好呷台灣火鍋

侍應同事們很有禮，大讚。侍應更主動拎籃子俾我地放袋。內容方面，大致分三個套餐，我地選左最平$248+$10(星期五)，豬，鷄，鷄滑，餃子，全部都好少，雖然任食，但我地2位人士都唔大食。蔬菜有好多選擇，都算OK。冷盤也算齊。熱盆不太多選擇。飲品任飲，梅子菠蘿好好味。😍朋友話部份食物有些店有，有些店無。覺得不大值是因為無味道，特別係冷盤，同埋食物都是差不多內容及味道，衹是外型改變變(例如由圓變長型)🙄環境方面都算OK，不過個爐令下半身都好熱。…查看更多

之前尼間邊爐放題成日好多人，walk in都要等好耐。年前同朋友經過，咁啱冇乜人👍🏻👍🏻有期待就有失望🤦🏻‍♀️兩個字：難食‼️三個字：好難食‼️ 首先雪櫃食物種類好少，都係丸類同菜，例如：白魚蛋，甜不辣，花枝丸，麻吉，芝士丸等。連腸仔都冇😐同有少量熟食，例如：台灣腸，鹽酥雞，蛋餅等。我真係唔明一間打邊爐既餐廳，點解提供既丸類可以禁難食🤢口感霉霉爛爛，好劣質❗️鹽酥雞非常之乾❗️反而蔬菜種類同飲品方面合理，唔算少。不過菜品略嫌有啲唔乾淨。至於肉類質素普通一般，冇乜怪味既。帶有啲肉味，同埋唔會覺得唔新鮮。 我地大約4:30入場，唔知有無關係啦🤔除左上菜嘅時候，其他時間好少有服務員經過。好似孤兒仔咁，叫佢哋都要擇吉時🫠 埋單每人$261，平衡各方面下都係無下次啦😇…查看更多

✨️大家應該都聽過這間「好呷台灣火鍋」，最近會員有7折優惠，所以抵食，今日我地中午12點就黎到不用排隊等候，直接入座坐卡位。🥰入座前先選擇一個湯底，我們揀左「滋補當歸杞子鍋」，肉類有好多款。例如:「封門柳，羊肩肉，嫩牛肉，麻辣嫩牛肉，牛五花，豚梅花肉，雞腿肉等。😋除左肉類外，更加有雞子，蛋餃，鴨血，仿蟹棒，年糕，菜類，豆腐等豐富火鍋料，王子麵更加受小朋友喜歡。🤣🧋飲品方面有很多無糖綠茶，例如茉香綠茶，白桃烏龍茶，黑糖珍珠奶茶，黑糖薑母茶等。🍮甜品方面有好呷綜合紅豆湯，黃糖豆腐花，薑汁黃糖豆腐花，檸檬愛玉凍等。🥰出面仲有好多小食自助任食，我地最喜歡吃香脆炸魚皮，原條台灣腸，豬耳，炸物等。👍所以，一個咁平咁抵食既價錢，可以食到甘多款不同美食，真係食到非常飽，非常滿足👍仲有鍋底好濃味好足料🫰個個鍋底都好吸引賣相也好正咁，真係好難選擇😅我們個人的評分如下: 🥰味道 (5/5)🥰環境 (5/5)🥰服務 (5/5)🥰衛生 (5/5)🥰抵食 (5/5)📍好呷台灣火鍋📍亞皆老街8號朗豪坊7樓17-20號舖💰平均每位大約消費：$222.6(總計: $667.8) 7折價…查看更多

有四款不同的火鍋可以選擇 (台北，台南，台東，台中)。我同朋友去就選了台南式火鍋套餐跟鳳梨蕃茄牛骨湯底。湯底唔會過鹹及有好香濃的蕃茄味。除了指定食物可以經手機落單，外面位置還有多款菜類及台式食物(香腸)可以任拿飲品都有好多選擇，有一杯杯的珍珠奶茶但味道比較甜。下次會再去…查看更多

港旺角朗豪坊好呷台灣火鍋午市100分鐘，食🥩食到你飽，上菜都好快有幾款湯底(有麻辣鴨血藥膳😻）今次揀咗蕃茄湯底好鬼正🍅🍅👍🏻A5澳洲和牛牛肋粒👍🏻墨魚片👍🏻奢華盛盤美國SRF牛牛肋粒手切牛下肩胛翼板😍帶子、虎蝦、鮑魚、星斑魚柳可以任叫澳洲M5和牛肩胛肉牛小排穀飼牛封門柳牛五花豚梅花肉雞腿肉羊肩肉每人奉送一款甜品，揀咗7–11嗰條珍珠奶茶雪條、檸檬愛玉凍、紅豆湯仲有任飲飲品都好多款🧋🍺🍵出面自助區有十一款台灣小食( 鹽酥雞、地瓜球…查看更多

如標題一樣 個椰子雞雞湯真係好好飲好搞笑 明明重點係火鍋同埋肉 但係我同朋友真係對呢個湯底讚不絕口 嚟過兩次都係點台北嗰個餐出邊啲小食有冇增加發現唔太重要 第一次去落咗肉之後先發現個湯超好飲 俾好多肉浸過嘅湯 我同我朋友都一人一碗喺度飲….到最後食咗幾多肉完全唔知道 反正個湯飲係唔少 第二次醒目咗 帶咗個唔同嘅朋友 立即勸佢唔理三七二十一 每人先飲一碗果然也迷上了 究竟佢個湯係點樣做咁好飲 都係講吓啲肉先 其實食唔出有咩分別第一次佢冇飲到佢嘅自製飲品 嗰時去晚市見唔到有 第二次去午市發現了 試過偏甜還好 佢嘅鹽水雞真係非常之鹹（唔好意思雖然我知道佢會係鹹）我個朋友話個滷肉飯唔錯 （我冇試過（一直飲湯）） 反正椰子雞湯是你的最佳選擇 麻煩請試吓佢（其實我本人算係放題嘅衛生檢測體質 每次間放題會唔會可以有第二次嘅光顧 就可以睇吓我有冇肚痾 暫時呢一間係我食過兩次都沒有肚屙 所以非常之開心 🤓）…查看更多

Bookmark左呢間台式火鍋好耐，見介紹有好多嘢食選擇，不過d 評論就好壞參半，終於搵到機會試試佢。 平日嘅晏晝同朋友黎食，揀左中等2號 探部落。食台東 套餐。可能因為時間尚早，舖頭唔係好多人，仲坐到個大卡位。同樣部份食物或者肉類都係用QR code 落單，上菜快手。舖頭環境乾淨企理，拎嘢食嘅區域大，熟食同火鍋配料分開左兩個區攞放，拎野食唔會逼。食完覺得佢晚市定價比較高，但食物既水準都叫有保證，而且選擇都多。建議晏就比較抵。…查看更多

今次湯底我地揀左滋補當歸杞子鍋，湯底有啲紅棗、杞子同埋龍眼肉，但無乜藥膳味。如果想揀鴛鴦鍋嘅朋友就可以加$50。肉類方面，套餐包1份澳洲M5和牛同肩胛肉，而牛小排、穀飼牛封門柳、牛五花、豚梅花肉、雞腿肉，羊肩肉等都可以任叫。澳洲M5和牛既質素都還好，其他質素就好普通。海鮮種類算少，靜係得八爪魚仔、墨魚仔、蜆同埋鯛魚片，全部都好細粒，唔太吸引。另外仲有啲鍋物，例如三星蔥爆漿貢丸、胡椒豬肚丸、百葉豆腐、鴨血、花膠、仿蟹棒、鹹蛋軟骨雞滑等可以任叫，但就無乜邊樣食完係好想再叫。餐廳仲有自助區可以拎蔬菜類，例如金菇、娃娃菜、萵荀、粟米等，熟食區就有啲炸物同台灣腸，而飲品方面除左一般罐裝同紙包飲品，仲有3款自家製冷泡茶、愛玉冬瓜茶等特式飲品。飯後每人送Movenpick 雪糕一客，有呍呢拿味同朱古力味揀。呢間火鍋店之前都算係人氣店，以前成日都見好多人排隊等位，但而家平日夜晚去都好多吉位，坐唔滿，即時walk in 都有位。以呢個價錢嚟講嘅任食火鍋質素不過不失，食物款式唔算多，回頭率唔會好高，但想方便就腳，過下邊爐癮既都可以一試。💰一位$288連加一…查看更多

呢間食過幾次，岩岩開嗰陣覺得好好食無論係台式小食or order送過嚟嘅都好好食。隔左幾個月尋晚再去食晚市3號餐真係十分失望。。。湯底都無味，牛小排唔同哂，係牛肉片嚟一放落去淥嘅時候就已經散哂搵唔番，咁都算，但台式小食嘅滷豆腐同埋冷盤豬耳，可以話係餿嘅。。。好明顯係佢哋儲存食物嘅方法唔啱，真係成餐都好難食，而且價錢一啲都唔平，性價比極之低，以後都唔會再食！…查看更多

真係勁難食 衰過我阿媽喺佳寶買啲肉 我發誓我唔係打手 係真實評價午市晚市有分1/2/3/4餐，由低變高，食物內容不變，我選左個3餐，午市為238/一人，跟一個湯底，鴛鴦湯底加左$50選左沙茶湯底同番茄湯底先講湯底，番茄湯底唔覺有好大番茄味，唔知點解會有菠蘿，5/10分沙茶湯底，味唔夠，3/10加湯係出去自己加，但得雞湯/熱水，唔會有你食緊既湯底加野食，兩個字就垃圾，四個字就不知所謂3餐已經係第二貴，啲牛得兩款，一款牛小排放唔入口，又肥又UN; 另一款封門柳，算係擺得落口，但啲牛質素都係低飲嘢飲到飽，好慘。朋友想食羊肉，所以特登揀呢間，但係點知啲羊肉都係冇羊味，垃圾。海鮮就只係得八爪魚仔，蜆；蝦/魷魚都無，啲蜆細到傻、仲要好多沙，苦。呢個餐基本上得幾樣野食，又食唔飽，唯有同經理升級到4餐，試下佢個A5肥牛，如圖未落湯果陣都仲呃到下人，一浸完湯原形畢露，一定唔係A5，同普通邊爐店食既牛唔知有咩分別，伏完再伏，餘生都不會再光顧。升級左呢個餐，蝦送左兩隻，帶子三隻，仲有少少所謂的SRF既牛肩胛，我無比機會佢，留返比後人試下啦。呢啲全部都無得再加，係得一份；升級完係比你無限點青口，丸，等等一啲你唔會想食既野。埋單連加一710.6/兩人…查看更多

想食打邊爐， 有朋友介紹此火鍋， 話食過唔差。 點知超級中伏。係我要求高， 又或嫌尖。入去見環境唔差， 以為ok.點知2人又夾2人坐， 好像茶餐廳咁， 左邊2位又講野勁大聲， 好嘈。 ＜完全唔理其他食客感受， 我們唔想聽佢地2位發噏風， 耳朵好嘈＞叫左養生鍋湯底， 湯勁咸， 有菇， 但唔知點為之養生。 1＞花膠好腥， 腥到食唔到， 想嘔。2＞丸質素又差，又實又硬又冇味， 差過自己去街市買丸3＞炸物又好一般以下，求其炸d野放出面。食完半粒至一粒都唔想再食。4＞二維碼叫之牛肉， 羊肉， 豬肉質素普通以下。5＞ 熱飲之紅棗水，得色， 冇味， 飲2啖都飲唔出係咩？！ 飲 唔落6＞ 鮮牛肉切到一pat 咁，又厚又連住晒， 成串鎖匙咁， 滑嘟嘟又好像好槳咁。 完全沒有食物可以番叫。 食完一次以後唔會再來。$250／位。。。。唉！唔會再食。 …查看更多

第二年喺度食開年飯，貪佢有開，嘢食選擇多，又唔使加二加三，細佬仲有member有折。因為鍾意食牛，所以揀咗最貴嘅「厝內人・吃台北」，可以任食澳洲M5和牛。佢啲冷盤涼菜好啱我口味，少少辣好惹味。個鮑魚撈起唔知係包埋定另外嗌，因為細佬落單所以唔清楚。鍾意食三星蔥貢丸，點知嗌咗3轉，有2轉都嚟咗薑蓉貢丸，鹹到癲……佢啲手切封門柳冇平時喺其他舖頭食嗰啲牛味咁濃，跟餐送「輕奢華盛盤」嗰啲牛肉油脂夠又嫩，但任食嘅牛質素亦唔太差。…查看更多

一行八人，包括一個小朋友去打邊爐。叫咗個三號餐，晚市120分鐘，成人$308，小朋友$238，一如其他任食火鍋、放題，小朋友過90就收小童價，我哋呢個小朋友1米高，自然要收費。湯底叫咗椰子雞煲，總括嚟講就係平淡，冇特色可言，牛肉，叫咗麻辣嫩牛肉、牛小排同封門柳，唔對辦，放舊唔知邊樣牛落去，淥咗十分鐘都仲係粉紅色，好難理解係咩狀態，見到咁，大家已經冇咩心機食落去。櫻花蝦墨魚滑，食落去有陣鹹魚味，個個都即刻吐番出嚟，美女廚房評判上身咁，大佬呀，唔係一味搞啲新意思就叫做好架。白蜆，淥完之後有三分之一唔開口都唔會覺得意外。最好味係M字牌雪糕，完。…查看更多

依家好多任食既時段都係得90分鐘，咁岩朋友見到呢間有120分鐘，都可以接受就去試下。當日可能算早，一行4人，7點walk in去唔洗等即有位。揀左level 2,無加$30要多個甜品同雪糕。不過同行有一位想加錢飲啤酒，都可以淨係比佢一位加，唔洗全枱加，抵讚。個人覺得邊爐料都係一般個d，牛肉就keep住黎咁多次都好靚。反而台式小食同涼拌，多款及非常岩食，比邊爐料出色好多。飲品有珍珠奶茶我都好鐘意，其他都係一般任食邊爐有既飲品。如果可以食180分鐘就好了。…查看更多

套餐擇左*探部落。吃台東*💟好呷麻辣鴨血藥膳鍋譚仔4小嘅辣度，藥膳+麻辣湯底味道幾正，係好味嘅湯底，但唔係台灣嘅味道，鴨血凍豆腐放落去都好味。💟穀飼牛 💟封門柳 💟嫩牛肉嫩牛肉最好味，可能辣鍋，厚身肉啲麻辣味入到肉仲正。封門柳都好嫩，唔錯。外面有自選蔬菜、調味汁、熟食同飲品💟珍珠奶茶 💟鹽水雞 💟鹽酥雞 💟鹵牛肚 💟炸地瓜飲品視乎當日有咩，珍奶好飲，值$30 一杯嘅味道；鹽水雞可以自己撈；鹵牛肚勁勁入味，必試。其他全部野都唔錯，無伏。…查看更多