影片
港鐵大圍站 A 出口, 步行約4分鐘
繼續閱讀
電話號碼
84905246
營業時間
今日營業
11:00 - 17:00
星期二至日
11:00 - 17:00
*星期一休息 (如遇公眾假期順延翌日休)
以上資料只供參考, 請與餐廳確認詳情
［真心推薦］如果你正在增肌減脂，但係又想食車仔麵，我相信好運小食麵店幫到你。佢啲餸嘅選擇絕對係高蛋白低脂肪，新鮮蠔仔，豬膶，滑牛，滷鴨肉，香菇蝦米肉碎，煎蛋，湯底又唔油，配個米粉或者通粉，甚至上海麵（扣底），成件事飽肚好味又滿足。唯一嘅不滿係…收6點…
繼續閱讀
小編每隔一段時間一定會到訪大圍呢間極低調嘅小店😻佢主打秘製湯底粉麵，每款都各有特色兼有捧場客！ 而且每次一定成碗湯飲晒兼唔會口渴！ ——————————————-🍄🟫香菇肉碎蝦米蠔仔銀針粉 $51香菇肉碎蝦米再加埋蠔仔煮落嘅湯底又鮮甜又香，每次食親佢哋啲蠔仔都係脹卜卜加大大隻，係會想追住咁飲晒成碗湯. 🐔紅蔥醬手撕雞湯麵 $ 45 鮮甜湯底加埋佢哋嘅秘製紅蔥醬勁惹味，有啲似蔥油撈麵嘅湯麵版本. 手撕雞就正常發揮冇乜特別.麵質夠爽滑👍秘製勁辣菜脯一定要提一提佢哋嘅秘製辣菜譜，食得辣建議一定要加👍🌶️脆炸豬油渣 $7 今次另加咗一份炸豬油渣，炸得勁香脆兼唔會有油益味。索左啲湯又有另一番風味，正🙌
繼續閱讀
以小店黎講，都好少會有一試難忘既體驗，可能係岩我既口味，食碗麵都好少可連湯都飲埋，而呢間小店就做到，除左冷氣唔多夠同擠迫之外，都冇乜嘢投訴，100蚊唔洗已經比到滿足感我， 推薦當歸湯，蠔仔
繼續閱讀
今日天氣炎熱🥵晏晝都冇乜胃口，黎到大圍決定揀一間特色小店食碗靚湯麵先🍜！{ 當歸湯鴨肉雞絲配粗麵🍜當歸湯係重點，真材實料，飲哂個湯都唔會覺得口渴👍🏼鴨肉同雞絲勁索湯，肉質唔會柴🥰！{ 香菇蝦米湯鮮蠔仔肉碎豬潤配上海麵加底🍜份量十足👍🏻湯味濃厚🤤蠔仔大粒又新鮮，豬潤爽脆冇腥味，加底男士們都一定夠哂飽肚呀🤭{ 自家製瑤柱XO醬炒蘿蔔糕瑤柱XO醬遍布每一舊蘿蔔糕，香脆可口，美中不足係蘿蔔糕質地就係較粉口感受影響
繼續閱讀
經過好多次, 但因為太早關門, 店家唔做晚市, 但LUNCH TIME又真係多人, 所以一直都未食過。今次外賣買左兩個粉麵： 1. 當歸湯牛肉米粉拼鮮蠔仔$612. 當歸湯即炸雞翼配米線$47未打開外賣盒已經聞到好香當歸湯味, 湯同麵有分開裝, 麵既份量唔算多，但餸既份量絕對算多👍🏻先講湯, 個湯唔係HEA野, 飲落勁真材實料, 唔係味精湯, 飲完會想再飲果種!! 不過飲落當歸味唔算好濃, 但以一個湯麵既價錢, 算係物超所值! 👍🏻👍🏻餸方面, 牛肉🐮同鮮蠔仔🦪, 牛肉都大塊同厚身, 鮮牛咁, 肉質嫩滑, 但牛味唔重。鮮蠔仔就不得了啦, 雖然話係蠔仔, 但啲蠔有兩節手指咁大隻, 而且隻隻都脹卜卜, 勁鮮甜肥美, 而且份量真係唔少, 唔係得幾隻咁, 絕對值得加$14加拼!!!而且煮得啱啱好, 唔會OVERCOOK, 就算外賣, 都會唔話焗到啲蠔仔縮晒咁😋😋😋至於雞翼, 都有4隻, 正常SIZE, 唔算大又唔算細咁, 但真係有即炸既脆同香, 肉質唔會老, 仲好嫩滑, 值得一食👍🏻
繼續閱讀