宏德食店

宏德食店係柴灣細路嘅味覺學生時代，轉頭已經食足25年都係呢個靚味，一踩入舖，熟悉辣醬香撲面而來，猶如返咗屋企。唔少食客都擁護佢：「呢度係港島區最好食嘅車仔麵」，因為邊度仲有人可以堅持湯唔過鹹、食材唔缩水，仲用心過咁多年？推薦首位係佢啲——唔似茶餐廳枱上嗰啲死油辣椒，而係老闆特別分開上，每啖都勁香、帶一點開胃辣勁，慎用都夠提味。再嚟係，全部即點即炸，炸得香脆但唔油膩，豬紅滑彈入味，魷魚又脆又爽牙，緊緊係記憶中嗰碗最『鮮嘅古早味』。仲有食客話佢嘅夠透紅、甜入心，拌到爽身，冇爛爛貼碟，好少啲碗麵可以整得咁堅持。仲有炸春卷、炸魚皮都係噹噹上枱，次次都係最新鮮熱辣，食得落到心入面。講真，一碗車仔麵走咗幾十年幾百餐都冇變味，仲係嗰條味，價錢雖然唔算細但以咁實在嘅質素同熱情，真係抵到冇朋友。每次返到熟食中心都想一撲，再嚟一次溫暖嘅回憶味。…查看更多

唔係講笑，由中學食到依家, 真係25年, OH 出賣自己都要食, 有咩味係香港仲係屹立不倒, 仲有幾多小店不斷努力渡過歲月既洗禮，佢真係到今時今日都係仲係個個味, 都仲係呢個地方，都仲係咁好食。老老實實, 幾多車仔麵唔係太咸就因為物價變動而食材都改變?!但係呢間車仔店都仲係KEEP住，喜歡豬紅既人, 唔食過佢既豬紅會對唔住自己，我敢講, 呢間係港島區最好食既車仔麵。我介紹過俾好多朋友仔, 有D住好遠, 過黎食過之後都再黎。我唔食得辣野既人, 但係老闆秘製既辣真係叫我興奮又喜愛，就算我唔係好食得辣, 都會撈少少係個湯底到， 精髓同呢間店既靈魂黎嫁。個人推介: 豬紅，豬皮，炸蝦卷，魷魚必叫辣 (第一次食既人可叫分開上), 唔係枱面D辣油，係叫老闆另外俾你既辣醬，正。…查看更多

有望過下我啲食評嘅都知，我極其量都係畀OK。我得個level 3，從來冇接受過乜嘢優惠、招待或者款待但就係呢間車仔麪我會畀Like。一嚟係呢間車仔麪由中學食到大已經廿幾年，以嚟係不論佢嘅辣汁、蘿蔔、豬紅、米線、米粉，都係我最鍾意嘅質地同味道。望過有人會覺得佢部份食材唔啱口味。講真車仔麪真係好個人口味，本身唔鍾意食油麵幼麵粗麵所以直接跳過，但米線我落親單叫爽身都係彈牙爽口，仲要係食咁耐浸咗咁耐湯都唔會浸到淋曬。呢間舖嘅白蘿蔔，我唔夠膽講佢係最好食，始終有未食過，佢嘅蘿蔔浸到透紅個心都甜嘅我真係好少食到。佢嘅辣汁亦係佢嘅招牌嚟。炸魚皮來貨至上碟亦不斷改進，由我讀中學時鋪喺面，仲要有骨到到我出嚟社會見佢分開上，今時今日仲會入埋袋另上。唔算得上係啲咩，係一份情懷。呢間車仔麵嘅餸，廿年如一日。佢嘅炸豬扒炸蝦條炸腐皮卷炸龍蝦丸，全部都係落單再另外炸，所以次次出真嚟都係啱啱炸起。而家仲有幾多間車仔麪肯咁樣同你玩。畀呢間車仔麪like就一定係有童年回憶加成，但至少我搬咗去唔同地方，睇咗咁多片推介唔同嘅車仔麪舖，試過咁多間車仔麪，我仲未食得返呢間車仔麪嘅味道。有時好期待呢一間車仔麪可以加多啲唔同嘅餸，但做多一樣就煩一樣，唔係下下有新嘢就叫做好。中學時代，因為附近幾間學校差唔多時間一齊放lunch，每日呢間車仔麪都會喺路中間開枱，幾間學校會堆埋一齊食，有啲學生為咗唔想熱辣辣坐喺度，又或者唔想等位就情願買返學校。由廿幾年前食個三餸麵都只係廿蚊，見證住今時今日百物騰貴要$10一個餸。細個食親都要食五餸要$30到而家出嚟做嘢人貪心少少食到$80。以一個車仔麵嚟講絕對唔係抵食類，但以味道同埋情埋嚟講至少我覺得值。相比其他求其塞落肚嘅車仔麪，我情願畀貴少少。…查看更多

今日一個腳踏入呢間無華麗裝潢嘅小店，香氣撲鼻，即刻食指大動啦🍜！一試佢哋嘅招牌牛腩麵，牛腩嘟嘟哋，入口即溶，肉質嫩滑到一個不得了，而且汁都完美地滲透晒入肉裏面，味道鮮美得嚟唔過重唔過膩。麵條爽口彈牙，與湯底結合得夠好，個湯頭辣中帶鮮，一啖啖都令人回味無窮。再啱啱好，見到隔籬檯架上新鮮出爐嘅脆皮豬大腸🥢，我知道非試不可！炸到金黃鬆脆，外皮爽脆得嚟唔油膩，一咬落去，脆卜卜嘅聲音喺口腔迴盪，大腸本身嘅鮮味同埋燒汁完美結合，喺味蕾上肆意舞動。客人嚟嚟去去，絲毫不減，但大家排隊嘅秩序井然，大家都明白等待背後嘅美味值得。嚟到呢度，你唔需要好多花哨嘅語言，只需要真實嘅味覺體驗。食一次，肯定令你念念不忘。大家有機會經過，真係要試吓，唔駛諗，直接入去排隊就得啦！👍…查看更多

行過小西灣唔少次，終於有機會撲下呢間人氣車仔麵。地方雖細，但依家啲椅仔坐落嚟，感覺就好有人情味。選咗普通公仔麵，加咗牛肉同炸魚皮卷，簡單得嚟滋味層次好豐富。嗰牛肉，腍得嚟又唔會爛，啖啖肉嚼落去好過癮。至於炸魚皮卷啊，外脆內滑，鮮味就喺嗰脆嘅表皮底下爆發出嚟，咬落去聲音大過話嘢，正！湯底我就揀咗好多人讚嘅沙嗲，味道好足，微辣帶咗啖啖花生香，融入麵入面，真係化晒。🥢 最正嘅係，成碗麵食落去，個胃暖笠笠，但唔會覺得有負擔。唔少得話起，佢哋個自調沙嗲辣醬，簡直為呢碗平民美食攞到加分，想辣就辣到出晒眉，想慢火嘅，少少醬料就哂晒。🌶試過之後，無怪乎呢度會點都人流唔斷，佢嘅車仔麵真係有種古早味，但又清新到可以成就平民美食界嘅小確幸。下次路過，我一定會再撲一次，而且要試多啲配料，感受下不同嘅麵食樂趣。😋…查看更多

放學返到屋企想平平哋食一餐🙈自己一個人唔想堂食🤤所以外賣拎返屋企🏠今次揀咗兩餸車仔麵🤩兩餸油麵底 叫咗紅腸同雞翼😋油面質地唔算好彈牙🧐一咬就好易斷開🤣湯底可以再濃味少少🤏🏻令油面索多啲湯底😆就咁食有少少似麵還麵 湯還湯🥺不過值得一讚係佢嘅雞翼好入味🥰肉質唔算嫩滑 但係好淋 唔會好霉👍🏻紅腸就正常發揮😽同平時出邊普通燒味舖差唔多😎整體來講係不過不失🥳但以咁嘅價錢嚟講絕對抵到爛🤪…查看更多

超過10年冇食 今日經開柴灣拎嘢專登坐小巴過嚟小西灣買碗車仔麵返屋企 辣汁依然係精粹老闆同員工都好好 同老闆傾開計 原來已經開咗25年 大大碗 今次叫咗雞翼尖 豬扒 蝦卷 正 👍👍保持到10年前嘅水準 老闆 我留左言喇 😂 呢個就係10年後既意見😂蔥同辣椒都係我屋企自己加既😂😂 成碗嘢更加好味👍👍加油老細 下次再嚟幫襯…查看更多

星期三的中午身處小西灣, 本想再嚐日常小館作我的Working Lunch, 但去到才發現它星期三休息, 唯有在附近找家小店, 見到這間車仔麵店有大量學生光顧, 便進去一探究竟, 還以為要等很久, 原來他們全都是等外賣, 所以很快就能就座, 指定六餸車仔麵也只是$39, 以今時今日的午餐而言已經算是相當抵食, 四餸麵不用$30, 這也許就是吸引到大量學生光顧的理由, 想起當年讀書的時候, $20 就能吃到一碗豐富的車仔麵, 還是那一句, 真的是時光飛逝啊!這裡的食材用料不算特別, 但仍然吃得出其用心, 像是炸春卷的外脆內軟, 沒油膱味及在浸湯之前外表去油的功夫. 另外水魷的入味和口感爽彈, 還有豬大腸的乾淨與內裡之脂層豐富, 如此價錢付出心機真不少. 辣醬有炒香的香味, 辣度正常, 這些元素加起來, 就成了簡單直接但不會令人失望, 相當抵食的車仔麵.…查看更多

由細到大都喺附近讀書，到左中學先發現佢既存在。仲記得個陣有個師姐食緊車仔面，望住佢食得咁滋味就忍唔住去問左佢喺邊度買，然後就發堀左呢間車仔檔。 我屋企以前都開過車仔面鋪，但自從冇再做之後，我已經冇再食過啱自己口味既車仔面。但呢間食完就愛上再，尤其係佢既辣汁，好惹味，不過都有幾多味精下，但佢勝左平同埋大大份，有時間唔中我胃口大左啲啲我都食到好飽 我都幾鍾意佢既咖喱魚蛋同埋齋，齋索左湯好惹味好好食。中學時期到宜家最愛既組合就係齋 魚蛋同埋生菜，但三餸加野飲都係四十有找，好親民。雖然地方好狹窄同埋冇裝修，但比起連鎖車仔面店更有人情味，同有我既回憶，所以加左分…查看更多

係小西灣呢區，宏德車仔麵係出名既小店。我基本上一個星期都要食一次。不過由於舖頭比較細，多數係外賣為主。我最欣賞係佢既蘿白，豬紅，同埋炸春卷。佢既蘿白永遠都係清甜無渣；豬紅有彈性但唔會太堅挺，唔會係雞紅假扮；炸物更加係即叫即炸，香脆又美味。而最突出係佢既特製辣醬，唔辣但有種說不出既香味，係會令人回味。…查看更多

我食過呢度嘅車仔麵幾次啦，我較為鍾意食嘅餸菜，就係豬扒，肥牛啦，噉佢個豬扒係炸嘅，所以都幾香口嘅，另外仲有炸魚皮都可以，噉價錢就唔算貴，都係30元左右，噉我間唔中都會嚟食嘅…查看更多

幫襯佐最少17年,到依家仍然堅持幫襯!獨有味道,老闆既用心經營,佢地秘製既辣,更加係成碗麵既靈魂!希望老闆繼續給大家簡單的快樂!每次幫襯都要食到佢地既豬紅, 同豬皮,佢地既魷魚都相當出色,由細細個返學到依家出黎做野, 每個月都會相約朋友返黎幫襯,味道10年如一, 一直都保持住,重要既係, 有時介紹唔同既朋友黎食,個個都話係好既推介,車仔麵既材料簡單,但係能這樣出色同堅持係一份心,成日同朋友每人叫不同的"料", 咁就大家都可以食到更多款色!…查看更多

細細個己幫襯的車仔麵店味道二十年如一最近開了新帳號才有機會寫一下食評畢竟食了10多年了所有餸菜全部都試過你問我有邊幾樣野好食就在這裏推介一下吧必食推介：1.)咖哩魷魚咖哩魷魚用上發水魷魚老闆在煮前已經將魷魚鬚的吸盤清理吃得出心機 而且味道也不差吃不到那浸水味2.)炸物(龍蝦丸，腐皮卷，蝦條，豬扒)抵食之選 而且全部都即來即炸再上枱熱辣辣 脆卜卜3.)豬紅，豬皮，魚蛋，牛腩，韮菜花個人比較中意以上推介食品唔似出面車仔麵咁濃味一堆結撻撻嘅汁清清地幾好唔會破壞本身車仔檔個味道還有兩個人去食 可以加個炸魚皮放進湯裏十來廿秒 很過癮如果係熟客 可以在落單前叫他加腩汁添店舖缺點不是沒有的1.)堂食位置太少 得七個位 2.)店舖休息沒指定時間 去前最好打個電話吧3.)從以前3元.4元的餸菜 現在已加到8元4.)出名湯底重味精 食完會口渴…查看更多

細細個住喺東區嘅小妹，呢幾年由東區搬到東涌咁遠加上工作都係喺新界區，完全好小機會返到黎小西灣今次襯放假，決定返黎小西灣自己行下，順便食返小妹咁多年黎最中意嘅宏德車仔麵宏德車仔麵喺小西灣邨對面，好多巴士同埋小巴都會喺店前面落車，所以好容易就會搵到加上等外賣嘅人喺非常之多，不過店員嘅速度好快，所以等一陣就可以拎走返屋企食！而小妹住咁遠，當然要堂食啦！店舖唔大，最多可以容納10個人內，好彩果日堂食唔太多人餸方面選擇好多，除咗有一般大眾嘅餸之外，而且仲有炸蝦條蝦、整塊炸豬扒、炸腐皮卷等等，重點喺價錢一啲都唔貴而今次就簡返我最愛嘅組合（雖然我好中意呢到嘅炸豬扒但太飽啦！）蘿白肥牛蟹柳烏冬加辣醬（烏冬唔洗加錢），都只係$31先講辣醬，辣醬係呢到嘅精華，佢地嘅辣醬唔會好辣，但會食到上癮，令到你連個湯都想飲晒佢而麵底就岩一個女仔嘅份量黎，男仔嘅話可能要加底食物方面因爲小妹今次叫平時一般車仔麵嘅餸，要值得一提嘅喺餸嘅份量好多好足，包你食到飽…查看更多

呢到係我近半年有多都冇去食過，但味道此中都冇咩改變既。照舊土尤魚都係非常入味同出色，十分之有咬口同有ㄧ陣好香既尤魚味。可以話係呢間店舖既鎮店之補。咖啡魚蛋:都係呢間店舖既代表作，香濃既咖啡味入到魚蛋既心裡面做到爽囗彈牙既效果。個辣醬都幾香濃幾好食，我幾鍾意!下次都會再去食既!:):):):):)…查看更多