好叉好味 (禧利街)

營業中

休息中

之前好叉好味成日喺度賣廣告, 搞到大食妹心郁郁好想食今日終於得償所願食到啦<WOW焦蜜叉燒>好叉好味其實就係車仔麵嘅米飯版, 飯底同叉燒口味都可以自由配搭, 好有彈性飯底方面, 可以揀菜飯、白飯或者沙律, 而叉燒味道方面, 就有焦蜜、柚香、辛辣同黃金四款選擇大食妹比較保守少少, 嗌咗普通嘅WOW焦蜜叉燒正所謂黯然銷魂飯, 有叉燒又點可以冇煎蛋呢一打開碗就見到, 一隻完美嘅煎蛋放咗喺面, 上高淋咗少少甜豉油吉開蛋黃, 蛋汁就會流落去叉燒嗰一層叉燒肉質比較瘦, 而且切左粒粒, 食嘅時候要有啲牙力, 個人唔太鍾意最下面就係米飯底, 菜飯真係菜加飯, 冇任何調味在落一層又係叉燒, 然後最後係豉油菜飯<薯寶>因為怕主食份量太細會食唔飽, 再嗌多咗兩份小食薯寶外賣真係好淋, 而且無提供茄汁, 唔建議嗌<炸墨魚丸>炸墨魚丸都麻麻哋, 冇乜墨魚肉

越開越多分店嘅好叉好味聽個名就知佢有好叉食🤣😋——————————————Wow焦蜜叉燒菜飯 $49(原價$54）👆🏻Open Rice落單外賣自取有9折一打開見到個太陽好開心❤️燶邊蛋整得好靚👍🏻面層有滿滿嘅叉燒賣相係吸引嘅☺️味道正常，無乜驚喜😆叉燒唔夠蜜味，肉質偏硬後生仔女係咬到嘅🤣除咗焦蜜味，仲有柚香、辛麻、黃金味可選擇叉燒、烤雞或雙拼再配菜飯、白飯或沙律*總有一個配搭係啱你嘅😜

呢間主打杯裝叉燒飯 配料同飯咔啦咔啦咁放 令你每啖都有肉有飯😋$50幾就有叉燒食 仲要有煎蛋 抵食之選 仲要逢星期二買三送一 真係勁平🤩————————————————————————🐕杯杯飯 🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯一杯飯好似好少咁但佢其實好大杯lol男仔食一杯都夠飽有得揀叉燒定烤雞🐷🐔叉燒半肥瘦 一口Size 份量多聽聞反覆以高低温煮 所以肉質頗為軟稔但如果追求炭焦香 呢間未必係你嘅首選招牌焦香叉燒帶有蜜香 係經典嘅味道🍯柚香叉燒清新 似柚子蜜咁🍊烤雞比叉燒結實 不過就冇咁肥辛麻口味偏川式 惹味非常😋🌶要encore辛麻！ 成杯飯最正一定係嗰半熟燶邊太陽蛋😋🍳篤爆佢 連埋甜豉油撈飯 正！😋😋想食健康啲 可以揀菜飯😙不過個人會鐘意啲飯乾爽啲同削啲————————————————————————

今日一如既往出去外賣自取返嚟食，咁行遠少少去到上環試吓呢一間叫好叉好味嘅餐廳。我見佢都幾多款揀又有雞同叉燒，味道方面有焦香柚子麻辣蛋黃。第一次就試吓最基本嘅焦香。去到叫春等咗一陣就有得拎，應該係預先整好再保溫。拎到返去食打開有驚喜，原來佢仲有一隻太陽蛋放喺度，隻蛋嘅色幾靚，嗰邊有煎得唔錯。食落都幾有雞蛋香。到試吓佢嘅主菜叉燒。幾入味浸蜜糖香味幾豐富。但係肉質就硬咗少少。唔似平時食開燒味舖嗰啲半肥瘦叉燒。但係我本身唔太喜歡食肥位。所以覺得唔錯。依度唔使錢轉菜飯。個菜飯就正常，菜都叫足夠唔似其他得兩粒菜。但係就普普通通冇乜特別。成個餐食落去感覺都舒服健康。總括然而， $50左右可以試吓，但如果你好鍾意食傳統燒味，就可以試吓其他。但如果你鍾意試吓新野試吓無妨。

🍴 WOW柚香叉燒 (配菜飯）＄52🔅最鐘意佢既燶邊半熟流心煎蛋，篤開蛋液流出，拌飯一流🔅煎蛋下面放咗滿滿叉燒🔅主食可配菜飯/白飯/沙律溫馨提示⚠️每杯有兩層飯和兩層叉燒，而且飯是壓實既，個人估計每杯飯量有一碗半正常飯碗含量自問細食朋友：可兩人分享一杯飯（有7-8成飽肚）或選擇沙律底自問大食朋友：一杯一定夠晒滿足唔知係唔係多咗人介紹，呢次去買要排長龍，至少有十幾人等緊外賣😱不過好食既值得排隊既！

今日呢間餐廳主打靚叉燒，我本身好鍾意食叉燒所以一定要試一試。調味有四款選擇：焦蜜、柚香、辛麻同埋黃金。肉類有三款選擇：叉燒、烤雞同埋雙拼。最後就有三款選擇：白飯、菜飯同埋沙律。我就選擇左焦蜜雙拼菜飯，嚟到嘅時候面頭仲有一隻半熟荷包蛋，講真基本上叉燒蛋飯就已經冇得輸，蛋黃加豉油撈飯對我來講已經可以送成碗白飯，首先講下主角叉燒，佢刻意將叉燒嘅邊邊燒到有啲燶燶哋，通常嗰啲我就覺得最好食，叉燒非常淋，好香蜜糖味，再加埋少少焦香味，好食！跟住就喺度烤雞，烤雞都係甜㗎，雞肉有少少彈性而且好惹味，唔會好乾，兩款肉類都係好食👍🏻。美中不足嘅就係菜飯，我唔知係咪佢今次煮飯嘅時候多水得滯，啲飯有啲爛，飯粒好似有啲發脹左嘅感覺，其實有啲似隔夜飯重新再加水煮過嘅感覺，呢種飯我就唔鍾意食啦。

無改錯名 👉🏻真係好叉好味😋又係無帶飯既日子，諗完一輪，同同事一齊買咗呢間特別嘅叉燒飯，再加個小食。openRice外賣有八折或者九折柚子蜜叉燒飯（$52）折實價🈹同傳統嘅叉燒味係有啲唔同嘅，但係佢嘅有之物好香，而且啲叉燒肉質好軟熟，一啲都唔會韌。讀開免頭煎蛋，蛋汁包住啲飯撈埋一齊食，好香好好味。佢一桶咁樣，其實都塞得好實好多飯，我同我同事兩個人share都完全夠飽。少少美中不足，係我鍾意食啲乾身啲嘅飯，可能係菜飯，拎到返嚟焗左一個，飯比較濕，不過都係可接受範圍。👌🏻炸蝦角 （$22）折實價🈹有五舊好抵，返公司仲係炸到脆卜卜，亦都有鮮蝦粒係入面㊙️無堂食推薦度（10👍🏻滿）：8👍🏻衞生（10⭐️滿）：8⭐️環境（10⭐️滿）：7⭐️賣相（10⭐️水滿）：8⭐️味道（10⭐️滿）：8⭐️價錢（10⭐️滿）：8⭐️服務（10⭐️滿）：8⭐️地點（10⭐️滿）：8⭐️［好叉好味 (禧利街) (上環)］地址：上環禧利街14號地舖

今日去試左呢間好叉好味，係Openrice提前點外賣自取拎番公司食，可享有九折優惠！佢個太陽蛋非常好食，蛋漿鮮滑，雞皮又脆、雞肉好滑好鬆軟，加埋佢個柚香汁，配合菜飯食起來真係一絕！最難得係佢都只不過係52蚊，但雞多、飯多，味道有中上既質素，大家鐘意食叉雞飯既真係要去試下！仲可以儲印花然後換領飲品、小食同埋套餐飯！午市同同事一齊去買番黎，一次都儲左五六個印花，好快！

係你滿心歡喜買左個黯然銷魂飯但無時間食，結果擺左一個鐘先打開。真心癲，仲暖暖地架，好感動，果隻蛋仲係半生熟！仲識流流地心！！！當然，叉燒先係主角，真係好食！絕對比美傳統燒味味道又唔油唔肥，入口肉質彈牙唔會梅，一啖叉燒一啖菜飯！真係好安慰，而且唔好以為佢細細盒就唔飽，入面d飯壓住架，越筆越多我深信就算係男仔正常食量都會飽！佢其實仲有唔同既配合，可以叫反白飯呀，唔同既醬汁配搭等等，下次有時間再買！但唔知有時間食飯仲應唔應該買外賣尼？

今日再次黎到好叉好味再試下佢個柚香叉雞雙拼，上次試完辛辣，覺得麻麻地，反而柚香應該係最好食果款，香甜得黎，啲濃郁既柚子味滲入雞件及叉燒入面，非常入味，啲叉燒非常軟口，雞扒外皮脆得黎內裡肉質又柔軟，非常高質，埋單$64，唔太貴，抵食！順帶一提，記得用網上平台、手機落單，先可以享有八五折！今次蠢左，隨心Walk in行入去，冇預先落訂，慳少左十幾廿蚊。

簡簡單單嘅一個叉燒飯，就是好食😋Yummy叉燒菜飯配上一個煎雞蛋，係半熟流心蛋，叉燒香甜唔會乾爭爭，飯同肉嘅比例亦好合適，今次係用OpenRice 優惠，真係好抵。

其實係IG 見到呢間餐廳嘅報道已經好想試好耐，但係佢只做外賣，堂食只可以企係到食，令我卻步。今次係上環，咁啱又係要叫外賣，一於試試佢。佢主要有叉燒同烤雞，配上蜜糖、柚子、麻辣、鹹蛋黃四款醬汁，再選配白飯菜飯及沙律，再分兩層放入佢哋個特製紙杯入邊，面頭有一隻煎蛋。拎到外賣，即刻打開影一張相先，熱辣辣。咁似我叫咗黃金叉燒菜飯。拎到上去即刻打開食，荷包蛋煎得啱啱好，蛋黃仲係流心，揭開入邊嘅黃金叉燒，肉厚多汁，一啲都唔鞋，鹹蛋黃醬嘅香味加埋叉燒嘅味道真係一絕，菜飯亦都唔會淋晒，佢完全將我對鹹蛋叉燒菜飯加煎蛋嘅概念完全反轉，我覺得非常好食，下次仲想試埋其他味道，回頭率值80%

之前，見到 Openrice 社交平台 post 介紹這間位於上環禧利街的小店 <好叉好味>，有別於坊間一般燒製叉燒的做法，以焗製方式焗叉燒，火候均勻又慳功夫及時間！付款方式：店方接受多種付款方式，連八達通都有，換言之，消費劵都可以用！店子主打千變萬化配搭的叉燒新食法！ 加上包裝有別於用一般的發泡膠及環保飯盒，選用印有店名及招牌豬樣的大紙杯盛載，成件事即刻變得“潮”！ 透明膠袋袋住，沿禧利街行，其實都幾顯眼！二合一的長膠叉羹十分實用又方便！供應：叉燒飯、雞扒飯，有幾種不同口味，配以白飯或菜飯還有小食、汽水...等。平日中午都幾多人幫襯！WOW 柚香叉燒菜飯 $58一層叉燒、一層菜飯，滿載叉燒粒，落足料！叉燒肉質柔軟多汁，蜜味香甜濃郁！叉燒跟酸甜清新的柚子好夾！醬汁也不可或缺！太陽蛋置頂，將蛋黃汁撈飯，濕潤口感更香滑！至於價位，的確比燒臘店貴一截！ 幸好！其份量及質素搭夠！

滿杯叉燒變半杯叉燒？ 只供外賣嘅好叉好味 平時食佢哋個叉燒菜飯就食得多 諗住加餸買個焦蜜滿杯叉燒（中）一拎出嚟都好正常 番到去先發現原來中size係得半杯吾係話佢呃人嘅 不過同期望有落差lol我寧願佢係細杯嘅但滿晒好過一開出黎以為俾人偷食左一半

好多人聽名以為只有叉燒先係最好食，其實佢既雞都好出色，有三種唔同既口味，而當中我最中意既係焦香雞扒飯，因為甜甜地好開胃，而且佢最上面層放左一個流心蛋（其實每一碗都會放），之後下面有兩層係放雞肉，所以其實佢既送係好多，啖啖口感豐富，所以既甘多人食係有佢既原因