姊妹美食

營業中

休息中

夜晚830後過黎掃街, 一入太安樓就見到呢間姊妹美食最多人排隊。炸鍋上的原條炸大腸完全將我吸引住，即刻加入條隊，同老公輪流再去睇下仲有咩好食。排隊係要等一陣，即叫即炸先到下一位，包保食到熱辣辣炸物。我地點了一串炸大腸、炸秋葵、鵪鶉蛋、煎釀三寶、蟲草花雞肉燒賣。可能當晚多人，店內得兩個人，我冇預計到蟲草花雞肉燒賣都係落油炸的，不過炸完一Ｄ都唔乾身，依然食到雞肉味。後來第二次去，就見到蒸檔同碗仔翅檔開埋，先知道要視乎人手食咩版本。不過，所有炸物都係好食的。最最大推的係炸大腸，一口咬落去外皮脆，內裡juicy，好多年未食過咁好食的炸大腸！佢地只收現金，要食就要準備cash 啦!

「姊妹美食」係一間人氣街坊小食店，好多 YouTuber 都介紹過，無論平日定假日，門口經常都有人排隊。小店主打各式炸物，每款都炸得香脆惹味，令人一試上癮。我最鍾意嘅係炸燒賣，外層炸得金黃香脆，內餡多汁，配埋甜醬辣醬，簡直係完美街頭味道。炸皮蛋係另一驚喜，外層脆卜卜，內裡仍保留住皮蛋特有嘅煙韌口感。炸蟹鉗大大隻，咬落去有真蟹肉感覺，口感紮實。有時想轉口味，我會揀返一碗生菜魚肉湯，清清地，魚肉滑溜無腥味，平衡晒炸物帶嚟嘅油香。整體價錢合理，出品穩定，係一間值得一試再試嘅街坊小吃好去處。

行過見到$17/5 件煎釀三寶，有好多選擇，諗住一試..揀左5件（魚蛋、豆腐、茄子、蝦條？、青椒）點知出事🌚🌚🌚 已經唔係隔好耐先食，一食個青椒… d粉漿生的…. 勁嘔心🌚 再食茄子都係咁， 整體茄子同青椒，基本上冇乜釀魚肉，豆腐魚蛋同蝦條？就咁食… 無咩煎釀嘅成份。。。下次都係唔好貪平，勁唔開心！行曬太安樓唔係好多檔有煎釀三寶，另一間$10/3 件，但樣貌都一般🥲🥲🥲🥲可憐係我唔好彩.. 我見其他食評好似都正常🥲但無下次了！

西灣河太安樓炸煎釀三寶 係太安樓中間開左好多年 keep住都好多人圍住買 呢次試試⭐️煎釀三寶$16/5件 全部放哂出黎客人自己揀店員會千年翻炸到熱辣辣先比客人而且炸得比較深色 少少脆邊 相當邪惡😈有客人要求 幫手鯨乾啲油 店員都有照做今次仲另外叫咗 ⭐️炸皮蛋$16應該唔多地方有 好似去左夜市小販檔咁外面包左層魚肉 加小小泰式辣醬 唔錯 幾特別但$16試一次就夠 都係煎釀三寶開心啲.如果想緊貼最新資訊 唔好諗 即刻follow先啦..#姊妹美食 (西灣河)地址：西灣河筲箕灣道57-87號太安樓地下A35A號舖.⭐️評分：味道：3.8/5環境：-/5服務：-/5 抵食：3.5/5.（記住Like同分享 係我繼續搵好嘢動力 感謝支持🙏🏻）.

来电影资料馆看展结束后，顺路行过太安街食下小吃，周身现金不多，来到姊妹美食cash only，这么多品种只能点了一串蜜糖炸烧卖，真像太监逛青楼姐姐在前头负责炸串，手脚真是麻利，记性又好，前面客人点了那么多东西都能一一记住，厉害！后面有位阿叔在给青椒填鱼肉（奇怪的是鱼肉只填了不到一半原谅我的老土，我未试过炸烧卖然后淋上蜜糖的，但是真的超好吃啊啊啊，价格是：12/串，30/3串街边小吃，就不要讲就太多，试下味道就很开心。排队的人好多😂还有人拿电话记了一个单子，估计是朋友让帮带，好好玩！

🇭🇰姊妹美食·椒鹽蜜糖炸燒賣$12呢間都係我朋友仔推介嘅 佢哋好鍾意食呢間嘅炸大腸 不過因為我自己唔食炸大腸 所以我都唔知佢好唔好食🤣🤣我地另外都嗌過呢間既椒鹽燒賣 椒鹽鵪鶉蛋 煎釀三寶咁 老實講佢嘢食就一般般 因為佢啲炸皮係偏硬既 燒賣質感都一般 不過呢啲椒鹽嘅嘢食係好適合宵夜食既 所以佢長期都好多人🫢😂但係如果我再想食嘅話 其實我覺得豪大大好食啲 而且感覺乾淨啲🫢😂·📍西灣河筲箕灣道57-87號太安樓地下A35A號舖·

香港美食煎釀三寶呢間款式算好多!仲要同其他店唔同有蝦卷、魷魚、雲吞琳瑯滿目咁放晒出黎自選配搭多多少少都無問題位於太安樓的邪惡美味仲要有我至愛炸燒賣、炸腸仔、炸豆腐、炸茄子、炸魚蛋、炸紅腸….真係一路食一路覺得好熱氣🔥🔥🔥但又會忍唔住一件又一件最緊要叫店主加埋美味甜醬咁樣配搭先係極品買外賣返到去仲覺得脆脆地~魚肉🐟彈牙一啲都唔腥一舊又一舊食唔停口‼️西灣河太安樓真係隱藏左好多人間極級美食呀~

又係太安樓覓食邪惡小食，依間舖頭好多年，以前一直同朋友都有嚟食下啲邪惡炸物！越來越多款小食～我最鍾意嘅就係以下嗰兩樣~🍡炸大腸豬大腸炸得唔夠耐就冇嗰種好趣嘅感覺，炸得太耐又會好乾～呢度炸得岩岩好，好香口脆卜卜，外面脆入邊就有啲軟熟嘅感覺，加芥末醬真係好好食，大愛！不過都曾經試過曬得太耐，入邊係好韌既😂🍢炸燒賣另一款勁愛嘅炸物，啲燒賣揸到金黃色脆卜卜，啱啱炸完一定要加蜜糖一齊食，甜甜地好好食！或者有加酸梅粉～

山長水遠嚟到太安樓覓食梗係唔少得要食下邪惡嘢食，依間舖頭有幾十款各式各樣嘅小食，基本上講得出嘅小食都有賣，搞到我心大心細唔知揀咩好🤣🤣🤣最後揀左煎釀三寶($20 7件)😋😋平時都係魚蛋、茄子、紅腸、青椒，但依間舖頭嘅煎釀三寶同普通嘅唔同，多左蝦卷、魷魚，店主擺得出嚟都可以拎嚟炸。炸物味道水準內，最驚喜係蝦卷，比較少見👍👍👍等緊嗰陣聽到好多人叫薯餅，唔知係咪特別好食呢，下次再嚟試下😬😬

好耐冇食過煎釀三寶, 喺太安樓行下行下, 突然見到呢間主要買煎釀三寶嘅姊妹美食, 款式勁多, 就走去試吓<煎釀多寶>大食妹同朋友都係小朋友口味, 唔鍾意食青椒於是嗌左廚師腸、紅腸、茄子、餃子同蝦卷大食妹係廚師腸嘅忠實fans, 見到有一定會嗌, 炸完嘅廚師腸腸衣同腸肉分離, 味道更好食紅腸相對比較乾身, 上高釀咗少少魚肉茄子水份飽滿, 幾大舊, 非常好食餃子係朋友嘅至愛, 食落啖啖肉, 外皮特別脆蝦卷好少見, 口感彈牙, 可以encore

西灣河太安樓夜市人氣美食 姊妹美食就是一直係想試名單之一成日排隊就無機會,今次試下先! 掃街美食系列!整個攤位放滿各式各樣既美食 最少有40種!雞扒雞脾,鹽酥雞 台灣腸 魚手指 麥樂雞煎釀3寶 大腸 滷味,豪邁又整齊,只要講出想要食乜,落單店員就會即時拿去炸熱食既時候都係熱辣辣好好味既! 雞脾好多年前十蚊已經加到22蚊,但咁大隻雞脾其實算抵食香脆既外皮包住雞肉加椒鹽粉已經好好味另外仲有魚蛋燒賣 生菜魚肉 碗仔翅等等港式小吃~明碼實價唔洗怕比人呃!一串牛丸都係7蚊!其實佢係一間超級炸物專門店!平均消費$30評分7/10西灣河筲箕灣道57-87號太安樓地下A35A舖

呢間相信大家嚟開太安樓嘅都好熟悉，一檔好有霸氣有好多炸物嘅檔口，今日經過叫咗煎釀三寶同埋炸大腸。煎釀三寶魚肉厚薄同調味適中，但大腸雖然味道幾好，但竟然好韌好韌，除咗最外皮之外，其餘個啲咬咗成分鐘都唔斷，最後都係要吐咗佢，好可惜

入到太安樓根本好多選擇，周圍都是油煙，周圍都係排長龍返到屋企都一陣味。。原先想買煎釀三寶，但排隊見d青椒成條魚肉釀到1/3 ... 最後無點到魷魚鬚$15，我就吾知可來鬚取走回家一望見一舊舊同想像一條條鬚已經兩回事再食一啖即刻吐返出，看相片已經不用多解釋太過離譜！ 我開罐貓罐頭入面舊肉都大而新鮮過此成件都係粉，𥚃面粒疑似魷魚似人地食完福建炒飯掉完又掉攞返黎炸此外炸大腸$15 ，味道正常，但無層次、表面不脆

西灣河作為港鐵站幾乎最尾嗰幾個站，又係住宅區，冇咩寫字樓同埋舖頭，一般人都唔會無端端去嗰邊行街，所以都冇咩機會會踏足到西灣河今日難得有嘢做要去西灣河，諗住點樣都要拜訪下西灣河太安樓，話晒咁多年來都係咁聽到佢個名，但係一路都冇去過太安樓入邊真係好多小食店，價錢相當平，果然係當區居民嘅好去處<煎釀三寶$15>好耐都冇食過煎釀三寶，所以唔係好知道市價究竟係點$15有四塊，任揀材料選擇都幾多，睇吓幅圖就知最後叫咗蝦卷、炸豆腐同埋茄子，最鍾意佢個蝦卷夠彈牙，仲有深深的蝦味炸豆腐同埋茄子唔係好夠熱，普普通通

不多經過太安樓，通常都是去買魚蛋、齋串，吃炸物真的看心情😂不敢常吃，這裡選擇超多😍不吃肉應該還有兩成選擇😂炸皮蛋一看見就想吃了！在香港很少見，有在台灣吃夜市的感覺，配上甜酸醬，喜歡～興奮得忘了拍食物的照片。