宏泰燒味餐廳 (川龍街)

營業中

休息中

話說過去一直都有喺呢間舖頭買半隻燒鵝習慣🤪今日5:00左右去買半隻回家。過程中仲見到佢攞咗一隻燒鵝來斬開一半，我仲同老公講隻燒鵝真係熱辣辣會出煙。返到屋企打開的時候發現同平時食好似比較細盒左，沒有理會進食，一夾發現點解冇咗一排啖啖肉的位置，之後我奶奶及老爺就話係咪買咗上莊？最後我打電話去舖頭問吓佢佢地買半隻燒鵝回家是用什麼盒？因為我同佢解釋返我剛剛過來買燒鵝返嚟發覺冇咗一排啖啖肉嘅位置係唔係比錯咗？ 我都唔係話佢呃我我想了解吓？我再問吓佢你地買半隻燒鵝會用什麼size盒？佢就話係一樣冇比錯都唔聽我解釋我最後都真係講咗一句我買半隻燒鵝返嚟都冇咗一排排啖啖肉嘅位置！之後佢又不斷講話係冇錯冇錯😤我喺個電話度唔通叫你PayMe返錢俾我咩🤭😡我都係想同你講返可能搞錯咗姐😤😤😤😤都唔俾我講又唔聽人講我就同佢講咁冇下次啦拜拜👎🏻🖐👋👋👋👋👋

行過見到無乜人諗住買隻燒鵝外賣，我企左係收銀處等，淨係見到一個疑似老闆娘加個伙記招呼一個客同吹水， 完全無視我企喺度，等左兩三分鐘叫都無人埋，頂唔順走人。可能佢哋賺夠啦唔做生面口客生意。

諗住是但買個燒味飯，都是但食，但估唔到難食到甘，叉燒乾爭爭，燒鵝似燒鴨，仲要薑容仲要加$5先比，你食埋我個份，個到員工仲要態度勁差，以為自己野食好好食，垃圾燒味，請我都唔去，食燒味飯加薑容食是基本吧，我唔明點解要加$5，我唔係比唔起，我係食左幾十年燒味飯都未聽過，以為自己係太興？太興加我都明白合情合理，但呢間燒味店既質素係0，難食，連快食都唔食得落肚d野，但以為自己好好食，周圍得距一間燒味甘，我不會再去

星期日，出荃灣 逛逛商場 嘆冷氣😀順便到健身中心，運動運動🤗身體健康啊黃昏 5:00 多，好似肚餓喎，去食個平宜餐這小小餐廳，燒味確實不錯，雞鴨鵝...等等，堂食或外賣，有頗多捧場客剛剛好，趕及下午茶時間（5:30 前）油雞米粉，走葱濃郁豉油味 嫩嫩雞 吃得滋味又開心餐飲，酸酸 .！，醒神開胃 熱🍋水埋單 $30 🤗

今日去到呢間燒臘店，見間鋪無人，就去同收銀女士買外賣，這位收銀女士對顧客態度好似爭佢錢咁，全程臭面，全程大大聲鬧人語氣，想係收銀落單時佢一路示意等等，企係度等佢傾左3分鐘電話，佢傾完後佢好似唔記得左有客等緊咁，去左同其他人傾計，之後，我再同佢講買外賣，我講左3次要燒肉飯走汁佢都要再問...問佢汽水有咩選擇，佢又唔耐煩大大聲可以跟湯或跟奶茶咖啡加3蚊，其實我只係問有咩汽水揀...最後燒肉飯係有汁既，無走到汁...全程感覺極之不愉快，我唔會再幫襯！

今天天氣好，陽光普照🌞在家悶悶不如外出走走，近近地... 荃灣，順便買瓜子吃逛逛商場、街邊檔、店舖等等，黃昏時分，路過這間燒味餐廳，睇吓 似乎不錯，那就入去下午茶燒味粉麵套餐奉送咖啡、茶、或例湯點了油雞米粉、走蔥米粉形狀捲曲，特別喎嫩嫩雞肉、濃郁味道菜心鮮甜餐飲： 熱檸檬🍋水埋單 $30 nice 下次再來

明明自己聽唔請楚, 話個客冇講!!!自己根本忟忟憎憎, 冇心聽人講野!!!唔會再幫襯!!! 咁既服務態度, 當d客好似仇人咁, 完全唔尊重。就算近來市道差, 都唔應該將脾氣發落d客到。

是晚工作早完成，最近半年，香港人活得不容易。在荃灣經過宏泰燒味，也見冷清，買了飯盒回家，單雙併三十元，送汽水。回家半小時左右，切雞燒肉飯，望落份量不多。切雞是胸位，其實我胸脾也可以，視乎的是雞的質素。浸得頗佳，白滷水味好，有雞味，肉有汁嫩滑。燒肉斬得有大有細，然而肉質也佳，有肉味，皮雖已不脆，還好也不錯，堂食會更好。整體而言，燒味算係咁，值得再來。之前上手也偶爾光顧，轉手後師傅應是同一人，質素穩定，然而現在日子不易，加油。

大前日(12-1-2020 Sun)同老公落荃灣買完賀年食品後就食晏,老公想食燒味,就嚟前身係譽泰嘅呢間,格局完全一樣,不過佢哋用咗一幅大字畫遮住以前見到譽泰掛燒鵝嘅窗.睇完menu,老公要$50.00嘅海哲燻蹄飯,侍應話今日冇海哲,咁佢要燻蹄飯,我問即食幾錢?佢答$42.00.我要$53.00嘅燒鵝瀨,我哋要例湯同熱奶茶.例湯同熱奶茶到嚟, 例湯係西洋菜豬骨湯,鹹淡適中,唔太濃.味道:4分熱奶茶一放低就嗅到茶香,茶味夠濃,口感滑,但飲到最底有啲澀.味道:3分燻蹄飯有好多燻蹄,可惜冇乜味,老公將啲汁撈勻晒啲飯食,味道啱啱好.味道:3分燒鵝瀨,俾咗髀位我,多謝晒.皮薄同好脆,肉嫩多汁,好味瀨粉滑,但湯底冇乜味.味道:3.67分