妹記大排檔

營業中

休息中

卡地亚的CS姐姐推荐的，说是本地人爱去的餐厅。我们跟着地图走，21点左右到店，2人点了香菜蚝仔粥、炸大肠和椒盐八爪鱼嘴，都是招牌菜，分量足，出品佳，上菜快，总共消费260。蚝仔粥一点腥味也没有，里面放了酸菜和猪皮，味道和口感好。炸大肠香喷喷脆脆的，蘸酸辣酱很搭。特别表扬椒盐八爪鱼，你们一定要试试这个菜，口感Q弹，辣辣的脆脆的，出乎意料的好吃。结账时观察到大厅基本都是朋友聚餐或家庭夜宵，热闹，推荐给内地的朋友们，帮你们试过啦，冲！

睇完戲已經10pm才一班人去晚飯，近近地選了去妹記，不用等位就能入座。時間較夜，點菜後的上菜速度好快～～雖然速度快，但食物足夠熱焫焫的！豉椒炒蜆，炒蜆份量少，6個人食，大概每人勉強分到2隻。醬汁夠味，中規中矩，不至於特別惹味。咸魚茸飛天通菜煲，通菜爽脆嫩綠又無渣，微辣又夠鑊氣，不太嚐到咸魚味，但都足夠惹味～～沙拉骨，腩排炸得外脆內軟稔，啖啖肉，幾好咬！沙拉醬完全覆蓋排骨，微微鹹香的排骨配微酸的沙律醬，送飯吃不錯～單吃會有點膩。啫啫雞煲，份量雖不多，但雞件啖啖肉，而且肉質嫩滑。除了雞件，還有豬膶，豬膶未算好軟嫩，但也不會太乾柴。整煲雞煲都夠惹味！缽仔雞蛋焗魚腸，夠熱焫焫，面層的雞蛋焗得香脆，內裡的魚腸份量足夠。魚腸的味道不會太腥，加入芫荽香菜，增添香氣。脆皮炸大腸，普普通通，似食炸皮，多過炸大腸，缺少了一份香氣。質感稍為硬身，不夠香脆～～潮式蠔仔肉碎粥，用料充足，除了有大量蠔仔，還有肉碎，蠔仔好飽滿，鮮甜不腥！粥底除了蠔的甜味和肉香，還有蔥和芫茜的香氣～～～椒鹽八爪魚咀，是今頓晚飯中最好吃的一道菜！八爪魚咀大大粒，炸得夠脆，脆漿又不會太厚身。八爪魚咀爽脆，辣度足，送啤酒一流，令人吃不停口

地址－尖沙咀金馬倫道5號太興廣場店舖名稱— 妹記大排檔環境／設施－有冷氣舒服嘅大排檔特色－戰鬥碗人均價格－$150評分－8/10有朋自遠方來，今日去咗妹記大排檔炒小菜食飯，嗌咗鬼馬油炸鬼，裏面楊左一啲墨魚肉裏面，表皮非常之趣，脆皮炸豬手，非常出色，唔會乾爭爭，同埋個皮非常之脆口，小食方面嗌咗個椒鹽墨魚咀，蠔餅，同埋嗌咗碗蠔仔粥，當然唔少得嗌返幾支啤酒，因為戰鬥碗嘅關係，特別開心！所有小菜都非常到位，熱辣辣，價錢仲要係適中，令我喺英國朋友非常回味！

地址－尖沙咀金馬倫道5號太興廣場店舖名稱— 妹記大排檔環境／設施－有冷氣舒服嘅大排檔特色－戰鬥碗人均價格－$150評分－8/10大約10年前，尖沙咀已擁有妹記大排檔，嗰陣時喺金馬倫道落地牢，嗰陣時已經出名戰鬥碗飲啤酒，炒小菜有鑊氣，最重要坐得舒服，跟住可能租約期滿搬咗去上樓舖，從此就冇去因為好多朋友食過都係日本，剛剛朋友喺英國回來，又想去大排檔食嘢，但又想去啲舒服啲嘅環境，今日嘗試到泰興廣場妹記大排檔，今次有非常之出色，所有小菜都非常到位，熱辣辣，價錢仲要係適中，令我喺英國朋友非常回味！

同朋友黎尖沙咀想食d有鑊氣的小炒，就諗起妹記大排檔， 因為之前食過都不錯。 因為時間尚早， 我地walk in 攞位， 等左30分鐘左右就有位。 餐廳當日都座無虛席，環境都幾嘈，但這就係大排檔的氣氛，我地點左幾個小菜， 上菜都好快。

搬左之後第一次黎食，地方細左，枱迫左，Menu 少左好多野食，氣氛一樣咁熱鬧。📆星期四 無訂位情況下，等左15分鐘⭐️🦑椒鹽八瓜魚嘴 - 香口送酒野食。⭐️🌶蒜頭虎皮尖椒 - 好食，小小辣⭐️🥬椒絲腐乳生菜 - 正常⭐️豉椒蟶子 - no good, 蟶子唔夠新鮮👎🏻⭐️🐔香麻小雞雞 - 一如以往👍🏻， 麻辣惹味👍🏻👍🏻⭐️🍺啤酒 🍺- 繼續用 戰鬥碗😆

🆗枝竹火腩豆腐煲 - $98枝竹、火腩同豆腐份量都吾少，多汁入味，用煲仔上熱辣辣，但腩肉都多肥膏🆗蒜蓉炒豆苗 - $108店員話新返左豆苗，餐牌冇嘅，我地都係埋單先知收甘貴。雖然都知豆苗會貴過其他菜，但佢比嘅豆苗條莖都幾粗，吾係真係靚豆苗。都算大碟，用蒜蓉炒吾會吾好食，不過不失，但都太貴了。🔘咕嚕魚塊- $88魚塊炸到好香脆，但炸粉好厚，而且酸甜汁好少，吾夠用，酸甜汁亦冇咩味，吾夠酸甜，變左都係食到炸粉味。有青椒洋蔥點綴，但都吾入味。🆗豉椒排骨炒麵 - $88好大碟，麵底炸過好脆，豉椒排骨入味，排骨鬆軟吾難咬，但都係吾係好夠汁，最後得返D炸過較硬嘅麵

旺角分店就食過好多次今日黎開尖沙咀朋友話想試呀～點左～乳鴿兩隻呢個都保持水準嘅都係好香又唔會炸到好乾有啲肉汁甘～金沙蝦球呢個就略嫌佢個鹹蛋黃外皮整得太乾好似有啲硬身咁食落去個皮係好香嘅鹹蛋黃比得好多～鴛鴦蒸魚呢個就略嫌有少少腥唔知係咪我比較敏感啦一上枱我已經聞到少少腥味鴛鴦係麵醬同豉汁～椒絲腐乳萵筍呢個見好特別就試吓我覺得整得幾好食腐乳好惹味萵筍切片切到好薄沾到好多腐乳汁～豉油王炒麵賣相就幾好但食落略嫌甜咗少少呀～豉椒炒蟶子聖子係細隻嗰啲都炒得入味嘅幾香

同朋友聚餐 4人行, 唔想成日食Cafe 西餐日本野咁，一於嗌餸食飯去大排檔！旺角分店就去過幾次，第一次黎尖沙咀呢間！餐廳喺商場室內，好似少左啲大排檔氣氛咁,anyway！ 嗌左鬼馬油炸鬼，個名好過癮。炸両入面係墨魚滑,呢碟真心有驚喜！ 之後嗌左半隻蔥油雞, 椒鹽鮮魷, 粟米魚塊, 海鮮 雜菜粉絲煲，都不過不失 正正常常。餐廳有限時食，而且都幾多人,建議可以打電話book位先。當日星期六又幾好彩 walkin 有位，餐廳又大，我覺得 如果同朋友諗唔到食咩嘅話 呢間都係不錯選擇。

好耐無食小炒, 近排疫情有啲反覆, 就嗌外賣反屋慢慢嘆小炒凍左會唔好食, 我哋就揀左比較近地鐵站嘅妹記大排檔<梅菜扣肉>宜家比較少見梅菜扣肉呢道菜, 屋企人又鍾意食, 於是嗌左份扣肉底雖然係時菜, 但肉嘅份量一啲都唔惹少, 扣肉好肥美, 味道比較甜, 可惜梅菜好少扣少少分<京都骨>京都骨一定要嗌, 新鮮熱辣辣, 又大份又好食脆中帶甜, 大人細路都啱食<魚香茄子煲>魚香茄子煲有鑊氣, 茄子軟硬適中, 好送飯<金銀蛋浸時蔬>最後黎個無咁重味嘅浸時蔬, 均衡營養

呢到嘅餸菜都好大碟。鹹魚雞粒炒飯 - $52（午市套餐，送一罐汽水）好大碟，亦都炒得好香，粒粒分明，有鹹魚嘅鹹香味，雞粒好滑吾靭，亦配有翠玉瓜，蛋等配料增加口感。蠔仔煎餅 - $88蠔仔份量都吾少，仲有芫荽，炸得好香脆，仲有個汁點綴下，2種風味，比較油膩。安格斯牛柳粒（燒汁野菇）- $148呢個可以選黑椒汁，燒汁野菇，同埋尖椒炒，我地選左中間，菇菌數量吾少，配燒汁都煮得好好味，但係主角安格斯牛柳粒吾太重肉味，而且比較韌，建議大家吾洗特登比貴價錢食安格斯牛柳粒，食普通嘅就可以。鬼馬油炸鬼 - $88有2大條，表面都炸得脆，入面係墨魚膠，都食到d墨魚粒，但又冇咩墨魚味，有個酸汁比你點。

7月中同朋友一行4人六點幾就去妹記食早晚餐，入座時比較少人，只有90分鐘限時用餐。到我哋食完已經全滿。餐廳雖然大，但係枱亦多，座位就大排擋嘅木枱，叫多少少食物就唔夠位放⋯⋯我哋叫咗妹記炸豬手。水準幾好，又大隻，皮炸到脆卜卜。西蘭花帶子。冇特別，普通茶餐廳質素。椒鹽鮮魷。熱炸食物，惹味。魷魚也易咬。荀殼魚。太細條，冇乜肉。豬仔脾。豬肉冇醃味，只係表面醬料有甜味。總括而言，價錢都相宜，質素普通，食物分量細，地方坐得唔太舒服。作為放工，午膳飯堂可以，但同朋友聚餐就不太合適。

發現室內大排檔都唔係一個好嘅選擇嚟聚舊同傾計😂以前大學時期聚會都有食過妹記，發現整體質素變差了🫠· 椒鹽八爪魚咀八爪魚咀比想像中大粒，外皮脆口唔厚粉，肉質彈牙，微辣，適合用嚟送啤酒🍻· 蠔仔粥不過不失，蠔仔🦪都唔細粒的。· 金銀蛋菜芯味道正常，沒有突出地方。· 金沙大蝦球外層蛋黃炒到起晒沙，包住成個蝦球，但唔知點解冇乜咸蛋香，調味可以再鹹啲，蝦球冇蝦味🥲但記得好耐以前喺舊舖食過黃金圍蝦係好味的😟😟· 蔥油吊燒雞（半隻）見到係招牌菜，決定試試佢，ummm…冇特別之處，蔥油唔夠香，而且肉質較鞋身。

看完電影已經9點多，沒想到這個時份大部分餐廳已打烊。朋友上網查找，終於找到了這間經營至11點半的「妹記大排檔」。餐廳內燈火光猛，座位都頗為寬敞。超大碟的鬼馬油炸鬼！外層炸至脆卜卜，中間釀了墨魚膠，完全是2種截然不同的口感。可以蘸甜酸汁來吃，有開胃感覺。這裡的食物份量偏多，每款上枱都是大大碟。八爪魚咀沾上炸粉漿炸起，口感有嚼勁，帶著椒鹽的鹹香惹味。用來做佐酒小食一流，可惜當晚筆者和朋友都沒有喝酒。今次點了3碟都是炸物類，相當邪惡。但蠔餅就相對遜色。蠔入口未夠鮮甜，炸粉漿比例偏多，而且也頗為油膩。

今晚跟同事歡送，主角話要試大牌檔，見好耐冇食，就提議左來妹記。地點在尖沙嘴，方便大家。我10幾年前妹記還在街市時已有幫襯。今晚8位食左首本名菜椒鹽墨魚🦑咀好食，保持到水準椒鹽鮮魷炸漿太厚面皮，好難咬！飛天通菜可以啦炸蠔餅呢樣簡直「完全」唔掂！炸到我食唔到任何料，食唔到蠔，只係不停咁食到厚面皮的炸漿。而且又超級油膩！呢碟食剩晒咕嚕肉不過不失，唔可以話好出眾，好多地方更加出色沙嗲牛肉粉絲煲可以啦！豉椒炒蟶子、炒蜆落單時問份量多少，是不是一隻隻計，店員話唔知🤔⋯⋯ 咁算，一份！兩樣野上菜見到殼仲多過蟶子或蜆，唔得！小雞雞呢樣反而比較好，沒有骨，味道不錯👍🏻炸大腸可以啦！虎皮椒可以啦！整體覺得好失望好失望⋯⋯呢10年間中有幫襯，今次質素堅差啦⋯⋯ 真係沒有下次了😫😫😫😫😫