威記粥品

營業中

休息中

餐廳衛生真係好差，啲啊姐服務態度又差啲餐具一陣清潔劑味食食下仲有超大曱甴爬上腳去咁多餐廳食嘢都未試過！啲啊姐冷處理咁 仲覺得我大驚小怪我即刻埋單走人垃圾到不能 永不再去！！

一入黎坐底就點左個牛肉粥，第一時間食左塊牛肉入口咬左兩下就覺得個味道好苦好苦，味道好怪，之後食左少少粥就食唔落啦，連粥都係苦既，唔知用咩醃製啲牛肉可以醃到咁苦，油炸鬼唔脆，豆漿味好淡，真係勁差

2個人叫左4樣野都幾多下荔灣艇仔粥 + 爽滑炸兩（細）一碗都幾大碗又多料炸兩脆脆的醬料按個人喜好添加胡椒豬雜湯（米粉）無咩味精又吾太辣豬雜的份量又多又大碗豉油皇炒麵炒麵有點乾身左點

朋友話想食粥，行過就求其入左依間粥舖，叫左個艇仔粥配豉油王炒麵，凍檸水我就叫左個肉碎銀針粉配餐肉煎蛋多士，凍檸茶走甜先黎餐飲，犯左低級錯誤，杯凍檸茶有甜，反而朋友杯凍檸茶就左甜🙄個豉油王粉麵算乾身，但略咸😅肉碎銀針粉，味道尚可，但肉碎入面有沙，吐左就算😫餐肉味道唔錯，煎蛋多士俾左朋友食佢話個粥都麻麻一路食，啲阿姐一係送錯野，一係入錯單，又亂叫啲客調位，應該唔會再幫襯

街坊店來說環境尚算乾淨，不過餐具就乾淨得有D異常！匙羹乾淨到有濃郁嘅清潔劑味！我就叫咗碗豬心豬膶粥，估唔到豬膶係薄切再切絲又無味，豬心都係切絲。足底好希無味！永不錄用！

今日亞妹話想食粥, 嚟到威記, 有粥餐, 又有港式套餐可以選擇.我要咗個 1 號餐亞妹要 3 號餐.油炸鬼、牛脷酥都新鮮炸起, 仲有白糖糕、黃糖糕.外賣每個餐加 1 蚊, 合理打開外賣, 有 d 失望. 首先我落單係話要全熟蛋, 當時個職員一路入機一路自己都口 up up 話熟蛋, 點知係太陽蛋 本人唔鍾意食生蛋, 唯有比亞妹食啦. 其次係多士唔夠燶.個粥餐整體都 ok, 杯豆漿濃返少少就更加好.唯一抵讚就係自己落豉油, 鍾意落幾多就落幾多, 悉隨專便.

氣溫忽然降到十度，凍凍地早餐就想食碗傳統港式粥品，深水埗區當然有好多選擇，查一查餐牌，發現大部分都有粟米粥，唔食肉又唔想食白粥可以有幾粒甜粟米咬，配個腸粉或炸兩更開心。這間在汝洲街明利腐竹隔離，近地鐵站A2出口。堂食環境都算骨子。唔食肉可以揀粟米、皮蛋、鹹蛋之類，再加生菜。仲有即蒸腸粉。套餐價有粥有油器小食。油條之外也有煎堆和牛利酥等等，仲有黃糖和白糖糕。粟米粥+炸兩 HK$31粟米粥比想像中好食，我仲以為會無咩味，粟米亦唔止得幾粒，食一碗可以頂肚好耐。炸兩就一般般啦，腸粉皮略厚，油條唔太脆，味道正常。

Came here on a Saturday for lunch. Didn’t have to wait for long before we got our seats. The place is full of SSP locals and yes if you want to taste what’s like to live in SSP, come here and you will not regret!We ordered 胡椒豬雜湯 ( 銀針粉), my favourite 艇仔粥加油條 and for a 芫荽控, we also ordered the 芫荽皮蛋腸粉! They have different package too with lots of add on. 胡椒豬雜湯 - the soup was delicious especially if you like the spicy and peppery taste. Highly recommended it. The congee and the 腸粉 didn’t not disappoi

上次係威記食咗個抵食粥品套餐，同人講起，人地話係威記食嘢，梗係叫胡椒豬什或者豬肚湯啦。今日去開ssp買嘢，行咗去威記。🎑胡椒豬什湯飯$46豬什湯和白飯分開上，加杯飲品加$5。豬什湯份量足夠，有很多料，包括豬心，豬肝，豬粉腸，豬肉片，酸菜等，豬心和肝是薄切，很脆爽，洗得乾淨，没有異味👍，胡椒味道非常濃，喜歡食辣就冇得頂了，豬什味道和西環永記和潮洲人不相伯仲，食完碗飯，還有豬什未食，very good，價廉物美

今日食咗個early lunch, 好快2:30pm 又肚餓，行經威記食個輕盈粥品都好，menu 有個全日套餐只賣$29，即時同阿姐落order。✨皮蛋牛肉粥粥底綿绵滑滑，皮蛋和牛肉偏少，最好是没有msg，入口唔會口渴，menu 還有其他粥品，可以下次來再試。✨炸兩賣相做得唔錯，半份份量剛剛好，加麻酱、甜醬食用，味道很好，粉皮新鮮，内裹的炸麵還脆卜卜👍。上網睇下comment, 原來威記個套餐一年前賣緊$28，現在只加$1，算便宜了，下次行經再來食他的豬什湯😋

早幾日揾食肥華遇伏，累靚媽食咗餐不知所謂嘅上海劣食，内心都有愧，6月8日肥華特登帶靚媽到此間，肥華新近發現到，食豬什一流的威記粥品，食番餐靚豬什餐務求將功補過，在红色暴雨告之下此店人客不多，肥華和靚媽可以坐到四人卡座，唔駛捱個啲枱又細，櫈又窄嘅迷你雙人卡位，在此店有個咁好環境安坐，食嘢都食得開心啲，先推介靚媽點個胡椒湯豬什米粉，自己就要碗及弟粥，呢兩樣鎮店名物做主食，再加個，粉腸豬紅，和一碟炒麵拼炒米粉做副食，另加熱檸水和凍檸茶各一杯，就係今個贖罪餐嘅食材，論食物每樣都無得輸，都係上佳之作，唯獨是杯涷檸茶就弱鷄咗啲，茶味太淡，過肥華靜觀靚媽進食此餐表情，佢係食得開心嘅😍👍😍👍😍👍

6月2日揾食肥華獨自去深水埗揾食，目標係呢間在網上有不俗評語的威記粥品，此店提供嘅食品卻比一般粥店為多，有中有西選擇繁多，可惜呢餐衹得肥華一人單刀赴會，縱然此店有多類美食供應，我卻無福消受衹能單點了一碗被極多網友推崇傋至的，此店人氣食品胡椒湯豬什銀針粉一碗，及一杯豆䊢，個杯豆䊢就平平無奇大路貨色，無疚無譽至於碗胡椒豬什銀針粉就真係好食，個湯底胡椒味同豬什配合得天衣無缝，加上用銀針粉來做粉底更有神來之筆感覺，呢碗人氣之選值得推介👍👍👍

蝦米肉碎冬菇銀針粉 ，多士，餐肉，炒蛋凍奶茶首先銀針粉唔錯，蝦米肉碎冬菇呢個配搭好夾好好味，但湯底就無咩味道。最驚喜呢個套餐只係30蚊，連凍飲，仲有大塊餐肉，炒蛋，感覺超抵食，仲要中午時分都有，基本上呢個早餐價好豐富又抵食。

今日繼續要食粥既日子,依然係咬唔到野......又係打電話去威記叫定外賣,外賣自取拎返鋪頭食,今日再叫皮蛋魚片粥走蔥,配齋腸,今次佢冇比錯啦,真係皮蛋魚片粥黎架XDD齋腸一樣要豉油麻醬芝麻,魚片冇咩碎骨,得一兩條,算係好好,腸粉原來叫鄒皮腸粉...好搞笑,叫咩都好,好食就得啦,其實$29有咁多種配搭都係幾唔錯,可惜我唔鍾意食甜野吖,唔係都試下D 糕,但粥配牛油多士哩下.......真係幾新穎喎XDD

前日整完牙,拉埋橡巾,打埋粒粒,個咀完全冇忽好肉,返到公司乜都食唔到,附近d 粥鋪一係難食死,一係冇良知既,哩間冇咩感覺,但d 粥同腸粉食過ok既,打電話叫左皮蛋魚片粥走青,齋腸要豉油麻醬芝麻,返到鋪打開......白雪雪既?用匙更料下,冇皮蛋?哦...佢比錯左碎牛魚片粥,唔緊要啦,照食啦,都ok既味道,暫時唔計酒樓果d,佢d 腸粉係哩頭都算係最好架啦,算係滑得黎唔太油,豉油麻醬芝麻齊曬~哩幾日睇下要經常食佢啦...係啦,哩個set外賣只係$30...