁水因此導致個窩夫淋曬完全冇曬脆卜卜嘅口感。

不嬲都好鍾意食ikea啲野食另外又不嬲都好鍾意食開心果味嘅野食咁當佢地合左體我就冇辦法唔食試下啦😂✅Ikea開心果雪糕🍨有開心果醬同開心果粒同開心果味雪糕咁樣先💰19蚊咋真係好開心呀🥰

今次來到 宜家傢具 餐廳，見到有個主題 港式滋味 就試吓，其實講真選擇不是好多，人人都食差不多，整體只可講普通而且欠溫度，但以$214/2人真心幾平$59有齊咁多食物仲抵過連鎖，不過整體冇咩溫度，雞扒勁淋身不用刀都切到，食咗一舊放棄。司華力腸口感都係麻麻，火腿偏厚切幾好味，薯條口感可以如果熱應好食，醬汁選蒜茸正常。任飲飲品選汽水最後飲咗3杯另一款就好味道有驚喜 奶茶新地筒 $6，奶味普通，茶的澀味有輕輕加分不少，茶味都可以，味道都係甜少少但都可接受，個筒係脆好食來到點會食 宜家肉 丸 10粒$26，小食拼盤$46，雞翼同腸反而比鐵板果個好味冷盤叫2款，香草三文魚沙律$33，菜新鮮但是個三文魚偏腥，醬汁唔落會好味啲。 凍蝦 盤$29份量都多，蝦味都咸咸地易脫殼味道都可以成餐唯一最熱 龍蝦濃湯 以$15來講真心合格，有蝦味又未至於似龍蝦咁，有點似忌簾湯口感，咸度可接受

基本上週末都幾難係ikea餐廳搵到位😂加上防疫措施再放寬晒，真係周圍都係等位嘅食客所以呢晚六點左右就去食先囉🤪IKEA肉丸係必食架喇😆而且最後係爭食薯蓉多小食拼盤：雖然雞翼焗得乾身左啲，但腸仔係加分✅仲有薯角今晚嘅驚喜：三文魚扒！😍唔好以為咁平就是是但但，佢一啲都唔係求求其其👍🏻就連擺盤都有心思架！再加分😆脆朱古力杏仁餅：😋😋😋好食到最後先諗起要影底🤣配上咖啡一流👍🏻不過人多，所以要有心理準備😅食緊嘅時候會好多人圍住你

夜晚係megabox 睇戲，睇戲前想食少少野先，就黎到Ikea食熱狗。叫野食嘅時候，見到有啲期間限定嘅香港風小食，就順便叫黎試下。估唔到又幾好食🤓有驚喜🐔避風塘脆雞柳 $16一份有四件雞柳，都幾大件。面頭鋪咗少少辣粉，同埋炸蒜頭。當日食啱啱整起熱辣辣😋入面仲有少少肉汁，唔錯👍🏻🍦港式奶茶新地伴迷你雞蛋仔$19新地味道比較似泰式奶茶，因為味道較甜🤓雞蛋仔暖暖地同埋都脆口，加埋雪糕冷熱交融口感豐富。