安利魚蛋粉麵

營業中

休息中

由細到大，都不知道食咗幾多次安利魚蛋粉啦！自從結婚搬咗出去之後，偶然返自己屋企，都總會抽時間買一碗切腩魚片河、炸魚皮，自己嘆一嘆！雖然啲人話以前好食啲（其實我都覺），但就算以依家嘅標準來講，安利嘅切腩係好香、好腍，魚片又真係好彈牙好好味，加埋個好熟悉嘅湯底味道，簡直係食緊回憶。最後人大咗先發現：炸魚皮唔係度度都整得咁好食。安利係整得正！難怪永遠咁多人排隊....

This place has been around since 1966 and you'll still see the long queues during lunch and dinner hours so you can't really go wrong with it.  I've been here multiple times and fortunately have never experienced the poor services like some have pointed out.  Food here in general is above average.  Had the sliced beef brisket with fish cakes noodle, where the brisket was chewy and fish cakes were fresh.  The 4-item noodle was a hearty choice where you get wonton, fish cake, beef balls, fish ball

借用劉德華的名言：「今時今日呢啲服務態度真係唔得😱😱！」回家才看先前的食評，見到已經有兩個食客說他們的服務和食物差，早知就唔去，慳返286元。今天一行四人早上10點左右到達，一個身形肥大的伙計下單，我們這樣叫：「片頭切腩撈粗三碗，一碗要爽腩」，那個伙計喝令：「你唔係咁叫，應該兩碗片頭切腩撈粗，一碗片頭爽腩撈粗。」我們其中一個是小孩，揭了兩次辣椒醬的蓋，伙計立刻罵小孩：「這個是食的不是玩的。」我們目瞪口呆。我們心想食好嘢就要忍下服務態度，就好似上環那間九記一樣，服務態度也是不好但大把人去。但不幸地，食物質素簡直不是人吃的☹️☹️，撈粗超硬又乾，片頭又乾和牛腩沒有牛腩味，西多士只是將厚切麵包炸一炸，簡直連普通西多士也不如，完全不合格，難明為什麼那麼多人慕名去試。茶走似飲糖水一樣，超甜😩😩下次不會再去，希望食客哥哥姐姐帶眼識食，唔好人云亦云，有時啲電視節目是俾錢做show，唔好跟住去😏😏

今早一家三口在疫情下期待已久外出用膳，花費超過$200，結果換來一肚氣！只怪我們選錯了這間店！食物方面- 切腩簿如魚皮、片頭米粉淡而無味只一口腥味；最重要一點是由攞位、到嗌食物、到結帳，職員語氣態度非常差，例如：走到水吧只想攞一張紙巾，職員居然大聲呼喝，「你想攞咩呀？」到俾錢時，我只不過唔知道要付多少錢，櫃檯職員居然一聲不發，大力把單據放在櫃檯上！

東大街真係一個充滿美食ge地方每次黎開呢頭 都會食雞蛋仔同埋呢個邪惡美食!!!!!鮮油奶多 ($16)烘過既多士夾住一大塊開始溶既牛油再加埋香甜幼滑煉奶真係睇見都流口水多士咬落外脆內軟一人嗌一碟先夠喉絕對係邪惡必食之選安利魚蛋粉麵 On Lee Noodle 筲箕灣東大街22號

極級差的服務態度 因為這樣我以後都不會幫襯 我對這間餐廳非常失望 完全不是香港人的餐廳 香港人的服務態度不是這樣的 我是很喜歡吃他們家的 他們家的辣椒油是非常好吃 但是我叫外賣是 問他們攞三個辣椒油他們不給 而且還跟我說不可以 跟我說加錢也不可以 就是不可以 如果係咁不如關門 做咩生意？ 我要求同老闆說 他說這是老闆規定的一個麵可以食一個辣椒油 如果係咁我祝佢老闆自己食啲辣椒油啦 咁矜貴 一個消費者有啲乜嘢係俾錢都唔食得嘅 總研言之 非常差 極級差 永遠不會幫襯 唔可以助長他們的惡勢力

食咗有十年八年，近兩年份量越來越少，坑腩大失水準，冇哂牛脂肪，切到手指尾咁幼，冇晒咬口，祇係片頭保持咁爽，失望！去街頭街尾牛什舖反而仲有口感。而家食一次起碼都七八十蚊，冇乜機會再去了

安利魚蛋粉麵疫情持續每台限制2人原本大排長龍嘅安利比平時更瘋狂更多人不過外賣比堂食較早前多要食好嘢就要比耐性等下喇-******************************-🔅鮮油奶多厚多士外脆內軟配以新鮮牛油同煉奶口感豐富-🔅切腩魚片撈粗撈麵爽口彈牙醬汁非常入味腩肉夠腍唔靭必食推介-🔅腍腩撈粗切腩及腍腩部位不同不過各有千秋肉質唔靭夠腍真係一試難忘-🔅切腩湯河湯底出色清甜又唔會太咸腩肉浸在湯裏又有另一番風味-******************************-安利魚蛋粉麵 (筲箕灣)筲箕灣筲箕灣東大街22號

要黎筲箕灣買嘢，一心黎食安利，因為成日都聽到佢個名，住九龍嘅我第一次黎食。坐底叫左個切腩片頭撈粗加多個凍檸茶走甜，食左一啖麵都幾大陣鹼水味，忍唔住加左一大匙辣椒醬落去，如果唔係我應該繼續唔到。牛腩無想像中咁柴都算唔錯，片頭彈牙，辣椒醬野味。凍檸茶 22蚊一杯就豐儉由人啦。

定時都去開親戚東大街屋企, 每次經過都見排哂隊! (其實成條東大街都好多人)今次未食lunch, 就諗住叫個河食一食。叫左個切腩魚片河 &炸魚皮, 非常正! 切腩好好味 (反而魚片一般), 炸魚皮係無得彈! 雖然感覺有d貴, 但難得食到, 都叫試下啦! 

今日去筲箕灣，順便去東大街搵食，聽講安利好出名，就去試下。真係唔好對所謂著名食店有太大期望，叫左個湯腩河，黎到夾起就知咩事，河粉碎既，一入口唔滑，個人覺得潮式粉麵最基本就係湯河粉要爽滑，但佢做唔到至於湯牛腩，未食眼望已經見到好柴，食落就更加唔洗講。唔落辣椒油，碗粉真係唔好食。不過佢既連辣椒油都無咩香味。下次唔會信個d著名食店報導了。

其實筲箕灣有兩間安利的原因是什麼? 我自己也不太清楚, 不過自我第一次吃安利的時候, 兩者已經存在. 我自己比較多吃魚蛋粉麵的那一家, 老實說她的魚蛋並不是驚為天人, 最多就是比其他吃的魚味多一點, 還有預先炸過, 希望做到外脆內裡彈牙的口感, 也因如此它的外皮就有點皺, 賣相不太好看. 至於魚片頭口感也只像炸過的片切魚蛋, 而不是傳統炸魚條即頭尾端, 感覺就是不過矣矣. 反而切腩和西多士比魚蛋吸引, 前者雖然脂肪不多, 但肉質依然保持軟實相連, 牛味豐富, 上面帶彈牙的筋膜應該取自近爽腩旳位置. 至於西多士外面炸粉分量剛剛好, 內裏比較實心, 沒有油膉味就是最基本的合格條件.

假日黎到安利，離遠就已經見到門口企左好多人了。排隊拎飛，拎飛嘅時候，職員就同我哋講要等半個鐘。睇嚟真係好受歡迎呀夏日炎炎，喺出邊等咗咁耐真係流哂汗😂梗係要叫番杯凍飲喇。涷奶茶滑又唔淡口，好飲切腩魚片撈粗呢個係撈河粉嚟，跟埋下邊嗰湯一齊上，河粉個醬油有啲鹹，食頭幾啖都覺得冇乜嘢，但係越食越鹹咁，食食吓會好似有種苦苦地嘅味。跟住我就將啲河粉浸左落碗湯度，想洗一洗啲鹹味浸完先食好左少少，可能我係食得太清淡的人，啱食湯粉多啲。牛腩嘅味道唔濃，冇乜肥肉，煮得剛好，食落質感較軟，易咬。魚片正正常常，彈牙冇腥味魚蛋魚片河不錯，都係出面食到嘅魚蛋魚片河味，河粉都算多，食得飽奶油多呢個一定要趁熱食，麵包烘得脆，牛油夠厚身，食落好似食雪糕嘅感覺，再加埋煉奶一齊食，夠甜。真係一定要試

聽講筲箕灣呢間安利魚蛋粉麵每次去到都係咁大爆排晒長龍今日12點去到都已經見到門口水洩不通明明成條街都唔算好繁忙好多人但偏偏佢間餐廳就係咁引人注目事關太多人喺門口度等位啦 都有晒心理準備要等一段時間㗎啦大概等於20張枱多啲 等位嘅時候唯有睇吓陣間食咩先啦等咗八個字到先入到座～一入座冷氣超級凍～中間有塊板格住。喺疫情期間都叫做安心坐 4-5人我哋兩個人叫咗兩碗切片牛腩河 $48 x2生菜$24鮮奶油多x2 $16/份一杯凍檸茶$22呢度已經差唔多$180好啦最快嚟到嘅係鮮奶油多多士烘得好香脆 烚如其分鮮奶油亦都好香之後生菜🥬用碗上 感覺麻麻地🤔🤔勁多水終於主角嚟到喇碗雙拼河望落去正常份量即刻飲一啖湯底先店員聲稱已經加咗牛腩汁不過食落唔算太濃郁 於是自己加咗少少調味料魚片薄切都幾有魚蛋香牛腩就普普通通啦偏瘦 唔算好稔飲啖凍檸茶亦都同出邊冇大分別但就要收正價22杯我哋一致都覺得鮮奶油多算係比較出色其他食品都變得非常普通如果單純再過嚟排咁耐隊食個鮮奶油多就未必會啦 食完一次試過都夠提提大家呢間舖頭係開九點至七點逢星期四放假買單後依然好多人排緊隊～～唔知係附近嘅街坊定好多慕名而來嘅人士呢 ᗩᑎY

筲箕灣東大街的安利魚蛋粉麵店 馳名已久，終於可以去到一嘗，果然名不虛傳。我與太太都要了牛坑腩及 魚片頭河粉，我們加了店內秘製的辣椒油，可能刺激了味蕾， 牛坑腩的牛味與及魚片頭的魚味，充滿了口腔 ，牛坑腩濃香軟腍， 魚肉甜香美味， 聽店來的人與顧客的說話中， 好似魚肉是用九棍魚製成，曾經看電視介紹此店的第二代傳人，凌晨一早便要製作魚片，魚片頭的外層，炸得甘脆香口， 說來奇怪 ，河粉特別軟滑有口感，所以這碗粉可以說是一生以來最好吃的 。