宜家家居美食站

營業中

休息中

之前經過一路想試豆腐同埋泰式奶茶軟雪糕，今日經過尖沙咀見人流唔係好多就去買咗。豆腐花味超級好食🥹🥹🥹泰式奶茶味就冇乜甜味，但係茶味好重，個人就唔係太喜歡🤣🤣

IKEA 黎自北歐瑞典，但係呢幾年喺香港特別有noise.主要一定要歸功於佢嘅網頁小編，文筆風趣抵死，吸引到一班死忠，每日就係捕住睇佢出post。早前有好幾個post喺講一啲公仔俾外星人捉走左。原來喺特別鋪排。為嘅就係推出新廣告有關於外星人公仔，仲有外星人嘅黑芝麻雪糕同埋 Macaroon。 🍖 如果單係黑芝麻雪糕，綠色 Macaroon，其實可以話係正正常常，普普通通既甜品。不過放埋一齊，再加一啲好似閃石咁嘅nuts碎，仲有個飛碟咁樣嘅杯。淨係造型已經贏左。 ✨️好嘅推廣，增加大眾對產品嘅認知。香港嘅食店要突圍而出，可以作個參考。

同朋友係尖沙咀食完野想食埋個甜品完滿d於是行左去k11 ikea食甜品🍦🍦呢個小熊雪糕三文治先$8但雪糕個size同新地差不幾多性價比極高!而且佢個味道都唔錯豆腐味清清地好似豆腐花味道芝麻都幾香，但可能再濃味d不過以呢個價錢黎講，不能要求更多8蚊一個黎講，已經做得好好!另外，佢個餅底都有驚喜估唔到好脆口，可能驚雪糕會令佢好快變型所以小熊餅既density做到比較結實食哂上面既雪糕佢都冇變淋好值得欣賞!

去到尖沙咀宜家傢俬原本只係想食個雪糕🍦，但🤴🏻見到有新雞髀🍗就順便要食埋！😆😆～～～太空👽芝麻新地杯～～～會跟一粒綠色外星人👽造型嘅拖肥馬卡龍，但我同🤴🏻都覺得夾中間嘅拖肥極似牛油🧈，非常油膩😅😅，芝麻味雪糕就好香濃同埋幾滑😊😊！當中一粒粒銀色嘅係朱古力石頭🪨+杏仁粒粒增加口感！😄😄～～～小熊🐻黑白扭紋新地三文治～～～小熊🐻皮幾脆口比想像中好食😄😄，芝麻味都係同外星人👽嘅一樣，同豆腐味雪糕都好夾，可能本身豆腐味都幾濃，唔會掩蓋大家嘅味道☺️☺️！～～～煙燻烤雞腿🍗～～～煙燻味唔太重，雞髀🍗就細細隻😗😗，都有少少雞汁，OK啦😙😙！～～～植物素燒賣～～～依家啲植物肉真係做得越嚟越出色，呢款燒賣有彈性、夠濕潤，唔會輸俾出面普通嘅燒賣，不過跟嘅豉油同辣椒🌶️油就差咗啲有少少油 ‘ 溢 ’ 味🥲🥲！

因為去尖沙咀做野，又到近1點，肚有D餓！但呢個時間尖沙咀間間食肆也多人！經iKea小食部，一於買隻熱狗(自由加醬料)同肉丸食住先，一陣就唔駛餓住開會!真係又抵食又美味！尖沙咀K11

特濃黑芝麻新地筒$6見到宜家美食站推出了豆腐花味和特濃黑芝麻味新地筒。試了特濃黑芝麻味，非常香滑，奶味濃，黑芝麻味亦濃郁。食完先發覺仲有扭紋味，下次可以一次試齊豆腐花和黑芝麻味。

#鼠尾草食飲玩 #sagefoodiehk泰式🇹🇭 × 奶茶🧋 × 雪糕🍦今次試咗一款泰式奶茶味雪糕🍦，整體而言，味道麻麻，有涼茶嘅味。😕🍵雖然雪糕本身帶有涼茶嘅風味，但係奶茶嘅濃郁香氣似乎欠缺。喜歡濃郁奶茶味嘅人可能會感到失望。😔🍦雪糕本身冰涼爽口，適合喺炎熱嘅天氣度過一個涼快嘅時刻。然而，如果你對於奶茶味道有較高嘅期望，可能會覺得呢款雪糕有啲平淡。⛅🍦總括而言，呢款泰式奶茶味雪糕質地頗為滑順，但係奶茶味道相對較淡，可能會令部分奶茶愛好者略感失望。如果你鍾意清爽嘅涼茶風味，呢款雪糕可能適合你。😎🍦💰 泰式奶茶雪糕(已完結)🥢 宜家家居美食站

呢杯新地性價比好高 芝麻味雪糕夠香濃又滑 口感creamy 雪糕份量比以前多 而馬卡龍偏甜 焦糖味唔突出 但口感鬆脆-小熊餅口感好脆 本身以為佢係淋身 呢個好有驚喜 雪糕方面係黑芝麻同豆腐花mix埋一齊 豆腐花味突出 豆香十足 相比起黑芝麻冇咁甜 但係口感冇頭先黑芝麻雪糕咁滑 似食緊豆腐花冰

嚟左幾次終於食到呢個尖沙咀限定嘅熊仔雪糕啦指定時間8-10pm先有得買有我最愛嘅豆腐花味➕新出芝麻味➕熊仔樣脆脆夾埋勁可愛$8超抵食夠濃味兩個中和到仲超夾 幾啖就食晒 個皮夠脆夾埋食完美撞岩6-7/10 9-10pm買一送一真係平到癲 $4個仲想點 我一人都食到2件

太空芝麻新地杯配果仁隕石粒 及 外星人焦糖拖肥馬卡龍 ($16)✅外星人勁QQ，配埋銀粉嘅果仁，真係少似隕石👽✅雪糕質感偏漿口，芝麻糊feel☕️✅馬卡龍同拖肥唔痴牙，焦糖味出🦷✅馬卡龍同雪糕一齊食，有少少食緊芝麻花生湯圓嘅感覺🥜📝 8/10豆腐花新地筒 ($6)✅激似山水豆腐花味🧁✅好似將成盒豆腐花打左落雪糕咁🍨✅香滑順口🫗✅新地筒好脆🍦✅$6性價比極高🤑📝 9/10熊仔包 ($8)✅同熊仔實物一樣樣，勁打卡🧸✅撕開個包勁香芋頭味沖出嚟🌬️✅唔計個包底，個包好軟熟☁️✅芋頭內餡料好清甜🍠❌成個包底都食唔到，乾到好似餅乾咁🥠❌張包紙都痴實左個底，要忍痛連埋耳仔撕走😭📝 7/10~⭐️總括而言…10月甜品真係出色🤩，芝麻雪糕好食😋，但豆腐花雪糕更好食😋😋。外星人馬卡龍同熊仔包又吸睛又打😍卡，上面3款小食甜品都好推薦👍🏻👍🏻👍🏻。

✨豆腐花雪糕下午茶時間唔需要食太多～今次就黎TST ikea食新款(>^ω^<)呢個豆腐花雪糕真係有豆腐花嘅味，好濃好香，入口即溶。加上見到職員加咗少少黃糖，更加有豆腐花嘅風味😙

為咗一試新出嘅嘢食☺️分別叫左2款班戟同雪糕🍦牛油果三文魚班戟同埋牛油果雞胸肉班戟班戟質地軟屬，牛油果都熟，唔會硬。配上沙律醬，三文魚就可以再多啲。而雞胸肉方面就唔算好鞋，都還好。仲食埋豆腐花新地筒，特濃芝麻味新地筒😝豆腐味好足，食落好似食緊豆腐花。芝麻味嘅都好濃烈。最後仲買咗朱古力味爆谷🍿好食

今日終於可以去試吓呢個新出品🤩完全係為咗個斑蘭雞蛋仔而嚟雞蛋仔份量就係正常嘅¼我覺得個份量都夠嘅雞蛋仔唔熱，只係小小脆而雪糕就偏向冰嗰種，而唔係溶溶地軟雪糕嘅感覺夏天食絕對可以解熱奶茶味都係好夠嘅，味道就偏甜$19呢個價錢可以值得一試🤘🏻想試嘅話，就快啲喺27/9/2023之前去試啦🤗

Ikea小食站係食個方便下午茶既好地方🤣 今日Throwback一下呢個好可愛既鯊魚造型包🌊 整體打卡造型高但係味道非常失望🌝 同埋少少吐槽一下呢間分店買野食同攞野食既動線唔清晰😅 食嘢嘅位置迫晒喺電梯底需要改善⭐️ 鯊鯊包 🦈造型係幾似Q板鯊魚幾得意🤪 但係內裡既蕃薯餡口味同口感有點人工唔天然🍠 包皮同樣鬆軟得太Artificial 整體有點唐記點心的感覺😕⭐️ 瑞典達拉木馬形蝦餅 🎠口感香脆但係欠缺蝦味🦐 假期黎講小貴CP值唔高

IKEA's mini mooncake assortment is a delightful treat for the Mid-Autumn Festival. Priced at $59, these petite mooncakes come in four flavors: Coffee Custard Mochi, Black Sesame Mochi, Purple Sweet Potato Mochi, and Matcha Red Bean. Despite their small size, they taste great after reheating. The coffee custard mooncake has a rich flavor without being overpowering. The black sesame mooncake offers intense nuttiness and a chewy texture. The purple sweet potato mooncake has a lovely purple color an