如意正餐

營業中

休息中

元朗新開咗一間有京菜(官府菜)和湘菜(湖南)嘅餐廳，餐單菜式豐富，有木桶飯、三汁燜飯、鐵板飯、餃子粉麵、小食。牆上掛滿特色嘅餐牌，價錢合理，服務員有禮貌。店舖座位唔算多，坐得舒服。排骨燜鍋飯 $55 可揀(蒜香、醬香、香辣和麻辣)我就揀咗香辣，店家好有心思，一整鍋連爐上熱辣辣，可以慢慢食保持溫度。排骨和薯仔切到一口大小，排骨炆得軟淋，唔會韌，我唔係好食得辣，都可以接受。(10隻)豬肉白菜餃子 $38 可揀(煎、蒸、煮)揀咗煎餃，餃子煎到啱啱好，外皮脆卜卜，內層嘅肉餡非常入味，仲好多汁。豬肉丸枸杞湯 $31，一碗有5粒豬肉丸和大約有10片新鮮豬肉片，枸杞菜煮到青青綠綠，非常新鮮，真材實料，湯底清甜又明目，飲咗唔會口渴。凍咖啡和凍檸蜜 (跟餐優惠+$5)凍咖啡香濃，甜度啱啱好。凍檸蜜酸酸甜甜，非常開胃。📍如意正餐 (元朗)元朗安寧路76號仁翠苑地下

今朝做係元朗做完嘢諗住簡簡單單食個lunch，見到呢間食湘菜嘅剛剛新開仍在試業中，膽粗粗就走咗入去喇。食物價錢都好大眾化，款式亦多。揀咗一個飯一個湯同一碗餃都唔使$120農家回鍋肉飯以木筒盛載好有特色，飯同餸菜嘅份量都好足，味道不過不失。不過我會希望再濃味啲，再辣啲新鮮豬雜枸杞湯豬雜份量好多，唔會有怪味。湯底唔會係味精味，夠清淡唔會飲完之後要倒水入口豬肉白菜餃子餃子餡料好飽滿，隻隻都咁厚料成十隻一碗，真係超飽呀！！只係略嫌味道唔太夠，可以再濃啲就好喇不過湯底都算唔錯嘅平民化嘅價錢，絕對可以食到捧住肚走。不過餐廳剛開試業，有部分菜式仲未有得叫，同人手未足上菜時間較耐，略嫌準備未夠希望之後會準備得更充足！

【元朗區】【如意正餐】經理哥係一個識飲識食嘅人，而當佢知道咗我係一個 foodie 之後，就多咗好多機會同佢食飯。為咗自己喺公司嘅前途，作為一個打工仔，我當然捨命陪君子。知道朗屏呢邊新開咗間京湘菜，就同佢嚟試吓。餐廳位置相當便利，朗屏站行去唔使五分鐘，入去咯。經理哥一去到就被佢哋嘅木桶飯系列深深吸引，即刻試個 $42 嘅「土豆片炒肉飯」，我都偷咗幾啖嚟食，係真係幾好食喎，好有家鄉風味，薯仔襯啲雞肉，有少少辣，好快食晒碟飯。試埋 $31 嘅大「豬肉丸枸杞湯」，碗湯又清又足料，我覺得係幾好飲嘅湯嚟。跟住試兩款餃子，首先係 $38 嘅煎「豬肉粟米餃子」，味道幾濃，加埋啲粟米甜甜地幾好味。然後試埋 $38 嘅蒸「豬肉白菜餃子」，呢款就清啲，不過肉味都好香。而餃子係可以揀煎、蒸、煮嘅方法去做，任君選擇。作為一個餃子控，我覺得兩款都唔錯。試埋 $38 嘅「炸雞中翼」，唔知廚師係心情好定技術好，炸得好靚，啲肉又飽滿，正呀。嘢飲方面，經理哥飲 $9 嘅「凍奶茶」，今次竟然有評語，佢竟然話幾好飲喎，唔係平時嗰啲「一般」。而我就飲 $9 嘅「凍檸蜜」，都唔錯。埋單價 $205，咁食法，好抵。。。（地址：元