好味道小食店

肚餓又路過...所以買少少野食。燒賣﹕一般魚肉燒賣，味道都係果d味啦...正常~~但重點係好貴囉~食水好深~$6 6粒...同區其他小食店都可以$5 8粒...司華力腸﹕即叫即炸，新鮮熱辣~~加左甜醬~好味~$8~都ok啦~感覺個店員都幾nice~態度都唔錯~…さらに見る

我成日都黎買撈麵食一個月最少都食三次因為真係十分惹味唔知點解呢度開d撈麵好過其他地方開出黎果d無論係汁定麵既軟"un"度都非常好ps, 我係撈麵愛好者~pps, 今日買撈麵時見到店內站左個牌叫人上open rice寫下, 所以特登上黎寫下~…さらに見る

尋日經過買左串辣魚蛋 (其實係用盒... 我想用竹籤串住個阿姐話唔想整污衊d地方一定要用盒)佢個辣汁好正! 結果食多串燒賣又加魚蛋辣汁,值得推介! 下次再有機會會試下腸粉,因為個阿姐講到明叫先蒸,應該會好滑.…さらに見る

最近經常出入花都工作，肚餓時又未夠鐘食飯都會諗起呢間小食店。雖然佢地選擇唔算太多，不過試過好幾樣野都覺得好有水準... 其中試過呢d:魚蛋 ── 原來佢地重係用細細粒唔會浸到發脹果種"果皮魚蛋"，而家已經唔係有好多小食店係用呢種魚蛋。咬落口感一流，一般果d會脹到乒乓波果d魚蛋同佢真係冇得比。而佢既辣魚蛋係用咖哩做底再隨我要求加上沙爹汁。有街邊食魚蛋感覺! 正! 雞蛋仔 ── 我本身都好鍾意食雞蛋仔，亦試過好多地方。原本諗住一間唔係專門做雞蛋仔既小食店唔會太好食，點知試過先知估錯左。佢d雞蛋仔做到外脆內軟，雖然唔可以話同北角一樣咁好食，不過都至少係我試過既頭幾位喇。小小投訴既就係要等囉，而且有時朝早佢地係未有得賣雞蛋仔既... 珍珠奶茶 ── 珍珠奶茶當然唔會係小食店既強項啦。不過佢地既珍珠奶茶都係即叫即打既，而且價錢只係9蚊杯，睇落size重係平時外面既大杯裝! 重想點? 晌呢道買珍珠奶茶都重要平過晌其他茶餐廳買外賣凍奶茶，所以計落我就算唔要珍珠當凍奶茶飲都重係好抵!…さらに見る

高水準炸魷魚鬚不過幾貴呀, 要個大既都仲係好少條但我都仲係買一分錢一分貨~…さらに見る