子鴨留香

💁‍♀️荃灣片皮鴨之前去食過一次，想再食💁‍♀️呢間子鴨留香，睇名就知片皮鴨就係佢哋嘅主打菜式😊想係香港食價錢相宜嘅片皮鴨，我通常都會介紹呢間 ，佢星期一至四有個烤鴨孖寶仲抵食❣️我星期五晚去。 。 。完全的錯過了孖寶優惠🥲叫咗半隻留香烤鴨一食、紅油抄手、醉雞、蔥油餅同豆沙窩餅。醉雞嘅份量夠多好抵食，如果唔係食得好勁酒味，但又想食醉雞嘅朋友呢個餸會啱，因為佢酒味唔太濃 。紅油抄手少少辣得嚟又帶點甜味，唔會搶咗個肉餡嘅味道，我個人嚟講幾鍾意食❣️蔥油餅煎得夠香👍有濃濃嘅蔥味帶出，咬落去個餡好多蔥 。留香烤鴨佢有得揀皮肉分開或者皮肉連埋，我揀咗皮肉連埋，烤鴨肥瘦均勻，包住烤鴨嘅皮都俾得足夠👍豆沙鍋餅嘅紅豆蓉餡唔會好甜，成個甜品都唔會煎到好油。Joyfoodstop心動值: 💓💓💓/5子鴨留香(香港)地址: 香港荃灣楊屋道1號荃新天地地下G48, G50, G52, G56, G58 & G77號舖電話: +852 91982119

食晚飯侍應介紹citi bank找數，前菜買一送一，找數後發現照計一碟前菜，於是同埋單個阿姐講，佢仲用怪斥嘅語氣同我講話你用邊張咭我唔會理，你要同我講! 嘩！可以將啲責任俾返個客，對唔住囉！態度又衰野食又係普通野！應該唔憂做。唔會有下次

晚餐用膳，限時9o分鐘，早左1O分鐘入，提早計時，未夠9o分鐘便吹叫甜品，好像叫你last order 咁，夠鐘前l5分鐘要你埋單，之後見你未起身，竟然開口叫客起身走，真的十分冇禮貌，嚴格來說，用入坐時間計，亦未足9o分鐘便開聲叫客走，我未試過會咁樣被趕走，很不愉快，食物平平，咁嘅服務，冇下次，差!

今日同屋企人嚟荃灣辦年貨，見到個名幾吸引同裝修都幾靚，所以入嚟試下！◇蟹籽蝦仁蛋白炒飯得幾隻急凍蝦仁仔，蝦仁得好少好梅同好細隻，蝦仁應該係主角，都唔洗慳皮成咁，得大大碟蟹籽蛋白炒飯～◇三鮮炒年糕有菜、有菇、有豆腐乾、蝦毛仔、火腿……咁三鮮係指咩呢？好彩年糕都有浸軟唔算好硬，不過又係清淡得好可憐～◇上海雲吞湯面唔知係無雲吞定麵，等左好耐好耐好耐……成半個鐘都有前兩碟都食晒先嚟，侍應又冇交代一聲～雲吞皮好厚，無乜餡料，個麵是好普通的乾麵～◇小食：雞絲粉皮、鍋貼、小籠包三款小食叫正常小小，全部嘢食味道係偏淡，咁嘅食物質素和水準真係都幾難有下次～

近日發現老公都幾鍾意食上海野。明明上周才食咗鱔糊，今天又話再食。於是再光顧呢間，有好多款午市客飯套餐選擇，各套餐配白飯一碗，酸辣湯或瑤柱粟米羹一碗，價格由$68至$78不等，升級加$5可轉鹹肉菜飯，加$18可配水晶餚肉、手帕青瓜、四起烤麩、蔥油海蜇或藤椒魚皮。🌸 金銀炒鱔糊$78味道都OK，鱔亦新鮮，鱔糊份量不是很多🌸松子青檸骨$68好味，好開胃，排骨不是很多肉那款，炸得脆脆的🌸 瑤柱粟米羹好唔掂，沒有瑤柱，杰撻撻，酸辣湯好飲好多。飯店不是太多人，但落單後等了超過20分鐘才上菜，效率較低。

我們於13/1（一）約下午兩點十五分左右到達餐廳，人流不多，侍應帶我們到卡位坐，非常舒服。下午茶餐六十多至七十多，已包主菜，點心，仲有飲品，非常抵食。我們亦額外加了甜品。①主菜（$65/1）：❶咸肉煨麵：有咸肉，已經切了的小棠菜粒🥬，菇🍄，面🍜的份量幾多，熱湯幾好飲❷燻魚湯麵：清湯配素面，再加上5塊燻魚，搭配得宜②點心❶鮮肉鍋貼（2隻）：鍋貼🥟包得好靚，有好多摺，最後先上，但又不算十分熱❷上海小籠包（2隻）：侍應不會打開點心籠，所以我們吃的時候還是暖暖的。③飲品❶陳皮羅漢果水：能喝到少少苦❷低糖豆漿④甜品（$38）金栗海底椰露：栗子🌰幾多，一喝已經有椰子味🥥，加上海底椰，簡單絕配埋單加一，但以下午茶價錢吃到上等水準的中菜，又坐得舒服，非常值得

最近我去咗子鴨留香，呢間餐廳專注於地道上海美食，環境舒適，真係好適合同朋友聚餐🍽️💫 我哋點咗幾樣招牌菜，包括留香烤鴨、上海小籠包、鮮肉鍋貼等，味道都好正，特別係佢哋嘅烤鴨，外脆內嫩，令人一試成主顧😍💫留香烤鴨 $298呢個烤鴨真係一絕！皮薄肉嫩，搭配甜醬同薄餅，咬落去口感層次分明，真係好滿足😋 每一口都充滿濃郁的香氣，簡直係必點之選！💫上海小籠包（3隻）$42小籠包皮薄餡靚，湯汁豐富，一咬就噴汁，鮮肉味道極為鮮美🦠 這款小籠包絕對值得一試，配上生薑絲更添風味！💫鮮肉鍋貼（3隻）$48鍋貼外脆內軟，每一口都帶有肉香味，搭配醬油更添風味👌🏻 這個小食真係好適合配埋啲飲品，一邊聊天一邊享受！💫香蕉高力豆沙 $38呢個甜品真係驚喜！外脆內軟，加上豆沙的甜味，簡直完美😋 甜而不膩，食完令人心情大好！🎶🎶🎶Experience the authentic flavors of Shanghai at 子鴨留香, where every dish tells a story of culinary tradition. From the crispy roasted duck to the juic

子鴨留香荃灣楊屋道1號荃新天地G48，G50，G52，G56，G58＆G77號舖外賣孖寶烤鴨（全隻）$398，有糖醋排骨+留香烤鴨；2份招牌生煎包（3隻）（每份特價$54）$108。糖醋排骨賣相吸引，好快清碟；留香烤鴨的鴨肉切薄片，粉皮包著鴨肉+青瓜絲+山楂條+京葱絲+牛油果醬，好味！招牌生煎包好食，包皮軟熟，餡料好味！

今天老公開會開到1:45才放飯，記得呢間有下午茶，是由2點鐘開始，時間剛好，就來試吓。細看之下，下午茶的價格與午市套餐的價格差不多，都是$60至$80左右，午市是客飯套餐，鳳梨魚塊、紅燒牛腩蘿蔔、四川口水雞、炒鱔糊等等，包白飯及湯一碗，湯可選酸辣湯或瑤柱粟米羹；下午茶套餐是炒麵、炒飯及湯麵類，另配自選點心一款：杞子桂花糕、上海小籠包、鮮肉鍋貼、炸饅頭、紅油抄手（全部都是兩件），包飲品一杯：雞骨草紅棗茶或陳皮羅漢果水或豆漿。🌻韭黃肉絲炒拉麵$68另加$12可配冷盤一款：手帕小黃瓜、水晶餚肉、四起烤麩、雞絲粉皮及藤椒魚皮。我們選了餚肉，只有三小件，味道標準。肉絲炒拉麵幾好吃，不錯！🌻 陳皮羅漢果水：好香陳皮味，不過唔知落咗啲咩，搞到杯茶太甜了。

已經試過呢間食店好幾次，每次都會點未試的菜式。午餐套餐價錢合理，但水準很好，份量多。而且餸菜都是熱騰騰上到桌上。每次點的餸都好味道，份量足，用料夠。過往曾試過片皮鴨， 松子炒鴨鬆， 酸辣湯， 酸菜魚，清炒河蝦， 炒鱔糊，炒萵筍， 燒茄子， 砂鍋雲吞雞，生煎包， 上海粗炒， 擔擔麵， 嫩雞煨麵， 鹹肉湯年糕， 豆沙鍋餅。樣樣都好食！假日晚上6點到，就不用等位。店員服務也不錯。 晚市好像沒有限時，店內都有大圓枱、卡位、及細枱。

🥢留香烤鴨（半隻）🦆$2️⃣9️⃣8️⃣揀咗傳統片法，皮肉相連，味道幾好有炭燒香味配料有青瓜絲、大蔥絲、山楂條、牛油果醬都幾特別🥢松子糖醋鮭魚🐟（半條）$1️⃣7️⃣8️⃣條魚炸得香脆，但係個糖醋汁偏酸🥢 淮揚五福拼盤$1️⃣4️⃣8️⃣四喜烤麩、青瓜🥒、海蜇、燻魚、肴肉，味道不錯🥢酸辣湯（例牌）🥣$1️⃣2️⃣8️⃣味道偏酸，勁多筍絲，冇乜木耳絲同豆腐絲🥢竹笙奶油扒津白🥬$1️⃣2️⃣8️⃣奶油醬汁好滑，津白夠淋🥢小籠包（三隻）$1️⃣8️⃣湯汁係有，但一夾就穿😢酸辣湯同松子，魚味道偏酸茶位$10/位生日切餅費$10/位酸菜$15是晚消費$1️⃣0️⃣7️⃣0️⃣（已加一）人均消費$357

没想到就在荃湾也能吃到！还有我心心念念的松子鱼💕他们家松子鱼是那种甜酸口感酸的口感酸味大过甜味（这样适合更多人的口感真的是给我味蕾上惊艳到而且他们里面有松子和番茄洋葱也会在里面，不是单给一条鱼🥢他们家的环境也很好，以褐色为主的中国风装修你可以自提也可以堂食其实我后来又再去一次买了一个汤回来（大约是300港币左右他们家的汤还真挺鲜的人多的话，可能要在外面排一下队，但是也是挺快的，我排了大概20分钟就进去了

約咗與好友去荃灣食飯，行到荃新天地經過呢間舖見裝修幾靚，即管試吓。平日七點幾到，好彩唔使等位。入到裏面原來都幾大，雖然有好多張枱，但係都好寬敞舒適。雖然唔係全場爆滿，不過以平日嚟講坐到七八成都算係唔錯，環境又唔會咁嘈，啱晒我哋，方便傾偈。整體侍應都有禮貌，中途又會主動換碟，感覺良好。本來想試吓佢嘅片皮鴨同埋醉乳鴿，不過人少少，只可以點一啲簡單菜式。點知食落有驚喜，食得出每道菜都有佢嘅心思。下次要約定一大班人，人多啲，再試多啲唔同菜式。

無意間發現一個下午茶好去處，就是這間子鴨留香啦！👍一開始只是試試的心態，沒想到居然有驚喜，今次帶埋朋友來試，都讚味道鮮味，環境舒適份量也十足，值得下次再幫親的.

一家四口去食，早已訂位，但要同walkin客排同一條隊等入，令人感覺同無訂位無分別，限時90分鐘，張枱又細，食物未趕得切食就係咁上菜，張枱都擺唔哂，攪到要拿拿臨食騰出空位擺，唔可以舒舒服服慢慢食，餸都未食完，就上埋甜品，個女侍應竟然話：（慢慢食），請問可以點慢？，未夠鐘就叫你埋單。總結：全餐飯嘅感覺就係佢地拿拿臨上哂d菜，張枱擺唔落就唔該你地食快啲，食完好拿拿埋單，趕頭趕命咁已經唔覺得食物質素有幾好，到我望一望門口，明哂，係要趕住做第二批客，唔會有下次，諗住開開心心帶兩老去食晚飯，結果令家人失望😮‍💨