宜家家居餐廳及咖啡室

營業中

休息中

平時間唔中都會嚟宜家傢俬食嘢，貪佢夠平，大件夾抵食。今日我哋三個人去，叫到成個枱都係嘢食，都係$300唔使。🐖每次去都必點嘅豬手。非常搶手，最近成日去都沽清。$73大大隻，外表焗得非常香脆，再加埋燒汁，非常惹味。另外仲有酸菜絲俾人解膩。我覺得佢係成個宜家傢俬餐廳性價比最高嘅🤤🐟三文魚都係我經常叫嘅其中一道菜。平時都會喺屋企咁樣整三文魚，但係就做唔到佢嗰種忌廉汁，佢個醬可以完全掩蓋到三文魚嘅腥味。而且嗰度將條三文魚整得比較嫩同滑，同喺屋企自己整，又完全兩種唔同感覺。🥫小食拼盤，入邊有薯格，粟米，蜜糖腸同埋雞翼。$38有咁多嘢食，如果同行有小朋友一定會好開心。🧀之後仲叫咗新出嘅流心水牛芝士沙律。切開芝士係無流心既，芝士味亦都唔算好濃，但係食入口好香奶味，口感都好細滑。基本上都唔需要落醋去撈個沙律，淨係芝士加菜仲好，更加清新嘅感覺。雖然嗰度好多人，好難等位，但係性價比咁高，所以咁多年來我都keep住有幫襯。最後最後，大家食完記得自己執枱啊，呢個都係宜家傢俬餐廳點解可以做得咁平嘅原因🥨

高枱位攻略+小朋友放電區⚡ 🍽️ 搵位技巧📍 星期日晏晝6點已經要等位！好彩醒目 行到最入買嘢食嗰邊，左手邊有幾張高枱冇人🍛 晚餐食咗咩💰 **$96兩個餐 +蘋果汁 + 加菜 ✅ 薯蓉肉丸蔬菜｜薯蓉Creamy有牛油香，但肉丸有啲「鞋烚烚」✅ 小食拼盤｜雞翼脆皮爆汁！薯格炸到金黃脆身 🥤 蘋果汁｜正常發揮👶 驚喜位中間有 **小朋友玩樂區**！有得爬來爬去，阿媽可以安心食兩啖飯（雖然得細細個位，但好過冇🤣） **⚠️ 注意** ✖️ 肉丸唔夠Juicy✖️ 6點後越嚟越多人，想靜靜地食建議5:30前到 **💡 小貼士** 1️⃣ 兩個人食可以 Share一個餐加小食，分量夠晒（女仔計） 2️⃣ 坐近小朋友區會比較嘈，怕嘈記得揀遠少少

今日去MegaBox，順便又去食宜家傢俬，見到佢出咗個小丸子，以為會好似章魚小丸子咁大粒，點知係一粒肉丸🥲 我自己覺得唔多好食🧐之後又叫咗個雪糕，呢個味道唔錯，我唔知係咪新嘅，但我哋就第一次食(食咗兩啖先記得影相)，下次見到會再買另外保險起見，都買咗個熱狗，一如既往好食，最鍾意加蕃茄醬和芥末醬，而小朋友就鍾意加梅醬，各有各風味，唔想食咁飽宜家傢俬都係一個好選擇，今日係平日所以冇乜人排隊，買完嘢即刻就可以拎

見到有咖哩味雪糕即刻去試😛🍦一開始食落口都覺得只係得朱古力味無特別 過多一秒就feel到啲咖哩味喺個喉嚨度徘徊 然後成晚都會er番陣咖哩味出嚟總括而言呢款雪糕係前調朱古力🍫尾調日式甜咖哩🥘未必個個接受到😌不過我真心覺得可以一試

期間限定! 適逢啱啱過咗愚人節，咁啱帶兩個小朋友去IKEA食嘢，俾我哋見到呢個咁核突嘅雪糕😂 見$6就試吓啦，一開始以為係「咖啡朱古力新地筒配脆米」，點知望多兩眼先發現係「咖喱朱古力新地筒配脆米」 ，呢個組合我真係唔敢想像味道會係點！一落咗單之後我哋就將張單交俾職員，佢整呢個雪糕同童話嘅佢真係好似，連阿妹都忍唔住問點解要食屎味嘅雪糕🤣 我食咗第一啖，已經唔想再食第二啖，完全唔知道自己食緊咖喱定係食緊朱古力😅 出奇地，竟然阿妹覺得好好食，最後佢自己成支食晒😆 俾多次機會我，我肯定唔會再嗌呢個咁核突嘅雪糕，俾錢買難受🤣純粹用嚟影相就冇問題

📍 IKEA食堂｜牛肉丸都要歎得高質啲！隱藏在MegaBox IKEA嘅平民價食堂，原來係唔少打工仔嘅食飯首選！😋 今次親身試食，發現唔單止環境舒適，仲有多款北歐特式美食，等你同同事嘆番個輕鬆lunch！點解要嚟呢度食？首選梗係人氣No.1嘅瑞典肉丸套餐啦！每粒肉丸外層金黃酥脆，內裡嫩滑多汁，搭配獨特嘅忌廉汁同蔓越莓醬，香濃醬汁配埋肉丸，一啖入口簡直係絕配！🤤另外推介必試嘅煙三文魚！新鮮厚切嘅煙三文魚片，配上特製嘅香草蛋黃醬，魚肉嫩滑有香氣，一啖接一啖停唔到口！仲有酥炸蝦配芝士白汁意粉，芝士香濃惹味，配上新鮮蘆筍，食材質素令人驚喜！🦐環境企理舒適，侍應態度親切，最緊要係價錢親民！全部餐點都係$50-$100左右，超值抵食！想搵個靜靜地方食lunch，呢度真係一個好選擇！💫

一個平常嘅工作日lunch快閃、叫咗個薯格$15西柚汁$16三文魚沙律36、IKEA入邊有紙袋拎可以打包個食唔晒嘅薯格、飲水就記得攞返兒童嘅膠杯唔好攞錯人哋嘅玻璃杯，因為玻璃杯係要收錢㗎、係for嘢飲任斟嘅、排隊買完嘢食之後喺收銀左右兩邊可以拎到餐具對面亦都有紙巾拎同埋醬汁唧、位就非常之足夠嘅、一般去到都會有位坐、不過如果人多嘅話就難啲坐埋一齊喇。

餐廳在ikea 內lunch time 去有很多位置不用等位選食物賣單整個過程很快再食ikea 的肉丸味道與印象中不同是醬不同了的關係？論價錢是抵食的論味道卻差了少少…

最近屋企裝修，就到處搵資料經過Ikea餐廳，之前都好吸引酥炸咸豬手伴酸椰菜瑞典肉九8粒伴薯蓉及雜菜配忌廉汁小食拼盤汽水果味飲品食晚餐之後仲可以去睇下傢俬環境舒服岩哂一家大細

做唔到瑞典人過worklife ge balance嘅生活都可以食下瑞典嘅食物體驗下瑞典生活九龍灣呢間ikea真係好大行完之後就可以去佢呢一間餐廳嗰度食返佢賣嘅食物我想講佢真係好平好抵唔單止佢啲傢俬好平佢啲食物都好高性價比雖然就唔係多款食物可以揀但都好足夠食完之後你仲可以即刻喺佢嗰度買返屋企再煮上次我就嗌咗個三文魚同埋肉丸仲有沙律味道ok就算我上次係公眾假期去因為佢個地方都幾大嘅買完都可以搵到位坐又食得飽有機會都可以再食過

由返學開始就間唔時會食 覺得宜家傢俬一直都係質素唔差，但又幾平嘅平民西餐同小食舖。特別係一大班frd share個時 可能人均$80都唔洗就食到好多嘢好滿足🤣不過今次只係同1個朋友嚟，又見到有未試過嘅豬手，就叫左嚟試下！瑞典肉丸 - $26 (8粒)每次嚟必食，好似感覺細粒咗咁🤣不過味道都依舊，同埋咁嘅價錢嚟講都ok。個人鍾意原本嘅醬汁，基本上都唔加紅莓醬食的🤣酥炸鹹豬手 - $73咁岩係佢熱辣辣出爐個時叫左，令到滋味加倍。入面嘅豬手超腍，唔會因為炸過而令到佢嘅肉變到好結實。加埋酸菜食可以中和個油膩感！不過外皮係炸到有啲太脆，切起上嚟要大力啲😂

上個星期六要去宜家買嘢，順便喺餐廳食晚餐，之前對呢間餐廳嘅印象一般，因為覺得嗰啲食物都係好普通，可能我自己買返屋企煮仲好食過佢好多，但係今次竟然有意外驚喜，就係佢嘅脆豬手啦！結果我哋三個人叫咗兩隻嚟食，因為食過一隻之後好想再食，雖然佢嘅份量都已經唔細，切出嚟嘅肉都好多，不過我哋幾個都係食肉獸，所以就再叫多一隻！第一，佢嘅溫度維持得相當好，雖然我買完都唔係即刻食，因為仲要搵位，但係搵到位之後再食，都唔算話特別涼咗，所以對佢嘅印象已經好好，然之後切開裏面嘅肉質係相當之唔錯，個皮固然係焗得夠脆，裏面嘅肉亦都唔會話乾到冇晒肉汁，十分好食，再加埋酸椰菜，都係我鍾意嘅，伴碟嘅薯仔就真係好普通，可能分開整，所以啲薯仔已經凍晒，根本食唔落，不過有呢隻豬手就夠啦，我另外叫咗個小龍蝦沙律，真係唔會再試啦，因為啲小龍蝦一啲鮮味都冇，我諗同食張紙都冇分別，沙律菜唔算太差，但係份量相當之少，所以對於個沙律係失望嘅。

估唔到11點已經開左門，12點前人流唔算多，冇食咁耐，多左好多選擇，價錢亦好平，仲有個小小Kids Corner，食完自己收拾餐具。 酥炸咸豬手 $73豬手都唔細隻，好多肉，炸到個皮好鬆脆，肉好嫩，配上蒜蓉汁，焗薯同酸菜，相當抵食 小龍蝦芒果沙律 $43沙律跟一包芝麻醬，小龍蝦肉質偏淋，沙律菜爽脆， 內有粟米、芒果、烚蛋 兒童套餐 $19五件麥樂雞，外脆肉淋，配粟米、薯蓉同茄汁，另有汽水任飲 瑞典肉丸 $26宜家必食，肉丸有8粒，又香又淋，配上紅蘿蔔、西蘭花、薯蓉同磨菇汁

IKEA's durian ice cream is undoubtedly one of the popular desserts. Made with fresh and creamy durian flesh, it has a smooth and velvety texture, allowing you to fully savor the rich durian aroma with every bite. IKEA's distinctive design style also imbues the ice cream with a refreshingly simple and elegant visual appeal, leaving you in awe.As an affordable sweet treat, IKEA's durian ice cream can definitely be considered a true crowd-pleaser.Indulging in 5 scoops of IKEA's durian ice cream is

Ikea榴槤雪糕🍦第二輪 IKEA 榴槤雪糕🍦新地配上D175紅蝦榴槤肉，雪糕口感軟綿，榴槤肉非常甘香‼️成間Ikea都係榴槤味😆追加榴槤肉每份$13，仲可以最多追加五份榴槤肉添🤭🤭‼️