好運小食麵店

營業中

休息中

成日都話隱世隱世，呢間小店先係真正既隱世麵店，成日都有好多人推薦大圍的不同美食，從來都冇人講呢間，但呢間都好值得推薦。我叫了一個鮮蠔仔肉碎狗仔粉。蠔仔有好多，十粒以上，都好大粒。食落的時候有少少驚唔夠熟，不過並沒有肚屙，所以應該是夠熟的。狗仔粉好夠味，比外間某d連鎖狗仔粉店大碗好多，食大半碗已感覺夠飽。佢有菜圃提供，免費，我見好多食客包括叫外賣的都會特別要求要加。我自己試左幾粒，的確好食。不過狗仔粉原本已夠味，唔加都得，可能叫其他麵再加會夾d。小食試了炸豬排，HKD 27。比較厚實，但不會死實實。唔係用粉「那」到軟綿綿的豬排。凍奶茶就奶偏多，岩我。最後，叫了一份招牌西多外賣比家人。很甜，肚餓下午茶之選！題外話，老闆娘的衛生做得很好，每枱客戶一離開都會立刻消毒，噴消毒酒精。埋單total HKD 112。

要保暖，除咗圍爐打邊爐，都可以靠身材暖身補吓。大圍有間小店不太起眼，不過竟然有當歸湯麵，看上去唔係好黑好濃，不過入口到喉已有種甘苦味。感覺自己要補下會encore，平時我就未必會，因為個人都係唔太鍾意苦味手撕雞比較大塊，少少咸咸地，正正常常。 葱花勁多，如果唔鍾意葱記得叫佢走呀另外叫咗XO醬手撕雞撈麵，個XO醬重鮮味唔重辣，連一向唔食得辣既男友都唔覺得佢辣。XO醬蘿蔔糕，連埋少少椰菜絲一齊炒，蘿蔔糕夠綿入味。最後仲有較少餐廳有的檸啡，男友話ok。 我就叫桂圓杞子紅棗蜜，養生嘛。見到隔離枱叫西多都好吸引，遲吓再食。 另外餐廳有薑湯底，聽到有個婆婆話好夠薑

睇落完全唔起眼但超有心機小店☺️每道菜都是即叫即整👨🏻‍🍳食過2次決定一次過介紹🤗.蠔仔🦪肉碎狗仔粉 $45好食狗仔粉🥰係回憶的味道配上超多蠔仔(超過10多粒😍)湯底超濃蠔仔鮮味絕對唔腥🙆🏻‍♀️另外再加小小菜甫更加香口.煉奶金鑽咖央多士🥪 $26一個個炸到金黃色嘅多士Cube💛熱辣辣又好勁有蛋香，外脆入面鬆軟，不過咖央味偏淡(被煉奶的甜蓋過)，應該花生🥜醬會更岀色.🍅蠔仔肉碎蕃茄蓉湯麵🍜 $45 上海麵有咬口，蠔仔加蕃茄湯底又係勁鮮甜😍(湯底好好飲，絕對唔係茄膏整)，小編成日食🍅湯呢個真心係Top 3好食！.當歸鴨肉湯面🦆 $40鴨肉分量超多🤩又好味，藥材湯底夠香易入口、好有暖胃嘅感覺，一口接一口飲哂😌.💡加$5有熱飲☕️；加$8有凍飲🥤；加$12有特飲🍹💡小店位置唔顯眼但其實好近地鐵站🚉Overall小店真的是佛心價🥺價錢咁抵但又咁高質，完全無味精又足料，真的要俾更多人知道！

呢日黎到大圍，想搵間茶記食下小食咁，行行下見到呢間好運小食麵店，於是乎就試試佢～炸髀當然係必定要試！我地仲叫左一口西多，麻辣手撕雞撈麵加豬油渣，炒蘿蔔糕～所有野都好正！特別係一口西多，西多既炸面多左，成舊都脆卜卜，入面仲要配埋花生醬，面頭再加大量煉奶！真係好邪惡！又好好食！炸髀夠哂香脆同大件！炸到入面d似仲係好嫩滑，食多一件都仲得！麻辣火手撕雞撈麵就估佢唔再咁入味，再加埋豬油渣真係好邪惡！炒蘿蔔糕又係超足料勁有份量！愈食愈滋味！真係好正！配埋咸檸7真係一絕！

位置村屋下樓的好運小食麵店地理位置佳在大圍火車站步行三分鐘不到雖然店面小但不到十二點已經坐滿一半客人見到有台式當歸鴨麵就忍不住點一碗因為疫情已經好久沒去台灣啦❤當歸鹵鴨肉湯麵$40一上桌好濃郁的湯底濃濃的當歸味加上杞子是真材實料！鴨肉是一片片的數起碼有十片而且每片非常厚$40一大碗真是佛心價！先試鴨肉鹵得很入味鴨肉扎實一點都不鬆散亦不「霉」湯底十分足料 可以飲光🧡凍椰汁紅豆冰$25紅豆超多是紅豆泥做成軟軟的味道不太甜剛剛好椰汁味濃同紅豆非常夾💛生炸雞髀$25最後上桌我期待已久因為炸腿要做得出色外表必須炸到酥脆不硬而且雞肉要嫩滑這個雞髀真是美食的存在雞皮酥而脆仲要有油香炸得乾身之餘不油膩加上啖啖肉所以非常滿足📍 好運小食麵店 (大圍)大圍大圍村第10街6號地鋪

大圍食店林立，絕對係兵家相爭之地，出色既食店一街都係，但一問朋友佢竟然推介我去村屋果頭既一間望落平平無奇既小店🤔——————🐽 蒜醋黃瓜配貓耳朵入座後先試試小食，份量黎講算好大碗，比譚仔既拍青瓜份量足足多一倍！味道亦唔錯，蒜味突出🐽 煉奶金磚咖央西多西多真係好邪惡，而黎間既粒粒西多亦十分出色，每粒size岩岩好，炸到外面扑扑脆，襯番煉奶一齊食好夾🥰🐽 卜卜脆油渣麵一上枱即試湯底，蝦米香味好重亦好濃厚，感覺真材實料！油渣亦如奇名真係好卜卜脆，炸得好乾身😆🐽 鮮蠔仔肉碎番茄蓉湯麵蠔仔粥就見得多，但用蠔仔黎煮麵就真係非常小見，中要用埋番茄蓉做湯底真係小之有小！陣係飲個湯底已經好出色，有濃香番茄味，亦有蠔仔既鮮味，夾埋肉碎令到整碗麵一d都唔單調！

話說今日係大圍見到原來品記麵食既鋪位開左新鋪咁就入去試下先la見到裝修大致一樣但係餐牌都唔同左好多了但大約都係啲小食 同埋麵食咁咁我地首先叫左個當歸米線先啦咦咁又有啲驚喜喎因為又真係幾有當歸味米線都ok 唔會太林個炸豬扒就咸左啲肉質ok 既但似乎醃得耐左啲 or 醃料重手左啲呢個牛肉豬潤丁面豬潤幾爽但牛肉就鞋左啲喇凍檸茶就一般水準都係普通小食店無乜茶味ge 凍檸茶laoverall 黎講 性價比都ok 呀都會再黎的

新年期間黎大圍辦年貨😁拎著一袋二袋搵間餐廳食Lunch ，見到呢間位於大圍村地下既餐廳好多人排隊等位，好奇心驅使下我都排埋一份🤣 .餐廳面積好細間，大約只有7-8張細枱，所以呢日午飯時間都等左大約15分鐘，餐廳主打湯麵/上海麵，比較特別既湯底係薑湯/當歸湯😋.▪️當歸老鴨肉湯麵$40幾重藥材同當歸味既湯底，麵底可以選擇上海拉麵，擇左上海拉麵，好軟熟得黎有咬勁，亦唔會太硬身，另外湯底好濃味無乜味精，飲晒成碗湯，鴨肉切成一片片，大約都有8片左右，份量算不錯👌🏻.▪️特製沙嗲牛肉出前一丁$38 食茶記必點既沙嗲牛麵，個沙嗲牛堅正，有少少薑味加埋個牛肉又大片又爽口，沙嗲汁濃得黎又唔咸👍🏻跟沙嗲牛肉麵仲可以有多個餸，我擇左配餐肉，餐肉就不過不失。.▪️炸雞髀$25 and 炸蒜香雞中翼$22未到下午茶時間都有生炸髀食，仲要只係$25，我叫左炸雞髀同雞翼各一份，個人中意炸髀多d😛夠大隻又滑身，面層脆卜卜，裡面超滑.▪️自家製瑤柱XO醬炒蘿蔔糕$30臨近新年，又係食蘿蔔糕嘅時候，個人就唔太中意蒸糕，所以就叫左呢個瑤柱XO醬炒蘿蔔糕，蘿蔔糕切成一粒粒狀，加上瑤柱XO醬（真係食到有瑤柱），蘿蔔糕個質感都唔錯，蘿

🍴薑汁鮮豬膶豬油渣上海麵（薑湯） HK$40薑湯濃郁夠薑，香味突出，唔會好辣，飲幾啖成身暖晒，豬膶軟嫩，唔會切得太薄，豬油渣甘香鬆脆，無油膱味。餐廳有自製菜脯可以落，辣度較溫和，酸爽開胃。🍴薑汁鮮豬膶番茄蓉滑牛肉米線（番茄蓉湯） HK$43牛肉腍得黎唔會醃到軟爛，茄湯同樣出色，茄味自然，酸味較甜味突出，夠醒胃。🍴香蔥手撕雞撈上海麵 HK$38雞絲嫩滑，蔥絲加秘製蔥油，香而不膩。🍴煉奶金磚咖央西多 HK$26西多外層唔算好脆，但充滿蛋香唔油膩，咬落軟綿綿，可惜咖央味較啖。🍴生炸雞髀 HK$25雞皮炸得極之爆脆，雞肉嫩滑，唔會得個鹹字，亦無血水無雪味，三點幾已經賣晒，想食多隻都唔得。🍴炸豬扒 HK$25豬扒炸得又香又腍，如果上埋脆粉炸應該會更正。🍴凍紅豆咖啡（跟餐） HK$12香濃港式凍啡配上軟腍清甜紅豆，一甘一甜。📍好運小食麵店大圍大圍村第十街6號地下