媽咪雞蛋仔 (花園街)

一向都好鍾意食佢既雞蛋仔，最近見倒佢新出左開心果醬格仔餅即刻衝去試！開心果醬格仔餅｜格仔餅外脆內軟帶小小煙韌，口感十足👍🏻啲醬好似唔洗錢咁😂由第一啖食到落尾，每啖都食到滿滿既開心果醬！開心果醬係super super濃郁，睇得出好濃稠，好足料，仲有超多開心果粒😍開心果迷一定會食上癮🥰蜜桃果茶｜第一次喺到飲野，原來又唔錯喎，拍得住其他台式飲品店。茶味同果香平衡得岩岩好👍🏻下次要試埋個芝麻湯圓雞蛋仔😍…查看更多

📍媽咪雞蛋仔 (旺角)旺角花園街7號地下7C及7D號舖🍵 抹茶牛乳豆花呢個豆花真係滑到好似啫喱咁，入口即溶，抹茶味唔會太濃，啱啱好咁滲出嚟，配埋牛奶就有種溫柔嘅甜香，好治癒。🟩 開心果格仔餅格仔餅焗得夠香脆，咬落去仲有啲煙韌感，開心果碎鋪得夠厚，食落有啲鹹香又唔會搶味，啱晒鍾意堅果嘅人。勁正！回頭:Yesyesyes!!!!#媽咪雞蛋仔 #mammypancakehk #雞蛋仔 #米芝蓮#香港小食 #街頭小食 #格仔餅…查看更多

外國表妹趁假期過左黎HK玩幾日, 同佢行完波鞋街shopping 就帶左佢黎媽咪雞蛋仔試下香港街頭小食, 咁啱出左個中秋限定開心果格仔餅, 好吸引, 諗都唔使諗, 揀左呢款試下, 加多杯特濃朱古力沙冰, 同表妹2份share. 格仔餅即叫即整, 熱辣辣交到我地手上, 大大件好有份量, 搽滿咗香滑嘅開心果醬 🟢, 仲有大量粒粒開心果碎 🌰, 咬落去脆卜卜, 口感豐富, 好有層次感 ✨唔係齋甜, 係有堅果香, 有誠意, 有驚喜 🎉再嚟杯特濃朱古力沙冰 🍫🧊，朱古力味濃到爆 💥，冰冰凍凍咁飲落去好爽 😍 同格仔餅一齊食, 簡直係邪惡combo ⚡！甜香交錯, 食完真係飽到唔使食晚餐, 甜品控表示超滿意！📍 媽咪雞蛋仔 (花園街)旺角花園街7號地下7C及7D號舖#媽咪雞蛋仔 #mammypancakehk #雞蛋仔 #米芝蓮#香港小食 #街頭小食 #格仔餅 #開心果 #nuts #沙冰 #朱古力…查看更多

媽咪雞蛋仔 今日晏晝突然好想食啲甜嘢醒醒神，走咗去呢間「媽咪雞蛋仔」買咗個咖啡朱古力雞蛋仔一打開個袋，已經聞到好香濃嘅咖啡味，仲有啲朱古力香滲出嚟，佢啲雞蛋仔整得外皮脆卜卜，入面就保持到軟熟，咖啡同朱古力嘅比例調得幾好，咖啡味唔會太苦，朱古力又唔會太甜，兩樣夾埋一啲都唔漏，食完成個都覺得好滿足，唔會好似有啲舖頭咁食完成口油或者甜到齁。$36一個，份量都夠一個人食到飽飽。總括來講，呢個咖啡朱古力雞蛋仔絕對有驚喜！下次經過一定會再幫襯，如果你都鍾意食雞蛋仔，呢間絕對值得一試！外脆內軟，咖啡朱古力味夾到絕，好食…查看更多

食過咁多間雞蛋仔始終都係覺得呢間最好味真係特別香脆最近見到旺角開咗新分店購買嘅食客源源不絕🏮中秋節快到．仲推出咗新口味今次試下格仔餅．一樣好有水準店員即叫即製．熱辣辣✨開心果格仔餅開心果係近年大熱口味鬆軟嘅格仔餅．滲出陣陣蛋香裡面添上厚厚開心果醬 同 開心果碎拎上手好有份量味道唔會太甜．仲好有飽肚感✨奶茶豆花奶茶香濃順滑．奶同茶比例恰好加入滑溜溜嘅豆花令口感更豐富以後去旺角行街．茶飲同小食又多個選擇啦…查看更多