媽咪雞蛋仔

營業中

休息中

☀️班蘭朱古力雞蛋仔諗住試下呢個配搭，本身覺等呢2樣野唔係好夾，但係食落又幾特別。神奇既感覺，比起一般平時果隻，覺得可以一試🤪🌙黃金雞蛋仔勁脆又好熱！！無乜空心！真係有真材實料既感覺😝35蚊買個雞蛋仔又幾貴，但係做下小食間唔中食下都OK呀😋

元朗站📍媽咪雞蛋仔抹茶雞蛋仔（$25）喺元朗千色附近行開，梗係要買返個媽咪雞蛋仔啦。利苑已經聞到雞蛋香味，都幾多人排隊㗎。今次我就叫咗個抹茶味啦，嗰度寫住係用日本嘅丸久小山園抹茶粉，識落又真係幾重抹茶味喎。鍾意食媽咪雞蛋仔嘅原因係因為，外面脆卜卜，入面暖笠笠。用料夠足，入面唔會好似風吹雞蛋殼咁，真材實料。雖然$25一底雞蛋仔來講都唔算平，但係食到咁嘅質素我認為都係值嘅。店員仲好貼心咁樣比一個紙盒我，方便我拎走同人開心share，服務態度一流。

元朗媽咪雞蛋仔放工返屋企🏠 離遠聞到陣味忍唔住走過去買實在太肚餓啦 飢餓戰勝左一切 最後買左抹茶朱古力雞蛋仔🌟日日都排曬長龍間店 🐉今日意外唔使我等太耐 雞蛋仔已經落到我手上大大塊如果我自己一個係唔會食得曬 即叫即食 熱辣辣🔥🔥新鮮出爐 先好味😋仲可以睇曬成個過程點整 包你學會 又食得安心❤️講下個質地先 裡面內餡當然係啖啖朱古力 🍫🍫唔會太過甜 但係外皮香脆🍵🍵抹茶味又飄出黎 唔會蓋過左朱古力 佢地呢個組合搭配又幾恰當 只想大家一定要趁熱食 如果唔係就試唔出我講質地口感啦 咪話我呃你啦 我沒用誇張手法

媽咪雞蛋仔, 好細個已經開始食架喇!宜家開到成行成市, 唔同既地區都有分店, 今次就食左佢雙重芝士雞蛋仔$35, 係有的貴, 但佢地係比足料, 等左10分鐘有得食, 粒粒都係脆口有芝士very good! 佢有好多味道, 下次我要試佢個斑斕味先得😁

今日去元朗行大運，行到5點鐘，下午茶又好似太多，所以買左件原味waffle22蚊，因為想同其他普通Waffle比較下，買完至知道系出名的媽咪雞蛋仔。鋪頭系千色匯旁邊，比荃灣大好多，有三個人負責食物，有6個電爐，所以大概等5分鐘就有。Waffle剛剛出爐，當然熱辣辣啦！有張紙包住。但咬一淡就覺得吾及格囉- 攞系手都覺得軟，食落就淋bat bat同勒，睇相就知道。- 醬吾夠多，只有花生醬味，其他奶同砂糖好小。

元朗千色隔離有間媽咪雞蛋仔，成日都多人買，佢吾只係原味雞蛋仔好味，仲有其他吾同口味，而朱古力味超級正，次次都忍唔住口要買埋佢嘅金莎榛子醬格仔餅，依家唔想響街食，返到屋企揭開入面真係好多朱古力榛子醬，好好味，滿瀉流曬出嚟，真材實料掃街必食推介～朱古力雞蛋仔Yummy Street food 😋Chocolate waffle Chocolate puff媽咪雞蛋仔 街頭小食 香港街頭小食 waffle Egg puff

第一次食咖啡既口味  講左用UCC  咖啡  就試下先 😗食著好夠脆😍有輕微既咖啡味  唔會好甜  推薦啊！成哂成餅 都無話好淋 佢哋仲有好多口味 下一次再試下先個包裝設計幾好 好user friendly 可以俾我手抽住☺️如果可以有埋cover 仲好

平時經過好多次媽咪雞蛋仔都無特別買黎食因為個價錢以小食黎講略貴平時雞蛋仔既價錢都係$20左右但呢間雞蛋仔主打唔同口味有成二十款 亦有咸同甜加飲品就減$4(個人覺得唔建議加飲品因為唔特別優惠亦欠缺特色)今次就試左伯爵茶朱古力雞蛋仔外皮好脆少許偏硬中間餡料唔算太過空氣又唔算太厚(個人偏好餡料厚身煙韌) 伯爵茶味算濃原本以為會比朱古力既味搶左味會令茶味相對淡但turn out 兩者既味道都好夾即使有朱古力都唔會太膩可能因為茶味中和左個比例岩岩好飲品叫左荔枝果茶不過不失啦普通荔枝茶味 總結間唔中試下都ok但價錢黎講略貴唔會成日食

呢間雞蛋仔鋪人氣好高，開咗咁多分店，一於去試吓。選擇好多，就揀咗個人氣第一嘅粒粒朱古力雞蛋仔，$25。個袋有窿，以免雞蛋仔變淋，可以通氣啲，係即叫即製，等咗大概10幾分鐘，即場食落外脆內軟

有紅磡總店就已經食過，依家去到差唔多區區都有。仲越來越多口味添。閑日夜晚10點左右，大概三四個人等緊，所以5分鐘左右就有得拎。試咗伯爵茶朱古力味。薄邊位置好脆，雞蛋位唔夠鬆軟，本身諗緊朱古力味會唔會遮咗伯爵茶嘅味，點知又幾好喎，兩隻味都食到，仲有啲檸檬嘅香味，唔知係咪我嘅錯覺呢。另外入面仲會有粒粒朱古力，增加層次感同埋甜度，幾好👍🏻

甘岩經過想食鹹野，見到有紫菜粟米雞蛋仔幾得意就試下。即叫即整，所以都要等番甘上下時間架$28, 好大底紫菜係一大塊夾係中間，所以一定食到，咬落去仲係勁脆每格都勁多粟米粒，好足料，可惜粟米味同甜味都差甘d, 同埋乾身少少，如果加埋d 照燒汁應該更加正

媽咪雞蛋仔一向質素好穩定，每次經過口痕都會忍唔住買黎食！📍抹茶朱古力雞蛋仔+雪糕 $47抹茶雞蛋仔內部軟綿綿，似蛋糕柔軟口感，外層相當脆口，抹茶味算突出🍵，並散發蛋香，每粒雞蛋仔到包裹着粒粒朱古力🍫，味道口感多層次😋😋😋今次再另外加配左2球雪糕🍦，可以自選口味，我揀咗朱古力雪糕，雙重朱古力感覺🍫👍🏻😋😋😋📍鮮榨檸檬汁（走甜）🧊🍹🍋$22食完啲甜野一定要飲番杯清爽檸檬汁🍋，叫左走甜，冰爽清涼🧊，中和下雪糕雞蛋仔嘅甜味！唔想飲檸檬汁都仲有好多其他飲品選擇！

食過好多次媽咪雞蛋仔 質素水準依然係一流我今次食抹茶朱古力雞蛋仔出到黎係熱辣辣嘅 證明唔係放左係到一排外表就當然係十分靚啦外皮就好脆 有硬嘅感覺 唔似坊有少少淋 係餅乾果種而非炸野果種脆內餡軟 綠茶味濃 朱古力味稍少 好足料嘅 口感就好似食左個軟糖咁皮 不過味道上就係食左個好熱氣嘅野咁 之但係 食呢d野都預左熱氣 所以都冇乜感覺 我反而奇怪嘅係 點解朱古力味唔重呢 係朱古力問題?定係配上抹茶同個雞蛋仔之前 個朱古力味比佢地蓋過左?服務方面就冇乜架喇 都係比錢收錢 戴左口罩睇唔到臉色係好定差 門口位有個酒精搓手液位 都算係體驗到客人想要嘅係乜 畢竟雞蛋仔要手搣 我又冇戴搓手液 肺炎之下咁dirty真係會淆價錢就27蚊 小貴啦 呢個質素 算稱得上抵 同13蚊 10蚊果d空心雞蛋仔 叫好食架喇

一個人獨享時光最好是找尋街頭小吃，而靜靜最喜歡吃的街頭小吃就是雞蛋仔了🤤。從小到大也很喜歡吃，因為口味變化萬千，總是吃不完的味道。💥黃金雞蛋仔士多啤梨雪糕 HKD$50，這款口味很喜歡吃的，咸香味十足😍，咸咸的還帶點甜味。士多啤梨雪糕味道酸酸甜甜，一冷一熱的配搭是冰火二重奏吧，這個感覺挻特別又好吃😆。💥鮮榨檸檬茶 HKD$22，吃東西當然要來杯飲品。這個是新鮮榨出來的。味道較自然不會太甜，還飲到微酸的味道，可以中和食物的甜膩感☺。飲品跟套餐價加購會有HKD$4折扣，可以便宜一點挻好。食物味道不錯，吃完這個很飽肚耶😋，不知道下一次會推出什麼產品呢🤭。

港式街頭小食點少得雞蛋仔 ， 相信大家由細食到大啦😋 近期開咗好多分店嘅媽咪雞蛋仔喺元朗都有喇， 早前就去朝聖下🤩鳳凰卷雞蛋仔平時去澳門頂定會買鳳凰卷做手信，而家呢到都有喇😍成塊紫菜夾在中間，仲有肉鬆芝麻超香口，好好味啊😋～新出法式檸檬芝士雞蛋仔 好似食緊檸檬蛋糕，味道好清新🍋🍋好特別宇治抹茶紅豆牛乳🍼我最愛飲宇治抹茶紅豆牛乳，香滑入口唔會太甜，啱啱好👍。港式奶茶港式奶茶飲落幾香濃(，拍得住茶餐廳味道，yummy😋