女人街食飯公司

營業中

休息中

香港地道美食🥢🍚【 香港人愛吃女人街食飯公司！！】女人街食飯公司:店內主打70年代香港情懷裡裡外外都有霓虹燈、懷舊招牌、鐵閘等等一定要用「戰鬥碗」喝啤酒，是香港大排檔獨特飲食文化必點美食😋⭐️屋村三鮮(豬生腸鴨腎墨魚)⭐️黑松露蝦多士⭐️白切走地雞⭐️地道咖喱水魷魚📌豉椒炒花甲📌 XO醬馬拉芥蘭煲📌客家煎釀豆腐📌鮮魚湯杞子浸時菜其實每一道菜嘅質素都好好食，而且人均飲埋酒都唔使$400😆😆👍🏻👍🏻👍🏻仲要食足五粒鐘🍻🍺可以慢慢傾偈，服務質素又好，下次一定再介紹朋友一齊食🙋🏻‍♀️

想試呢間餐廳好耐，今晚終於有機會試，原本好期待，但結果係非常失望。一入座，聽員就同我地講要一個鐘內交枱。叫完野食，大約15分鐘後，最後一碟餸先黎到，咁樣我只有45分鐘時間食。這種安排簡直令人難以接受，因為食飯應該是享受，而不是被催促的感覺。係咁短的時間內，職員不停地急急忙忙咁收碟，甚至在我地啲餸菜仲未吃完嘅時候就打斷我地，想收走隻碟。這樣的行為實在讓人感到極討厭，完全沒有顧及客人的感受。餐廳的氣氛應該輕鬆愉快，但這裡的服務態度卻令人不快。而且仲要收加一，性價比極低，根本不值得。食物質素亦未必符合價格，令我更加失望。總之，因為呢次既用餐體驗，之後真係唔會再黎，絕對唔推薦呢間垃圾餐廳。希望其他客人能夠考慮清楚，選擇其他更值得的餐廳享受美食。

🥣 原味老火煲湯（碼另上） $280飲落超濃郁，飲得出佢好足料，其實幾好飲😋 但係佢一開始問我哋要唔要湯個時，我哋以為係普通例湯所以就話要，點知原來佢嘅收費係$280，大約裝到七碗滿嘅，所以建議大家可以喺開頭嘅時候問清楚價錢🥔黑椒蜜餞薯仔牛柳粒 $168牛柳粒好大粒，唔韌，食落唔錯👍🏻 但薯仔就好普通，好似蒸完就炒埋一碟，冇出面炸過好香口嘅感覺，呢碟比起出面嘅唔太甜，冇咁惹味🦐女人街粉絲蝦煲 $208蝦好新鮮，粉絲索曬啲味，好惹味，送飯一流💯🐷鐵板黑椒原隻豬手 $168店員會幫手切開做3大舊，我仲以為佢會切到細細舊，一口size😂 食嘅第一啖好滑，講完食埋淨低個啖又開始有啲韌🦑椒鹽脆鮮魷 $108食落幾香口，炸粉唔算好厚，但如果數量多啲就抵食啲🥚金銀蛋肉碎浸時蔬（娃娃菜） $88大路嘢👌🏻🐔秘製蔥油雞（半隻） $168超推薦！！💯 本身我冇特別鍾意食雞，但呢隻真係好滑好滑！同埋好香蔥油味🦪美國桶蠔（薑蔥焗） $228食落有啲酒味，一煲有7-8隻蠔，又係一半好滑，一半好韌🍚飯（一碗） $15🍺真露燒酒 $42氣泡酒甜甜地幾好飲，但食水有啲深DaiC的話💭：整體價錢貴過出面嘅大排檔，推薦蔥

首先嚟個冷盤先有魷魚、雞腎同生腸～樣樣都幾爽甜鮑魚夠淋身易入口酒味唔太濃剛剛好呢個係每次必點嘅！炸得剛剛好！多士好鬆脆，加上黑松露同埋沙律醬都唔會太油膩蝦都夠新鮮！蟶子炒得入味煎米夠脆，加埋一齊食好搭馬友夠鹹香～夠曬鮮味～蝦夠大隻～撈埋粉絲一齊食勁惹味！送飯一流蜜餞薯仔牛柳粒好好食！牛柳夠嫩，薯仔有甜甜的焦香味！不過略嫌牛柳粒份量少隻雞啖啖肉！夠嫩滑唔嚡口

以現今香港食肆來講，可以做兩輪生意係好勁。之前我去旺角食，係好多中國客，嗰間既環境衞生感覺不太好，地下是黏黏的，但不停有客人來。今次尖沙咀則環境衞生好很多，外國客、本地客、中國客人數持平。訂位時已講明6:30入座、8:15交枱，呢個係大家既共識，但。。。佢地7:30已同我地清晒枱面，我地話仲有甜品未到，執枱男員工話“咁點呀”，哈。。。咪就係未食完咁簡單囉！食完甜品，已 feel 到無形壓力逼我們埋單，我明白你要做生意，但之前既共識又係乜。。。。我地6條友，叫咗6餸1湯：1. 淮山杞子螺頭湯：嗰湯幾清甜，但就5夠入味2. 炸蠔餅：5掂，太多太多炸粉3. 咕嚕肉：好味，走油無搞到嚿肉硬實，恰到好處4. 鍋貼小棠菜：還可以5. XO醬馬拉盞生菜煲：好香，但XO醬同馬拉盞5夠味，只可以話係啫啫生菜煲6. 尖椒醬爆鵝腸：呢個掂，入味，份量都算足7. 脆麻花：呃錢之作，超5抵，又5係平時食既麻花，又扁又實小炒最重要講鍋氣和熱度。。。呢度d 餸菜係溫熱5㷫口

首先呢度環境係不錯嘅，充滿懷舊嘅氣氛前香港大排檔，咁嘅形式。但整體都算幾乾淨。上菜亦都好快。雖然有限時 大約 1小時45分，時間進食。我們是預先訂定枱的，所以很快就有座位。不過可能係平日所以其實人流唔算太多，就算Walk in都冇問題。我們三個人點了一個湯加幾樣餸：杏汁燉豬肺 ： 熱辣辣的湯呈奶色咁，一打開就已經聞到杏香味，口感很滑溜，杏仁味剛好，豬肺淡淡地，不過就炆得好腍，湯入邊仲有白果薏米。「蜜餞金錢膳」這個由白鱔製成的餸菜，味道不錯，甜甜地，然之後又好似有少少豉油味，炒得幾香口，加埋膳的肥香，又幾好食喎。香辣肉碎蟶子配生菜包：如果喜歡食辣的人這個應該很開胃，酸酸辣辣咁。乳鴿一般。椒鹽鮮魷都係一般般。喺前面兩個餸菜比較有驚喜味道不錯。

岑日book左6點15pm 至8點 6點30坐低叫螺頭湯 雞 豉椒聖子 啫啫芥蘭 應該仲有碟魚其實啲野係幾好食 但係啲侍應可唔可以唔好咁煩 每隔一陣就走過黎催你食埋啲野 我地最尾加單叫多個椒鹽鮮魷 咁等緊既時候 係3 分鐘內有三個唔同既侍應走埋黎想清枱 真係好煩擾 都講左兩次有野未到 明明個場仲有一兩張吉枱 出邊又無人等緊位 最尾我地埋單係7點40分 因為真係頂佢地唔順 成餐飯人頭都400蚊 食左一個鐘就趕住走 好似去左食快餐咁 真心無下次

老老實實，啲食物質素真係非常高，每道菜都食到舔舔脷。但係啲侍應嘅服務態度非常之離譜地差。我同啲朋友一行四人, 訂咗枱食星期日晚18:30-20:15嘅時段。差唔多7:45左右，啲服務員就開始不停喺我哋張枱附近行嚟行去，明明啲嘢食未食完就話:「你哋8:15要還枱㗎啦喎，啲嘢食收得未。」個個都黑口黑面，語氣同態度都非常之惡劣! 企到好似security guard咁，感覺就好似無時無刻監察住你。搞到我哋食到好急，傾計都傾得好唔自在。我哋有朋友生日所以買咗個蛋糕最後食。不過由於係咁俾人催，所以成個唱生日歌、影相連埋食蛋糕過程我哋只係用咗10分鐘趕急完成，體驗非常之差。最後我哋喺8:12左右起身離開，有個侍應誇張到連我哋準備走執緊袋嗰一刻都要即刻走過嚟執我哋枱上面嘅碟仲要一嘢好大力咁拍落張枱度。但係我哋食緊飯嘅時候，周圍都有幾張枱係無人坐。完全唔知佢哋催啲乜。所以呢間完全唔係同朋友吹水聚會嘅好選擇。你話我自己一個嗱嗱臨食完就冇所謂啫。真係食到成肚氣。

朋友介紹話環境幾好不過已經提醒我大部分食物都係炸同油膩嘅。本來都唔想去試但係有朋友又想試同埋嗰晚會係尖沙咀所以打個電話去訂幾日後的位。點知6:30打去，接電話個女仕叫我夜啲再打因為佢忙緊。嘩！妳咁好生意我恭喜妳啦！心諗妳都接得電話，咁寫低我要訂位的資料要幾耐啊亞姐😡😡😡今時今日仲有咁的服務態度，香港都係多得呢啲咁有傲氣的人先至有今日。其實我都未食但已經一肚氣，如果去我咁都去食嘅話我咪等於虐待我自己。所以我寧願揀第二間都唔會試，可能老細同員工睇到我的評價都唔會覺得有啲咩嘢但係我唔會祝你哋好運囉

一拖再拖嘅生日飯，呢晚終於成行🥳 嚟朝聖之前我都做定啲功課，聽講佢哋嘅小炒都幾有特色，而且仲裝飾到好似八九十年代嘅舊式大排檔一樣，睇嚟都幾特別，一於去試吓佢😉網民都話佢哋嘅服務麻麻，不過我就覺得成班員工都幾熱情喎🩷 阿姐提議我哋可以試吓佢哋嘅 #杏汁豬肺湯、#黑松露後蝦多士，仲有 #豉椒炒蟶子王，都係師傅拿手之作🤤 之後我哋再加咗幾個 #小炒 同兩支大啤🍻 一於不飽無歸😉杏汁豬肺湯 - 杏汁味唔濃，不過味道幾清甜，啱晒冬天用嚟補一補黑松露醬厚蝦多士 - 厚多士口感比較油膩，加啲黑松露醬喺蝦膠面一齊食，都幾香口嘅豉椒炒蟶子王 - 大大條蟶子非常厚肉，配埋伴碟嘅豉椒、青椒同黃椒一齊食，又幾惹味喎XO醬海鮮小炒王 - 口感比較乾，而且海味比例比較少，不過都幾有鑊氣嘅燒排骨 - 份量非常足夠，味道甜甜地，不過肉質就肥咗啲，鍾意食肥肉嘅一定覺得好香口XO醬馬拉盞芥蘭煲 - 嘅熱辣辣嘅啫啫芥蘭非常有鑊氣，師傅加埋XO醬同馬拉盞落去一齊炒，有點會唔好味喎豉油王龍鬚炒麵 - 食落去麵條好油，主角之一「魷魚鬚」又落得太少，最重要係完全食唔出豉油王嘅鹹香口味，呢個質素以$108嚟講，唔建

女人街食飯公司，位於尖沙咀棉登徑8號凱譽大廈地庫A號舖。 店內裝修以懷舊港式風格為主， 當晚平安夜 十一點幾去食宵夜，點了晚飯三寶$538 ～ 秘製蔥油走地雞、 老陳皮蒸頭腩、 豉椒炒蟶子皇、 屋邨三鮮$98、 藍妹$72。 ▪️秘製蔥油走地雞 ～ 雞肉細嫩，肉質充滿蔥香， 蔥絲很美味。 ▪️老陳皮蒸頭腩 ～ 肉質保持細嫩鮮甜， 啖啖肉幾好味。 ▪️豉椒炒蟶子皇 ～ 蟶子皇口感又爽又鮮甜， 配上三色椒， 超級惹味。 ▪️屋邨三鮮 ～ 有豬生腸、鴨腎和墨魚，爽彈不韌， 配上甜醬和芥末味道更佳。 整體食物質素好，店內懷舊有風格， 下次一定再嚟。🏷️溫馨提示～ 整個用餐體驗均屬個人分享意見， 只作參考😊。

終於Book到同食到啦！入到去比想像中大好多，似舊式大排檔/熟食中心幾迫真。Farewell飯十幾人訂左8:30pm，去到個侍應勁好話我地知得番最後兩煲杏汁豬肺湯(👍🏻👍🏻推介) ，即留！上枱仲會幫大家分一碗碗，呢個豬肺應該係我暫時飲過最好飲最足料😋好滑好濃又有大粒薏米，仲有成碟湯渣可以食埋。黑松露鮮蝦多士(👍🏻👍🏻推介) 必吃！係我食過最好食最鬆脆嘅蝦多士，其他地方食過通常塊包係硬，呢道係鬆脆，黎到d黑松露醬已經撲鼻，連埋蝦膠大大啖好滿足慢煮醉鮑魚(👍🏻👍🏻推介) 係凍食，好彈牙好入味，可以一開二，多d人Share抵d。蟶子肉碎生菜包(👍🏻推介) 第一次見蟶子肉撈埋落去生菜包，咬落更有口感咖哩水魷(👍🏻👍🏻推介) 好足料，咖哩好濃味入味，好岩送酒油鹽水蒸馬友(👍🏻👍🏻推介) 蒸馬友唔多地方有，所以一見就即叫。簡單做法反而食到馬友肉嘅鮮甜，魚肉又滑，油鹽水唔駛蒸魚豉油。炸子雞(👍🏻推介) 大大份好多肉，熱辣辣皮脆肉嫩，圍邊仲有堆印尼蝦片襯埋色蟹粉豆腐：蟹粉係濃味但豆腐無入味，可能只係將蟹粉醬汁淋上面？相對呢道菜就一般鐵板爆大腸金菇肥牛粉絲煲魚香茄子煲

話說朋友介紹話呢度服務好好食物質素又好所以就book同老爺食生日飯結果係大失所望老實講，啲嘢食係好好食嘅開頭嘅服務都可以但係當我哋食到差唔多六七成嘅時候就已經吹住你走Book枱嘅時候講明六點至八點老人家唔識搵呢啲山旮旯地方結果18:15先至到嗌咗幾碟餸，我哋又食得快開心吹水又飲酒去到七點左右已經食得7788但係仲想繼續傾偈但係啲服務員已經喺度猛咁係咁喺你附近枱度巡嚟巡去我嗌咗兩支大啤都未飲完仲有大半支！喂大佬，我坐咗一個鐘都未夠喎話明8:00pm交枱7:00pm已經喺度催住曬本來開頭印象都唔錯，結果就衰收尾！碟菜仲有兩條都未食完！生腸魷魚都仲有兩嚿喺隻碟度已經想收我碟啦。咁仲點坐落去啊？19:15已經要埋單走人！你估仲有冇下次呀？你唔怪得啲香港人返晒大陸消費！最大問題根本冇人喺度等位，點解要吹呢？感受非常之唔好。成年人大家都明白㗎啦，約一餐出嚟食飯有好多時間成本又要約得啱時間、齊人可以一齊食一餐飯已經好困難！難得坐低食飯，但就係俾人吹吹吹極差體驗！作為香港人都好想留港振興香港經濟！但係一日唔改呢啲吹住晒嘅服務！一日都唔使旨意香港人留喺度消費啦！等深圳收香港皮啦。返屋企食冇咁嬲啦⋯⋯

去到餐廳入口有好多人等緊位好彩一早有訂枱啲裝修好特別係以前80年代既香港 有大排檔feel不過就嘈左少少 完全傾唔到計໒꒰ྀི ˃̵ ࿁ ˂̵ ꒱ྀིა同埋不停播生日歌 隔離枱不停乾杯 氣氛係熱鬧開心既 但女仔人家想傾下近況就唔適合啦 青芥沙拉蝦球 $𝟙𝟞𝟠可能我唔係好食得辣 又唔係好鍾意芥末既味道 如果係沙拉蝦球會好啲ᝯ◂ ˃ ᵕ ˂ ▾ಎ↝椒鹽粟米 $𝟟𝟠ʚʕ •̥ ˕ ິก ʔɞ粟米軟身左 金沙脆鮮魷 $𝟙𝟙𝟠金沙炒咩都好好食 ⁎͜⁛不過每人一舊就差唔多食完豉油皇鵝腸 $𝟙𝟝𝟠我鍾意佢底下既芽菜多啲雖然鵝腸幾脆口៸៸᳐>⩊<៸៸᳐𝕏𝕆醬馬拉盞芥蘭煲 $𝟡𝟠用煲去煮 熱力可以持久啲 𝕏𝕆醬加馬拉盞香味夠 *⸜(๑⦁ ▿ ⦁๑)⸝*味道好地道咖哩水魷魚 $𝟞𝟠ᜊ•ᴗ•ᜊ不過不失既咖哩魷魚豉油皇龍鬚炒麵 $𝟙𝟘𝟠要靠個麵充飽7個女仔既肚₍˄ ₗ   ̫ ₗ ˄₎紅燒妙齡鴿 $𝟚𝟘𝟜 𝟛隻我唔食 但同伴話好脆好好食 鮮鳳梨咕嚕肉 $𝟙𝟙𝟠雖然好味但份量有啲細 唔夠分 每人都唔知食唔食到兩啖૮ ˃̵ ֊ ˂̵ ა八味脆豆腐 $𝟞𝟠我覺得比起一般大排檔有啲遜色 香味同味道都差少少可能剛開張無耐 做野

我第一次來這間位於尖沙咀嘅食店，沒想到裝修好有香港大排檔嘅特色，咁样炎熱天氣食都唔洗怕⋯食物方面：本人會推薦大家係「乳鴿」好好食⋯⋯金沙炸魚皮、小炒皇、墨魚餅🐙、咕嚕肉都好味🤤除咗食物之外，真的不能不讚其中有位侍應服務態度超級好，如果香港服務業有多啲这种人，飲食業就必定有望了🙏🏻🙏🏻