奇趣燒鵝大王 (弼街)

咩環境 咩服務我都唔追求 淨係想食下燒味飯一去到問食早餐定正價餐已經唔叫早餐 驚份量少又唔好想食飽d 食返正價$65燒鵝飯一黎到見到幾舊薄如紙都諗住算食左舊肉 發覺唔對路 一反轉全部燒鵝發現比埋d全部骨頭位 又胸骨 又其他部位骨頭肉真係肉既無幾多 $30燒味飯既肉既份量 質素緊係唔值$65 仲衰過人地d$30-40燒味飯講真 早餐燒味仲多過咁價錢貴份量少全部比骨頭位一反轉全部都係骨無咩肉比錢買難受 永遠唔會再食食在乎好過佢多多聲 份量多 質素好過佢 價錢亦無佢咁貴 …查看更多

同朋友太子玩完後，走時候由於落雨關係，打算附近搵地方食，一開始見店面燒味櫃空空如也，心諗「可能收工啦」，但店員超熱情，話未收工，仲好nice咁邀請我哋入去。結果真是一個驚喜發現！😍燒味質素一流，五寶飯（$78），有乳豬、燒鵝、豉油雞、鹹蛋同紅腸，簡直係燒味控嘅天堂！燒鵝油香肉嫩，咬落超juicy；豉油雞入味又滑嫩，鹹蛋同紅腸樣樣都啱晒胃口。乳豬飯（$72），皮脆肉香，份量夠！😋 叉燒飯（$49），叉燒肥瘦剛好，蜜汁烤得外焦內軟，食落真是一個香字！最驚喜係每份飯仲送例湯，湯頭有蠔豉香味，飲落完全唔覺有味精，暖胃又窩心。雖然只剩一份乳豬飯，但師傅好貼心，幫我哋將將五寶飯中的叉燒轉乳豬，仲唔收額外費用，感動！！呢個服務真心要讚！呢份人情味真心暖爆！😊 餐廳環境乾淨企理，雖然簡單但坐得舒適，店員態度親切又熱情，價錢仲好合理，性價比超高！喺太子搵到咁高質燒味，絕對係太子既燒味寶藏！無論係想同小朋友一齊食飯，定係搵個地方食燒味，呢度都好值得一試。強烈推薦！下次一定再嚟！…查看更多

第一次試依間…從未食過一間咁難食嘅燒味飯，買左2盒飯+例湯+乳鴿，阿姐找錢仲要手係向住我…頭係拎左向舖入面，唔係俾幾十蚊就大哂，係一啲對客尊重都無囉！返到屋企一打開…一陣漂白水味🙄以為自己聞錯…一放落口，漂白水味道…丟哂2盒飯🤬應該係無洗乾淨…無下次！…查看更多

喺金魚街燒味好多選擇， 我左諗右諗都係去返呢間買燒肉 （$118斤）， 到比我嗰陣盒燒肉係熱辣辣架， 我拎返屋企都有成個鐘， 打開食重係暖同燒肉皮係鬆脆， 肉唔太咸。 呢間上次食過堂食都有好印象， 所以會繼續幫襯。 …查看更多

今日做嘢經過太子弼街，見到呢間餐廳有下午茶，咁就入去叫咗個雞鴨飯，$43加埋一杯凍奶茶唔算太貴，但係碗飯返嚟到令我眼前一亮，係雞髀加鴨髀份量雖然唔算太多，但係呢個價錢同埋呢兩隻比另我覺得非常之抵食。唯一美中不足嘅係佢冇主動俾埋酸梅醬我。…查看更多