好鍋日子

作為住喺啟德附近嘅居民, 行過啟德零售館無數次，次次經過呢一間都好墟冚，好奇心驅使下想試呢一間好耐, 今日趁住早少少開餐，終於一嚐心願。百幾蚊價錢一人一鍋性價高毋庸置疑， 食材新鮮，Menu選擇繁多, 湯底都有好幾款, 一人一鍋有菜有肉有海鮮, 仲有跟飯/麵整體餐份量都足夠， 雖然用餐限時75分鐘，但都夠時間食, 的確值回票價, 唔怪得之成日都人頭湧湧。…查看更多

🕵️‍♀️ 天氣開始轉涼，最幸福嘅事莫過於食一鍋暖笠笠嘅火鍋啦！今次我發掘到一間寶藏小店，佢哋嘅壽喜燒鍋只係$128，質素完全超出預期！😍壽喜燒個湯汁係靈魂所在，味道調得啱啱好，係非常正宗嘅日式鮮甜，唔會過鹹或過甜。鍋入面嘅娃娃菜、金菇索晒湯汁精華，每一啖都係滿滿嘅幸福感！🥬🍄講到主角，今次嘅豬肉片非常鮮嫩，完全冇渣感🐷。輕輕喺鍋入面涮幾下，蘸埋旁邊嘅新鮮蛋漿一齊食... OMG！🤯 個口感順滑到極點，肉汁同蛋香完美結合，簡直係人間極品！成個套餐份量啱啱好，配埋白飯🍚，一個女仔食絕對夠飽。以$128呢個價錢嚟講，CP值真係高到爆燈！👍 當日我哋等咗半個鐘左右就有位，都算快。總結：超好食，已經即刻bookmark咗，一定會再去！真心推介俾所有壽喜燒愛好者！💖…查看更多

🍲和昆布鍋套餐 $𝟲𝟴 (𝗧𝗼𝘁𝗮𝗹 $𝟴𝟮)★★★★☆和昆布湯♥︎ 和昆布味道正常，冇咩特別🥬野菜+鍋物盛合 (𝗦) 𝟮𝟬𝟬𝗴♥︎ 材料有: 本菇、金針菇、蘿蔔、紅蘿蔔、青豆苗、生菜、娃娃菜、豆腐、獅子狗、麻糬福袋♥︎ 有兩款菜，每款三大塊菜葉，都新鮮♥︎ 本菇好香菇味，好好食♥︎ 金針菇好吸湯，唔攝牙♥︎ 麻糬福袋有驚喜，麻糬好軟綿綿，好軟糯，但配鹹湯有少少怪😂🥩牛五花 𝟮𝟬𝟬𝗴 +$𝟲♥︎ 加少少錢轉200g份量幾足夠♥︎ 擺盤幾靚👍♥︎ 牛五花唔會太肥，唔會好薄，牛味唔濃♥︎ 同牛涮鍋最平嘅套餐嘅牛肉差唔多🍜即食麵♥︎ 即食麵正常♥︎ 原個即食麵夠晒飽♥︎ 最後先煮即食麵，吸晒湯嘅精華，好香牛肉味♥︎ 唔想食麵嘅仲有白飯同其他加錢嘅飯🍋道地百果園柑桔檸檬微碳酸 𝟯𝟭𝟬𝗺𝗹 +$𝟴♥︎ 有氣嘅柑桔檸檬好爽，酸味更突出🥩肉の大盛り【牛五花 𝟭𝟱𝟬𝗴＆美國𝗣𝗿𝗶𝗺𝗲牛肩胛肉 𝟭𝟱𝟬𝗴】$𝟴𝟴★★★★★♥︎ 好抵食！除返開係會平過喺餐入面加肉♥︎ 份量好多♥︎ 美國𝗣𝗿𝗶𝗺𝗲牛肩胛肉好濃牛肉味，冇咁肥，但都幾淋♥︎ 牛肉好冰，未解凍得晒就上枱，有啲難分開啲肉🧂醬料: 醬油、麻醬、柚子醋、脆炸蒜片醬油、脆炸蒜片辣醬油♥︎ 最推介脆炸蒜片醬油，好香蒜味，蒜片好脆，甜甜地唔會過鹹，好㘃味推介指數: ★★★★☆✿ 環境幾大、光猛，都舒服✿ QR code落單，上菜快✿ 食物質素唔錯✿ 好多人食都排咗幾耐隊✿ 要搵店員加湯有啲困難...…查看更多

食物係ok,但員工態度不積極，入座時亦沒有交代返可以自助針水，由頭到尾亦沒有人員過來加湯，鍋都快燒乾,亦沒人員來關注客人所需，我見好多枱都沒人去加湯，還以為沒有加湯或加水服務，埋單結帳時，問店員，說是可以要求加湯，但是我覺得他們是不積極…查看更多

食物性價比高，鍾意補身嘅女士推薦食藥膳白鍋。另外蟹肉蟹膏雜炊飯都意外地好食，有晒指引，好容易就整到。蕃茄湯加咗公仔麵之後都正，啲麵吸咗湯嘅精華之後成件事昇華咗，建議同行既人可以試唔同嘅湯底。…查看更多

好鍋日子屬於牛角集團嘅火鍋店，位於啟德零售館1期，平日夜晚嚟食都要等位，星期六日就更加多人。😌不過因為我有牛角金會員，所以都唔使等好耐。好鍋日子係近年牛角集團新開嘅邊爐line ，同牛涮鍋主打任食放題唔同，質素接近溫野菜，但係就無咁貴。餐廳有幾張大枱，都有排排坐嘅枱，都係一人一鍋，所以幾個人一齊食又得，一個人去打邊爐亦得。打邊爐嘅配搭自由度極高，可以揀餐廳建議嘅組合，亦可以揀自選火鍋套餐，完全自己揀自己組合，逐樣計錢。而我通常都自選。自選火鍋套餐就揀湯底先，$28-$58 不等，再揀野菜鍋物盛，有大中細，然後就揀肉類，每種肉類都有唔同份量可以選擇，最後就揀主食，要白飯、生烏冬定係炊飯。………………………………………………雞白湯⭐️⭐️⭐️⭐️娘親表示雞湯味道濃郁，打完邊爐都認唔住飲左幾啖雞湯。番茄濃湯⭐️⭐️⭐️⭐️老豆表示有好濃嘅番茄味，用嚟煮即食麵 加 脆炸蒜片醬油覺得好好味。黃金酸菜湯⭐️⭐️⭐️⭐️⭐️我認為個湯底酸酸辣辣，咸鮮開胃，十分推介。野菜鍋物盛 ⭐️⭐️⭐️⭐️野菜由幾款蔬菜組成，有娃娃菜、生菜、紫蘿蔔、紅蘿蔔、金菇、日本本菇、日本荳苗，每樣少少唔同顏色，好新鮮好有營養。而鍋物盛就包括有年糕福袋、竹輪魚卷、凍豆腐，三品都好味。牛舌 50g ⭐️⭐️⭐️⭐️⭐️薄切牛舌，新鮮好味。日本產豚梅肉 150g ⭐️⭐️⭐️⭐️⭐️豚梅肉的脂肪比例適中，肉質較霖，好味。日本國產牛牛胸腩 150g ⭐️⭐️⭐️⭐️牛胸腩肥瘦比較分明，肉質較軔，不過勝在肉味濃郁，係期間限定嘅商品。 美國SRF和牛肩胛肉眼心 200g ⭐️⭐️⭐️⭐️⭐️肉眼心的脂肪含量較少，但係牛味香濃，肉質較霖，無咩根，好味。………………………………………………好鍋日子提供多款醬汁，包括醬油、麻醬、柚子醋、脆炸蒜片醬油 同埋 脆炸蒜片辣油。 餐牌標示脆炸蒜片醬油/辣油都係日本直送，食落真係好香口好好味。…查看更多

《好鍋日子》，裝修走文青木系風，座位好似自修室咁，有間隔、有冷氣，自己一個坐都唔會尷尬，反而幾舒服，feel 到係專登俾你慢慢食，hea 住歎。🍲 鶏白鍋 Prime 牛肩胛套餐鶏白鍋湯底非常香濃，用雞骨慢煲而成，飲落有乳白色嘅膠質感，濃但唔油，唔會煮到後段變膩，配美國 Prime 牛肩胛肉，油花均勻，輕輕一涮就啖啖牛味，肉量足足有 150g，價錢又親民，如果你想食多啲，亦可加少少錢升級份量，幾抵食。🍚 + $4 升級儀式感滿滿嘅玉子雜炊飯最驚喜位係佢哋嘅「玉子雜炊飯」——煮到剩約 1/3 湯底時，店員會送上白飯＋生蛋，自己倒入鍋中再中火煮約30秒，蛋花同湯完美融合，變成一碗又滑又香嘅雜炊，湯底精華完全吸收晒，淡淡雞香同蛋香好治癒，完全係一餐完美收尾，CP值爆燈。🔚 總結一下：一人食唔尷尬 ✔湯濃肉靚 ✔價錢唔貴 ✔…查看更多

# 【啟德冬日暖心推介】好鍋日子一人鍋 高質日式火鍋套餐輕鬆滿足一個人嘅打邊爐願望！🔥🍲近排啟德零售館開咗好多間新餐廳，等呢個區終於唔再係美食沙漠啦！今次特別去咗「好鍋日子」試吓，呢間由牛角集團開嘅日式火鍋店主打一人鍋套餐，啱晒獨自食飯或者想自己一個慢慢享受嘅你！✨呢度嘅木系清新裝修真係好有日本feel，有唔少舒適嘅沙發座位，仲有幾排似自修室嘅單排座位，一個人食飯完全唔尷尬～👌🏻## 食物方面高質抵食 最平$68起就有套餐 🤩每個套餐都包含湯底、蔬菜盛合同白飯，仲可以揀唔同嘅肉類配搭：🔸茸美人鍋 ($148) - 養生姬松茸湯底，配美國Prime牛肩胛肉同牛五花，啱晒注重養生嘅朋友🔸濃鶏白鍋 ($118) - 濃鷄白湯底，搭配150g美國Prime牛肩胛肉，湯底香濃好有雞味🔸壽喜燒鍋 ($178) - 正宗日式壽喜燒湯底，配美國牛小排、牛舌同豚梅肉，鹹甜醬汁滲入肉類超惹味最值得一提係佢哋嘅炊飯！用剩餘嘅湯底煮成嘅雜炊飯，將所有精華都吸晒入去，我推薦加$24升級蟹肉蟹膏雜炊飯，香濃鮮甜嘅蟹膏配上濃縮湯底嘅米飯，食完真係大滿足～😚個蔬菜鍋物盛合真係好豐富，有紅蘿蔔絲、各種菇菌、生菜，仲有年糕、百頁豆腐等等，加埋$20可以升級大份量，不過我哋覺得原本嘅份量已經夠晒食～🥬🍄肉質方面超新鮮，油花分佈均勻，一入鍋就吸收晒個湯底嘅精華，就算唔沾醬汁都已經好好味！特別介紹埋佢哋嘅炸蒜醬，加入芝麻一齊沾，風味大增！👍🏻## 溫馨提示 💡- 可以用牛角APP嘅優惠券食得更抵食- 最後落單時間係晚上9點- 啟德站D出口行8分鐘就到- 個炊飯要自己DIY，店員會教你點整，好有樂趣一個人想打邊爐又怕浪費？唔想同人share公筷？好鍋日子一定係你嘅好選擇！高質肉品、多款湯底同超正炊飯，一次過滿足你嘅味蕾！#好鍋日子 #啟德美食 #一人火鍋 #日式火鍋 #啟德零售館 #炊飯推薦 #九龍城美食 #CP值高 #打邊爐 #養生火鍋…查看更多

行街行到肚餓就見到《好鍋日子》有時一個人想打邊爐也不會尷尬～這裡有一人套餐火鍋供應，可以自選單排座位，無時無刻都可以打邊爐地方寬敞舒適，無論一家大小或個人也適合之選🍲🍽️套餐包括湯底 關東煮小食 飯 定量肉品跟野菜基本款只需$68起 價錢親民亦可升級肉品份量 轉配烏冬 加配炊飯或飲品招牌湯底有很多選擇（最為出名是茸美湯、白雞湯、壽喜燒湯）✨藥善白鍋日本產黑毛和牛肩胛肉50g 牛五花 100g美國SRF和牛肩胛肉100g湯底比較濃郁而且加入當歸，感覺好滋補 ，再涮一涮肉，令到肉肉帶上了藥善湯的味道✨昆布湯底比較清d既火鍋配料，日本產雞橫隔膜、麻薯福袋、野菜成個湯底都很清甜，加入烏冬烹調5-6分鐘就有掛汁又充滿Q彈口感，還可以嘗試不同新鮮的食品，能夠將食物的原味道帶出來✨稀少部位的日本產雞三品－日本產雞肩肉、日本產雞橫隔膜、日本產雞爽肉，既嫩滑又彈牙女生們選擇預設份量已經很滿足了，肉質全部都很新鮮，放入湯底吸收濃郁的精華，不用沾太多醬汁也很好味…查看更多

已經第2 次食濃雞湯鍋正 ， 好好飲 飲左啖就知道好足料可以唔使點調味， 一個套餐有肉有蔬菜 再加4 蚊配埋玉子炊飯 好飽肚。 好鍋日子內環境光猛 有冷氣 一人一鍋好爽 。 價錢又唔係好貴牛角apps 仲有coupon 扣 滿足到一個人心思思想打邊爐🍲…查看更多

-見到牛角集團開咗一間新嘅邊爐店喺啟德，又話$68起😂，所以就去試吓，後來去到發現$68嘅邊爐係唔包肉、得啲菇同豆腐秋葵嘅蕃茄湯，咁難得去到，本身想直接叫$178嘅壽喜燒鍋，後來入到去先發現原來所有鍋物除咗肉之外，個湯都係可以轉嘅，最後叫咗兩個$118嘅濃雞白鍋，一個就保留雞湯另一個就轉咗做壽喜燒鍋，加$6就可以升級做200g嘅肉，另外再加咗$20升級個菜做400g，個菜$20其實少貴一上枱見到啲肉都偏多，本身個鍋就係空嘅，店員嚟到就幫我哋加入湯底，之後等個湯滾咗之後再慢慢整肉食☺️，點蛋食，啲肉唔錯的，唔會話超多肥膏，我哋覺得比起雞湯壽喜燒鍋更加適合去主菜同埋一啲雜坎飯，所以大部份肉我哋都係用壽喜燒嗰個湯底去整蔬菜盛合本身有紅蘿蔔絲、雜菌菇、金菇、生菜，仲有年糕袋、百葉豆腐同埋獅子狗卷，加咗$20唔覺多好多，反而加咗$6升級做200g嘅Prime牛肉更加抵去到最後我哋用咗牛角會員嘅優惠券，多咗個蟹肉蟹膏雜坎飯，個飯要自己DIY的，首先鍋裏面要剩返三份一嘅湯底，然後將火力調至中火煮1分鐘，再將白飯加入平鋪喺鍋裏裏面，再將生雞蛋用筷子攪勻之後倒入鍋入面，再加入蟹肉蟹膏同蛋，煮30秒左右再攪勻佢，加埋蔥蔥咁就食得了雖然蟹肉唔算話係好多，但整體個飯鮮味十足，好食的，最近見到又有券了，得閒會再去食-▶︎牛角金會員15% 優惠▶︎濃鶏白鍋蔬菜鍋物盛合+日本白米飯 | $152美國Prime牛肩胛肉 200g@$6什錦蔬菜 + 火鍋 (大) 400g @$20無糖可口可樂 330ml @$8▶︎濃鶏白鍋蔬菜鍋物盛合+日本白米飯 | $144 (轉湯底： 壽喜燒鍋)什錦蔬菜+火鍋（大）400g@$20美國Prime牛肩胛肉 200g @$6【牛角金會員coupon】免費蟹肉蟹膏雜坎飯 (原價$32)-📌#sorriso_啟德 #sorriso_九龍城區#sorriso_東涌-🏠【好鍋日子 Shabu Days】📍九龍城啟德承啟道38-39號啟德體育園啟德零售館1 2樓M1-206號舖東涌達東路20號東薈城名店倉7樓706號舖🕑星期一至五 12:00 - 21:30 星期六至日 11:30 - 21:30…查看更多

最近啟德體育園開幕，去嗰邊行下湊熱鬧，發現呢個喺啟德零售館嘅一人日式火鍋，原來係敍福樓、牛角集團新品牌[好鍋日子]。天氣又涼涼地，見到即刻想試吓😆！🥩和昆布鍋 配牛五花150g（$68）套餐有牛五花、野菜、鍋物盛合同日本白米飯🍚。牛五花切得比較薄，畢竟呢個價錢係最平嘅選擇，都冇乜要求，叫做過下口癮😂。蔬菜新鮮，仲有日式火鍋必備嘅麻糬福袋，咬開裡面啲麻糬溶溶地，配埋熱湯幾滿足😋。份量啱啱好，對女仔嚟講夠飽。🍳玉子雜炊飯 （套餐+$4）食到最後剩低約1/3湯，就可以叫店員，自己跟住指示加入白飯同雞蛋🥚。過程幾好玩，飯吸收晒湯嘅精華，蛋香濃郁，但唔會過鹹，作為結尾幾有儀式感✨。平時打邊爐都係約朋友或者食放題，呢間就算自己一個人食都唔會尷尬😌。一年四季都可以食到，不用等到冬天快餐店出一人邊爐先滿足到打邊爐嘅慾望🤣！…查看更多

今日我哋去咗一間新開的火鍋店，經過時睇見佢哋的擺設好吸引，每人一鍋淥下碌下，仲有肉、菜同泡飯，仲以為會有個唔錯嘅用餐體驗。不過，實際上試過之後就覺得有啲失望。首先，肉的份量實在太少，讓我有種食唔飽的感覺。即使有好幾款配料，但如果主角肉類唔夠，就會令整個用餐體驗大打折扣。更糟糕係湯底味道同泡飯有啲不搭，食落去都有啲難吃，完全冇驚喜。另外，上菜方面亦有點混亂，感覺服務員唔夠流暢，經常要等，影響了整體的用餐氣氛。值得一提係，雖然餐廳環境不錯，但由於食物和服務質素唔佳，我覺得這次用餐經歷唔會再回頭。…查看更多

自啟德零售館開張後，呢間舖頭就經常要排隊，應該係咁多間餐廳之中人氣排頭位。早前已經試過幾次午餐套餐，肉類選擇多，每個餐都配200 g蔬菜盤，一碗飯或者一個公仔麵，有幾款免費湯底選擇清水任裝，平日午餐價錢加一後一般都$100咁上下。平時食開午後雙拼鍋，有牛肩胛同雞脾肉，肉類品質唔錯，絕對好過牛角buffet Lv1/2既質素。湯底方面我自己鍾意藥膳鍋，有藥材香得黎唔太濃味，唔會蓋過曬d肉味。今次特別要讚牛角app免費換既蟹膏蟹肉炊飯，要食完自己個鍋後，留少部分湯底，將蟹肉、蟹膏、生雞蛋、一大碗飯同埋蔥花倒落鍋煮幾分鐘。我今次都係用藥膳鍋底，本來以為蟹肉蟹膏各有一茶羹咁少應該冇味，結果煮出來非常有蟹香，炊飯加左滑蛋質感一流，份量都好大，適合三四個人share，每人有小半碗。個人認為價錢算合理，而且營養均衡，值得一試。…查看更多

最近天氣轉涼，總想吃點熱騰騰的火鍋暖暖身子。但一個人吃火鍋，總覺得少了點氣氛，直到我發現了這家主打一人食的藥膳火鍋店。店內裝潢簡約溫馨，木質桌椅搭配暖黃燈光，營造出舒適的用餐環境。我點了一份藥膳鍋底，湯底散發著淡淡的中藥香氣，卻不會過於濃郁，喝起來溫潤順口，帶有淡淡的甘甜，非常適合秋冬進補。菜盤份量適中，種類豐富，有青江菜、金針菇、豆腐等等，蔬菜新鮮翠綠，看起來就讓人食指大動。肉品我選擇了牛五花，油花分布均勻，肉質鮮嫩，輕涮幾下就能入口，搭配店家特製的沾醬，更是美味加倍。除了食材新鮮，店家還貼心地準備了多種醬料和飲品，可以根據自己的喜好自由搭配。我特別喜歡他們的辣椒醬，香辣夠味，為藥膳鍋增添了一抹刺激。整體來說，這家一人火鍋店無論是環境、服務還是食材都令人滿意。藥膳鍋底溫補養生，食材新鮮美味，價格也合理，非常適合一個人想好好吃頓火鍋的時候來享用。推薦給喜歡吃火鍋，又不想被打擾的你！…查看更多