好好點心飲茶專門店•椰子雞煲專賣店

營業中

休息中

嘩….！個樓面姐姐勁惡死呢，食餐飯要受氣，真係好可怕唔怪之得啲香港人會北上消費啦 ！！！椰子雞煲啲雞又唔滑，茶芥收$10/1個人；如果打邊爐又要另外每人加多$5 唔知咩醬油費…..而且上菜要等好耐。肥牛ok的， 一碟 $198另外Order 左幾個煲仔飯都算ok 點心中規中矩，可以試吓但食完餐飯後全家人一致裁定無下次！因為間野主打雞煲但係啲雞好”鞋” ，而且服務態度太差。

負評，唔會再去！本身見佢係雞煲「專門店」就諗住去試下，叫咗個竹笙椰子雞煲黑毛豬套餐，個湯冇椰子味，得好重嘅甜味。之後叫咗一碟美國牛，一食，嘩，好大浸羊羶味，本人本身係唔食羊的，所以特別抗拒呢隻味。首先都唔想有誤會，就問下職員呢碟係羊定牛，佢就話係羊，我就叫佢換返碟牛俾我，點知另一位應該係資深啲嘅員工就走過嚟大大聲講好肯定講呢碟係肥牛。好啦，俾多次機會呢碟「牛」，第二塊都係好大浸羊羶味，真係食唔落….就算真係牛，都係好難食嘅牛…上網睇返其他人食嘅牛，完全唔同樣，基本上食得兩塊已經冇食到….另外套餐可以叫兩個配菜，份量多到食極都食唔完，成餐飯我好似俾炸魚皮同蘿蔔塞滿我嘅肚，明明兩個人食，但又俾得一個烏冬，如果我係三個人叫呢個套餐，可能食得兩條麵🥲性價比好低，呢個價寧願出去食火鍋放題，都好過食一間叫專門店，但係一啲都唔專門嘅雞煲專門店，好失望

3個人只俾2人枱（當時 只有6成茶客），D碗很油（洗極都有最後要換），糯米雞大而無料（溝白米太多無乜糯米，只有1只冬菇蟹柳¼少許雞丁和叉燒粒，是少少許），無人執枱，環境好嘈

噚日中午十二點半打電話落去order午餐，已經叮囑樓面一點落去拎，點知落到去一點鐘等到一點十五分仲未有，自己得一個鐘頭食飯，我企喺廚房望住個幾個垃圾廚房佬，因為樓面啲阿姐可能怕比佢哋閙唔敢催，所以我問啲垃圾佬幾點有如果無我寧願退錢，佢叫我唔好食退錢，我到樓面拎返錢，個阿姐仲埋怨話我咁早叫廚房唔會整住，佢話一點先會整我當堂吓咗一聲，所以啲老闆應該多謝呢啲員工啦⋯⋯咁多食肆執笠你明啦

侍應服務態度差，價錢同一般酒樓冇分別，但只有一般茶餐廳環境，食物一般中規中矩，6人但茶包都只係提供兩包但茶錢就照計6人，茶錢$10一位即係$60，真係飲茶咁多年第一次見。依間真係極品。。。如果咁嘅質素將來都仲生存到未執的話，真係香港奇蹟之一

椰子雞邊爐好好味啊！啱啱同家人食咗，好滿足！啲雞肉好嫩滑，同埋啲椰汁香氣好濃。啲蔬菜都係新鮮脆嘅，個湯汁清甜滋補。啲香料同埋佐料用得啱啱好，成個菜餚好豐富口感。啱啱夠火候，唔會唔夠熟，個椰汁味道發揮得好好。結論係，一次好滿意嘅用餐體驗，絕對值得一試！

週末竟然可以早起身 一於叫埋家人一齊去飲茶間間酒樓都要等位 呢間椰子雞都 要等五至六個位不過都值得 聞說呢度啲紅米腸同埋腸粉都好好食 一於試一試茶具都好精緻亦都可以選擇用返大茶杯大茶壺等位等咗半個鐘都開始餓， 好彩佢上點心都好快鮮竹卷正常一般發揮紅米腸好好食裏面包住炸蝦 口感幾特別腸粉好滑 不過肉比較少饅頭比較細個流沙包有驚喜 新鮮熱辣 餡料充足 咬落去 真係會流心週遭環境 裝修 都算係唔錯雖然是酒樓咁樣有枱布但空間位置都坐得幾舒服難怪呢度經常都咁多人飲茶

食過幾次，員工服務態度極差。店鋪無人，但專門叫你坐滴水既位置。問佢邊個位唔會滴水，員工反而話：我地成間鋪都滴水架喎。3個人食，收10蚊一位茶錢，但只俾一包茶包，想要多包都不情願俾。點心又貴又一般。店舖地面長期濕濕滑滑，沖茶仲要重用又重用既膠水樽。以後唔會再去。

估唔到呢間舖頭有得食椰子雞，點心 ，煲仔飯同埋啲港式小炒。今日做嘢經過就嗌咗啲點心嚟食首先一坐低，侍應會首先叫你揀一壺茶，然後呢度比較特別嘅地方，就係可以俾你自己沏茶。熱水壺係側邊都會比你自己煲水。點心方面都有好多選擇，我就叫咗紅米蝦腸，金錢肚，燒賣，同埋鳳爪。每樣點心都好好味，而且份量都幾大下。煲仔飯方面，我就叫咗臘腸滑雞煲仔飯估唔到真係用明火煲㗎食落去仲有飯焦，超級入味，價錢都算合理60幾蚊就有一個煲仔飯。

姊妹淘聚餐，最緊要坐得耐又要舒服。無意發現「好好」，就想嚟試吓，雖然地理位置偏咗啲，但如果好食都冇咩問題。店內裝修以竹為主，卡位闊落，坐4-6人都冇問題。今次點咗個套餐＋散叫火鍋料。套餐（椰子雞煲，煲仔飯）椰子雞煲店員姐姐教路，椰青水加入杞子、椰肉、紅棗，水滾後加入雞件，沙漏計時，夠鐘後馬上熄火再飲湯。因為係用椰青水直接煲，所以味道清甜無比，飲完好舒服，口感清熱潤喉。之後再搵店員加雞湯打邊爐，火鍋料有牛肉、雲吞、枝竹、娃娃菜，葷素混搭，健康選擇。店內用料新鮮，大部份客人都係食火鍋。排骨臘腸煲仔飯新鮮即整，熱辣辣。餸料比坊間多，排骨入味， 臘腸半肥瘦好香吓，煲邊有飯焦。真心覺得比廟街好食10倍。好好其實仲有夜茶飲，點心即叫即蒸，賣相吸引，下次要帶埋屋企人嚟試吓。👍🏻

呢度大部份嘅人都係打邊爐食椰子雞煲，不過我哋兩個人又唔太肚餓，所以叫咗點心食。腸粉有驚喜，食落脆口幾得意味道又好蘿蔔糕如果可以煎燶d就更加好，不過呢個係個人口味。可惜佢冇甜醬，如果有嘅話咁就完美啦鵪鶉蛋燒賣味道都唔錯，牛肚同鳳爪夠淋又入味最後加多個鳳爪排骨飯暖下肚因為好朋友鍾意食飯，每次食點心都要叫排骨飯先開心，佢都覺得好滿意環境方面好多卡位，有冇限時食飯都係一個吹水嘅好地方🫶🫶🫶又唔需要等位

石籬好好點心食過幾次，點心其實味道幾好，不過不失，最好食係剛剛開業那段時間，現在真的愈做愈差！！今天叫了一個口水雞，非常之失望！！！我不知是否午市還沒準備好食物，這個口水雞同餐牌上的圖片嚴重不符！望落係似椰子雞煲嘅雞件白灼，然後淋口水汁上碟😣成碟都係雞胸，雞頸都有，根本就是準備做椰子雞煲的雞件！！最底下仲有一層青瓜墊底🥶🥶第一次食口水雞竟然有成條雞頸，雞件連著很多毛，真的大開眼界😖😖口水雞真的非常不建議！！！

今日去附近見客，見到呢間主打食椰子文昌雞同埋點心功夫茶，於是就心郁郁嚟試吓，入到舖頭就已經見到每一枱都有一盆功夫茶具，仲有熱水壺俾你自己煲水😂叫咗招牌椰子雞鍋套餐$268，已經包咗半隻文昌雞，煲仔飯同埋一份菜，套餐揀了豉汁白鱔煲仔飯加$30。先煲滾椰子湯底，再加雞，一整鍋煮的濃香美味，湯底鮮甜可口，濃而不膩，​試咗啖湯就停唔到口，一定要先喝湯再吃肉，入口又鮮又甜，雞肉亦都好嫩滑，輕輕一咬就會脫落，記得要食埋湯底裏面嗰啲椰子肉🥥，跟埋特調醬料味道又真係好夾，煲仔飯熱辣辣，份量相當足，飯焦也是香脆香脆，我哋另外再叫咗個點心木耳香芹春卷$25，上枱時係熱辣辣即刻炸㗎！最後梗係要叫埋甜品薑汁燉蛋$25，有濃濃薑味的。這裏的服務員亦很細心，總括來說 值得一試！

適逢母親節，母親大人想食椰子雞煲😋就去附近新開嘅椰子雞煲專賣店試試，仲有點心食架！🌟椰子雞餐 $268-包椰子文昌雞半隻、煲仔飯、同一款打邊爐材料🥹個人覺得呢個價都好抵食！椰子湯一黎到，服務員教我地先放雞入煲、再將爐嘅度數較1000度，再比左一個漏斗比我地，當漏斗嘅沙漏完就可以食😋嘩！食前忍唔住飲左啖椰子雞湯，唔單止好香椰香味，飲落真係好清甜好好味🥹之後再食雞，雞用餐廳嘅煮法真係煮到雞肉好嫩滑，再有淡淡嘅椰子味🥹🥹超級好食！而煲仔飯我地簡咗臘味煲仔飯，個人覺得臘味偏向太肥，除左臘腸外，其他都太大陣油膩味了，但飯就煮得好香，燶燶哋仲有飯焦😋正啊！！🌟西班牙黑豚肉 $88有10片！片片都好大塊🫣肉質ok，配埋椰子湯又係好入味😋🌟芝士牛丸 $68有9粒！相對都幾多🤣重點係牛丸一咬開真係有好多濃濃嘅芝士醬🤤🤤！對芝士控嘅我嚟講真係好鐘意！必推！推薦大家嚟到一定要食！🥹🌟火鍋配料另外仲叫左響鈴、豆腐、娃娃菜、生菜、蟹柳金菇等火鍋配料，食落同普通邊爐店差唔多，不過不失😆！🌟點心叫左點心拼盤、春卷、燉鮮奶等幾款點心試試🤣點心拼盤同普通茶樓點心味道差唔多，春卷反而覺得有點太油🫣！燉鮮奶有浸甜味，唔知係

食物：不是不好食，不是難食，味道可以，就是份量太少，298一碟手切肥牛，已經照了最大的，又細條又薄，兩大兩細，食完900大家還肚餓，如同食空氣一樣，這價錢不如去隔離的天天酒家，可以去食龍蝦食飽飽了，埋單走人後仲需要去M記叫外賣。服務：參次不齊，一位阿姐服務還好，叫佢倒走上手水煲的水，還幫我清潔一下，但另外一位阿姐，叫了幾次加湯，聽到後行開了很久，還以為去了幫我們，等了5-10分鐘，見佢返嚟，再問佢，就話唔記得咗，第二再叫佢加湯，直頭扮聽唔到，叫幾次先有反應