好旺角粥麵專家

營業中

休息中

今日點零鐘時間，去左旺角洗衣街個間好旺角食左碗雲吞面，食食下…發現有一只只小昆蟲浮上面…哇！住呢頭…都好耐無幫襯過…一幫襯就偏我遇上…一碗面…又細細碗…四粒小蝦蛟……簡水味甚重，埋單$35,重貴過尖沙咀…老字號店鋪，唉！無下次…大家睇下要唔要幫襯…

肥仔奇食盡全香港知名雲吞麵店，門口有明星相嘅、飲食雜誌大肆吹捧嘅都食過哂，一唔係份量太少，就係名不副實，雲吞麵嚟講，肥仔奇來來去去都係鍾情呢一間。坐低無耐，隔籬檯嚟咗幾位洋人，佢哋四處打量又互相商量咗成十分鐘之後，四個人每人叫咗一碗鮮蝦雲吞麵。竹昇麵依舊爽口彈牙，雲吞入面嘅蝦有蝦味，仲食得出有肥豬肉，呷一口由大地魚等等熬製而成再搭幾粒韭黃嘅湯底，實在係人生一大享受。無怪乎洋人都識得嚟搵食。嗱嚟呢度食豬手，絕對記住要食撈麵而唔係湯麵，點解？除咗話撈麵嘅麵底多啲飽肚啲之外，更重要嘅係豬手嘅南乳汁撈埋啲麵嚟食至係一絕，若果叫湯麵的話，湯底將豬手嘅南乳汁溝淡咗，豬手固然之就會冇咁好味，仲會搞到個湯底濁哂。豬手一貫地乾淨冇毛、油香軟熟兼入味，冇得輸。肥仔奇唔食豬潤，但係會食豬潤熬出嚟嘅粥底。粥底綿，皮蛋軟，成個粥底都有鮮甜味，正斗！

因有親戚在外地回港，指定要去昔日老粥店，唯有奉陪。早有心理準備，是去懷舊和印證香港史，看重於吃，用心多於用口。當日以上年紀舊客和自由行拖喼客為主。食店裝修令人舒服，門口左右兩邊是厨房，用玻璃透視煮麪煲粥和製麪過程。我最感興趣是向街的麪和粥兩個大紅字，有圓圈圍繞，是當年粥粉麪飯店的標誌。點選了腰潤粥和及第粥。豬腰爽口但無豬肉味，豬潤亦欠鮮味，沒有了及第粥原來是用剛屠宰豬的內臟，接濟考生的原意。粥有味精，是敗筆之舉。茘灣艇仔粥傳承廣州艇家用魷魚絲，豬肉絲，蠔豉，魚片，豬皮，菜絲規格，可以一試。吸睛是京都炸醬麪，是北方食物，京都可能是指北京。少辣偏甜，只宜懷舊人士回味。

今日係旺角搵好野食。目標物。粉麵粥。行下行下，差不多到旺角火車站。終於搵到間似樣嘅粉麵店。坐低先知價格唔平🙈大推薦。京都炸醬撈麵！唔好問點解叫京都😂依個係大份麵，都唔係話好大份。大概有1.5個麵。個麵硬度適中，攪埋一齊，不錯吃。京都炸醬。有少少辣，唔用碎肉，用肉粒做，相比其他店嘅炸醬有口感啲。另叫一客魚片粥。魚骨偏多，吃時少心一點👍

女人街，波鞋街⋯⋯總覺得依頭附近既餐飲，都係做遊客生意😅 不過出到來，又肚餓，點都要醫下肚！行行下，見到呢間店個名好熟，原來係老店，不過當然裝修過，迎合返旅遊地區啦叫左兩樣店舖推介必食：炸醬牛腩撈麵，麵聲稱是竹升麵，真係好彈牙喎，但個炸醬我唔太欣賞，比較甜豬手麵，好食！豬手又林又大隻，林得來唔會散開晒，正真係必食之選！

專程黎試好旺角自稱話正宗炸醬麵，因交通關係，搞到要急急食添，趕住走 ﹗HKD30 ？真係有點貴啊，只不過係一碗炸醬撈麵加牛腩之麻。係旺角驅驅一碗牛腩撈要 HKD36 蚊？白烚芥蘭連蠔油都無要收 HKD13 蚊？價錢令我有點驚奇 ﹗上次幫朋友黎買粥，聞到好香好香既食物味道，到底是什麼呢？唔知係咪牛腩呢？原來我上次路過聞到好香既，搞到好想試既係炸醬撈麵，並唔係牛腩呢 ﹗柱侯牛腩撈麵走蔥，清湯為大地魚湯，較為濃味及偏咸，凍左就更咸。牛腩過瘦又鞋烚烚，口感硬掘掘，唯一可取係炆得非常入味，我要牛腩係腍、棉、滑先叫好食 ﹗以三十幾蚊黎講，個麵底實在太細太少，不香不滑不爽，物非常值。炸醬撈麵加柱侯牛腩，柱侯醬汁已完全滲透牛腩，每一口都充滿濃厚芳香味道，非常入味，雖略瘦但滿意可口。炸醬偏重甜味突出，裡面有肉碎及麵豉粒，香氣十足而霸道，深層味道有點似海鮮醬混甜醬。加左少量腩汁，未能試到其真身，要食返次原味炸醬麵先得。撈麵有分一碗或一碟，今次食一碗，份量只夠我兩大口，一啜已消失得無影無踨，實在唔多夠飽，仲要收成 HKD30 蚊 呀 ﹗整體味道真的不錯，可以添食。

雲吞超細，比舊店細左一半，用料一般，唔夠新鮮!湯底已經沒有當年的好，之前大地魚、蝦子湯底，現在味噌湯!全都不及當年了!!!粥品方面，還可以，但粥底稀左!花園街分店更差!!!

有時食野係食感情，身為好旺角老顧客，行完街突然間想揾野食，咁就拎住一袋二袋行去洗衣街間分店。咁多年都無變嘅招牌及第粥，永遠都係我首選，粥底雖則係重左少少味精，但佢嘅豬潤好爽口彈牙，完全唔粉，而豬腰都彈牙，但我最愛係肉丸，自家手打，出面食唔到。而食得肉多都要碟菜襯下，芥蘭煮到好林身，易入口，不過就多左D油，但整體係OK嘅！

作為一個真香港人，一定要食翻碗細蓉撐下既！今次行旺角食翻碗細蓉！一碗有五粒雲吞，每粒都有兩隻蝦仔，料不算足，不過 $33, 不過不失。豬手麵唔錯，豬水好入味又夠林，麵就還可，個湯好深色，以為好濃，點知知乜味。反而最好食係碟芥蘭，好碎好新鮮今次主要係想食細蓉撐香港人！

2人食左一碗雲吞面(~$32)、一面皮蛋鮮牛肉粥(~$39). 無送飲品.We orderd a Wonton noodles and a Preserved egg porridge with fresh beef. No drinks.先講雲吞面：面不是手打的，面唔香. 雲吞細隻,又唔係即製, 無乜特別. 湯底係普通大地魚粉開的, 雖然無味精, 不咸不口乾, 但無誠意. 而且份量細. Wonton noodles: noodles was not handmade and not elastic. Wontons were small in size, machine made. The soup was simply with taste from fish preservation powders. Luckily, it was not salty and dry. The whole dish was small and simple. 皮蛋鮮牛肉粥: 碗上. 皮蛋1/4-1/2隻.皮蛋唔夠陳. 鮮牛不夠鮮. 粥底尚算綿, 但係味道唔夠濃郁. 份量尚可. Preserved

晚上想食一些比較清的食物，就來到常常光臨的粉麵店「好旺角粥麵專家」。由於不太肚餓，二個人只是叫了水餃河粉、牛腩麵和艇仔粥。水餃河粉($32) 就是一個簡單的水餃河粉，味道和以前食落都是一樣，水餃的皮十分之薄身，餡料仍是非常重的竹筍、豬肉和木耳的味道，各樣的味道十分之配合，下面的河炒非常薄而滑，湯底仍是這種大地魚的老味道，細細碗但味道保持。牛腩麵($34) 今次的牛腩有少許偏向肥，所以牛肉的味道沒有這樣濃，但味道仍是這種老的味道，濃濃的柱侯醬混入了牛腩內，下面的麵也非常爽口，心中所想的仍是這種味道。艇仔粥($34) 有很多的材料在粥內，多到有少少誇張的地步，入面當然有瘦肉絲、魷魚、豬皮、生菜絲、花生和蠔豉粒，極多的口感，味道當然非常濃郁，食完這個粥也會有飽肚的感覺。當有時想食清一些時立即會想起這店，而味道也能保持，成為在現今賣少見少的保持到水準的老粥品店。食物的味道仍能保持，老派粥店「好旺角粥麵專家」。

嚐味，一嚐回味(人情味、老店)，二嚐口味(色香味)。這次來，兩者皆失。先說豬手撈河 --- 雖不是差勁，但明顯不及以往軟身入味，配上湯，感覺仍不豐富。食下食下，真係太淡，早知叫炸醬撈多幾撈，一定會好食D。再說雲吞河 --- 其實不是差品，味道正常，可是口感和內涵完全比不上對面海的好幾家較有名氣的店... 如果價錢差不遠，會有更好的選擇。是次，我來也匆匆去也匆匆，只因不願多留。河粉，更有點吃剩 !

曾幾何時,有位台灣來的朋友每次來香港,除了油渣麵外一定會吃好旺角的雲吞麵,可是一眾住在香港多年的港仔卻沒有一人光顧過,當年心想真的那麼好吃嗎??那就要試試了!結果由西洋菜街老店也搬到較遠的洗衣街才去吃麵,只因自己實在太多食肆想試,雲吞麵總不會是我的首選。新店沿用老店的設計格局,入門左手邊是煮麵煮粥的地方,由幾位很有閱歷的師傅坐陣,進店時也可順道看到師傅煮麵情況,只是飄出的雲吞湯香就沒有老店時濃郁了。遲來一步,店裡卡座全滿,中式雲石枱的圓桌雖更古色古香,只是當坐滿六位人客之時也相當親密;如一般舊式食店般,侍應先會送上熱茶一杯,至於小碟筷子則請自取了。本來只打算吃麵,只是看到有肉丸粥三個字又泛起吃粥念頭,只因問過侍應叔叔及第粥也有肉丸嘛。現煮粥比雲吞麵更快送到,還在冒熱泡的及第粥灑滿蔥花,如可用上蔥絲更有古早味也更有美感;仍看到一點米花的粥底尚算稠身,不過我喜歡更稠一點的程度,綿滑粥底熱得利害,在空調未算太強的老店裡吃得我滿頭大汗,畢竟熱天吃熱粥在我而言是自討苦吃。被熱粥煮熟的各款豬內臟件頭也算大,豬肝淡色略脆,未達真正黃沙膶的爽脆口感,剛剛全熟的不過老也沒有滲出血水;豬肚厚切不韌沒有怪味

女友粥麵癮起，因此重臨舊地。豬手軟綿冇毛冇豬臊味，入口啖啖膠質配以淡淡南乳香。撈竹升幼麵彈牙依舊。正斗！傳統滋味，就係咁味。肥仔奇唔食豬潤，問女友評價：「好潤、唔似其他舖頭賣嘅又乾又硬，呢個豬潤有厚度嘅。」蠔豉味滲哂入香綿粥底之内，好想嚟多碗呀！

搬遷後裝修幾好睇。粥底綿、蠔豉味出、肉丸爽彈、皮蛋軟稔。豬手毫不吝惜地三大件鋪滿碗面，炆至軟滑離骨冇豬臭味，麵底彈牙。湯底依足傳統製法，韭黃豬油俱在。每個星期都會嚟食過番尋味。