宏泰燒味餐廳 (川龍街)

6-10-2025（Mon）中秋節正日放半日，老公公司遲遲都未講放幾點，天氣又熱，我又肚餓，自己返荃灣食嘢先，等車等鬼死咁耐。返到荃灣，不如去食Neighborhood 漢堡，去到有人等位，咁隔離嘅譚仔三哥，重多人等，咁嚟好耐冇食嘅呢間啦。嚟到時，門口貼咗張‘’中秋正日全日正價‘’告示。我入到去都重有位嘅，坐低冇人理 因為佢哋忙外賣生意。而我就要普通四寶飯同凍奶茶，落完俾張單嚟，價錢分別係$50.00同$3.00。凍奶茶嚟到，飲啖先，唔夠凍同茶味唔夠。2分等咗一段時間，普通四寶飯到嚟，睇見有半隻鹹蛋，叉燒，燒肉同油雞，排列整齊。叉燒顏色唔靚，亦係瘦叉燒，食落，蜜味唔夠，但慶幸肉質係鬆軟，唔係乾柴；燒肉都係全瘦，啱我，皮都脆嘅，唔太鹹；油雞味道好夠，但其實得好少肉；鹹蛋正常而且重有油；飯都好腍，唔錯。4分上次食評係2024年9月7日提交嘅呢篇：https://www.openrice.com/zh/hongkong/review/%E5%81%9A%E5%88%B0%E8%A6%81%E6%B1%82-e5665628題外話：我第一次見佢哋要將燒味咁樣放出嚟。…查看更多

叉燒燒牛飯，加多碗例湯都係$45 ，今時今日荃灣嚟講，算係抵食，肥差咬落又咬口，燒鴨都唔係淨係骨頭，飯就差啲比較硬，但係味道正宗葵涌佢，可以回來翻食，外賣$30的燒味飯多人幫襯，堂食就可以舒服啲…查看更多

買左一隻燒鴨，返到屋企打開夾番落自己嘅碟加熱，至發現冇左一隻髀。打番去舖頭話俾佢地知（其實心知唔會有實際作用，只係唔講唔舒服），接電話小姐一如預期態度差劣，話冇可能偷一隻髀，叫我影相做證據send番俾佢地睇，又話口同鼻拗，話我屈佢，仲問我當場做咩唔check清楚。其實呢個世界真係有人會買燒味，人地包好晒俾你，你再打番開個外賣盒數下check下d件數齊唔齊？！咁，其實我都知係口同鼻拗，影相都冇用㗎，影完你都可以話我係自己夾走一隻髀至影張相屈你都得。打電話之前已經預左佢會無賴、預左佢會唔認、預左佢會態度差。唯有以後自己唔幫襯，咁你多我一個客又唔多，少我一個客又唔少。我買得少少嘢又唔係大客，咁算囉。…查看更多

外賣飯盒叉雞飯 ，切雞其實係鹽焗雞，雞肉係好梅嘅，叉燒係咬極都呑唔到，飯係有生米的，我不是要跟酒店比較，只是一個基本的燒味飯原則去評論 。沒有期望得太高，只是真心覺得難食，30蚊都是錢，為何將食物煮得這麼差😩 我放棄了飯盒已報銷。…查看更多

星期六有節目，於荃灣運動完后，逛逛街，大約黃昏時分，有啲肚餓，不如提前吃吃吧突然想起川龍街宏泰燒味餐廳，步行10分鐘到了，仍是熟客多多，塞住門口等外賣找個雅座，冷氣涼浸浸，睇吓餐牌，仍有下午茶😀 奉送飲品或湯揀了 瘦叉燒 油雞米粉（走蔥）厚切大大件叉燒，啖啖肉😋有4、5 件油雞 肉質鮮嫩，點啲蔥油，更加滋味是日例湯：冬瓜湯，煲得夠火侯，沒味精，清甜有意米、豬骨 、、、埋單 $30 抵食下午茶，下次再嚟，bye…查看更多