媽咪雞蛋仔

本人於2025年11月30日晚上8:00左右買了一客夾餅，等左好耐不特止，買左返屋企打開才知道燶曬。我拎住好重嘢，諗住買返屋企食，冇即時打開，如果即開就一定會馬上叫佢換。個店員係一個戴黑色框眼鏡，扎馬尾嘅中年女人。佢擺明冇計好時間，整耐左照比個我。真係有冇搞錯，你整衰咗最多咪同個客講返，要等耐少少再整，都唔好將個燶嘅俾人食呀嘛。職員操守差！質素控制也不好！老闆見到的話，叫你d員工留意下啦！食個夾餅都一肚氣，又冇得算帳，擺上來你地自己看吧！…查看更多

專程試吓佢哋標榜「新鮮即製」的雞蛋仔，心諗應該會係一個香脆可口的下午茶享受。可惜，呢次體驗真是一個大失所望。 首先講講主角——雞蛋仔。望落去外型仲算OK，金黃色嘅外表令人有啲期待。但一咬落去，點知完全係一個災難！雞蛋仔腍到好似一條濕毛巾，毫無脆口感可言，咬落去軟綿綿，仲有啲怪味，似係油唔新鮮。原本期待嗰種外脆內軟、香氣四溢嘅雞蛋仔完全無影無蹤，食落只覺得失望同無奈。更令人火滾嘅係店員嘅服務態度。落單時，我同職員講清楚想要原味雞蛋仔，十問九唔應，態度冷淡到好似我得罪咗佢全家咁。試過問佢哋雞蛋仔要等幾耐，佢只係拋咗句「等陣啦」，連眼尾都無抬過嚟望我。咁嘅服務態度真係令人完全無晒心情。整體黎講，呢間店嘅雞蛋仔同服務都係一個大扣分。服務態度又差到一個點。如果想食一客好味嘅雞蛋仔，強烈建議大家搵其他選擇，避開呢間店。真心希望佢哋可以改善，唔係真係好難再有回頭客。…查看更多

最近路過大圍市集，見到新開咗間媽咪雞蛋仔，心思思想試吓佢嘅原味雞蛋仔。雖然舖頭係格仔間形式，地方真係唔算大，但勝在整潔企理，店員手腳都幾快，等咗唔夠五分鐘就拎到雞蛋仔。🥚 食物方面 原味雞蛋仔外層微脆，唔算太香口，但都有基本蛋香。內裡偏軟，唔係好煙韌，可能係粉漿比例或者火候控制方面仲有進步空間。不過整體唔算失望，屬於可以接受嘅街頭小食水準。🏠 環境與服務 舖頭細細間，以外賣形式為主，對於想快閃買個小食嘅人嚟講都算方便，落單流程順暢。💰 價錢 原味雞蛋仔定價合理，喺$20左右，以大圍地段嚟講唔算貴，性價比中等。媽咪雞蛋仔大圍新店雖然空間有限，但都做到即叫即整，保持一定水準。原味雞蛋仔未至於驚喜，但都係一個穩陣選擇。如果你喺附近經過，想食返個港式小食，唔妨一試。[IMG:2]…查看更多

「媽咪雞蛋仔」專賣雞蛋仔同格仔餅。佢哋既雞蛋仔，外脆內嫩，仲有多種特別口味，例如朱古力、抹茶、芝士、鳳凰卷等等，滿足唔同人口味。吸引到好多街坊同遊客排隊食，每次經過都忍唔住買返底黎食下😬🥚識食一定係食原味先🥚🧈金黃色既原味雞蛋仔，外面脆脆，入面鬆軟香甜，帶住淡淡蛋香味。簡單又好味，係最原汁原味嘅懷舊回憶！佢地有多間分店，隨時隨地都可以食到😋…查看更多

即叫即整熱辣辣🔥 外皮金黃脆卜卜💛 一咬開入面超軟熟 蛋香濃郁🍳 口感完美平衡✨特別在加咗鹹蛋黃碎🌕 鹹香惹味 同甜味形成反差 食極唔厭🤤 每粒都飽滿 冇空心👍價錢小貴💸 等候時間約10分鐘⏳ 店員態度友善😊 經過必買 但小心燙手👋但係紙袋包裝夠穩陣📦比起原味更出色💯 鹹甜控絕對要試 唯一缺點係太邪惡 食完要跑多個圈🏃‍♀️大圍掃街必食之選📍今次已經係我第三次去食🤤最主要係附近未有更出色既店舖 但都係暫時區內最出色…查看更多