好叉好味 (海富中心)

營業中

休息中

🔥好叉好味📍夏愨道18號海富中心2樓102號鋪🥄WOW 焦蜜叉燒飯$56lunch做個食肉獸，試下呢個叉燒飯，肉質都幾嫩滑，唔係會咬得好辛苦，但豉油好似重手左，成碗飯都比較鹹，至於飯既量都好多，食到好飽對於女仔黎講，唯一個叉燒係算幾好食，好食過街市既燒味店，價錢都算合理

金鐘呢間好叉好味真係孤寒至極！食過一次 麻麻 再食多次 雙拼 竟然得3舊雞 我有無睇錯？金鐘啲叉燒難食都算 唔洗咁孤寒吧？雙拼八舊肉都唔夠送飯啦！都未講其他分店係足夠一舊兩啖飯咁送飯！唔係轉左工都唔洗食呢間分店客服話係人為失誤 會free翻一個飯比我算啦都 個質素都唔好 慢煮都可以鞋～仲要無openrice優惠係原價買

當餸的份量永久地縮減 由以往有兩層肉變只剩相中表面的一層這外賣店可以永久地打入冷宮了 …………同一樣價錢比起開業早期餸嘅份量減半無論係菜飯嘅菜同肉都係 真係感覺好差我情願你開宗明義加價…………食到一半就唔夠餸就咁食冇餸嘅飯食飽真係好dry………………..鐘意食飯嘅就會飯團 唔係食唔夠餸嘅飯…………………..呢個價錢 附近有大把選擇希望食店負責人睇到希望自由經濟下可以早日淘汰呢間度縮嘅食店………………………..

💙WOW柚香叉燒飯💙💵$58有時返工lunch會買下外賣，多數會去海富中心買～依間店都開咗半年有多，間唔中都會食～不過質素會有啲飄忽，時好時壞🤭佢嘅叉燒飯有唔同口味，除咗我今次叫嘅柚子味，仲有焦蜜（即係原味）同麻辣～柚子味其實即係加咗啲柚子蜜，多咗陣柚子嘅清香，食落亦都會比較偏甜～叉燒係幾好食，腍得嚟都有啲咬口，算係半肥瘦叉😋仲有佢係一層飯一層叉燒咁擺，total有四層，所以係會有兩層叉燒架～都幾夠份量～佢嘅賣點仲有係可以揀菜飯，感覺會健康啲啲～不過今次啲菜超級少🙈但係佢俾咗勁多醬汁，所以完全唔洗擔心會食到齋白飯☺️p.s. 其實我會有少少覺得佢俾得太多😂面頭粒溫泉蛋正常，加咗係有多啲滿足感嘅～成杯飯其實好大杯，飯量都好多，足夠餵飽一個成年男人架～

金鐘美食沙漠餐廳金鐘選擇真係太少好叉好味未食過 就試下呢間外賣杯裝飯杯黎食飯都幾特別辛麻叉燒菜飯（$58） 無送飲品叉燒同菜飯份量都幾多有隻流心蛋叉燒唔係港式燒賣果款叉燒略少飯多

之前係有兩層肉，唔知點解食食下得返一層，再咁偷工減料法，真係唔會再食，因為得一層肉真係好少下，得飯無餸叫人點食？前後左右有好多間食肆，我之前成日見有人排隊，依家開始無人排，反而隔離個間好多人等外賣。作為一個叉燒fans,希望你地再做好d。

開店時 幫襯唔少肉有2層 份量夠又味道唔錯菜、肉同飯份量平均菜飯調味適中菜係見到有葉有莖而且食到落底都有肉剩當時係幾滿意 時而世易最近呢一次食小棠菜碎到好似蒜蓉咁一盒飯加埋唔知有冇一棵小棠菜 :S食到大半己經唔夠肉送飯菜飯冇菜又冇肉調味又唔夠食到尾變到食白飯咁…………咁嘅質素真係冇下次況且附近燒味都有其他可以㨂加上開多左好多外賣店希望店主可唔正視一下食物質素多左分店大量制作cost down 左消費者係分得出的

今日order 焦蜜叉燒飯，今次好失望。明白lunch time 好多order. 但俾啲生嘅飯個客食就唔好啦。豉油嘅份量又太多，碗底啲飯好鹹。唯一係叉燒的質量保持到，肉質嫩滑。我會試多一兩次，如果都係咁就以後唔幫襯。

金鐘一向都係美食沙漠最近新開左幾間食肆當然要試下啦本人鐘意食辣所以揀咗辛麻叉燒菜飯（$58）價錢唔包飲品，所以有點小貴但本著試新野就算啦講番食評叉燒同菜飯份量都幾多叉燒燒得好香，肉質軟腍辣味適中幾開胃唔食得太辣既朋友都應該食到飯既面頭有粒流心蛋將它拌勻叉燒粒同菜飯一齊食一口飯一口肉都幾滿足美中不足係菜既份量較少流心蛋又唔夠撈哂成杯飯所以食到後面要乾噎白飯而且飯既份量真係好多男性朋友都話食到三分二已經好飽所以如果好肚餓真係可以試一試或者同朋友share食

指數: 🐽🐽🐽好食指數: 🙆🏻‍♀️🙆🏻‍♀️之前食過上環嗰間好叉好味念念不忘，得知佢喺金鐘開咗分店，咁近我當然要去捧下場😆可惜水準完全keep唔到，一開蓋見到叉燒已經比我上次食少好多，即刻已經有啲失望同唔開心😫❌辛麻叉燒菜飯 - 鍾意食辣嘅我諗住試吓呢隻味，我就覺得唔算辣，少少麻香。啲叉燒幾乾，第二層叉燒得兩三粒，少得可憐，完全唔夠送飯🥺菜飯都算多菜粒，不過唔香冇乜味。❌ 焦蜜叉燒菜飯 - 呢個係我之前食嘅味，味道有蜜香，不過都係果句，第二層又係冇乜叉燒。總之就極度失望，唔會再有下次。

收到金鐘開左間新野, 梗係要試試佢啦.佢個logo超好笑, 餐廳提供3款唔同叉燒口味既飯, 機會難得, 梗係試晒咁多款. 招紙話可以預先Whatsapp落定Order先, 不過可能新開, 知道既人唔算多. 落到去拎, 都要等幾分鐘, 似係佢即場入盒, 然後再打蛋既.每一盒外圍都會包左個隔熱紙, 紙上面仲會寫明係係柚香、辛麻同焦蜜味, 再細心D睇, 原來條邊都係唔同色既. 初時諗住好細碗會唔夠食, 所以加左個瑞士雞翼Share. 點知, OMG, 入面D飯壓得好實, 原來係超多菜飯, 最尾真係食唔晒D飯, 只能食晒D叉燒. 柚香同辛麻係最特別既, 焦蜜只係平常叉燒既味道, 柚香就多左一陣柚子既清香味, 飯入面仲會撈少少柚子, 而辛麻都少少辣, 幾惹味.餐廳只會提供叉羹混合體, 但Size就比一般大而長, 都方便既. 不過最特別既係差不多近底層, 佢會再放多一組叉燒落去, 大概有4-5舊, 成件事係窩心既, 叉燒多得黎之餘, 唔會鋪晒係面, 令你只係食到叉燒, 而搵唔倒D飯. 不過要留意既係, 如果要打混隻蛋黎食, 個份量只係可以撈倒上面個層, 要D技巧先可以撈到全個飯都沾滿蛋漿.

今日午飯唔知食咩，咁啱見到有間新店，大大個豬頭，新店裝修感覺幾乾淨企理。 但食物種類選擇唔多只有幾款不同口味嘅叉燒和其他小食。 叉燒有三種口味有辛辣味及柚子味焦蜜味， 可以配菜飯，每款大約要$58。 價錢唔算太貴，我同同事一人叫咗一個飯柚香叉燒菜飯和辛麻叉燒菜飯。返到公司打開膠袋，會見到一個桶仔，桶仔內有兩層飯和兩層叉燒。 由上而下，即係第一層溫泉蛋加叉燒，第二層菜飯，第三層叉燒，最後第四層係菜飯。柚香叉燒菜飯飯面有隻流心蛋，可以撈勻食明令白飯有陣陣蛋香，叉燒厚切唔算肥，肉質軟淋，食落有點點有柚香味，感覺幾清新。辛麻义燒飯個人嚟講我本來唔太食得辣， 這個辛麻的辣度我都可以接受到，喜歡食辣的可以一試。我認為這間餐廳的叉燒飯比一般的叉燒飯健康， 因為餐廳選用偏瘦的叉燒，醬汁比較少， 再加上有菜飯感覺比其他叉燒飯健康。