好叉好味 (禧利街)

營業中

休息中

係lunch嘅時候突然醒起好耐冇食過燒味眼見外賣有燒味飯而且呢個名都好吸引於是乎就忍唔住落咗order啦.首先佢最主要嘅嘢係佢有兩層叉燒夾住兩層飯以主食方面佢可以選擇菜飯白飯沙律我覺得可以比都市人多一啲選擇幾好幾好.咁我就嗌左柚香叉燒配菜飯我覺得不得不提係佢哋嘅叉燒因為我真心真係唔鍾意食肥肉所以佢主要偏瘦肉真係我杯茶加上佢就算係瘦肉都唔會偏硬同埋偏乾都有Juice嘅味道柚子香亦都相當濃郁配合到佢嘅豉油但又唔會太甜非常之出色加上佢係一層叉燒再加一層菜飯咁樣鋪足足有四層我相信男女老友都絕對可以食得飽仲有佢喺面頭放咗剪得好靚嘅太陽蛋.私心我比9分絕對可以回頭仲要到最後食唔晒

呢間餐廳嘅叉燒秘方來自超過三十年燒臘大師傅😱嚴選偏瘦脢頭肉，按摩後用中式醬醃製，絕不加鬆肉粉🐖先用西式焗爐高溫鎖住肉汁，然後低溫慢煮，最後烤至表面焦香🔥滴出嚟嘅肉汁會留嚟調成蜜汁🍯💗Wow焦蜜叉燒 ($54)叉燒切到四方粒，表面焦邊脆口，肉質鬆軟腍滑，肉汁豐富，蜜汁味香甜🐷同菜飯層層相疊，食落更健康解膩🍚最後加上太陽煎蛋，將流心蛋汁撈入飯一齊食更滑溜🍳💗黃金滿杯叉燒 ($98/ 中)流沙甘香嘅鹹蛋黃醬包裹著蜜汁叉燒粒，非常邪惡🥚💗墨魚丸 ($28)炸墨魚丸爽口彈牙，加入椒鹽非常惹味🐙💗洋蔥薯餅 ($28)薯餅炸至金黃香脆，內裡薯蓉綿密，洋蔥粒增加口感🥔

之前喺觀塘試過，今次嚟到上環食過返尋味😏😏😏 本來諗住常食，但係疫情關係，而家只接受外賣。咁唯有買上朋友公司食啦😌同老闆傾計，因為人流問題，原來唔同觀塘嗰間只可以揀菜飯，呢一間可以揀沙律，菜飯同埋白飯！我就叫咗焦香叉燒飯(白飯)，一如上次咁好食😋叉燒配白飯果然比配菜飯更加正❤️仲喺朋友雪櫃拎咗罐冰凍可樂，爽爽爽！朋友打開打開個盒，就見到隻好靚嘅太陽蛋，佢叫咗麻香叉燒沙律，原來係叉燒上面加辣油，朋友表示叉燒幾好食，但係辣同沙律就唔係好夾啦，哈哈哈哈😂佢叫嘅時候我都有取笑佢呢個配搭，但係佢偏向虎山行😌😌😌大家記住啦，如果點立美嘅話就盡量唔好配沙律啦，如果唔係😎😎😎

「好叉好味」的叉燒飯外賣店，店名又過癮，喺OpenRice見到好叉好味做緊外賣自取$100平$60，即管就係OpenRice個Apps度手機訂了晚餐落單啦。因為可以剛剛好一百蚊多D,  $50 +  $58, 總共＄108，即係＄68。16.01下單，18.31轉為可取，一到上環即可取的確方便!! WOW柚香叉燒飯👍叉燒梅頭 好淋 位置有筋脂肪香 選位唔錯👍柚子跟叉燒很夾 很清新 感到冇咁油膩👍WOW黃金叉燒飯有創意，層層疊，一層菜飯一層叉燒一層菜飯 ........... ，蜜味叉燒傳統蜜汁, 而且半肥廋，鬆軟，又冧而且不會乾黃金鹹蛋黃而且平民美食，用「平、靚、正」形容最好

完成上環果頭既工作,準備殺入石澳,又怕今日星期日冇咩野食,早幾日食左永樂餃子,行行下見到哩隻豬,可惜我唔食豬吖,咦,睇到門口d 雜誌報導,個老細幾靚仔喎XD唔知d 飯又有冇咁靚仔呢?睇睇下見到有辛麻烤雞飯,好啦.試試你啦.行入店內.店入面簡簡單單,有d 企位原先應該係可以堂食既,依家疫情下唔可以啦佢地2點半後仲有潛艇,好似幾正,限定仲有黃金叉燒,係鹹蛋黃呀,點解冇鹹蛋黃雞架?最終買左個辛麻烤雞飯連枝茶$68搭左差不多一個鐘車去到石澳,男人仲未到,唯有係mo仔度等佢,打開個飯黎睇下先~~隻蛋好靚仔呀,忍心D 叉爛隻蛋黃,D 蛋汁流曬落D 雞粒度,成粒雞沾滿蛋汁,入口有蛋香又少少辣又好滑啊,跟住我將隻蛋白質曬落雞粒底,等D 飯都有蛋,但D 雞粒超多,想食飯先要食咁D 雞粒先,飯粒分明,有粒粒小棠菜係入面,撈埋辣雞粒同蛋汁,啖啖惹味,不過食開辣既會覺得唔夠辣,哩個辣度係適合想試下辣,又食唔到辣既人既.食食下,男人終於,我就冚返埋個飯拎落沙灘對住個海食啦,單手食都幾方便,但要小心後面有人玩沙喎XDD

越開越多分店的人氣店好叉好味，響上環都開左一段日子，今次終於冇機會一嘗，同事介紹都幾好味。.WOW柚香叉燒👍叉燒梅頭 好淋 位置有筋脂肪香 選位唔錯👍柚子跟叉燒很夾 很清新 感到冇咁油膩👍一層叉一層菜飯一層叉一層菜飯一路做野一路食推介指數: ⭐⭐⭐.5/5--------------------Overall 評分時間(每項最高5分):💚食物:👍👍👍.5💙抵食程度:👍👍(所有評分係由 價格同相關質素之比例)總結: 06 /10⭐

又到OL搵飯食時間，位於上環的港式燒味小店，小店不大一眼望晒，只有企位，建議大家都是買外賣回公司吃，主要食材叉燒有三種口味辛辣味，柚子味，蜜糖味不過今次叫了雞扒還有特色三文治叫义潛艇和雞潛艇Wow烤蜜雞扒-你可以選擇白飯或菜飯-雞扒，蜜汁雞扒有少少燶邊，外脆內軟-煎蛋蛋邊還有少少燶邊的半熟太陽蛋成個可愛杯型的外賣設計一層菜飯，一層雞扒，再一層菜飯，再一層雞扒，頂層加上煎太陽蛋，最後加上豉油簡直絕配充滿新鮮感的叉燒飯大家可以一試

黯然銷魂飯😋疫情下大家會唔會食少咗燒味?呢間係朋友介紹我試~感覺上係衛生啲😌😋叉飯 ($58)可以揀: 白飯/ 菜飯/ 沙律荷包蛋 on top🍳叉燒 | 菜飯 |叉燒 |菜飯咁擺法係幾方便食用其實人地個site有圖我唔知做咩想寫字🤭叉燒肉質腍身唔柴口少少燶邊幾好食圖中係麻辣帶辣係更加惹味不過真係幾辣同有少少油記住如果叫沙律就唔好叫麻辣我係經openrice💁🏻‍♂️order所以係唔駛等位~

Lunch time通常都有選擇困難症，這次留意到它的外賣十分抵吃，便選擇了它。外賣自取七折外，如未使用過OpenRice自取服務買滿40蚊還可以減20蚊，真是十分抵吃。Wow辛麻叉燒份量對女孩子而言十分足夠，而且有創意，層層疊，一層菜飯一層叉燒，叉燒半肥廋，鬆軟，又冧而且不會乾，配上辛麻配方，既香又不會辣，菜飯真的是合適之選。蝦角份量足，而且外賣後還是脆的，蝦膠彈牙夾口，值得一試。

用碟上嘅黯然銷魂飯 大家就食得多俾我發現到呢間用杯裝 層層疊既 #焦蜜叉燒飯個名又搞笑 容器都咁特別😂😂以為佢細細杯 驚食唔飽 食下食下份量都唔少.由上至下分別有煎蛋⬇️切粒叉燒⬇菜飯⬇切粒叉燒⬇菜飯.總共五層咁多 叉燒個樣唔算靚仔 勝在食落唔會乾用杯仔裝飯 呢個諗法幾新鮮👍🏼👍🏼🤩

有好幾間分店而我今次嗌佐上環呢間分店既外賣想試下佢係咪真係咁好味😂圓筒型包裝好吸引，有別於一般叉燒飯WOW 焦蜜叉燒飯 $46WOW辛麻叉燒飯 $50蝦角 $20墨魚丸 $20係設計上係幾體貼❤️佢比既餐具係可2用既叉匙羹可以吉住啲野食，食得好方便圓盒設計拎上手舒服打開入面係鋪一層菜飯一層叉燒再鋪一層菜飯一層叉燒務求令到食既人唔會食晒啲餸得返啲飯👍🏻個面放上半熟太陽蛋再淋鼓油😋唔好睇相好似細細杯其實超！大！兜！好多叉燒好夠飽架叉燒全部正方形一舊舊食落唔乾好彈牙🥰個人中意辛麻味多過焦蜜佢既辛麻冇乜辣度但有個味係到好香相對焦蜜既蜜糖我覺得唔夠買一兜lunchtime食真係好滿足👍🏻

聽佢個大名好耐 咁岩今日要去上環行一轉 就試下佢啦 有人介紹佢係叉燒蛋飯 但我覺得佢係叉燒飯加隻蛋 睇相以為好細兜 當我去到舖拎外賣個陣覺得都幾大兜 咁我唔使再加其他野食啦 今次同朋友試焦蜜叉燒 我地無勇氣試辛麻叉燒因為怕太辣食唔到 但聽講辛麻先至係必試 一打開佢既蛋好靚好靚 係半熟 一篤落去流黃個隻 但係因為我地擺耐左要叮返熱佢 搞到隻蛋熟左 可惜 係叮之前無影到相 入面係一層粒粒叉燒一層菜飯 然後再一層叉燒一層菜飯 叉燒係偏瘦既 但我個人覺得肥瘦都有佢地既食法 所以無所謂 味道夠香 但我覺得玫瑰露陣味好大 有d人未必鍾意 蜜糖可以再多少少 另外個菜飯幾好 可以再多少少菜 一層層既idea幾好 起碼唔使食完d餸發現個底仲有好多飯同埋佢個盒既design幾靚 令人食得好開心

#上環 #好叉好味 🥩🍚聽個鋪名咁自信咁架勢😏又主打層層疊咁一層叉燒一層飯 用杯裝潮住食一於試試佢🤩💛-WOW柚香🍋叉燒 配菜飯 ($58)🍳 一開蓋有隻燶邊流心太陽蛋迎接我🤩加埋甜豉油 小驚喜加分🤤🥩 厚切嘅粒粒叉燒肉質 軟淋&juicy得來又有咬口 唔會痴牙而焗燶左黑左嘅位以為會硬會苦 但一食竟然係焦香 大讚👍🏻 🍋 柚香味令叉燒清新啲冇咁油膩 好夾🥳🥬🍚 小棠菜略嫌有啲生有草青味🤏🏻*底層嘅飯量較多，建議好似食cake咁每啖督到底，咁食到尾就唔會冇乜餸同冇咁乾啦😆☺️整體我比8/10分🥳

呢個杯裝叉燒飯外賣..淨係外型已經夠晒創新🤩先係一隻煎蛋🍳再來一層叉燒🍖跟住菜飯🥬🍚再來一層叉燒🍖跟住再嚟一層菜飯🥬🍚一層疊一層咁😚真係份量十足💪🏼今次試咗🌶辛麻叉燒菜飯😋頭頂隻煎蛋冇因為外賣而令到變咗熟蛋🥚抵讚👍🏼叉燒有燶邊..肉質尚算可以唔會太鞋..反而比較鍾意佢嘅辛麻味🌶..夾埋菜飯Perfect match..同埋感覺叉燒好似仲多過菜飯🤣🤣🤣抵食🤩🤩🤩

在上環新開的一間以叉燒做賣點的外賣食肆、我每次食晏行過都見到都好多人排隊、我諗住啲义燒會好好食、但因食晏時間太多人、一直未能夠試到想、後來知道OpenRice 外賣自取會平啲、所以就試吓、叫咗10分鐘就有得取、都算好快、但竟然啲叉燒又乾又硬！一啲叉燒味都冇！$58一合、不包飲品、其實$58一盒叉燒飯，在我來講算貴！但如果好食就冇所謂，但真的很差很差！真的懷疑佢哋識唔識整叉燒！非常失望😞以後不會再幫襯!