好好餐廳

營業中

休息中

一個即煮嘅焗豬扒飯，飯又新鮮炒，味道唔濃味，完全無落味精，食完唔會口乾，豬扒又夠淋身，仲叫咁胡椒豬肚湯，飲落好似青紅蘿蔔湯咁清甜，仲要有胡椒辣，有咩餐廳唔加味精去煲，最痴線就係$40蚊杯紅酒，仲要鬼咁大杯，我問老闆你點做生意，佢話就係傻先會做，蝕住做…人情味最正，去完就會明，講明食就要等耐啲，人哋真係即煮，無耐性就…..老闆話佢哋咖哩好好食，同出面唔同，我見個日都好多人食，仲要有烤餅，可以值得去試下

今日寧兒陪我去工地，又有獎賞。我們去大坑綄紗街走走，發現一間剛開小店~好好餐廳BO-HO。装修簡單中帶骨子(精致)，不過服務真的一般冷漠，老伯老太眼神非常不耐煩。一看菜單，两眼發光，茄汁牛脷焗飯、巴基斯坦羊肉飯、慢煮海南雞飯....甚至梅菜扣肉飯，花膠燜雞飯，跨度之大，十分驚喜，而且點後上菜，份量大，味道正宗，真的酒香不怕巷子深，看到餐廳客人不多，猜不到色香味俱全，才$80/份，貴茶餐廳少少，但咖啡是手冲，奶茶是印巴味，以後必定是我飯堂之一，與女兒相聚一刻好地方。

星期日夜晚去大坑食飯，見呢間餐廳係新開，門口又有錶位泊車，就入去試吓。睇門口餐牌，唔同種類嘅食物都有，而且價錢都幾抵食。夜晚6:30左右唔太多人，即刻就有位。馬來咖哩魚配薄餅 $80咖哩係偏辣，仲要係越食越辣，味道都ok。呢個魚係炸魚嚟，皮炸到好脆，裡面仲有薯仔。薄餅唔係鬆軟嗰款，質感係比較實嘅。鮮茄燴牛脷飯 $80牛脷煮到好淋，而且好大塊，味道都正常。整體嚟講食物都算正常發揮，晚餐呢個價錢我覺得係合理。

一入到大坑就見到呢間應該係新開嘅好好餐廳😆唔想頹食，又唔想食Cafe，見到呢間門面同餐牌都幾啱胃口一於試吓😍欣賞餐廳裝修都優雅😍我哋嗌咗兩個好似嘅套餐估唔到龍脷柳用咗炸嘅方法但炸粉唔厚，食哂都唔覺膩😋再加埋鮮茄好開胃🤤薯仔都值得加分✨新鮮焗起熱辣辣呢個中西合璧嘅食法好特別😍跟住就到呢個鮮茄牛脷，汁底一樣，但呢個多啲鮮茄😍牛脷煙韌有咬口💯肉質唔會太實或無哂牛味😝最後加咗呢個中湯花生雞腳湯，味濃😍出奇地有少少肉骨茶嘅感覺😍從餐廳裝潢、食物到服務都睇得出餐廳主理人嘅用心✨有機會再嚟支持🔥☺️

五月遷居大坑。吃遍出名的網紅餐廳茶檔，感覺不外如是，唯獨這間“好好餐廳”叫我不住回頭，個個禮拜都至少幫襯一次。餐廳提供的美食菜式較雜，有點難分類，有巴基斯坦及馬來西亞咖哩(可配飯或薄餅)、中東菜、燉湯、湯飯(胡椒豬肚最正)、海南雞飯、扒餐等，還有老闆Simon特創的港式美食，以set為主，每個餐都可配茶飲。試過多款美食後，強烈推薦巴基斯坦咖哩$70～80和下午茶餐的咖哩角+蘋果薯仔沙律$50。餐廳由巴籍廚師掌廚，家鄉菜特別拿手；咖哩混入檸檬葉及多種香料，香氣撲鼻，少少辣少少甜，每次吃都會添飯，吃到最後一滴咖哩汁也不剩！齒頰留香，回味無窮。咖哩角就是混血兒，用港式的薄春卷皮包著傳統samosa碎牛肉青豆薯蓉餡料，炸得香脆，讓人捨不得囫圇吞棗吃完，必須慢嚐其美味。沙律選用新鮮蘋果、薯仔和自創的沙律醬做，每日只做少量，不隔夜，新鮮清甜，配咖哩角啱啱好。最後不得不讚老闆自製的紅豆椰汁糕，作為餐後甜品，只能說excellent！與一般紅豆糕做法不同，紅豆有原粒有碎粒，都鋪在椰汁糕面，口感極佳，甜度剛好，不會反酸；吃得出製作人的心思和認真。

一個人的晚餐無無聊聊行左入大坑，睇下有咩新餐廳，點知見到呢一間，門面睇落幾特別，旁邊重有wall painting入到去見到餐廳都幾有特色同裝修都落足心機，睇得到老闆係好識品味嘅人見到餐牌都幾多選擇，而且重有咖哩！不過唔係間間餐廳都整得好食，就挑戰下個咖哩味道如何先！巴鐵咖哩牛一上菜就嗅到濃郁嘅咖哩香！牛肉炖得好軟嫩，每一口都taste到咖喱嘅香料滲透到肉質内部，口感豐富，餘味悠長，非常唔錯！色、香、味都齊全，絕對推薦！（一個人食都清得曬🤪）估唔到老闆幾識揀酒，不過可惜今餐食咖哩，留待下次🔥總括嚟講，喺大坑見到呢一間餐廳，係驚喜！價錢合理，環境滿分，而且值得再去試其他菜式☀️