好運小食麵店

聽日同阿媽去大圍行吓買餸，搵咗間小店見到有我鍾意食嘅特色蕃茄湯底或者當歸 仲有豬潤牛肉 可以補一補血 上網講到好正人世小店所以就好好奇上嚟食本身以為會好多人或者排隊但係又唔會喎 一開頭唔使搭枱有張大枱舒服就要搭枱啦阿媽好似冇乜特別嘢啱喎 就嗌咗個炸豬扒上海麵 本身佢想試冬菇蝦米湯，不過我見當歸湯同蕃茄湯係招牌就叫佢試當歸，我食蕃茄湯佢揀上海粗麵人多嘅時候比較快上枱，因為其實佢得一個人 上海麵好好味好有口感，其實同我阿媽煮嘅差唔多🤣🤣碗$44 不過豬扒普普通通唔算太厚，亦都冇乜調味 阿媽就麻麻哋鍾意我自己都覺得佢好似兩種湯底都實在太鹹落得好多鹽 雖然好濃 亦都好強當歸味不過飲得太多，可能會對個腎唔好🙈🙈我聽到隔離講多車我即刻嗌多車要豬膶牛肉雙拼 好似加$12 ，不過其實好啲，因為其實佢會減少本身嘅材料比多一款你，最後變成豬潤得三$4細細嘅，牛肉都係好細嘅 雖然好好味牛肉好香 口感亦都一流 但係好快食晒通粉嚟講，都唔大碗 其實呢間嘢偏貴服務態度嚟講當然同上網嘅一樣都係好有性格比較惡 落過單都要俾人話等下等佢得閒先🙈🐒問題係佢已經唔係好忙我先嗌🤣🤣整體而言OK啦， 不過我自己就覺得試一次就OK 性價比就普通計埋所有嘢係呀，唔記得咗講佢啲菜譜好鬼辣🤣🤣本身好期待但係食咗一粒碎已經覺得辣到飛天我自己唔食得辣，鍾意食辣嘅應該好鍾意…查看更多

間唔時放假都鍾意去大圍踩單車順便嚟呢度食個早餐呢間都食咗好幾年㗎睇住佢越嚟越多人幫襯而家有時都要等半個鐘以上先有舖頭細細係家庭式經營好似嚟親都最鍾意食佢哋香菇蝦米湯配鴨肉上海麵同埋蕃茄湯手撕雞豬潤上海麵先講香菇蝦米湯底 我見舖頭九成嘅人都係叫呢個濃濃蝦米配上粒粒香菇 好香 鴨肉亦都唔實 好好食另外蕃茄湯好濃味 有好多茄肉 配手撕雞同豬膶真係好夾，而且配料份量都好多，建議少少佢哋嘅自家製菜脯一齊食 好惹味最後唔夠喉，仲整多份金磚花生西多士😝…查看更多

住左係大圍三年、一直覺得大圍無乜特別好食既小店。 特色cafe 又貴，茶餐廳都係一兩個招牌。 偶然發現社交平台 介紹好運小食，就捉左老公黎食。 第一次去係星期六日午飯時間都要等位。舖頭細細等半個鐘差唔多啦。入座後店員見我地諗好耐都有簡單介紹下招牌面。 我地試左當歸湯蠔仔上海面。湯底濃烈幾好飲👍🏻 蠔仔新鮮又肥嘟嘟，份量好多。女仔應該食唔曬😛茄蓉牛肉通心粉比出面茶餐廳出色！ 凍奶茶又係比想像中好飲！最開心係舖頭有自己炒既辣菜圃任加😋 都幾辣！建議初時落少啲。之後再幫襯都特登揀下午茶時間貪無咁多客人，發現舖頭細細有時得老闆兩公婆係到，一個整飲品一個煮麵。老闆娘仲幾好記性，記得啲熟客食咩！ 希望呢啲小店可以長做長有！大圍居民或係到做野既人都繼續有口福！…查看更多

今日放假專登入大圍食當歸豬潤麵！睇地圖以為好遠，點知原來地鐵站一出過馬路第一個路口右轉就到！我叫左當歸豬潤蠔仔米線。個當歸湯真係好香當歸味，個豬潤好正好嫩滑，啱啱熟，下次叫2份豬潤先夠喉！蠔仔我較喜歡全熟！我見到隔離枱叫西多士好正我下次都叫！可能係小店十一半到已經坐左九成客，我一坐低唔夠一分鐘D客人陸續黎接近十二點要喺門口等位！想提提小店個個服務態度都好友善親切！…查看更多

之前已經嚟過三次，但係都冇寫食評。 今次帶朋友再嚟食。 水準都keep到， 扚起心肝寫個食評今次叫咗兩樣嘢， 蠔仔蝦米肉碎豬潤銀針粉&當歸鴨片銀針粉。今次呢個當歸湯係我第一次食， 一飲啖湯好濃嘅當歸味，好足料 ！ 鴨片相當多我同朋友share食，每人起碼食到7-8 片。跟住就係我次次都會叫嘅蠔仔肉碎蝦米銀針粉，今次仲要加埋豬潤好濃嘅冬菇蝦米味， 蠔仔新鮮。我一個咁怕腥味嘅人都覺得好好食 ， 豬潤有點過熟。銀針粉份量好足夠感覺上呢碗比當歸嗰碗更加飽肚。今次埋單連飲品$139 ，價錢正常 。呢間小店值得再嚟 🥰…查看更多